88
a) geomorfoloji rayonların və ya relyef tiplərinin
sərhədlərinin dəqiqləşdirilməsi;
b) tektonik çatlar, qırılmalar və ya lineamentlərin
sıxlaşma sahələrinin sərhədləndirilməsi;
v) ərazinin eroziyaya məruz qalması və ya açılma
dərəcəsinin qiymətləndirilməsi.
Ortamiqyaslı kosmik şəkillər yerüstü və aerovizual işlərlə
birlikdə ortamiqyaslı sel xəritələrinin tərtibi zamanı sel
hövzələrini tiplərə ayırmaq üçün lazımi sahələrdə istifadə edilə
bilər.
3.3. Distansion zondlamanın buzlaq əyalətlərin
öyrənilməsində tətbiqi
Distansion zondlamanın materialları müasir buzlaq
əyalətlərini öyrənərkən tətbiq edilə bilər. Iri buzlaqlar və buz
massivləri müxtəlif miqyaslı distansion zondlama
materiallarında aşkar olunur (xüsusən əgər, şəkillər yay fəslinin
sonunda çəkilibsə; çünki bu vaxt dağlarda qar ərimiş olur). Bu
cür şəkillərdə buzlaq əmələ gətirən sahələr və ablyasiya sahələri
yaxşı seçilir. Buz şəkillərinin, yan və son morenlərin vəziyyəti,
buzlaqların morfoloji tipləri (dərə, çökəklik, karst və s.) təyin
edilir. Ritmik hərəkət edən buzlaqların monitorinqi üçün (daimi
müşahidə üçün) kosmik şəkillərin əhəmiyyətini xüsusi qeyd
etmək lazımdır.
Distansion materialların tətbiqi qar uçqunlarını (dağ
yamaclarından qar kütlələrinin qəflətən yerini dəyişməsi və ya
uçması) öyrənərkən qiymətli informasiya almağa imkan yaradır,
çünki kosmik şəkillərdə qar uçqunlarının yaranması baş verə
bilən iri qar yığımı hövzələrini (karstlar, troqlar, erozion
dərələr, denudasion çökəklər və s.) ayırmaq və sərhədləndirmək
və həmçinin onların formaları, ölçüləri dərinliyi, səthin
meyilliyi, bitki örtüyünün xarakteri haqqıda lazımi məlumat
almaq mümkün olur.
Kosmik informasıyadan istifadə nəticəsində, xüsusi-
likdən ümumiliyə doğru tədqiqatlarla xarakterizə olunan,
yerüstü və aerogeoloji işlərə, kosmik şəkillərin işlənməsinə xas
olan ümumilikdən xüsusiliyə doğru üsul əlavə olunur. Bu da
müsbət nəticələrə gətirib çıxarır və müxtəlif səhvlərin
mümkünlüyünü azaldır. Lakin mühəndisi – geoloji tədqiqat-
lardan ənənəvi kompleks – aerofotoplanalma, aerovizual və
yerüstü çöl işlərini ayırmaq olmaz.
Distansion zondlamanın materiallarını tətbiq etməklə,
sahənin geokrioloji şəraitinin öyrənilməsi və xəritələnməsi
landşaft üsuluna əsaslanır və şəkillərin xüsusi deşifrələn-
məsindən və deşifrələmənin nəticələrinin interpretasiya-sından
ibarətdir. Rusiyanın, Kanadanın şimal rayonlarında və digər
rayonlarda daimi donma hadisəsi və proseslərin tədqiqinin
təcrübəsi göstərmişdir ki, geokriologiyada distan-sion zondlama
materiallarının müxtəlif növlərinin tətbiqinə baxmayaraq,
çoxzonalı kosmik fotoşəkillər daha effektli olur.
