Microsoft Word A. Cemil secilmis eserler temiz variant secilmis eserler 111. doc
Yüklə 1,18 Mb. Pdf görüntüsü
|
Сечилмиш ясярляри 9 ÈØIQLAR, PßRVANßLßR Адил Ъямил 10 Сечилмиш ясярляри 11 AZƏRBAYCANIM Dəli çaylarının səsində muğam, Bu səs ürəyimin başından keçər. A doğma məskənim, a isti yuvam, Taleyim yazından, qışından keçər. Çəkmə gözlərimə dumanı-çəni Qoy sənə yaxından baxım, ey Vətən. Qışda torpağına qarışdır məni Baharda göyərib çıxım, ey Vətən… Ən uca zirvəndə ocaq qalaram, Ürəyim isinər od-ocağında. Çiçəkli çölündə ölüb qalaram, Qalmaram yad elin yad qucağında. Sən mənim gözümdə uludan ulu, Mən səni od-alov yaşıdı billəm. Dəysəm bir daşına gözüyumulu Doğma diyarımın daşıdı, billəm… Buludlu göyümdə aya çevrilib Qaranlıq gecəmə boylanmısan sən. Havaya çevrilib, suya çevrilib Ömrümə-günümə paylanmısan sən. Köksündə kök atan bir ağacam mən, Üzümə baxmasan quruya billəm. Sən məni oğultək yetişdirmisən, Mən səni Vətəntək qoruya biləm!.. 1978 Адил Ъямил 12 QURBAN OLUM Dağın döşündəki balaca kəndi Dünyanın ən böyük kəndi bilmişəm. Elsiz-obasızın mayası kəmdi, El-oba nə imiş indi bilmişəm, elimə qurban olum. Məndən incimişdi dağ çiçəkləri, Məni çiçəklərlə barışdırdılar. Ağgünlü kəndimin ağbirçəkləri Məni şirin dillə danışdırdılar — dilimə qurban olum. Dağların qarı tək əriyər ahım, Xalqımın qədrini bilərəmsə mən. Bu yerlər ömürlük ziyarətgahım — Belə bir obada ölərəmsə mən, ölümə qurban olum!.. 1978 Сечилмиш ясярляри 13 DÜNYANIN XƏRİTƏSİ Baxıram dünyanın xəritəsinə, Dənizlər bölünüb, göllər bölünüb. Baxıram dolaşıq Yer kürəsinə Ölkələr bölünüb, ellər bölünüb. Bölünüb bölünmüş torpaqlar yenə - Bir xalqın yurduna min xətt çəkiblər. Cadarlı çöllərə su əvəzinə Tikanlı məftildən sərhəd çəkiblər. Millət var, yadlaşıb yad dilləriylə, Doğma laylası da bölük-bölükdür. Sərhədlər bu yüngül məftilləriylə Torpağın çiynində ən ağır yükdür. Ölkə var, buludsuz göylərindəki Ulduzlar əbədi sayrışıbdılar. Ölkə var, qonaqlıq süfrəsi təki Bəlalı başına yığışıbdılar. Analar görürəm əli dizində, Sızlayır mehri də, məhəbbəti də. Elə bil dünyanın xəritəsində Bölünüb dünyanın səadəti də… 1978 Адил Ъямил 14 BU BAHAR Bu bahar gəlmədi sükut içində, Bu bahar gəlmədi bulud içində; Onun bu gəlişi haylı-haraylı, Gündüzü günəşli, gecəsi aylı. Bu bahar torpağa, insana həyan, Torpaq da, insan da onu sayıbdır. O bahar könlümdə tumurcuqlayan Bu bahar ömrümdə yarpaqlayıbdır. Dağlarım yamyaşıl, çaylarım gümüş, Gözüm ağacların boy artımında. Bu bahar nə yaman sehirli imiş, Min çiçək açıbdır hər addımında. Çıxın görüşünə qızaranda dan - Bir də düşəcəkmi ələ bu bahar?.. Amandır, ayılın qış yuxusundan, Amandır, qoymayın ölə bu bahar!.. Dünyanın baharı, dünyanın yazı - Elə bu bahardan başladı bəlkə… Dünyanın alnına baharı yazın - Bu bahar ömürlük yaşadı bəlkə. 1978 Сечилмиш ясярляри 15 NOVXANI BAĞLARI Bu yerlər eləcə yaşıla çalır, Başqa boyaların kasadlığıdır. Çəpərlər alçalıb, bağlar ucalır – Ağaclar torpağın azadlığıdır. Yarpaqlar gözümün yaşıl eynəyi, Bu yaşıl baxışda bir dünya heyrət. Töküldü üstümə durna lələyi – Torpaqda vətən var, səmada qürbət. Sübhün şeh düzümü yaşıl muncuqtək Ağacların yaşıl qolunda yandı. Günəşin özü də yaşıl işıqtək Göylərin təyyarə yolunda yandı. …Bu yerlər eləcə yaşıla çalır, Başqa boyaların kasadlığıdır. Çəpərlər alçalır, bağlar ucalır – Ağaclar torpağın azadlığıdır. 1978 Адил Ъямил 16 AĞ YAĞIŞ Alça çiçəyitək ağappaq yağış Mənim pəncərəmdə puçurlayıbdır. İldırım çırpdıqca boz buludları Torpağın «dodağı» uçuqlayıbdır. Boz bulud üzümə bozarıb mənim, Ağ yağış yamanca ağ eləyibdir. Bulud damcı-damcı tökülüb yerə, Yağış çəmən-çəmən çiçəkləyibdir. Kimsə bu yağışın üşəntisində Nə günəş gəzəcək, nə gizlənəcək; Bir qızın qızılı saçlarındaca Bu yağış oxşanıb əzizlənəcək. Gümüş gölməçəyə dönüb bu yağış Yaşayır günəşdən xəbərsiz, uzaq. Gərək küçələri qurutmaq üçün Şəhəri günəşin telindən asaq. Günəş doğulacaq, şəfəq yağacaq Köçən buludların yır-yığışından. Bir bəyaz xatirə qalacaq mənə Baharlı günlərin ağ yağışından!.. 1979 Yüklə 1,18 Mb. Dostları ilə paylaş:
|