BƏXTİYAR VAHABZADƏNİN PEDAQOJİ GÖRÜŞLƏRİ
––– 75 –––
salmalı və bu əsərlərlə balalarımızda bədii zövq tərbiyə
etməliyik. Hələ 1955-ci ildə “Literaturnaya qazeta”nın
“Literatura v şkole” seriyasından buraxdığı məqalələrdə
bu məsələlərə çox ciddi toxunulmuş və bədii zövq,
estetik duyğu oyatmayan əsərlərin dərsliklərə salınması
ciddi surətdə tənqid edilmişdi”
1
.
Bəxtiyar Vahabzadə ədəbiyyat dərsliklərinə salınan
müəlliflər, əsərlər barədə də öz sözünü deyirdi. Onun
vaxtilə qaldırdığı bu məsələlər indi də öz aktuallığını
itirməmişdir. Bəxtiyar Vahabzadənin fikrincə, ədəbiyyat
tarixinin xronoloji ardıcıllığına riayət etmək naminə
bütün yazıçılar ədəbiyyat dərsliyinə salınmamalıdır. Bu,
uşaqların işini çətinləşdirir
2
. İkincisi, orta məktəbdə
ədəbiyyat tarixi başlayana qədərki siniflər (yəni
keçmişdəki V, VI, VII siniflər) üçün yazılan dərslik-
lərdə uşaqların tərbiyəsinə müvafiq əsərlər salınmalıdır.
Ancaq Bəxtiyar Vahabzadənin fikrincə, burada da əksər
vaxtlar müəlliflər ədəbiyyat tarixinin xronologiyasına
riayət etməyə çalışırlar
3
.
Bəxtiyar Vahabzadə ədəbiyyat dərsliyinə hansı
müəlliflərin salınması məsələsinə də münasibət bil-
dirirdi. O, təbii ki, ədəbiyyat tarixi başlayan yuxarı si-
niflərin ədəbiyyat dərsliyində çoxdan bəri ictimaiyyətin
diqqətini cəlb edən edən şair və yazıçıların dərsliklərə
salınmasını gündəmə gətirirdi. Məsələn, o yazırdı:
“Hüseyn Hüseynzadə, Nəbi Xəzri, Həsən Seyidbəyli,
İ.Şıxlı, İsa Hüseynov və başqa yazıçıların yaradıcılığı
1
Ədəbiyyatın tədrisinə dair. – Bəxtiyar Vahabzadə. Sənətkar və
zaman. Bakı, Gənclik, 1976, s. 193-194
2
Yenə orada. s.194
3
Yenə orada.
BULUDXAN XƏLİLOV
––– 76 –––
ilə şagirdlərimizi nə vaxt tanış edəcəyik?”
1
Hətta onun
bir mövqeyi də çox dürüst bir mövqe olmuşdur. Belə ki,
çoxdan bəri ictimaiyyətin diqqətini cəlb edən müəl-
liflərin əsərlərinin aşağı siniflər üçün yazılan dərsliklərə
salınmasını şagirdlərdə böyük duyğular, hisslər yarat-
dığını əminliklə bildirirdi. Onun fikrincə, vətənimizə,
ədəbiyyatımıza mədəniyyətimizə sevgi oyatmaq üçün
həmin şair və yazıçıların dərsliklərə salınması dərslik
müəlliflərinin vəzifələrindən biri olmalıdır. Məsələn, o
yazırdı: “Hüseyn Hüseynzadənin “Şeir deyilmi?”, “Sən
dərsə gəlməyəndə” şeirləri balalarımızda nə qədər
gözəl duyğular, gözəl hisslər oyada bilər!
Şeirin, lirikanın mahiyyətini şagirdə izah edən
müəllimin “Şeir deyilmi?”ni oxuması kifayətdir:
Yenə gözüm qaldı bağçada, bağda
Min-min gül açıldı aranda, dağda
Eyvana əyilən çarpaz budaqda
Bülbülün nəğməsi şeir deyilmi?”
2
1
Ədəbiyyatın tədrisinə dair. – Bəxtiyar Vahabzadə. Sənətkar və
zaman. Bakı, Gənclik, 1976, s. 194
2
Yenə orada.
