~ 175 ~
rində yaşayıb-yaratmış əksər böyük xalq xadimləri əməkdaşlıq et-
mişdir) Azərbaycan mətbuat tarixində silinməz iz buraxmış gündə-
lik ictimai-ədəbi və siyasi qəzet olan “Kaspi” ilə 10 ilə yaxın bir
müddətdə əməkdaşlıq etmiş Ceyhun Hacıbəyli yaradıcılığında hə-
min dövrü bir mərhələ adlandırsaq, yanılmarıq.
Ceyhun Hacıbəyli "Azadlıq" radiostansiyasının fəaliyətində
yaxından iştirak etmiş, Münxendəki "SSRİ-ni Öyrənən Universite-
tin" müxbir üzvü seçilmişdir. Ceyhun bəyin "İslam Əleyhinə" kam-
paniya və onun Azərbaycanda Metodları" adlı iri həcmli tədqiqat
əsəri isə xüsusi əhəmiyyət kəsb edir.
Ceyhun Əbdülhüseyn oğlu Hacıbəyli 1962-ci ildə Parisdə və-
fat etmişdir. Qəbri Parisdədir.
Xudadat bəy Əzizbəyov
Xudadat bəy Əsədulla bəy oğlu 1892-ci
ildə Şuşa şəhərində anadan olmuşdu. Rus-
tatar məktəbində, sonra Şuşa real məktəbində
oxumuşdu. 1911-ci ildə real məktəbi bitirib
Bakı şəhərində "İttihad" progimnaziyasında
müəllim işləmişdi. Biliyi, savadı sayəsində
əvvəlcə nəzarətçi, sonra müfəttiş vəzifəsinə
yüksəldi. Xəstəliyi ilə bağlı Şuşaya dönüb
Savadlılığı yayma cəmiyyətində, eyni zaman-
da da "Gövhəriyyə" məktəbində müəllim
kimi çalışdı. Onun təşəbbüsü ilə cəmiyyətin
nəsdində "Rəşidiyyə" adlı məktəb açıldı. Bir xeyli müddət burda
çalışdı. I Dünya Müharibəsi illərində Şuşadakı Qarşılıqlı Kredit
Cəmiyyətində işlədi. "Rəşidiyyə" məktəbinin pedoqoji kollektivinin
xahişi ilə yenidən təhsil ocağına qayıtdı. Qarabağın ən nüfuzlu
pedaqoqlarından biri Mirzə Camal Yusifzadəni məktəbə dəvət etdi.
Əl-ələ verib məktəblərini yüksək səviyyəyə gətirdilər. 1918-ci ildə
"Rəşidiyyə" məktəbi Osmanlı ordusunun əsgərlərinə verildi. 1919-
cu ildə Xudadat bəy əvvəlcə Gəncəyə üz tutdu, orda iş tapmayıb
~ 176 ~
Bakıya yollandı. "Azərbaycan" qəzetində çalışmağa başladı. Eyni
zamanda da progimnaziyasında müəllim işlədi. Redaksiyada onun
bacarığını duyub tərcüməçi işinə dəyişdilər. Mühasibatı yaxşı
bildiyindən jurnalistlər ittifaqının xəzinədarlıq işi də ona həvalə
olundu. Gecə məktəbində direktor işləyirdi.
X.Əzizbəyov 1926-cı ildən təcrübəli mətbuat işçisi kimi
"Bakinski raboçi" nəşriyyatında işə başlamışdı. Bir müddət sonra bu
nəşriyyat "Azərnəşr"lə birləşib vahid mərkəzə çevrildi. Alman,
fransız, fars, ərəb və rus dillərini mükəmməl bilən Xudadat bəy
burda müxtəlif vaxtlarda tərcüməçi, texniki redaktor və məsul
redaktor vəzifələrində çalışmışdı.
O, 5 dekabr 1957-ci ildə vəfat edib.
X.Əzizbəyov fəal ictimaiyətçi, alovlu natiq idi. "İttihad" mək-
təbinin nəzdində açılan İran ziyalılarının "Tərəqqi" maarifçi cəmiy-
yətində iş aparır, iclaslarda çıxış edirdi.
