309
və iqtisadi nəzəriyyə kursunun öyrənilməsinə dair metodik
vəsait tərtib etmişdir.
2 dərslik, 4 tədris metodik göstərişin, 2 dərs vəsaitinin, 2
proqramın 35-dən çox elmi məqalənin müəllifidir.
09 noyabr 2007-ci ildən Azərbaycan Kooperasiya
Universitetində tərbiyə işləri üzrə prorektor işləyir. 2010-cu
ildən universitetin dosentidir.
Ailəlidir, 3 övladı var.
310
Yaqubov Şamil Əyyub oğlu
Yaqubov Şamil Əyyub oğlu
1939-cu il Bakı şəhərində Bayıl
qəsəbəsində fəhlə ailəsində anadan
olmuşdur. 1946-cı ildə 163 saylı orta
məktəbə daxil olmuş, 1956-cı ildə
həmin məktəbi bitirmişdir. 1967-ci
ildən 1971 –ci ilə kimi Neft
texnikumunda oxumuşdur. 1971-ci
ildə Dadaş Bünyadzadə adına Xalq Təsərrüfatı İnstitutuna
daxil olmuş, 1976-cı ildə həmin institutu bitirmişdir. 1961-
1964-cü illərdə ordu sıralarında hərbi xidmətdə olmuşdur.
1961-ci ildən Dövlət Plan Komitəsinin nəzdində olan Elmi-
Tədqiqat İqtisadiyyat İnstitutuna laborant vəzifəsinə işə
qəbul olmuşdur. 2009-cu ilin yanvar ayına kimi həmin
institutda müxtəlif vəzifələrdə çalışmışdır. 1971 ildə
məqsədli aspiranturaya daxil olmuş və oranı 1974-cü ildə
bitirmişdir. 1987-cı ildə namizədlik dissertasiyası müdafiə
edib iqtisad elmləri namizədi alimlik dərəcəsi almışdır.
2009-cu ilin yanvar ayından Azərbaycan Milli Elmlər
Akademiyasının İqtisadiyyat İnstitutunda aparıcı elmi işçi
vəzifəsində çalışır.
Bir alim kimi, işlədiyi dövrlərdə ümumi olaraq
Azərbaycanda 88 məqalə, 5 tezis, 2 məqalə isə Avropada
dərc edilmişdir (İspaniya, Fransa). Bir sıra Beynəlxalq
konfranslarda həm iştirak etmiş, həm də çıxışlar etmişdir.
Ailəlidir, 3 qız övladı var.
311
Zeynallı Əlisa Təvəkkül oğlu
Zeynallı Əlisa Təvəkkül oğlu 1950-
ci il avqustun 9-da Azərbaycan
Respublikası
Cəlilabad rayonunun
Zopun kəndində anadan olmuşdur.
Burada natamam orta təhsil almışdır.
1967-1968-ci illərdə Bakı Plan Uçot
Texnikumunda oxuyaraq “Kənd
təsərrüfatı iqtisadiyyatı” fakültəsini
bitirmişdir. 1977-ci ildə Azərbaycan Xalq Təsərrüfatı
İnstitutunun (İndiki Dövlət İqtisad Universitetinin) Xalq
təsərrüfatının planlaşdırılması fakültəsini qiyabi bitirmişdir.
1998-ci ildə Azərbaycan Elmi-Tədqiqat Kənd Təsərrüfatının
İqtisadiyyatı və Təşkili İnstitutunda “Aqrar-sənaye
kompleksi sistemində iqtisadi hesabların tədqiqi və tətbiqi
problemləri” mövzusu üzrə dissertasiya işini müdafiə edərək,
iqtisad elmləri namizədi alimlik dərəcəsini almışdır.
Elmi və praktiki fəaliyyəti ölkədə statistikanın təşkili və
inkişafına həsr edilmişdir. Əmək fəaliyyətinə 1968-ci ildə
Cəlilabad rayon Dövlət statistika müfəttişliyində başlamışdır.
1970-1972-ci illərdə hərbi xidmətdə olmuşdur. 1972-ci ildən
isə əmək fəaliyyətini Azərbaycan Respublikası Dövlət
Statistika Komitəsində (keçmiş Mərkəzi Statistika İdarə-
sində) davam etdirmişdir. Burada tikinti, əhali və səhiyyə,
kənd təsərrüfatı statistikasının təşkili işlərində çalışmış,
1979-cu il “Əhalinin siyahıyaalması” şöbəsinin müdir
müavini olmuş, 1989 və 1999-cu il siyahıyaalmalarında fəal
iştirak etmişdir. Uzun müddət kənd təsərrüfatı məhsullarının
312
tədarükü statistikasının təşkilinə rəhbərlik etmişdir. Hal-
hazırda “Ərzaq təhlükəsizliyi və balansları statistikası”
şöbəsinin müdiri vəzifəsində çalışır.
