85
daha əmin oldum ki, bu xüsusiyyəti insanda görmək yalnız
İlahi qüvvəyə malik vergili adamlara nəsib ola bilər. Əlbəttə ki,
bu cür adamları Allah- təalaya sonsuz məhəbbət duyğusu
bəsləyən, gecə-gündüz onu Yaradanı vəsf etməkdən
yorulmayan, nadanları haqqın dərgahına üz tutmağa sövq edən,
pis əməllərdən çəkindirən, amalı dara düşmüş insanlara
təmənnasız kömək əlini uzadan, xeyirxah, nəcib əməlləri ilə
kimsəsizlərə ümid çırağı yandıran müqəddəslərdən hesab
etmək olar.
İmamirə xanımın ötəri də olsa, mənə göstərdiyi
“ Balaxanım ocağı” adlı kitabda anasının adına Qazaxda
müqəddəs bir torpağın olması barədəki bilikləri əxz edəndən
sonra bir daha düşünməyə məcbur oldum.
İmamirə xanım qarşımda dayanıb dedi: “ Bilirəm, kitab
yazırsan. Nə olar bir kitab da Balaxanım ananın ocağından
yaz da... Onda ocaq sənin işlərinə kömək edər”. Düzü, həmin
vaxt əlimdə işim çox idi, növbəti kitabımı çapa hazırlayırdım.
Amma İmamirə xanıma söz verdim ki, əlimdəki kitabı nəşr
etdirdikdən sonra ocaq haqqında mütləq yazacağam. Həmin
söhbətdən bir həftə keçəndən sonra yenə də İmamirə xanımla
görüşdük. O dedi: “Yadında saxla, ocaqdan yazmadın.
Müqəddəs Balaxanım ananın ruhu daim mənimlədir. O,
məni qoruduğu kimi sizləri də qoruyur. Belə bir adamdan
niyə yazmırsınız, niyə ocağa tərəf bir addım gəlməkdən
çəkinirsiniz? Əgər siz ona tərəf bir addım gəlsəniz, ocaq sizə
tərəf iki addım gələr”. Mən həmin anda İmamirə xanıma heç
bir söz demədim. Dedim, görüm daxilən keçirdiyim təlaşı
(əlbəttə, bunu özümdən başqa heç kəs bilmirdi) bu dəfə o, hiss
edəcək, ya yox. Ondan ayrılıb sakitcə öz otağıma girdim və
qapını da örtdüm. Bir azca özümlə baş-başa qalmaq istəyirdim.
Onu da xatırladım ki, İmamirə xanımla ilk tanışlığımız vaxtı
onun barəsində qəzetdə yazı dərc edilməsini istəyəndə, mən
müxbirlərdən birinə tapşırmışdım ki, xanımın arzusunu yerinə
yetirsinlər. Növbəti saylarımızın birində İmamirə xanım və
86
Balaxanım ananın ocağı barədə qəzetdə maraqlı bir yazı verdik.
Ancaq bu dəfə İmamirə xanım təkid edirdi ki, onun haqqında
mən yazım. Həmin vaxt otaqda başımı əllərimin arasına alıb
dərin fikirə getmişdim. Elə bu zaman qapı açıldı, İmamirə
xanım içəri girdi:
- Ölüm, (O, xatirini çox istədiyi adamlara belə müraciət
edirdi -C.Z.) mən səni başa düşürəm. Sən indi çox çətin
vəziyyətdəsən. Təmiz oğlansan, adamlara tez inanırsan, ona
görə də həmişə aldanırsan.Hamıya kömək etmək istəyirsən,
amma elə şeylər var ki, o sənin imkanın xaricindədir. Özün
barəndə çox az düşünürsən. Dostların sənin xətrini çox
istəyir. Onlar sənə kömək etməyə hazırdılar. Sadəcə olaraq,
sən utanırsan, çəkinirsən... Mən sənə kömək edəcəyəm.
Anamın ruhu özü sənin bağlı yollarını açacaq. Sənin
haqqında yuxarılarda danışırlar, tezliklə onlarla
görüşəcəksən. - dedi.
