Microsoft Word 06 Env Description Final az
Yüklə 5,07 Kb. Pdf görüntüsü
|
- Bu səhifədəki naviqasiya:
- 6.4.4.2 Səth suları
- Şəkil 6.8 Bataqlıq nümunələrinin yerləşməsi və çirklənməsi üzrə müşahidələr, 2011 və 2012-ci illər
- Kimyəvi göstəricilər
Şahdəniz 2 Layihəsi Ətraf Mühitə və Sosial-İqtisadi Sahəyə Təsirin Qiymətləndirilməsi Fəsil 6 Ətraf mühitin təsviri Noyabr 2013-cü il Yekun variant 6/23 olan cəmi bir neçə nəticə bu metallarla, metalloidlərlə və ya təhlil edilmiş BTEK elementləri ilə nəzərəçarpacaq çirklənməni göstərmir. Bununla belə, ŞD2 kondensat çəninə yaxın (lakin ondan xaricdə) ərazidə nümunələr NMÜK, PAK və BTEK orta dərəcədə artmış konsentrasiyasını göstərmişdir. Belə hesab olunur ki, bu, texnoloji suyun saxlanıldığı qonşuluqdakı gölməçədən uzun müddət sızma nəticəsində baş vermişdir. Bunu nəzərə alaraq, ŞD2 kondensat çəni ərazisi daxilində qrunt sularında əvvəldən qalma lokallaşmış karbohidrogen çirklənməsi mövcud ola bilər Həssaslıq Qrunt suları ancaq ŞD2 boru kəmərinin təklif olunan dəhlizi və quruya çıxma sahəsi və ŞD2 kondensat çəni ərazisində aşkar edilmişdir. ŞD2 üzrə təklif edilən boru kəməri dəhlizində qrunt sularının sahilyanı mühit üçün səciyyəvi olması ehtimal edilir. Aşkar edilmiş qrunt sularının Xəzər dənizi ilə hidravlik əlaqəsinin olması mümkün hesab olunur. ŞD2 kondensat çəni ərazisinin yaxınlığında və əvvəllər üçüncü tərəflərin atqılarının təsirinə məruz qalmış bataqlıq sahələrində lokal şəkildə orta səviyyədə karbohidrogen çirklənməsi mövcud ola bilər. Paylanma geoloji şəraitlərlə məhdudlaşsa da, fiziki dağıntı nəticəsində yerini dəyişə bilər. Qrunt sularının yerli icma tərəfindən istehlak və ya sənaye məqsədləri üçün istifadəsi məqsədlə çıxarılması və istifadəsi faktı mövcud deyil, ona görə də bu suların əhəmiyyəti məhduddur. Bununla belə, o, bataqlıq sahələrin və səth suyu hövzələrinin yeraltı qidalanmasını təmin edə bilər. 6.4.4.2 Səth suları Bu bölmədə xüsusi olaraq ŞD2 layihəsinin quruda olan əraziləri daxilində və onun ətrafında mövcud olan su hövzələri, eləcə də daimi və müvəqqəti bataqlıqlarla əlaqədar suyun kimyəvi keyfiyyəti və çöküntülər müzakirə edilir. Yerində aparılmış tədqiqat Nümunə götürmə tədqiqatlarına əlavə olaraq, müəyyən vaxt ərzində toplanmış vizual dəlillər çirklənmənin mənbələrinə və paylanmasına, o cümlədən hər hansı dəyişikliyinə dair məlumat verir. Bataqlıq sahələri daxilində və bataqlıqdan aşağıda yerləşən səth suyu hövzələrində lokallaşmış karbohidrogen çirklənməsi bundan əvvəl müşahidə edilmişdi, lakin hərtərəfli tədqiqat 2011-ci ilin iyun ayında aparılmışdır. Bu zaman yerində hərtərəfli tədqiqat aparıldı və həmin tədqiqat zamanı karbohidrogenlə çirklənmənin bir sıra gizli sahələri aşkar və qeyd edildi. Bunların hamısı neftin üçüncü tərəf mənbələrindən dağılması ilə bağlıdır. Belə hesab olunur ki, çirklənmənin əksəriyyəti RES1 sahəsində böyük dağılmadan yaranıb (Şəkil 6.4-ə istinad edin), bu dağılma səth suyunun axını