MKF –6 kamerası ilə alınmış, çoxzonalı kosmik şəkillər
yüksək informasiya imkanlarına malikdir, kiçik və ortamiqyaslı
90
daimi donma xəritələrinin tərtibi üçün yaradılır. Qeyd etmək
lazımdır ki, kosmik şəkillərin geokrioloji interpretasiyasının
spesifikası deşifrələnmələrin və hesablama üsullarının birgə
tətbiqi ilə bağlıdır. Bu zaman landşaft deşifrələnməsinin nəticəsi
həm hesablama vaxtı ilkin məlumatların alınması üçün, həm də
onun nəti-cələrinin qiymətləndirilməsi korrelyasiyası üçün
istifadə edilir.
Hidrogeoloji tədqiqatlarda kosmik informasiyanın dəyəri
ondan ibarətdir ki, distansion zondlamanın materialları
tədqiqatçılara yeraltı suların dinamikasına təsir göstərə bilən
sturuktur (plikativ və dizyunktiv) formaların yerinin təyinində
kömək edir.
3.4. Hidrogeoloji tədqiqatlarda kosmik planalma
Hidrogeoloji tədqiqatlarda kosmik planalma materi-alları
aşağıdakı məsələlərin həllində öz tətbiqini tapa bilər: - yeraltı
suların yayılmasının regional qanunauyğunluğunu öyrənərkən;
kiçik və ortamiqyaslı hidrogeoloji xəritələmə və rayonlaşdırma
apararkən; yerüstü və yeraltı axımların formalaşması şəraitini
tədqiq edərkən və yerüstü və yeraltı suların qarşılıqlı əlaqəsini
qiymətləndirərkən.
Hazırda kosmik şəkillər çay dərələrində, qumlu mas-
sivlərdə, qırılmaların və süxurların yüksək çatlılığının sulu
zonalarında, gətirmə konuslarında və karst inkişaf etmiş
sahələrdə yeraltı suların ümumi və dəqiq axtarışı zamanı
istifadə edilir.
Ümumi axtarışlar zamanı distansion zondlama
materiallarının istifadəsi aşağıdakıları tərtib etməyə imkan verir:
1) landşaft – indikasion xəritə; 2) hidrogeoloji rayonlaşdırmanın
xüsusi xəritələri; 3) yeraltı suların axtarışı üçün perspektiv olan
sahələrin xəritələri; 4) yeraltı suların dəqiq axtarışı üçün
tövsiyyə.
Distansion zondlama materiallarının deşifrələnməsi dəqiq
axtarış işləri üçün məcburi elementlərdir. Deşifrələnmə
nəticəsində alınmış informasiya axtarış zamanı istifadə olunan
hidrogeoloji xəritələrin ümumi informativliyini artırır, yerüstü
nöqtəvi və profil müşahidələrini ərazidə hidrogeoloji şəraitlə
vahid şəkildə bağlamağa və yerüstü işlərin aparılmasını daha
effektiv planlaşdırmağa imkan yaradır.
Bu məsələlərin həllində, öyrənilən ərazidə əsas sahələri
və regional profilləri səmərəli yerləşdirməyə imkan yaradan
distansion zondlama materiallarının çöl işlərinə başlamazdan
əvvəlki deşifrələnməsi böyük əhəmiyyət kəsb edir.
Landşaftın fizionomik komponentlərinin formalaşma-sına
fəal təsir göstərən, səthə yaxın yeraltı suların hidroin-dikasiyası
çox vaxt kök sisteminin bitki – hidroindika-torlarının
dərinliyinə getməsi ilə təyin edilir. Burada deşif-rələmə nisbətən
yaxşı işlənmiş geobotaniki, geomorfoloji və kompleks landşaft
indikatorları sisteminə əsaslanır. Kök sisteminin sərhəddindən
təsir göstərməyən yeraltı suların hidroindikasiyası, yeraltı
suların minerallaşmasına təsir edən atmosfer çöküntülərinin
infiltrasiyasının qiymətləndirilməsinə əsaslanır.
Dostları ilə paylaş: |