Şahdəniz 2 Layihəsi
Ətraf Mühitə və Sosial-İqtisadi Sahəyə Təsirin
Qiymətləndirilməsi
Fəsil 5
Layihənin təsviri
Noyabr 2013-cü il
Yekun variant
5/53
5.8.3 Boru
kəmərinin quraşdırılması
5.8.3.1 Dənizdə
Dənizdə sualtı boru kəmərinin quraşdırılması işləri üçün “İsrafil Hüseynov” borudüzmə
barjından istifadə edilməsi planlaşdırılır. Quraşdırma işlərinin metodologiyası əvvəlki AÇG
layihələrinə müvafiq olacaq. Boru seksiyaları borulara örtük çəkmə sahələrindən boru daşıyan
gəmilərlə borudüzən barja çatdırılacaq. Səngəçal buxtasının sahilyanı sahəsindən (8m
dərinlikdə) ŞDB platforma kompleksinə doğru sualtı boru kəmərlərinin quraşdırılması üçün
borudüzən barj istifadə ediləcək.
Borudüzmə barjında hər bir boru seksiyası özündən əvvəlki seksiyaya
qaynaq ediləcək,
qaynaq tikişləri vizual şəkildə yoxlanılacaq və QDMS metodlarından istifadə etməklə bütövlük
sınağından keçiriləcək. Sonra isə qaynaq sahəsi korroziya əleyhinə material ilə mühafizə
olunmaq üçün yerindəcə örtüklənəcək. Boru kəməri “stinger” (barjın arxa hissəsindən kənara
uzanan dayaq qolu) vasitəsilə borudüzmə barjının arxa hissəsindən tədricən suya
salınacaqdır. Borudüzən barj boruları S şəklində düzür. Bu o deməkdir ki, boru kəməri dənizin
dibində üfüqü vəziyyətdə düzülür, sonra su səviyyəsindən yuxarı qalxır
və geri gəmiyə doğru
burularaq elə üfüqü vəziyyətə düşür ki, boru kəmərinə üfüqü istiqamətdə boru birləşmələri
əlavə edilir. Borudüzən barjın dartma sistemi borudüzmənin tənzimlənməsini və sabit sürətini
təmin edir, eyni zamanda, boru kəmərinin konstruksiyası üçün təhlükəli olan əyilmə
gərginliyini azaldır (Şəkil 5.17-yə istinad edin).
Şəkil 5.17 S-şəkilli borudüzmə konfiqurasiyası
16" kondensat xətti və 6" MEQ xətti eyni zamanda quraşdırılacaq. 6" boru kəməri ayrıca
qaynaq ediləcək, tamamlanmış seksiyalar isə gəminin arxa tərəfindən hərəkət etdiyinə görə,
mexaniki üsulla bəndlə 16" boru kəmərinə birləşdiriləcək.
Boru seksiyaları göyərtədə qaynaq edilib, yoxlanılıb, örtüklənib,
sonra dəniz dibinə
endirildikcə, barj tədricən irəliyə hərəkət edərək borudüzmə əməliyyatlarını davam etdirəcək.
Barj öz mövqeyində 10 lövbər vasitəsilə saxlanılacaq, onlardan hər biri dəniz dibində
təxminən 20m
2
və 2m dərinlikdə çuxur yaradacaq. Çuxurlar təbii şəkildə vaxt keçdikcə yenidən
torpaqla dolacaq. Borudüzmə işləri davam etdikcə barjı irəliyə hərəkət etdirmək üçün lövbərlər
vaxtaşırı olaraq 2 lövbər daşıyıcı köməkçi gəmi (daha bir gəmi isə ehtiyatda dayanacaq)
vasitəsilə hərəkət etdiriləcək. Bunun məsafəsi müxtəlif olsa da, adətən, hər bir borunun
uzunluğu
qədər yəni, 500 – 600m olur. Borudüzmə barjının yana doğru lövbərsalma məsafəsi
tipik olaraq boru kəmərinin hər iki tərəfində 600 – 700m arasında olacaq. Dənizdə quraşdırma
əməliyyatları boru kəməri dəhlizinin hər iki tərəfindəki 500 m-lik qadağan edilmiş zonada
aparılacaq. Quraşdırma zamanı qadağan edilmiş zonanın siqnal üzgəcləri borudüzən barjın
Şahdəniz 2 Layihəsi
Ətraf Mühitə və Sosial-İqtisadi Sahəyə Təsirin
Qiymətləndirilməsi
Fəsil 5
Layihənin təsviri
Noyabr 2013-cü il
Yekun variant
5/54
ətrafında yerləşdiriləcək və qadağan edilmiş zonanı göstərəcək, başqa gəmilərin iş sahəsinə
daxil olmamasını təmin edəcək. Borudüzmə işləri
davam etdirildikcə, siqnal üzgəcləri marşrut
boyu irəli çəkiləcək.
