56
Müsəlmanlar arasında Məryəm bəzi xristian sektalarda
olduğundan daha hörmətlidir. O, Allahın seçdiyi günahsız, saf
bir qızdır; Məhəmməd ona qarşı dərin ehtiram hissləri bəsləyir;
öz qızı Fatimə haqqında o deyir: “İlahi ruhun anası olan
Məryəmdən sonra Fatimə ikinci qadındır”. O, İsanın təlimini
özünəməxsus tərzdə dərk etmişdi və Məhəmmədin yaratdığı
din, onun təbirincə, İsanın dininin təhrif olunmasına qarşı eti-
razın təzahürü idi; Quranda tez-tez təkrar olunur: “Mən İsanın
təliminin həqiqətlərini bərpa etmək üçün gəlmişəm”
89
.
Məşhur ingilis şərqşünası Maks Müller yazırdı: “İllər ötəcək
və xristianlar Məhəmmədi İsanın silahdaşı, islam dinini isə
xristianlığın məzhəbi kimi tanıyacaqlar; və onda həm xristian-
lar, həm də müsəlmanlar onların tarixində baş verən mübarizə
və qarşıdurmalara təəccüb edəcəklər”
90
. Bizim rus mütəfək-
kirlərimiz V.Solovyov və Petrov da bu fikirdədirlər. Lakin,
əfsus ki, geniş kütlə bu ideyalardan xeyli uzaqdır, Məhəmməd
və onun təlimi haqqında, demək olar ki, orta əsrlərdə hökm
sürən fikir də qalmaqda davam edir. O, müsəlman xalqlarının
müasir vəziyyətinin, onların siyasi zəifliyinin, əxlaqi iflasının,
sosial dağınıqlığının səbəblərini yalnız islamın təsirində görür
və dərk edə bilmir ki, həyatın canlı amili olan insan passiv ola
bilməz, din isə, bir abstraksiya kimi, öz-özlüyündə gücsüzdür
və həyatı istədiyi tərzdə yeniləşdirə bilmir, nəhayət, dinlər və
onların daşıyıcıları arasında hiss olunmayan daimi aktiv qar-
şılıqlı fəaliyyət mövcuddur; dinlər yarandığı ilk çağlarda insan-
ların maddi və mənəvi tələbatlarını əks etdirdiyi səviyyədə
onlara güclü təkanverici təsir göstərərək, sonrakı dövrlərdə
özləri dəyişən həyat şəraitinin təsirinə məruz qalır, yaranmış
şəraitə uyğunlaşmağa çalışır, bir sözlə, təkamül qanunlarına
uyğun dəyişir, yeniləşmiş həyat tərzinə uyğun olaraq haradasa
pozulur, digər yerlərdə yaxşılaşır; nəticədə eyni bir dinin
zəminində müxtəlif yeni məzhəblər, yozumlar və təlimlər
89
Bax: Sabluqovun Quranın tərcüməsi.
90
Max Muller. “The Mahomet and the Mahometism”.
57
yaranır; ibtidai xristianlığı orta əsrlər, reformasiya dövrünün və
bu günün xristianlığı ilə müqayisə edin; kifayət qədər qəti
prinsiplərə malik olan bu dinin nə cür parçalamalara, dəyişik-
liklərə, yozumlara məruz qaldığını xatırlayın! İslamda da hə-
min proseslər baş verirdi; saysız-hesabsız məzhəb və yozumları
bir kənara qoyaq, çağdaş müsəlman qadınının düşdüyü vəziy-
yəti, islamın onun üçün yaratdığı – ibtidai islam cəmiyyətində
həyat sürdüyü qadının həyatı ilə müqayisə edək.
İlk növbədə, qeyd etmək lazımdır ki, islamaqədərki ərəb-
lərin həyat şəraitini tədqiq etmədən, o dövrdə ərəb qadınının və
qonşu xalqlarda qadınların vəziyyəti ilə tanış olmadan islamın
qadına münasibəti haqqında danışmaq qeyri-mümkündür.
Yalnız bu yolla – yeganə düzgün və səmərəli üsulla – islamın
qadın məsələsinin inkişafındakı rolu haqqında, Məhəmmədin
ümumiyyətlə, qadın və xüsusilə, ərəb qadını üçün gördüyü işlər
haqqında tam, hərtərəfli mühakimə yürütmək olar. Sadaladı-
ğımız vacib rasional şərtlər islamın qadın məsələsinin həllinin
və xüsusilə, ərəb qadını üçün etdikləri haqqında mühakimə
yürütmək üçün imkanlar açır.