X.Əzizbəyov sovet dövründə də xalq maarifində yorulmadan
çalışmışdı. Teatr sahəsində əmək vermişdi. Jurnalist kimi "Kəndçi",
"Kommunist" qəzetlərində işləmişdi. Dilgir təxəllüsü ilə şeir
yazmışdı.
X.Əzizbəyovun ən böyük xidmətlərindən biri lüğət tərtibi
sahəsində idi. Sovet hakimiyyətinin ilk illərində lüğətə böyük ehti-
yac olduğundan o, Hənəfi Zeynallı, Yusif Əliyev, Süleyman Musa-
bəyov, Vəli Xuluflu, Tağı Şahbazi Simurğ, Əhməd bəy Pepinov,
Ələkbər Heydərli, Yusif Vəzir Çəmənzəminli, Məhərrəm Kamil,
Rəşid Yusifzadə, Ələkbər Qərib, Sami Kamal, Süleyman Məlikovla
birlikdə Ruhulla Axundovun redaksiyasında ilk "Rusca-türkcə
lüğət"in (1926) tərtibçilərindən biri idi.
Tərcümələri
Cek London, Adəmdən əvvəl, Qan səsi, Ağ diş, Martin İden.
İvan Qonçarov, Adi əhvalat
Robindranad Taqor, Fəlakət
Süleyman Rəhimov, Mehman, rus dilinə
~ 177 ~
Xəlil İbrahim
Xəlil İbrahim oğlu İbrahimov (1892,
Şuşa – 1938, Bakı) - Pedaqoq, jurnalist, pub-
lisit, tənqidçi. Sənətkar ailəsində anadan ol-
muşdur. 1907-ci ildə atası vəfat etmiş, xalça
toxuyan anasının himayəsində qalmışdır. Şu-
şada Azərbaycan-rus məktəbində, Şuşa və
Bakı real məktəblərində oxumuşdur. 1909-
1910 illərdə təqaüd almadığından təhsili ya-
rımçıq qalmış, 1911-ci ildən Xındırıstanda
Qasım bəy Zakirin nəvələrinə evdə dərs de-
mişdir. “Kənd həyatından lövhələr” adlı ilk
oçerkini də orada yazmışdır (1913-cü ildə “Səda” qəzetində dərc
olunmuşdur). 1912-1913 illərdə Bakıda “Nəşri-maarif” cəmiyyətinin
Əmircandakı məktəbində müəllim işləmişdir. “Səda” (1913-1915),
“Açıq söz” (1915-1918), “Doğru söz” (1916-1917), “İqbal” (1912-
1915), “Yeni iqbal” (1915), “Bəsirət” (1914-1920), “Azərbaycan”
(1918-1920) qəzetlərində, “Tuti” (1914-1917), “Qardaş köməyi”
(1917) jurnallarında ictimai-siyasi mövzuda publisistik məqalələri və
bədii yazıları dərc edilmişdir. “Müsavat” partiyasının üzvü, onun
Şuşa şəhər özəyinin katibi olmuşdur.
1919-cu il sentyabrın əvvəllərinə qədər X.İbrahim “Azərbay-
can” qəzetinin müvəqqəti redaktoru kimi fəaliyyət göstərmiş, eyni
zamanda 1919-cu ildə yaradılmış jurnalistlər və ədiblər ittifaqının
sədrinin müavini olmuşdur.
Aprel işğalından (1920) və Azərbaycanda Sovet hakimiyyəti
qurulduqdan sonra bədii-publisistik fəaliyyətini davam etdirmiş,
“Kommunist”, “Ədəbiyat”, “Kəndçi” qəzetlərində, “Maarif-mədə-
niyyət” jurnalında yazıları dərc edilmişdir.
Xəlil İbrahim 1920-1930-cu illərdə gizli fəaliyyət göstərən
“Müsavat”ın sıralarında Azərbaycanın müstəqilliyi uğrunda mübari-
zəsini davam etdirmiş, 1938-ci ildə “müsavatçı” ittihamı ilə həbs
olunaraq, Azərbaycan SSR Xalq Daili İşlər Komissarlığı üçlüyünün
1938-ci il 11 mart tarixli qərarına əsasən güllələnmişdir.
Dostları ilə paylaş: |