~ 184 ~
Musəvi və Haşım Əliyev yoldaşlarımız bu işdə çoxlu düşmən qa-
zandılar. Axırda onları qətl etdilər. Biz gözlədik ki hökumət canini,
qatili cəzalandırar. Qəzetlərə yazmağa qoymadılar, mitinq keçirmə-
yə qoymadılar. Hökumət söz verdi ki, qatili cəzalandıracaq. İndi isə
pul alı bonu buraxıblar… heç insafdır ki, iki gənc yoldaşımız öldü-
rülsün, biri də yaralansın, özü də dörd aydan sonra cani həbsdən
çıxsın. Şəhərdə gözümüzün qababında gəzsin. Qan satılır. Biz bil-
mək istəyirik ki, hökumət bu xüsusda nə deyir? Biz bu tribunadaq
açıq deyirik ki, hökumətdən cavab çıxmazsa, bizi Qane etməzlərsə,
ağ terrorun qabağına qırmızı terror çıxardacayıq».
Parlament kommunistlərin bu sorğusuna cavab vermədi, sədr
etinasız bir şəkildə bazardakı qiymətlərdən danışmağa başladı,
əlbəttə müsavat bazarındakı kommunist qanının qiymətindən yox,
bazardakı ərzaq məhsullarının qiymətindən.
1918-20-ci illərdə məhv edilmiş minlərlə kommunistin qatil-
ləri kimi Haşım Əliyev və Mirfəttah Musəvinin də qatili mühakimə
edilmədi.
Hökumətin məsələyə etinasız münasibəti 50 min manat pul
qarşılığında müsavatçı qatili sərbəst buraxıb, İrana qaçmasını təmin
etməsi bir daha sübut etdi ki, Haşım Əliyev və Mirfəttah Musəvinin
qətli siyasi terrordur və ağ terror dalğasının tərkib hissəsidir.
İndi bakının fəxri xiyabanında cəmi 28 yaşlarında həyatları
cinayətkarlıqla məhv edilmiş iki azadlıq aşiqinin məzarları – müsa-
vat cinayətlərinin daşlaşmış abidələri ucalmaqdadır. Amma 88 il
sonra belə bu məzar daşları kimlərisə bərk narahat edir. Parlament
kürsülərindən bu məzarların fəxri xiyabandan qaldırılmasını tələb
edən səslər ucalır.
Mir Fəttah Musəvi "Maqametanin", "Musulmanin" imzaları
ilə yazırdı.
~ 185 ~
Hilal Münşi
Hilal Hacı Mirzə Məhəmməd bəy
oğlu, Hilal Münşi (12.4.1899, Şuşa - ?) -
Azərbaycan Xalq Cümhuriyyəti Parlamen-
tinin xüsusi qərarına əsasən, dövlət hesabı-
na ali təhsil almaq üçün xaricə göndərilmiş
tələbələrdən biri. Şuşa Real məktəbini bi-
tirmişdir (1918). Parlamentin 1919-cu il
sentyabr tarixli qərarına əsasən, təhsilini
dağ-mədən mühəndisliyi sahəsində davam
etdirmək üçün Berlin Universitetinə (Al-
maniya) göndərilmişdir. Azərbaycanda so-
vet hakimiyyəti qurulduqdan sonra xaricdə dövlət hesabına təhsil
alan azərbaycanlı tələbələrin vəziyyətini öyrənən Azərbaycanlı Tə-
ləbələr İttifaqının 1923-25-cü illər üçün məlumatında onun təhsilini
bitirməsinə 1 il qaldığı göstərilirdi. Aprel işğalından (1920) sonra
Hilal Münşi Azərbaycan mühacirləri içərisində fəal siyasi iş apar-
mış, 1924-cü ildə Almaniyada təhsil alan azərbaycanlı tələbələrin
yaratdığı "Azərbaycan İstiqlal Komitesi"nə sonralar sədrlik etmiş-
dir. Onun rəhbərliyi ilə bu təşkilat uzun müddət Avropa ictimaiyyə-
tinin və dövlətlərinin diqqətini Azərbaycanın müstəqilliyi məsələsi-
nə cəlb edə bilmişdi. Hilal Münşi "Müsavat" partiyasının Berlin ko-
mitəsinə başçılıq etmiş, 1928-ci il mayın 28-də Berlində Azərbayca-
nın müstəqilliyinin elan olunmasının 10 illiyinin bayram edilməsi-
nin əsas təşkilatçılarından olmuş, bu münasibətlə keçirilən iclas
onun "1918-ci il 28 mayın əhəmiyyəti" mövzusunda çıxışı ilə açıl-
mışdır. 1930-cu ildə Berlində almanca "Azərbaycan Cümhuriyyəti"
əsəri nəşr olunmuşdur.1934-cü ildə Berlində Hilal Münşinin redak-
torluğu ilə əsası qoyulan "Qurtuluş" jurnalı 1939-cu ilin sentyabrı-
nadək fasiləsiz olaraq çıxmışdır. Mühacirətdə baş verən ixtilaflar
dövründə Məhəmmədəmin Rəsulzadənin mövqeyini müdafiə etmiş-
dir. İkinci dünya müharibəsi başlayanda M.Ə.Rəsulzadə ilə birlikdə
Berlində Milli Azərbaycan Komitəsini yaratmışdır.
