304
təşkilati və iqtisadi amillərinin müəyyənləşdirilməsinə, aqrar
sahədə istehsal resurslarından səmərəli istifadəni təmin
etmək üçün mövcud çatışmamazlıqların, zəif yerlərin aradan
qaldırılaraq elmi-texniki tərəqqinin son nailiyyətlərinin
tətbiqinə, qabaqcıl ölkələrin iş təcrübəsinin geniş miqyasda
yayılmasına, kooperasiya və inteqrasiya əlaqələrinin
müəyyənləşdirilməsinə, dövlət tənzimlənməsinin iqtisadi
mexanizminin formalaşdırılmasına xüsusi diqqət yetirmişdir.
2004-cü ildə dissertasiyasında qaldırdığı məsələlərin praktiki
tətbiqi ilə əlaqədar olaraq Az.ETKTİ və Tİ-də yeni
yaradılmış “Analitik təhlil” şöbəsinin müdiri vəzifəsinə təyin
edilib. 2004-2007 illərdə həmin şöbəyə rəhbərlik edərək
Azərbaycan Respublikası Kənd Təsərrüfatı Nazirliyinin,
Aqrar Elm Mərkəzinin, elmi-tədqiqat institutlarının
tədqiqatlarının nəticələrinin, torpaq sahələrini və mülki-
yyətçiləri, maddi-texniki resursların qiymətləri, yükdaşıma
tarifləri, idxal olunan kənd təsərrüfatı məhsullarının orta
qiymətləri, idxal-ixrac rejimləri, emal müəssisələri, kənd
təsərrüfatı məhsullarının bazar qiymətləri və məhsuldarlığı
haqqında məlumatların müntəzəm toplanılması, monitorinqi,
təhlili, praktik tövsiyələrin hazırlanması və onların operativ
surətdə fermer və müvafiq dövlət orqanlarına çatdırılması
prosesinin qurulmasında və dayanaqlı vəziyyətə gətiril-
məsində aktiv iştirak edib.
Mikroiqtisadiyyat və idarəetmə standartları Q.Şərifovun
maraq dairəsində olan sahələrdəndir. O, müxtəlif beynəlxalq
standartlarının əsasında qurulan idarəetmə sistemlərinin
tətbiqi üzrə ekspert-məsləhətçi və İSO 9001: 2008
(keyfiyyətin idarəedilməsi) standartı üzrə beynəlxalq
305
kvalifikasiyalı auditordur. Onun rəhbərliyi ilə Azərbaycan
iqtisadiyyatının müxtəlif səhələrini təmsil edən 40-a yaxın
müəssisəsidə İSO 9001, OHSAS 18001 və İSO 14001
standartları əsasında uğurlu layihələr həyata keçirilmişdir.
Son illər qida zəncirinin müxtəlif mərhələlərinə aid ISO
22006, GAP və İSO 22000 standartları üzrə tədqiqatlar
aparmaqdadır.
Q.Şərifov Dünya Bankının Dövlət İnvestisiyaları üzrə
Kadr Potensialının Gücləndirilməsi Layihəsinin rəsmi
təlimçisidir (
www.dikpgl.az
), Azərbaycan Respublikası
Standartlaşma, Metrologiya və Patentləşmə üzrə Dövlət
Komitəsinin Keyfiyyətin idarə olunması sahəsi üzrə Texniki
Komitəsinin üzvüdür.
306
Şəfiyev Məhərrəm Əhər oğlu
Şəfiyev Məhərrəm Əhər oğlu 1962-
ci ildə Bərdə rayonunun Hüseyinbəyli
kəndində anadan olmuşdur .
1969-cu ildə Bərdə rayon Böyük
Qəcər kənd orta məktəbinin birinci
sinfinə getmişdir. 1979-cu ildə Bərdə
rayon Şirvanlı kənd orta məktəbinin
onuncu sinfini bitirmişdir. 1980-ci ildə
Bərdə rayon 26 Bakı komissarı adına kolxozda əmək
fəaliyyətinə başlamışdır. l982-1984-cü illərdə Hərbi
xidmətdə olmuşdur. 1984-cü ildən 26 Bakı komissarı adına
kolxozda əmək fəaliyyətini davam etdirərək kolxozçu və
sahə mexaniki işləmişdir. 1990-cı ildə S. Ağamalı oğlu
adına Azərbaycan Kənd Təsərrüfatı Akademiyasına qəbul
olmuş, 1996-cı ildə Kənd Təsərüfatının, mexanikləşdirilməsi
üzrə mühəndis mexanik ixtisasına yiyələnmişdir. 1992-2000-
ci illərdə Bərdə rayon Tədarük və Satış bazasının müdiri
vəzifəsində işləmişdir.
