44
1. Uyğunluğu müəyyən edin:
2. Generalizasiyanın müvafiq olaraq ən çox və ən az olduğu miqyaslar hansılardır?
A.
1: 600 000 və 1 : 2 000 000
B.
1: 3 000 000 və 1 : 1 000 000
C.
1 : 6 000 000 və 1 : 25 00 0000
D.
1: 200 000 və 1 :25 00 0000
E.
1: 2000 və 1: 500 000
3.
Dünya xəritəsinə əsasən müəyyən edin.
a.
Xəritədə daha çox və daha az təhrifə məruz qalmış ərazilər hansılardır?
b.
Qrenlandiyanın sahəsi 2,2 mln.km
2
, Afrikanın sahəsi isə 30 mln.km
2
-dir. Lakin xəritədə
Qrenlandiyanın sahəsi Afrikanın sahəsi boyda təsvir olunub.
Bunu necə izah etmək olar?
4. Miqyası
1:30.000.000 olan xəritədə 0° uzunluq üzrə 15° şm.e.-də yerləşən
A nöqtəsi ilə
15° c.e.-də yerləşən
B nöqtəsi arasında məsafə 10 sm. verilmişdir. Bu məsafəni miqyasa
və meridian qövsünə görə hesablayın və təhrifin neçə km olduğunu müəyyən edin.
5. Hansı xəritələrdə təhriflər nisbətən az olar?
1.
Yarımkürələrin
xəritəsi
2.
Dünyanın bərabərbucaqlı proyeksiyada tərtib edilmiş xəritəsi
3.
Dünyanın bərabərsahəli proyeksiyada tərtib edilmiş xəritəsi
4.
Afrikanın
xəritəsi
5.
Bakının topoqrafik xəritəsi
6.
Dünyanın ixtiyari proyeksiyada tərtib edilmiş xəritəsi
Ü m u m i l ə ş d i r i c i t a p ş ı r ı q l a r
I. Konus
proyeksiyaları
a.
Paralellər qövsvarı formada,
meridianlar isə bir nöqtədən
çıxan düz xətlər formasında təsvir olunur.
b.
47° və 62° enliklərdə təhriflər olmur.
c.
Qlobus ekvator boyunca silindrə toxunur.
d.
Azərbaycanın xəritələri bu proyeksiyada tərtib edilir.
e.
Meridian və paralellər düz bucaq altında kəsişirlər.
f.
Qütbətrafı ərazilər daha çox təhrif edilir.
II. Silindirik
proyeksiyalar
Qrenlandiya
LAYİHƏ
45
• III •
Yer qabığının inkişaf tarixi
•
III
Y
ERİN GEOLOJİ İNKİŞAFI
Yerin planetar inkişafı ilkin Dünya okeanının – Pantalasın yaranması
ilə sona çatmışdır. Bundan sonra Yerin inkişafının yeni mərhələsi
başlandı.
– Planetar inkişafın sonunda Yerin hansı təbəqələri mövcud idi?
– Yerin təbəqələrinin formalaşmasında hansı proseslərin rolu
olmuşdur?
İlkin okeanın yaranmasından indiyə qədər olan mərhələ Yerin
geoloji inkişaf
mərhələsi adlanır. 4–4,5 mlrd. ili əhatə edən bu mərhələdə Yer qabığı formalaşmış
və indiki şəklini almışdır. Geoloji mərhələdə Yer qabığının təbəqələri yaranmış,
onun üzərində dağlar və düzənliklər əmələ gəlmişdir.
Yer qabığının
sxemini təhlil edin və suallara cavab verin: 1. Yer qabığı hansı süxur qat-
larından təşkil olunmuşdur? 2. Süxurlar mənşəyinə görə hansı qruplara bölünür? 3. Yer qabığının
hansı təbəqəsi daha əvvəl yaranmışdır?
Materik
Yer qabığının qatları
Okean
Yer qabığının qatları
1.
2.
3.
1.
2.
Müzakirə edin: – Sxemə əsasən materik və
okean Yer qabığının fərqli xüsusiyyətlərini
müəyyənləşdirin.
Geoloji mərhələnin başlanğıcında Yer qabığı nazik olduğundan litosfer tavala-
rının fəal vulkanizmlə müşayiət edilən intensiv hərəkəti baş vermişdir. Onların sər-
hədlərində müxtəlif relyef formaları yaranmışdır. Bəzi hissələrdə Yer qabığı tədricən
qalınlaşmış, vulkanizm prosesləri dayanmışdır.
