89
Gənc tədqiqatçının yaratdığı bu konsepsiya BMT xətti ilə
Beynəlxalq aləmə yayılacaq, daha doğrusu, YUNESKO- nun
“Elm, təhsil, mədəniyyət” üzrə inkişaf proqramının son
bəndləri məhz həmin elmi istiqamətə görə qurulacaq.
Qənirə xanımın fikrincə, insan təfəkkürünün inkişafı elə həddə
çata bilər ki, o özü bilgisayar səviyyəsini ötüb keçər. Yeni
keyfiyyətli abstract-konkret vahid fizika, riyaziyyat, fəlsəfə,
məntiq, psixologiya və s. elm sahələrinin tamamilə yeni
aspektdən tədqiq edilməsini də reallıq qarşısında qoyur. Belə
olarsa, insanla bilgisayar heç bir əlavə vasitə olmadan üz-üzə
ünsiyyətdə ola bilər. Bu da bəşəriyyəti düşündürən ən böyük
problemlərdən biridir.
Qənirə xanım artıq 5 vahid kəşf etmişdir. Yuxarıda qeyd
etdiyimiz bir vahid insanı bilgisayarın qulu olmasından necə
xilas etməyin elmi yollarından bəhs edilir. Qalan dörd vahidin
hərəsi öz çərçivəsi dairəsində dil yarusunda yerləşdiyi kimi
insan təfəkkürünün inkişafında məqamına görə rolu var.
Tədqiqatçının fikrincə, insanın öz-özünün dərki ilk məktəb
illərindən başlayır.Tədrisin başlanğıcı da əlifbadan,
qrammatikanın öyrənilməsindən, yəni dil yaruslarının bir-bir
tədrisindən sayılır.
Bu baxımdan Qənirə xanımın tərtib etdiyi dil strukturu
uşaqların obyektiv gerçəkliyi daha dərindən qavraması üçün
tutarlı dəlil ola bilər.
Onu da qeyd edək ki, 10 min səhifəlik bu əsərin Ginnesin
“Rekordlar”ı kitabına düşməsi ehtimalı var.
Elmi fundamental tədqiqat əsərlərinə görə akademik Yusif
Məmmədəliyev adına mükafata layiq görülmüş Qənirə xanım
Bəyzadə, həmçinin “Kitabi-Dədə Qorqud dastanlarında
frazafövqi vahidlərin antisinasiyası” və “Dədə Qorqud
dünyası, müdriklik dünyası” adlı kitablarını “Kitabi-Dədə
Qorqud”un 1300 illik yubileyinə hədiyyə etmişdir.
Qənirə xanım eyni zamanda gözəl şairə, gözəl dramaturq və
gözəl dizaynerdir.
90
Onun “Oğurlanmış yuxu”,“Bir qəlbin himni”,“Ümid
ver” şeirlər kitabı artıq Oklahoma (ABŞ) universitetinin
müəllim və tələbələri tərəfindən müzakirəolunmuşdur.
Şeirlərində insan saflığı, nəcibliyi, mərdliyi, xeyirxahlığı,
dostluğu tərənnüm edən Qənirə xanım eyni zamanda
riyakarlığa, təmənna güdməyə qarşı barışmazdır.
Qənirə xanımın bu yaxınlarda Amerikada “Nəğməm sərili
qaldı” şeirlər kitabı nəşr olunmuşdur. O, Oklahoma (ABŞ)
universitetinin professoru, şairə, etnoqraf, arxeoloq, rəssam və
iş adamı Suzan Smitlə yaradıcılıq əlaqələrinə görə ən yaxın
rəfiqədir. Bu qiyabı görüş Qənirə xanım Bəyzadənin çapdan
çıxmış “Mətn sintaksisinin problemlərinə bir nəzər”
ikicildliyi və yuxarıda adları çəkilən şeirlər kitabları vasitəsilə
olmuşdur.Elmi və bədii yaradıcılığına məftun olmuş Suzan
Smit Qənirə xanımı görmək üçün 20 günlük Bakıda səfərdə
olmuşdur.Bu müddət ərzində hər iki şairə bir-birini daha
yaxından tanımış və bir çox elmi və ədəbi diskussiyalarda
iştirak etmişlər. Suzan Smit görüş zamanı qeyd etmişdir ki,
Qənirə xanımın siyasi motivli şeirlərinə Amerika bəstəkarları
musiqi yazmış, klip çəkmişlər.Onlar belə fikrə gəliblər ki,
Suzan Smitin şeirlərini Azərbaycan dilində çap etsinlər.
