22
Dünyanın bütün sivil və inkişaf etmiş ölkələrində aqrar
elmi yüksək inkişaf edən bir sahədir. Akademik Əhməd
Mahmudov bunun nə dərəcədə böyük əhəmiyyət kəsb
etdiyini cəsarətlə qeyd edir, böyük potensial imkanlara malik
olan respublikamızda da bu elmin inkişafı üçün böyük əmək
sərf edirdi. Əhməd Mahmudov sözün əsl mənasında Azər-
baycan torpağının imkanları haqqında geniş informasiyaya,
biliyə malik idi. O, tədqiqatlarında inandırıcı faktlarla sübut
edirdi ki, respublikanın kənd təsərrüfatının strukturu
təkmilləşdirilməlidir, onun maddi-texniki bazasının yenidən
qurulması üçün sərf ediləcək maddi-maliyyə resursları
yüksək səmərə ilə nəticələnəcəkdir. Ə. Mahmudov aqrar
sahəyə dövlət himayəsinin güclənməsini təklif edir və bu
zaman dünya təcrübəsinə əsaslanmağı tövsiyə edirdi.
Əhməd Mahmudov kənd təsərrüfatının intensivləş-
dirilməsi problemləri, eyni torpaq sahəsinə əlavə vəsait
qoyuluşu və əmək sərfi nəticəsində ikinci diferensial
rentanın yaranması sahəsində geniş tədqiqat işləri aparan
görkəmli sovet alimlərindən biri hesab olunur. Geniş təkrar
istehsalın bir forması kimi çıxış edən istehsalın intensivləş-
dirilməsi, məhsul istehsalını artırmaq məqsədilə vahid torpaq
sahəsinə əlavə vəsait qoyuluşu və əmək sərfini nəzərdə
tuturdu. Heç təsadüfi deyildir ki, Ə.Mahmudov öz tədqiqat-
larında torpaqdan istifadə, onun iqtisadi münbitliyi, kənd
təsərrüfatında torpağın başlıca istehsal vasitəsi kimi malik
olduğu spesifik xüsusiyyətləri məsələlərinə hərtərəfli və
dərindən yanaşır və sübut edirdi ki, torpağın malik olduğu bu
xüsusiyyətlər kənd təsərrüfatının intensivləşdirilməsinin
kökündə durur, əlavə vəsait qoyuluşu nəticəsində istifadə
23
edilən torpaq sahəsinin hər hektarından məhsul istehsalının
artırılması zəruridir, mümkündür.
Eyni torpaq sahəsinə səmərəli investisiya qoyuluşunun
nəticəsində onun təbii münbitliyi daima bərpa olunur və yeni
iqtisadi münbitlik yaranır. Bu sahədə müəllifin tədqiqat-
larında intensivləşmənin amilləri müəyyənləşdirilərək
sistemləşdirilmişdir. Bu amillər onun tərəfindən iki qrupda
birləşdirilmişdir:
təbii amillər istehsalın təbii-zəruri əsasını və fərqlərini
yaradır, istehsalda yüksək intensiv texnologiyaların tətbiqi,
onun ixtisaslaşdırılması
və
təmərküzləşdirilməsinin
optimallaşdırılması yolu ilə intensivləşdirilməsinə imkan
verir;
təsərrüfatın intensivləşdirilməsinin texniki-iqtisadi
amilləri təsərrüfatın iqtisadi vəziyyətindən və onun lazımi
əlavə material məsrəflərini sərf edilməsi imkanlarından
asılıdır.
Müəllif öz tədqiqatlarında intensivləşdirmənin bu iki
qrup amilləri arasında yaranmış qeyri-mütənasibliyi aşkar
etmiş və aradan qaldırılmasının konkret yol və metodlarını
vermişdir. Onun bir sıra elmi əsərlərində kənd təsərrüfatının
intensivləşdirilməsinin ümumi xarakteristikası, torpaq və
əkin sahələrinin quruluşu, istehsalın və əməyin texnika ilə
silahlanması, kənd təsərrüfatının enerji resurslarına tələbatı
və respublika iqtisadiyyatının intensivləşdirilməsinin
xüsusiyyətləri təhlil edilir.
Ə.Ə.Mahmudovun əsərlərində texniki tərəqqi ilə
əlaqədar olaraq istehsalın intensivləşdirilməsi mənbələrinə,
24
amillərinə və stimullaşdırılmasının tədqiqinə xeyli yer
verilir.