Sxemlərdə litosfer tavalarının hansı tip sərhəd zonaları təsvir
edilmişdir? Bu zonalarda yaranan coörafi obyektləri yadınıza
salın.
Müzakirə edin: – Hazırda litosfer tavalarının hərəkəti nəticəsində okeanların və materiklə-
rin sahələri necə dəyişir?
Sxemlər
a b c
Yaranan coğrafi
obyektlər
F Ə A L İ Y Y Ə T
2
12
F Ə A L İ Y Y Ə T
1
YER QABIĞININ
İNKİŞAF TARİXİ
III
Ekvator
Pantalas
PANGEYA
c
b
a
LAYİHƏ
46
Yerdə okeanların əmələ gəlməsi ilə rütubət dövranı
baş vermişdir. Nəticədə quruda səth suları meydana gəl-
miş və relyefin formalaşmasında mühüm rol oynayan
xarici proseslər inkişaf etmişdir. Yerin təbəqələrinin
qarşılıqlı təsiri ilə canlılar əmələ gəlmiş, süxurlarda bitki
və heyvan qalıqları toplanmağa başlamışdır. Həyat inkişaf etdikcə ali canlılar olan
insanların yaranması üçün təbii şərait yaranmışdır.
İslandiyada “Tinqvedlir” milli parkında litosfer tava-
larının hərəkətini müşahidə etmək mümkündür. Fəal
vulkanik zona ilə əhatə olunan park ərazisində
Amerika və Avrasiya tavaları bir-birindən ildə 2 sm
aralanır. Bəzi yerlərdə dərinliyi 60 m olan tektonik
çatlar təmiz soyuq su ilə doludur.
Yerin geoloji inkişafını öyrənmək məqsədi
ilə süxurların
nisbi və mütləq yaşı müəyyən
edilir.
Nisbi yaş süxurların bir-birinə nəzərən təyin edilən yaşıdır. Bu yaş süxurların
yatım ardıcıllığına, tərkibindəki bitki və heyvan qalıqlarına əsasən müəyyən edilir. Alt
qatlarda yerləşən süxurlar üst qatdakı süxurlara nisbətən daha qədimdir.
Mütləq yaş süxurların yarandığı vaxtdan dövrümüzə qədər keçən illərin miqdarıdır. Bu yaş
süxurların tərkibində olan radioaktiv elementlərin (uran, torium, radium) parçalanma
müddətinə görə təyin edilir. Yer qabığında olan uran fasiləsiz surətdə helium və
qurğuşuna parçalanır. Helium tədricən səpələnir, qurğuşun isə süxurun tərkibində qalır.
Uranın parçalanma müddəti məlum olduğu üçün süxurların tərkibində qalan qurğuşunun
miqdarına görə onların neçə il əvvəl yarandığı təyin edilir.
Süxurlardakı daşlaşmış bitki və heyvan qalıqlarına əsasən onların yaşadıqları
dövr müəyyən edilir. Bu qalıqların quruluşu paleontologiya elmi tərəfindən
öyrənilir, onların yaşadığı dövrdə Yerdə hansı iqlim şəraitinin olduğu haqqında məlumatlar
əldə edilir. Bu məlumatlar əsasında Yerdə hansı dövrlərdə iqlimin isti, yaxud soyuq olması
müəyyən edilir.
Yerin geoloji inkişaf tarixi ən böyük zaman vahidi olan
eonlara (yun. “aion” –
əsr) –
Kriptozoy və
Fanerozoya bölünür. Eonlar eralara, eralar isə dövrlərə ayrılır.
Kriptozoy eonunda yaranan süxurlarda canlı orqanizm qalıqları tapılmadığı üçün,
“gizli həyat” eonu adlanır. Buna səbəb o zamankı canlıların onurğasız olmasıdır.
Günümüzə qədər davam edən Fanerozoy eonunun süxurlarında isə orqanizmlərin
skeletləri formalaşdığı üçün zəngin bitki və heyvan qalıqları müəyyən edilmişdir.
Bu,
“aşkar həyat” eonu adlanır. Bütün geoloji vaxt vahidləri
bir-birindən baş verən
geoloji proseslərə və canlı aləmin inkişafına görə fərqlənir. Yerin geoloji inkişafı
geoxronoloji cədvəldə əks olunur.
Coğrafiya
və
Fizika
Açar sözlər
geoloji mərhələ
nisbi və mütləq geoloji yaş
geoloji eon, era və dövrlər
“Tinqvedlir” milli parkında
tektonik çatlar.
Bu, maraqlıdır!
Bu, maraqlıdır!
LAYİHƏ