Həmkarlar eyni zamanda birgə yaradıcılığa məşğul olmağa da
razılıq veriblər.Onlar birlikdə “Eyni planetin ayrı-ayrı
qitələrinin eyni düşüncə tərzi” adlı yeni fəlsəfi- psixoloji esse
yazmağı qərara alıblar. Qənirə xanım həm də Amerikanın
müxtəlif ştatlarının universitetlərində mühazirələr oxumağa
dəvət olunub.
Azərbaycanlı xanım dünyanın müxtəlif ölkələrindən orada
yaşamaq təklifi alsa da, bu şirnikləndirici təkliflərdən imtina
etmiş, “Heç kimin küncünə qısılmaram” cavabını vermişdir.
Əksinə, o özü xarici həmkarlarını Azərbaycanda onun
rəhbərliyi altında tədqiqat aparmağa, pedaqoji istiqamətli
kurslar keçməyə dəvət etmişdir: “Bir halda ki, yaratdığım
konsepsiyaya dünyanın ehtiyacı var, qoy onlar mənim
91
Vətənimə buyursunlar. Vətənim heç bir ölkədən əksik deyil,
bütün iqtisadi çətinliklərə baxmayaraq, biz də istənilən şəraiti
yaratmağa qabilik”,- demişdir. Bu mərkəzin yaranma
səbəblərindən biri türkdilli ölkələrdə, o cümlədən Şərqdə
Qərbi Avropa və ABŞ- a nisbətən social elmlərin inkişaf
səviyyəsinin xeyli aşağı olması, dilçiiyin son sahələrinin heç
birinin müstəqil elm sahəsi kimi öyrənilib tədris edilməməsidir.
Qənirə xanımın fikrincə, mərkəzin fəaliyyəti 3-4
istiqamətdə: elmi-tədqiqat (ilk illərdə dilçiliyin və
ədəbiyyatşünaslığın tamamilə öyrənilməyən sahələrindən,
sonra isə bütövlükdəsocial elm sahəsinin müxtəlif elm sahələri
ilə differensiyası və inteqrasiyası tələbini əsas götürmək);
təhsilin müxtəlif pillələri üzrə adı çəkilən sahələr üzrə pedaqoji
kadrların hazırlaması; elmi-metodik məcmuə, kitablar,
bülletenlərin nəşri; konsepsiyaya uyğun olaraq “təfəkkürün
sıçrayışı”proqramı üzrə müxtəlif pilləli tədris müəssisələrinin
fəaliyyətinə nail olmaq və özünü maliyyələşdirmək üçün
müvafiq yardımçı fəaliyyət dairələrini qura bilmək
istiqamətində qruplaşmalıdır.
İlkin mərhələdə isə tədqiqat və pedaqoji təkamülü işlərlə
yanaşı, qeyri-adi istedadlı yetim uşaqlar üçün (əsasən şəhid
balaları nəzərdə tutulur) internat- məktəbi açmaq nəzərdə
tutulur.
Bu danılmaz həqiqətdir ki, hər hansı bir dövrdəki elmi kəşfin
bütünlüklə qavranılması, mahiyyətinin olduğu kimi
açıqlanması və qiymətləndirilməsi uzun bir tarixi zaman tələb
edir. Qənirə xanımın kəşf etdiyi vahid və bütünlükdə yaratdığı
konsepsiya artıq mütəxəssislər tərəfindən “Bəşəriyyətə
kosmik təfəkkürün inkişafı yollarını aşkarlayan” bir kəşf və
konsepsiya kimi öz qiymətini almışdır. Məlum həqiqətdir ki, bi
konsepsiyanın beynəlxalq miqyasda yayılması və qəbul
olunması dərsliklərlə yanaşı, tədqiqat aspektinin də (dilçiliyin)
dəyişməsi ilə nəticələnəcəkdir. Sözün əsl mənasında bu
istiqamətdə “inqilab” olacaqdır.
Dostları ilə paylaş: |