2000-ci ildə Bərdə «Çörək» ASC-nin idarə heyətinin
Sədri vəzifəsinə seçilmiş və hazırda da bu vəzifədə çalışır.
2000-ci ildən Yeni Azərbaycan Partiyasının üzvüdür.
2004-cü ildə Yeni Azərbaycan partiyası Bordo «Çörək»
ASC-nin ərazi ilk təşkilatına sədr seçilmişdir. 2000-ci ildə
Azərbaycan Respublikası Prezidenti yanında Dövlət
İdarəçilik Akademiyasının Siyasi İdarəetmə fakültəsinin
hüquqşunaslıq ixtisası üzrə ali məktəbə qəbul olmuş, 2003-
cü ildə həmin məktəbi fərqlənmə ilə bitirmişdir. 2004-cü
307
ildən Azərbaycan Elmi- Tədqiqat Kənd Təsərrüfatının
İqtisadiyyatı və Təşkili İnsitutunun dissertantı olmuşdur.
2009-cu ilin 26 noyabr tarixində “Azərbaycanda taxıl
istehsalı və onun artırılması yolları” mövzusunda
dissertasiya işini müdafiə edərək, iqtisad elmləri üzrə fəlsəfə
doktoru elmi dərəcəsi almışdır.
Dissertasiya işində əsasən, Azərbaycan Respublikası
əhalisinin ərzaq təhlükəsizliyinin təmin olunmasında taxıl
istehsalı və onun artırılması yolları araşdırılmışdır.
M.Şəfiyevin bütün elmi araşdırmaları respublikada
taxılçılığın inkişafı, respublika əhalisinin taxıla olan
tələbatının daxili istehsal hesabına təmin etməklə, ərzaq
təhlükəsizliyinin aradan qaldırılması kimi mühüm problemin
həllinə həsr olunmuşdur. O, “Taxıl məhsuldarlığının
artırılmasının təşkilati məsələləri (əkinçiliklə məşğul olan
sahibkarlar üçün vəsait)” kitabının həmmüəllifidir. Elmi
əsərləri Az.ETKTİ və Tİ-nin Elmi əsərləri, Azərbaycan
Aqrar Elmi, İqtisadiyyat və Audit, Аграрно-экономическая
наука и технологии (Tbilisi şəhəri), Международный
технико-экономический журнал России jurnallarında dərc
olunmuşdur. 2009-2012-ci illərdə “Xalq qəzeti”ndə
taxılçılıqla əlaqədar silsilə məqalələri dərc olunmuşdur.
308
Vəliyev İlham Əli oğlu
Vəliyev İlham Əli oğlu 07 oktyabr
1959-cu ildə Tovuz rayonunun Əlibəyli
kəndində anadan olmuşdur. 1967-1977-
ci illərdə Əlibəyli kənd orta məktəbində
oxumuşdur.
1977-ci ildə V.İ.Lenin adına APİ-nin
“Riyaziyyat” fakültəsinə daxil olub və
1981-ci ildə həmin institutu bitirmişdir. Təyinatla Sabirabad
rayonuna göndərilib, həmin rayonda müəllim işləmişdir.
1981-83-cü illərdə hərbi xidmətdə olmuşdur.
1983-88-ci illərdə Sənaye Pedaqoji Texnikumunda
tərbiyəçi müəllim işləmişdir.
1985-1999-cu illərdə N.Tusi adına ADPU-də baş
laborant, 1999-cu ildən 2007-ci ilin noyabr ayınadək Bakı
İdarəetmə və Texnologiya Kollecində direktor müavini
vəzifəsində işləmişdir.
1997-ci ildə San Marino Akademiyasının İdarəetmə
Biznes və Hüquq İnstitutunda “İqtisadiyyat” fakültəsini
bitirmişdir.
1993-cü ildən Yeni Azərbaycan Partiyasının üzvüdür.
2006-cı ildə “Aqrar bölmədə sahibkarlığın iqtisadi
tənzimlənmə istiqamətləri” mövzusunda namizədlik
dissertasiyasını müdafiə edərək, iqtisad elmləri namizədi
alimlik dərəcəsinə layiq görülmüşdür. “İqtisadiyyat və elmi
texniki tərəqqi” və “Riyaziyyatdan test çalışmaları” adlanan
dərs vəsaitlərinin müəllifidir. Mikro və makro iqtisadiyyat
Dostları ilə paylaş: |