47
Dərs 18 / Mövzu 17
:
İKİLƏPƏLİLƏR SİNFİ. MÜRƏKKƏBÇİÇƏKLİLƏR
FƏSİLƏSİ
Müəllim şagirdlərlə birlikdə dərslikdəki tarixi faktla tanış olduqdan sonra uşaqların
həyati biliklərinə əsaslanaraq sual ətrafında müzakirələr təşkil edir.
Hindular üyüdülmüş
günəbaxan toxumlarından un kimi istifadə edirdilər. Belə “un”dan hazırlanmış qida ləziz
xörəklərdən biri sayılırdı. Bəzi mənbələrdə qədim hinduların bu toxumlardan yağ aldıqları
barədə də məlumatlar var. Bu yağdan dəriyə və saça çəkərək kosmetik məmulat kimi də
istifadə oluna bilərdi. Hindular günəbaxandan bənövşəyi boya da ala bilirdilər.
Dərsliyin əvvəlində verilmiş uyğun mətnlə tanışlıqdan sonra müvafiq sual ətrafında mü-
zakirə təşkil etmək olar.
Praktik iş dərslikdəki şəkillər əsasında qurulur. Dərs zamanı müəllim müvafiq təbii
obyektlərdən, mulyajlardan, yaxud şəkil-aplikasiyalardan da istifadə edə bilər.
Praktik işin nəticələrinin müzakirəsindən sonra müəllim plakatlar, sxemlər, elektron
təqdimatlar, videomaterial və digər əyani vəsaitlərdən istifadə edərkən nəzəri materialı izah
edə bilər. İzahatın gedişində cədvələ qeydlər əlavə olunur.
Fəsilənin
adı
Həyat
forması
Çiçəyin
düsturu
Meyvəsi Nümayəndələri Əhəmiyyəti
... ... ... ... ... ...
Mürəkkəbçiçəklilər fəsiləsini onun tipik nümayəndəsi olan günəbaxanın
üzərində
öyrənmək daha məqsədəuyğundur. Günəbaxanın iri çiçəyi nümayiş etdirilərək onun
üzərində çiçək qrupunun və çiçəyinin quruluş xüsusiyyətləri öyrənilir. Müəllim lövhədə
sxematik şəkillər çəkir, yığılan modelin üzərində çiçəyin quruluş hissələrini göstərir. İmkan
olarsa, şagirdlərə qısa praktiki iş təklif oluna bilər:
1) Cavan günəbaxan bitkisinin herbarisini öyrənərək vegetativ orqanların və çiçək qrup-
larının xarakteristikasını qeyd edin. Sarğını, mərkəzdə və kənarlarda yerləşən çiçəkləri
tapın.
Alt
STANDARTLAR
1.1.2. Canlıların müxtəlifliyi haqqında mülahizələrini şərh edir.
1.1.4. Canlıların sistematik kateqoriyalarını fərqləndirir.
Təlim
NƏTİCƏLƏRİ
Mürəkkəbçiçəklilərin xüsusiyyətləri haqqında mülahizələrini
şərh edir.
Mürəkkəbçiçəklilər fəsiləsinə aid
olan bitkiləri digər
ikiləpəlilər sinfinin fəsilələrinə aid olan bitkilərdən fərqləndirir.
48
2) Çiçəklərə lupa altında baxın. Dilcikşəkilli və boruşəkilli çiçəkləri taparaq onları
modelləri ilə müqayisə edin;
3) Günəbaxan toxumunu ağ kağız üzərində əzin. Nə müşahidə edirsiniz?
Mövzuya aid tövsiyələrin sonunda verilmiş ünvanlardakı videomateriallardan istifadə
etmək mümkündür.
Dərsin sonunda müəllim şagirdləri bir neçə maraqlı faktla tanış edə bilər:
Mürəkkəbçiçəklilərin səbətləri müəyyən vaxtda açılır və bağlanır. Bu xüsusiyyətdən
çiçək saatı yaratmaq üçün istifadə oluna bilər.
Payızgülü Yaponiyada günəşin simvoludur. Yaponiyada hər məzarın üzərində stə-
kanın içində payızgülü görmək olar.
Qədimdə saxsıdan qab düzəldəndə palçığa zəncirotu tumu əlavə edirdilər. Saxsını
sobada yandıranda toxumlar yanar və qabda xırda məsamələr əmələ gələrdi. Belə
qablarda uzun müddət süd saxlayardılar və o, həmişə sərin qalardı.
“Öyrəndiklərinizi tətbiq edin” və “Öyrəndiklərinizi yoxlayın” bölümlərində təqdim
olunmuş tapşırığı yerinə yetirən şagirdlər dərsdə qazanılan biliklərdən faydalanırlar. İkilə-
pəlilər sinfinə daxil olan fəsilələrin adları, səciyyəvi xüsusiyyətləri,
onlara aid olan bitkilər
və bu bitkilərin əhəmiyyəti haqqında məlumatlar təkrarlanır və möhkəmləndirilir. Əldə
edilmiş biliklərin tətbiqi zamanı dərsin məqsədlərində qeyd olunmuş bacarıqlar formalaşır.