ilə RES2 sahəsindən keçərək B3 sahəsində hövzənin mənsəbində yığılmışdır. Digər lokallaşdırılmış dağıntılar üçüncü tərəfə aid boru kəmərlərinin yaxınlığında müşahidə edilmişdi, lakin davamlı sızmalar görünməmişdir. Araşdırma məqsədi ilə növbəti baxış və nümunələrin götürülməsi tapşırığı 2012-ci ilin aprel ayında yerinə yetirilmişdir. Bu zaman, 2011-ci ilin iyun ayından bəri çirkləndiricilərin yayılmasındakı dəyişikliklər yoxlanılmış və bura, mövcud terminalın cənub istiqamətində üçüncü tərəfə aid boru kəməri dəhlizindəki daimi və müvəqqəti (mövsümi) bataqlıqlaşmış ərazilər daxil olmuşdur. 2011-ci ilin iyun ayında və 2012-ci ilin aprel ayında ciddi çirkləndiyi müşahidə olunan ərazilər Şəkil 6.8-də göstərilir. Şahdəniz 2 Layihəsi Ətraf Mühitə və Sosial-İqtisadi Sahəyə Təsirin Qiymətləndirilməsi Fəsil 6 Ətraf mühitin təsviri Noyabr 2013-cü il Yekun variant 6/24 Şəkil 6.8 Bataqlıq nümunələrinin yerləşməsi və çirklənməsi üzrə müşahidələr, 2011 və 2012-ci illər 2012-ci ilin aprel ayında da 2011-ci ilin uyun ayında olduğu kimi Səngəçal Elektrik Stansiyasının şərqi sərhədinə bitişik bataqlıq sahədə havanın təsirinə məruz qalmış sərbəst fazlı neft çirklənməsi aşkar edildi. Bu çirklənmə bataqlıq axını ilə şərqə və cənuba doğru yayılaraq novların girişində, sıx qamışlıq sahələrin ətrafında toplanmış və çöküntülərə ilişib qalmışdır, bəzi yerlərdə belə çirklənmiş çöküntülərin üstü təmiz, yeni gətirilmiş çöküntülərlə örtülmüşdür. Hövzənin daha aşağı hissələrindən alınmış nümunələrdə nəzərəçarpacaq qalıq çirklənmə izi aşkar edilmədi. 2012-ci ilin aprel ayında üçüncü tərəfə aid boru kəməri dəhlizinin şimal hissəsi daxilində ayrıca, gizli sərbəst neft çirklənməsi aşkar edilmişdi ki, bunun qonşuluqdakı üçüncü tərəfə aid boru kəmərindən dağılması nəticəsində yaranması təxmin olunur. Sahə, tədqiqat zamanı nisbətən quru idi, lakin qalıq su gölməçələri qalmışdı ki, bu da ərazinin uzun müddətli yağışlar zamanı su ilə basılmasına işarədir. Kimyəvi göstəricilər Aydınlıq üçün vizual müşahidələr əsasında kimyəvi göstəricilər daimi və müvəqqəti bataqlıq sahəsindən toplanan nümunələrə və ŞD2 layihəsinin quruda olan sahələrində ümumi su hövzələrindən toplanan nümunələrə bölünmüşdü. Nümunələrin götürülmə yerləri Şəkil 6.8-də verilmişdir Ümumi səth suyu hövzələrindən alınmış nümunələrin təhlil nəticələri Cədvəl 6.7 və 6.8-də verilmişdir. Bu nümunələrdə duzluluq səviyyəsi aşağıdır və potensial qeyri-üzvi çirkləndiricilərin zəif konsentrasiyası və BOD 5 müşahidə olunur. ŞD2 layihəsi dəhlizi daxilində 2006-cı ildə WS2 sahəsindən əldə edilmiş nümunələrdə yüksək NMÜK konsentrasiyaları qeyd edildi, 2008-ci il nümunələrində isə belə konsentrasiya yox idi; eyni zamanda 2010-cu ilin noyabrında WS6 sahəsindən əldə edilmiş nümunələrdə yüksək NMÜK konsentrasiyaları qeyd edildi, 2008-ci ildə və ya 2010-cu ilin iyul ayında toplanmış nümunələrdə isə belə konsentrasiya müşahidə edilməmişdi. Yüklə 5,07 Kb. Dostları ilə paylaş:
|