Boru kəmərlərinin dəniz seksiyaları, ümumilikdə, birbaşa dəniz dibinə düzüləcək və sahilə
yaxın sahədən başqa heç bir yerdə xəndək işləri aparılmayacaq. Birbaşa dəniz dibinə
düzülən hissələrin stabilliyi kəmər uzunluğunun əksər hissəsində beton örtüklərlə təmin
ediləcək
15
. Aralıqlar/boşluqlar sement məhlulu ilə doldurulacaq və əlavə dəstəyin və ya
əhatənin təmin olunması tələb olunduqda daşların atılması da istifadə olunacaq.
Şəkil 5.16-da göstərildiyi kimi, Səngəçaldan təxminən 38km aralıda ŞD2 boru kəmərlərinin
mövcud AÇG və ŞD1 ixrac boru kəmərləri və əlaqədar təchizatlar (məsələn, kabellər) ilə
kəsişməsi planlaşdırılır. Bunlara aşağıdakılar daxildir:
ŞD1 12" Kondensat ixrac boru kəməri (ŞDA-dan Səngəçala), və 4" MEQ
boru kəməri;
ŞD1 26” qaz boru kəməri (ŞDA-dan Səngəçala);
ŞD1 Fibro-optik kabel (Səngəçaldan SDA-ya);
ABƏŞ 14" lay suyu boru kəməri (AÇG-dən Səngəçala);
ABƏŞ 24" neft ixrac boru kəməri (AÇG-dən Səngəçala);
ABƏŞ Fibro-optik kabel (Səngəçaldan AÇG-yə);
ABƏŞ 28" Faza 1, Qaz ixrac boru kəməri (AÇG-dən Səngəçala);
ABƏŞ 30" Faza 1, Neft ixrac boru kəməri (AÇG-dən Səngəçala); və
ABƏŞ 30" Faza 2, Neft ixrac boru kəməri (AÇG-dən Səngəçala).
Bu yerlərdə ŞD2 boru kəmərləri və mövcud boru kəmərləri kabellər arasında minimal ayırıcı
məsafə təmin etmək üçün mövcud boru kəmərlərinin və xidmətlərin hər iki tərəfindən (dalğıc
gəmisindən və ya borudüzən barjdan quraşdırılan) beton boru dirəkləri quraşdırılacaq.
Kəsişmə məsafəsini və dirəklərin ölçüsünü minimallaşdırmaq məqsədilə kəsişmə bucaqları
optimallaşdırılacaq və (mümkün qədər) 90
0
-yə çatdırılacaq. Nəzərdə tutulur ki, bu yolla
mövcud xidmət sistemi örtüksüz və bənzər şəkildə olan təsirlərdən qorunur, əks halda bunu
etməklə mövcud xidmət sisteminə potensial zərər dəyə bilər.
5.8.3.2 Sahilyanı zona
Sahilyanı zonada işə başlamazdan əvvəl boru kəməri sahilə çıxdığı yerdə təhlükəsiz düşərgə
yaratmaq lazımdır və təklif edilən sahilyanı marşrut boyu dənizdə geotexniki tədqiqat
işlərini
aparmaq tələb oluna bilər. Dənizdə geotexniki tədqiqat işlərinə kerna-götürücü alətdən və ya
nümunələrin götürülməsini asanlaşdırmaq üçün lazım olan hallarda bentonit qazma
məhlulundan istifadə edən və dənizə axıdan gəmidə quraşdırılmış qazma qurğusundan
istifadə edərək dəniz dibindən nümunələr götürmək daxil olacaq. Düşərgə üçün sahənin
təmizlənməsi və hamarlanması İİİ iş həcminə daxildir. Düşərgədə aşağıdakı
müvəqqəti
obyektlərin yaradılacağı və sahilyanı boru kəmərinin quraşdırma fəaliyyətləri müddətində
istifadə ediləcəyi nəzərdə tutulur:
Müvəqqəti ofislər və sosial-məişət obyektləri;
Qurğu və avadanlıqlar üçün təhlükəsiz sahə və yanacaq doldurulması; və
Tankerlər üçün yanalma dambaları sahələrindən qazılmış qruntun müvəqqəti
saxlanması üçün sahə (bərpadan əvvəl və çimərlik və hidrosınaq işləri başa çatdıqdan
sonra).
Buna əlavə olaraq, magistral yoldan düşərgəyə yük maşınlarının və ekskavatorların istifadəsi
üçün yararlı, çınqıl daşı ilə örtülmüş müvəqqəti yol inşa ediləcək.
Sahilyanı zonada əvvəlki AÇG və ŞD layihələrindəki ilə eyni sahil boru kəməri quraşdırma
metodologiyası təklif olunur. Sahilyanı zona üçün təklif olunan xəndək qazma metodu Şəkil
5.18-də verilir.
15
MEQ boru kəməri antikorroziya örtüyü ilə təmin olunacaq, lakin kondensat boru kəmərinə birləşdirildiyindən
ballastın təmin edilməsi üçün beton
örtüyünü tələb etməyəcək