Bir çox tədqiqatçılar bu üsuldan imtina edir və bu səbəbdən
onların mülahizələri, elmi libasına və ciddi görkəminə baxma-
yaraq, səthi-aprior xarakter daşıyır. Müsəlman qadınının
bugünkü vəziyyətinə istinad edərək, onlar islam dini haqqında
aprior nəticələrə gəlir, çünki bu vəziyyətin səbəbini yalnız
dində görürlər; bu cür metod asan və əlverişli olsa da, əslində
tarixi baxımdan heç bir məna daşımır. Əgər biz Avropada XIII,
yaxud XIV yüzilliklərdə baş verən dəhşətləri – simoniyanı,
indulgensiyanı, inkvizisiyanı, müxtəlif autodafları, dini təqib-
ləri və işgəncələri xristianlığın təsiri ilə əlaqələndirsəydik, bizə
nə deyərdilər? Söz yox ki, bu cür “məntiq” yalnız gülüş doğura
bilər, doğurmağa qadirdir, bugünkü islam isə məhz özünün
“orta əsrlər”ini yaşayır; müsəlmanların indiki çatışmazlıqları-
nın islam dini ilə əlaqələri, orta əsrlər Avropasının çatışmaz-
lıqlarının xristianlıqla əlaqələri qədərdir; o dövrün xristianları
58
öz dinini dərk etmədiyi kimi indiki müsəlmanlar da islamı dərk
etmirlər; onların çatışmazlıq və qüsurlarının islam dini ilə
əlaqələri orta əsrlərdə katoliklərin çatışmazlıq və qüsurlarının
xristianlıqla əlaqəsi qədərdir. Bunun səbəblərini dində deyil,
digər səbəblərdə – əksər hallarda islam dininə zidd olan amil-
lərin təsirində axtarmaq lazımdır. Əbədi mərhəməti, ədaləti və
zəkanı, axirəti, ruhun əbədiliyini, xeyir və şərə görə əcr qəbul
edən bir din bu cür qəbahətlərə yol verə bilməz. Müsəlman
Anakreonu Ömər Xəyyam deyirdi: “İslamın özü heç bir qüsura
malik deyil, bütün qüsurlar bizim müsəlmançılığımızdadır”
91
.
Cümlə müsəlmanların çağdaş vəziyyətini müvəqqəti kənara
qoyaraq, nəzəri baxımdan islam təliminin qadına münasibəti
məsələsini araşdıraq; əvvəlcə oxucunu Məhəmmədin dövrün-
dəki Ərəbistanda və ümumiyyətlə, Şərqdə qadının vəziyyəti ilə
tanış edəcəyik, sonra isə peyğəmbərin qadınlar üçün gördüyü,
yaxud görmək istədiyi tədbirlər haqqında danışacağıq. Bu cür
münasibət bir tərəfdən, bizə gələcəkdə – müsəlmanlar islam
dinini daha yaxşı dərk etdiyi dövrlərdə – qadının vəziyyətini
təsəvvür etməkdə kömək edəcək, digər tərəfdən isə, məsələyə
səthi yanaşan bəzi tədqiqatçı alimlərin çoxarvadlılığa görə
islama qarşı irəli sürdüyü iradların səbəblərini izah etmək üçün
şərait yaradacaq.
Ərəbistanda və onu əhatə edən ölkələrdə islamaqədərki
dövrlərdə qadının vəziyyəti həqiqi mənada dəhşətli idi. Məsə-
lən, İranda o, sözün tam mənasında, qula çevrilmişdi; o, hətta
işığa həsrət idi; mülki qanunlar qadınların satılmasını təmin
edirdi
92
; dini qanunlar, ana, bacı və digər yaxın qohumlarla ailə
qurmağa icazə verirdi
93
. Qadının həyatında hamıya məlum olan
günlərdə onlar (İranda) evlərindən uzaqlaşıb daxmalarda
yaşamalı idi; onlara qida gətirən adamlar burun və qulaqlarını
tıxayıb, əllərinə əski dolayırdılar; nəinki o qadınlara toxunmaq,
91
Ömər Xəyyam. “Rübailər”.
92
Firdovsi. “Şahnamə”.
93
“Zende Avesta”. Iames Darmesteter.
Dostları ilə paylaş: |