Həqiqətən iki gündən sonra vəzifəli bir şəxs məni yanına dəvət
edərək, düşdüyüm vəziyyətdən çıxmaq üçün mənə kömək
etmək istədiyini bildirdi. Həmin şəxs mənə münasib bir iş təklif
etdi. Mən tərəddüd etmədən bu təklifi qəbul etdim.
Mən sakitcə dayanıb İmamirə xanıma baxırdım, sanki
sehrlənmişdim. O, mənə yaxınlaşıb əlləri ilə başımı dönə-dönə
ovxaladı, kürəyimə əlini çəkdi. Ondan sonra özümdə bir
yüngüllük hiss etdim. Gördüm ki, İmamirə xanım həm də
böyük ürək sahibidir. Onun xeyirxah qəlbi daim insanların
üzünə açıqdır. Mən elə bilirdim ki, İmamirə xanım məndən
inciyib.
Sonradan dostum, qardaşım, eyni zamanda həmkarım Akif
Şahverdiyevin İmamirə xanım haqqında kitab yazdığını
eşidəndə çox sevindim və həm də ürəyimdəki narahatçılığa son
qoyuldu. Balaxanım ananın ocağından və onun xeyirxah varisi
İmamirə xanımdan asılı olmayaraq qəlbən, ruhən Balaxanım
ananın müqəddəs ocağına böyük inam bəsləyəcəyəm. Qoy, bu
87
ocağın istisi daş qəlbli insanların ürəklərini qızdırsın, onların
könüllərində əlsiz-ayaqsızlara, kimsəsizlərə qarşı rəhm,
mərhəmət hissi oyatsın, işığı isə qaranlıq qəlbləri, yolları nura
boyasın. Amin!
“Senzura” qəzeti, 14 may 2009 - cu il.
88
Nadir kəşfin müəllifi azərbaycanlı
qadındır
Yer üzünün əşrəfi sayılan insan yarandığı gündən öz zəkası,
ağlı, düşüncəsi, yaratdığı möhtəşəm ədəbi- mədəni abidələri,
elmi kəşfləri ilə həmişə bəşəriyyəti heyrətə salmışdır. Bu da
onun zəkasının intəhasızlığını bir daha sübut edir. Möcüzələr
yaradan insanın həqiqətən də dərkedilməzliyinə şübhə ilə
yanaşılmasına heç bir əsas qalmır.
Bu gün dərin zəka sahiblərindən birini, gənc olmasına
baxmayaraq, dilçilik sahəsində 400 çap vərəqi, həmçinin artıq
5 cildlik əsəri ilə elm aləmini heyrətə salan, Evrika Beynəlxalq
Linqvistik Elmi Araşdırmalar Mərkəzinin prezidenti Qənirə
xanım Bəyzadəni oxucularımıza təqdim etmək istəyirik.
Gənc tədqiqatçı- dilçinin “Mətn sintaksisinin aktual
problemləri” adlı 10.000 səhifəlik, 5 cildlik elmi əsəri tam
hazırdır. Bu, 5 cildlik elmi əsərin “Mülahizələr, isbatlar,
sübutlar” (I cild, 800 səhifə) və “Mətn sintaksisinin
problemlərinə bir nəzər” (II cild, 460 səhifə) iki cildliyi artıq
işıq üzü görüb.
Dilçilik sahəsində tanınmış alim, filologiya elmləri doktoru,
professor Ağamusa Axundov Qənirə xanımın araşdırmalarını
elm aləminə indiyə qədər məlum olmayan, tamamilə yeni
keyfiyyətli- abstract- konkret vahid kimi frazafövqü vahidin
bütünlüklə insan təfəkkürünün inkişafının “sıçrayışına” səbəb
ola biləcək bəşəri xidmt olduğunu vurğulayır. Professorun
fikrincə, Beynəlxalq miqyasda “Mətn dilçiliyi” sahəsində ilk
kamil konsepsiya Qənirə xanım Bəyzadənin 5 cidlik əsərində
formalaşdırılır. Bu, 20-30 ilin tədqiqatının məhsuludur.
Bu baxımdan Qənirə xanım zamanı ən azı 60-70 il
qabaqlamışdır.
Dostları ilə paylaş: |