Qiymətləndirmə meyarları: şərhetmə, fərqləndirmə
I səviyyə II
səviyyə III
səviyyə IV
səviyyə
Mürəkkəbçiçəklilərin
xüsusiyyətləri haqqın-
da mülahizələrini
müəllimin köməyi ilə
şərh edir.
Mürəkkəbçiçəklilərin
xüsusiyyətləri haq-
qında mülahizələrini
şərh
edərkən tez-tez
səhvlərə yol verir.
Mürəkkəbçiçəklilərin
xüsusiyyətləri haq-
qında mülahizələrini
şərh edərkən kiçik
qeyri-dəqiqliyə yol
verir.
Mürəkkəbçiçəklilərin
xüsusiyyətləri haq-
qında mülahizələrini
geniş şərh edir.
Mürəkkəbçiçəklilər
fəsiləsinə aid olan
bitkiləri
digər iki-
ləpəlilər
sinfinin
fəsilələrinə aid olan
bitkilərdən çətinliklə
fərqləndirir.
Mürəkkəbçiçəklilər
fəsiləsinə aid olan
bitkiləri digər ikiləpə-
lilər sinfinin fəsilə-
lərinə aid olan bitki-
lərdən fərqləndirərkən
səhvlər buraxır.
Mürəkkəbçiçəklilər
fəsiləsinə aid olan
bitkiləri digər iki-
ləpəlilər sinfinin
fəsilələrinə aid olan
bitkilərdən, əsasən,
düzgün fərqləndirir.
Mürəkkəbçiçəklilər
fəsiləsinə aid olan
bitkiləri digər iki-
ləpəlilər sinfinin
fəsilələrinə aid olan
bitkilərdən düzgün
fərqləndirir.
Elektron resurslar:
http://www.youtube.com/watch?v=z890Y9Fgk1g
http://www.youtube.com/watch?v=dltXozx6p_o
49
Dərs 19 / Mövzu 18
:
BİRLƏPƏLİLƏR SİNFİ. TAXILLAR VƏ
ZANBAQLAR FƏSİLƏSİ
Müəllim BİBÖ cədvəlindən istifadə edərkən “Birləpəlilər sinfi” haqqında şagirdlərin bi-
liklərini üzə çıxarır. O, şagirdləri fəallaşdırmaq üçün müxtəlif suallarla müraciət edə bilər.
Məsələn:
Birləpəlilərin toxumunda neçə ləpə olur?
Birləpəlilərin kök sistemi (yarpaqları, onların damarlanması) necədir?
Bilirəm
İstəyirəm biləm Öyrəndim
Şagirdlərin cavabları cədvəldə qeyd olunur və dərsin sonunda onlara qayıdılır. Sonra
müəllim şagirdləri dərslikdəki mətnlə tanış edir və uyğun sual müzakirə olunur.
Praktik iş dərslikdəki şəkil əsasında qurulur. Şagirdlər əvvəlki biliklərindən və
dərsin əvvəlindəki məlumatlardan istifadə etməklə cədvəldəki “?” işarəsinin yerinə müvafiq
məlumatları yazırlar. Taxılların və zanbaqkimilərin çiçəyinin quruluşu haqqında bilikləri
olmadığına görə bu sətirdəki məlumat tam verilmişdir. Elə bu mərhələdə yeni işarənin (Ç)
verilməsi məqsədəuyğundur. Nəticələrin müzakirəsi ikiləpəli
və birləpəli bitkilərin
müqayisəsi əsasında qurulur.
Paraqrafın nəzəri materialı ilə tanışlıq bir neçə üsulla aparıla bilər:
А) Praktik işin nəticələrinin müzakirəsindən sonra müəllim plakatlar, sxemlər, elektron
təqdimatlar, videomaterial və digər əyani vəsaitlərdən istifadə edərkən nəzəri materialı izah
edə bilər. İzahatın gedişində cədvəldə qeydlər aparılır.
Fəsilənin
adı
Həyat
forması
Çiçəyin
düsturu
Meyvəsi Nümayəndələri Əhəmiyyəti
B) Mətnlə tanışlıq kiçik qruplarda da aparıla bilər. Qruplar mətnin hər hansı hissəsini təhlil
edir, cədvəlin müvafiq xanasında qeydlər aparırlar. Mətn və ya şəkillər
müəllim tərəfindən
də hazırlana bilər. İşin nəticələri ümumi cədvəl şəklində tərtib olunur və BİBÖ cədvəli
tamamlanır.
Alt
STANDARTLAR
1.1.2. Canlıların müxtəlifliyi haqqında mülahizələrini şərh edir.
1.1.4. Canlıların sistematik kateqoriyalarını fərqləndirir.
Təlim
NƏTİCƏLƏRİ
Taxıllar və zanbaqkimilər fəsilələrinin xüsusiyyətləri haqqında
mülahizələrini şərh edir.
Taxıllar və zanbaqkimilər fəsilələrinə aid olan bitkiləri
fərqləndirir.