BƏXTİYAR VAHABZADƏNİN PEDAQOJİ GÖRÜŞLƏRİ
––– 77 –––
MÜƏLLİM OBRAZI
Dünyada elə bir insan tapmaq olmaz ki, o, ilk müəl-
limini, ümumiyyətlə, müəllimlərini unutsun. Mən deyər-
dim ki, insan hansı çətin vəziyyətdə, şəraitdə olmasın-
dan asılı olmayaraq heç zaman müəllimlərini, xüsusilə
də ilk müəllimini unutmur. Müəllim bizim hər birimiz
üçün valideynlərimiz qədər əzizdir. Tarix boyu hər bir
kəs müəlliminə, onun xeyirxahlığına inanmışdır. Təsa-
düfi deyildir ki, Bəxtiyar Vahabzadə ilk müəllimini
əziz, mehriban, xeyirxah bir insan kimi xarakterizə
etmişdir. O yazırdı: “Müəllim dediyim zaman həmişə
mənim yadıma ən əvvəl ilk müəllimim düşür. İlk müəl-
lim! Bizə qələm tutmağı öyrədən, gözümüzə nur verən,
beynimizdə ilk naxış açan bu gözəl, xeyirxah insan
həmişə bizim üçün ana qədər mehriban, ata qədər əziz
olmuşdur”
1
. Bəxtiyar Vahabzadə ilk müəllimə sanki
poetik bir tərif vermişdir. Bu poetik tərifdə ilk müəllimi
xarakterizə edən xüsusiyyətləri möhür kimi vurmuşdur.
Məsələn, o, ilk müəllimi “xarüqladə bir varlıq kimi”,
“böyük bir sirr xəzinəsi” kimi, “sehrli, möcüzəli dün-
yadan” gələn insan kimi, Allahın yaratdığı hər bir şeyin
dilini bilən varlıq kimi xarakterizə etmişdir. O yazır:
“Adam ilk müəllimini nəsə xarüqüladə bir varlıq kimi
təsəvvür edir. O, hərflərin sirrini bizə açdıqca, nəzəri-
1
Müəllim! – Bəxtiyar Vahabzadə. Sənətkar və zaman. Bakı,
Gənclik, 1976, s.195
BULUDXAN XƏLİLOV
––– 78 –––
mizdə gündən-günə daha da böyüyür, daha da ucalır.
Adama elə gəlir ki, o, böyük bir sirr xəzinəsidir. Nənə-
lərimizin danışdığı sehrli, möcüzəli dünyadan gəlib. O,
axar çaya “dayan desə, dayanır”, “günəşə sön desə, sö-
nər”. O, nəinki kitabların, otların, çiçəklərin, quşların
da dilini bilir. O bizim kimi çörək yeyib, su içmir. O
bizdən ayrılan kimi öz sehrli nağıllar dünyasına
çəkilir”
1
.
Bəxtiyar Vahabzadə üçün ilk müəllim ana, ata kəl-
məsini oxudan və bununla da dünyanı dərk etməyə
səfərbər edən insandı. Sözün həqiqi mənasında cəfakeş,
qayğıkeş, fədakar insan. O yazır: “İlk dəfə “ana”
kəlməsini oxuya bildiyim gün bugünkü kimi yadımdır.
Mənə elə gəldi ki, dünyada məndən xoşbəxt, məndən
savadlı adam yoxdur. Mən “ana” kəlməsi ilə təbiətin,
xilqətin, varlığın sirrini oxumuşdum, dünyanı dərk
etmişdim. “Ana” yerdir, “ata” – göy! Bu iki müqəddəs
söz həyatın mayası, varlığın əsası, başlanğıcıdır?!”
2
Bəlkə də müəllim olmasa, insanlar elə başa düşə bilər
ki, onlar hər şeyi bilirlər. Müəllim insanı elə bir yola
çıxarır ki, o, ömrü boyu öyrənməli olur. Ancaq nə bilik
tükənir, nə də onun öyrəndikləri. Belə olduğundan
insanlar müəllimə ehtiyac hiss edirlər. Ömrü boyu
oxuyan, öyrənən, həyatı dərk edən hər bir insanın etirafı
bundan ibarətdir. Bəxtiyar Vahabzadə kimi: “Son
nəfəsimizə qədər biz öyrənəcək, öyrənəcəyik. Axı, insan
üçün “bilirəm” sözü yoxdur. O, “biləcəyəm” deyə-deyə
hər gün, hər ay, hər il, ucalır, böyüyür. Təbiət və kainat
1
Müəllim! – Bəxtiyar Vahabzadə. Sənətkar və zaman. Bakı,
Gənclik, 1976, s.195
2
Yenə orada.
Dostları ilə paylaş: |