Ölkəmizin müstəqil inkişafı illərində öz bilik və bacarı-
ğını, müasir mərhələdə bəşəriyyəti narahat edən əsas qlobal
problemlərdən biri hesab olunan, ərzaq təhlükəsizliyi üzrə
informasiya sisteminin qurulmasına həsr etmişdir. Beynəl-
xalq təşkilatlarla əməkdaşlıq nəticəsində qısa müddət ərzində
məlumatlar bazasının yaradılması, 2001-2007-ci illərdə
rüblük statistik bülletenlərin və illik statistik məcmuələrin
hazırlanmasına gərgin əmək sərf etmiş, habelə milli
iqtisadiyyatın müasir inkişaf mərhələsində aktual sayılan
problemlər üzrə tematik statistik müşahidələrin keçirilməsi
təcrübəsinə nail olmuşdur. Bütün bunlar onun elmi-nəzəri
biliklərinin formalaşmasında əsas rol oynamışdır.
Bilavasitə onun elmi-praktik təcrübəsi və təşəbbüsünə
əsasən “Azərbaycanda əhali və kənd təsərrüfatının su ilə
təminatının vəziyyəti” (2002), “Taxıl istehsalı və istifadəsi”
(2002), “Kənd yerlərinin yol və kommunikasiya şəbəkəsinin
vəziyyəti” (2003), “Fərdi (şəxsi) nəqliyyat vasitələrilə
sərnişin və yükdaşımaların qiymətləri” (2003), “Kənd
təsərrüfatı istehsalçılarının əsas iqtisadi göstəricilərinin
öyrənilməsi”(2003), “Heyvandarlığın inkişafının əsas
məsələləri” (2004), “Ərzaq məhsullarının qiymətlərinin
öyrənilməsi” (2004), “Ev təsərrüfatlarında ərzaq əldə etmək
imkanları” (2004), “Emal müəssisələri, ticarət təşkilatları və
təsərrüfatlarında ərzaq məhsullarının qalıqları” (2005),
“İqtisadiyyatda məşğul olanların sayı və tərkibi” (2005), “Ev
təsərrüfatlarında məşğulluq” (2006), “Əhalinin içməli su ilə
313
təminatının vəziyyəti” (2006), “Suvarılan torpaqlardan
istifadənin vəziyyəti” (2007), “Cins əkinlərin vəziyyəti”
(2007), “Kənd təsərrüfatı istehsalçılarının bazar münasibət-
lərinin vəziyyəti” (2008), “Kənd təsərrüfatı istehsalçılarına
xidmətlər göstərilməsinin vəziyyəti” (2008) mövzularına
dair birdəfəlik statistik müşahidələr keçirilmiş, onların
icmallaşdırma proqramı hazırlanmış, ilkin müşahidə
məlumatları icmallaşdırılaraq təhlil edilmiş, müvafiq təkliflər
müəyyənləşdirilmiş və statistik külliyyatlar hazırlanaraq ölkə
rəhbərliyinə, hökumətə və qanunverici orqanlara, habelə
beynəlxalq təşkilatlara və elmi idarələrə təqdim edilmişdir.
“Azərbaycanın milli iqtisadiyyatına maliyyə yardımı
göstərilməsi və onun istehlak üçün səmərəliliyinin müəyyən
edilməsi qaydaları” hazırlanmışdır (2009).
Ölkənin ərzaq balanslarının işlənməsi üçün nəzəri-
metodoloji qaydaların hazırlanması, onların təcrübəyə tətbiqi
üzrə 2007-2010-cu illərdə fəal və səmərəli fəaliyyət
göstərmişdir. Hazırda bu işləri davam etdirir.
Onun elmi tədqiqatları və praktiki təcrübəsinin paralel
davam etdirilməsinin nəticəsi olaraq 2005-ci ildə “Elm”
nəşriyyatı tərəfindən “Azərbaycan kənd təsərrüfatının müasir
problemləri” adlı monoqrafiyası dərc edilmişdir.
2008-2011-ci illərdə elmi yaradıcılığının əsas hissəsini
“Bazar iqtisadiyyatı şəraitində qiymət və qiymətin
əmələgəlmə məsələləri”, “İqtisadi nəzəriyyədə təkmilləş-
dirmə məsələləri”, “Sahibkarlıq fəaliyyətində innovasiya
məsələləri”, “Kənd təsərrüfatında innovasiya məsələləri”,
“Regional inkişaf və innovasiya məsələləri” təşkil etmişdir.
Bu mövzular üzrə beynəlxalq konfranslarda, elmi jurnallarda
Dostları ilə paylaş: |