~ 186 ~
Əsərləri:
- Hilal Münşi. Azərbaycan Cümhuriyyəti. Berlin, 1930;
- Hilal Münşi. 31 mart. - «Kurtuluş», 1935, №5;
- Hilal Münşi. Nürnberq - Moskova. - «Kurtuluş», 1935, №12;
- Hilal Münşi. Bolşevik ekmegine yağ degil de nedir?. - «Kur-
tuluş», 1935, №№13-14;
- Hilal Münşi. Nürnberq kurultayı. - «Kurtuluş», 1936, №23;
- Hilal Münşi. Almanya matbuatında meselelerimiz. «Kurtu-
luş», 1936, №№15, 17; 1937, №№35, 36; 1938, №39;
Hüseyn Baykara
Nəsir bəyin üçüncü oğlu Qara bəy 1904-
cü ildə Şuşada anadan olmuşdu. BDU-nun
tarix fakültəsində oxuyanda (1927) Qara bə-
yin tələbələr qarşısında tez-tez Azərbaycanın
müstəqilliyi və azadlığı uğrunda çıxış etməsi
bolşeviklərin xoşuna gəlмəmiş və o, təqiblərə
məruz qalмışdı. 1927-ci ildə əvvəlcə İrana,
sonra isə Türkiyəyə gедəн Qara bəy İstanbul
Universitetinin hüquq fakültəsinə daxil olmuş,
universiteti bitirdikdən sonra Elaziq şəhərində
hakim işləmişdir. O, hüquqşünaslıqla yanaşı
ədəbi fəaliyyətini də dayandırmamışdır. Onun «Azərbaycan istiqla-
lının 50 illiyi dolayısı ilə”», «Azərbaycanda erməni basqını və Nax-
çıvan məsələsi»”, «Azərbaycan istiqlal mücadiləsinin iqtisadi təmə-
li”» və сair yazıları vətən sevgizi, vətənpərvərlik ruhu ilə doludur.
Azərbaycanın sevıncı onun sevinci, kədəri onun kədəri olmuşdu.
Qara bəy Şirinbəyov Türkiyədə Hüseyn Baykara kimi tanın-
mışdır.
H.Baykaranın «Azəri-Türk», «Odlu Yurd» və b. qəzet-jurnal-
larda Azəbaycan xalqının mədəniyyəti, ədəbiyyati və onun ziyalıları
ilə bağlı elmi-publisistik məqalələri dərc edilmişdir. Azərbaycanın
milli azadlıq hərəkatına xüsusi yer verən H.Baykara yazırdı ki, ona
~ 187 ~
aid «Azərbaycan mədəniyyəti tarixi» ilə «Azərbaycan istiqlal müba-
rizəsi tarixi» kitabları Azərbaycanın azadlıq mübarizəsinin əlifbası-
dır. Sonuncu kitabında Azərbaycanın istiqlal savaşı tarixi ilə yanaşı,
H.Baykara milli azadlıq hərəkatının siyasi-ideoloji, siyasi-fəlsəfi
mahiyyətini də göstərməyə çalışmışdır.
M.Ə.Rəsulzadə, M.B.Məmmədzadə və başqa Azərbaycan-türk
mütəfəkkirləri kimi H.Baykara da əmindir ki, Azərbaycan milli azad-
lıq hərəkatının ilk rüşeymləri XIX əsrin ilk «millətçiləri», yəni
A.A.Bakıxanov, M.F.Axundzadə, H.Zərdabi və başqaları tərəfindən
ortaya atılmışdır. H.Baykaranın fikrinə görə, Mirzə Fətəli və H.Zər-
dabinin o dövrdəki yazılarında, mübarizələrində Azərbaycan üçün
istədikləri bunlardır: «Azad siyasi bir həyat, xalq demokratiyası,
məhsul vasitələrinin inkişaf etdirilməsi, təbii sərvətlərdən xalqın ri-
fahı üçün geniş surətdə fayda təmin edilməsi… Bütün bu nemətlərin
xalq üçün əldə edilməsi tezisinin başında, onların ən öndə gələn ideo-
loji arzuları «feodal monarxiya» rejimini zorla devirmək istəyi vardır.
Bu iş yerinə yetirilmədən o biri işlərin həyata keçməycəyini daha çox
Mirzə Fətəli başa düşmüş və anlamışdır». Beləliklə, H.Baykaraya
görə, «millət» anlamını ilk dəfə M.F.Axundzadə işlətmiş, Azərbay-
canda ilk millətçilik ruhunu H.Zərdabi «Əkinçi»də, Ünsizadə qardaş-
ları isə «Kəşkül» və «Ziya» qəzetlərində aşılamışdır.
Azərbaycan xalqının milli şürundakı inkişafı göstərmək məq-
sədi ilə o qeyd edirdi ki, Azərbaycan ziyalıları XIX əsrin birinci ya-
rısında daha çox fars dilində əsərlər yazdığı halda, həmin əsrin ikin-
ci yarısında vətənpərəvərlik duyğularının və millətçiliyin qüvvətlən-
məsi nəticəsində elmi-ədəbi əsərlərini, artıq Azərbaycan türk dilində
qələmə almışlar. 1890-cı illərdə çar Rusiyasının Azərbaycan türklə-
rinin türk dilində qəzet nəşrinə qadağa qoymasına baxmayaraq, artıq
azəri türk cəmiyyəti bir millət olaraq meydana çıxma şüuruna çat-
mışdır. H.Baykara yazır: «Çünki miladdan öncə min illərə varan
dövrdən bəri ata və babalarının yaşadıqları bir torpaq parçası -
«Vətən» vardı, bu torpaqda yaşayan və zamanın axarı ilə inkişaf
edən bir Azəri türk cəmiyyəti vardı. Üçüncü ünsür, bu cəmiyyətin
haqqını, iradəsini, varlığını, malını, canını qoruyan, kültür və mədə-
Dostları ilə paylaş: |