Ə.Ə.Mahmudovun elmi axtarışlarında aqrar-sənaye
inteqrasiyası, ictimai istehsalın intensivləşdirilməsi, əmək
ehtiyatlarından səmərəli istifadə edilməsi, əmək məhsul-
darlığının yüksəldilməsi, təsərrüfat hesabı kimi problemlərin
tədqiqi əsas yer tutur. O, kənd təsərrüfatının hərtərəfli
intensivləşdirilməsinin aqrar-sənaye kompleksinə daxil olan
bütün sahələrə təsir edəcəyini tutarlı elmi nəticələri ilə sübut
edirdi. Bununla əlaqədar olaraq Əhməd Mahmudov həm-
çinin aqrar-sənaye kompleksinin formalaşması, onun iqtisadi
və sosial inkişaf yolu, müttəfiq respublika şəraitində aqrar
sənaye kompleksində elmi-texniki tərəqqinin kompleks
proqramının işlənib hazırlanması və həyata keçirilməsi
məsələlərini öyrənilməsinə geniş yer verirdi. Zəngin
materiallar əsasında təsərrüfatlararası kooperasiya və aqrar-
sənaye inteqrasiyası zəminində kənd təsərrüfatının ixtisaslaş-
dırılması və təmərküzləşdirilməsi, aqrar-sənaye birliklərinin
və müəssisələrinin yaradılması sahəsində Azərbaycanın
təcrübəsini ümumiləşdirir və müvafiq qanunauyğunluqlar
müəyyən edirdi. Sonra o, məhsulların daşınması, tədarük,
kənd təsərrüfatı və yeyinti məhsullarının emalı və
saxlanması da daxil olmaqla ASK-nın bir müstəqil planlaş-
dırma obyekti kimi öyrənilməsinin zəruriliyini irəli sürürdü.
Əhməd müəllimin ciddi seçimi, tələbkarlığı və birbaşa
rəhbərliyi altında fəaliyyət göstərən tədqiqatçılar sonralar
respublikada aqrar iqtisadi məktəbin yaranmasını və
müstəqil bir elmi istiqamətin, məktəbin əsası qoyuldu. Heç
də təsadüfi deyildir ki, respublikada bu potensial əsasında
25
1962-ci ilin may ayında Elmi-Tədqiqat Kənd Təsərrüfatının
İqtisadiyyatı İnstitutu fəaliyyətə başladı.
Əhməd Mahmudov səmərəli aqrar siyasətin forma-
laşdırılması və həyata keçirilməsini ASK-da səmərəliliyin
yüksəldilməsi, onun sənaye əsaslarında qurulmasını, istehsal
vasitələrinin və iş qüvvəsinin keyfiyyətcə köklü surətdə
dəyişdirilməsinin, yeni peşə və ixtisasların yaranması ilə
qarşılıqlı əlaqədə tədqiq edirdi.
Müəllifin əsərlərində ASK-nın sferalarının balanslaş-
dırılması, proporsional inkişafı və təkrar istehsal prosesinin
fazaları məsələlərinə də xüsusi fikir verilərək qeyd olunur ki,
bu nisbətlərin pozulması istehsalın səmərəliliyini aşağı salır.
O ilk dəfə kompleks hesablamalar nəticəsində ASK-nın ayrı-
ayrı sferaları və təkrar istehsal prosesi fazaları arasında olan
disproporsiyaları müəyyənləşdirir. Əhməd Mahmudov haqlı
olaraq göstərirdi ki, bu disproporsiyalar ASK-nın üç sferası
arasında, yəni kənd təsərrüfatı üçün istehsal vasitələri
istehsal edən sahələr, kənd təsərrüfatı məhsulları istehsalı və
bu xammal emal edən istehsal gücləri, məhsulların daşın-
ması, saxlanması, kənd təsərrüfatı texnikasının təmirə olan
tələbatı ilə onun keyfiyyətli surətdə həyata keçirilməsinin
mövcud imkanları arasında təzahür edir. Bu disproporsiya-
ların əsaslı vəsait qoyuluşu, onun quruluşunun dəyişdiril-
məsi, əlavə investisiya qoyuluşunun məqsədəuyğun olaraq
yenidən bölüşdürülməsi yolu ilə aradan qaldırılması təklifini
irəli sürürdü.
Qeyd etmək lazımdır ki, daha sonralar müəllif istehsalın
intensivləşdirilməsi sahəsində tədqiqatlarını genişləndirərək,
bütünlükdə ictimai istehsalı əhatə edir. Bu baxımdan onun
Dostları ilə paylaş: |