BULUDXAN XƏLİLOV
––– 62 –––
təqdim edir. Bu sınma şüanın mənbəyinə uyğun gəl-
mədiyindən pedant müəllim abituriyentin cavabını səhv
kimi başa düşür. İmtahan götürən müəllim bu incə
nöqtəyə xüsusi diqqət yetirməlidir”
1
.
İmtahan qaydalarının necə olması məsələsi bütün
zamanlarda ziyalıları düşündürmüşdür. Bütün zaman-
larda imtahan qaydaları ziyalıları razı salmamışdır. Bu
mənada Bəxtiyar Vahabzadəni də imtahan qaydalarının
bəzi məqamları qane etməmişdir. Məsələn, texniki
fakültələrə ərizə verən abituriyentlər ixtisas fənlərindən
yüksək qiymət alsalar da, bəzən o vaxt yazı işindən kə-
silir və ali məktəbə qəbul olunmurdu. Bəxtiyar Vahab-
zadənin fikrincə, “Belələri haqqında ayrıca düşünmək
lazımdır. Əks halda biz ali məktəbin qapılarını istedad-
ların üzünə qapamış olarıq. Çünki istedad norma tanı-
mır. O, ütülənmiş cümlələrlə fikrini ifadə etmir. Biz onu
qrammatik normalar qəlibinə sala bilmərik. Çünki onun
öz istedadına münasib öz üslubu var. Çünki o, isteda-
dının dili ilə danışır. Bunu təyin etmək isə müəllimdən
son dərəcə həssaslıq, vaxt, səbir və hövsələ tələb edir”
2
.
Bəxtiyar Vahabzadə müəllimin həssaslığını ən mü-
hüm keyfiyyət kimi, vəzifə borcu kimi dəyərləndirir.
Doğrudan da, tələbəni bir-birindən ayırmaq, seçmək,
fərqləndirmək üçün müəllimin məsuliyyəti böyükdür.
Bəxtiyar Vahabzadə bu məsuliyyətdən çıxış edən bir
müəllim kimi deyirdi: “İmtahan qəbul edən müəllim,
birinci növbədə cəmiyyət qarşısında boynuna götürdüyü
1
Qəbul imtahanları barədə. – Bəxtiyar Vahabzadə. Sənətkar və
zaman. Bakı, Gənclik, 1976, s.238
2
Yenə orada. s.239
BƏXTİYAR VAHABZADƏNİN PEDAQOJİ GÖRÜŞLƏRİ
––– 63 –––
vəzifənin çətinliyini dərk etməlidir”
1
. Yaxud: “Müəllim
pedant olduqca, ali məktəb üçün seçdiyi gənclər də pe-
dant olacaq. Mən imtahan qaydalarındakı bu pedan-
tizmin əleyhinəyəm”
2
.
1
Qəbul imtahanları barədə. – Bəxtiyar Vahabzadə. Sənətkar və
zaman. Bakı, Gənclik, 1976, s.237
2
Yenə orada. s.236
BULUDXAN XƏLİLOV
––– 64 –––
ƏDƏBİYYATIN TƏDRİSİNƏ
DAİR
Tədris məsələsi həmişə cəmiyyətin diqqət mərkəzin-
də olmuşdur. Tədris olunan fənlərə gəldikdə isə onlar
müxtəlifdir. Hər bir fənnin özünəməxsusluğu vardır.
Hər bir fənnin fərdi xüsusiyyətləri vardır. Tədris prose-
sində bunu nəzərə almaq mütləq lazımdır. Ona görə də
fənn müəllimləri fənnin spesifik xüsusiyyətlərini duy-
maqla, hiss etməklə tədris prosesini aparmalıdırlar.
Konkret olaraq ədəbiyyat fənninin tədrisində də fənnin
spesifik xüsusiyyətlərini nəzərə almaq vacibdir. Bəxti-
yar Vahabzadə uzun müddət Azərbaycan Dövlət
Universitetində (indiki BDU-da) müəllim kimi fəaliyyət
göstərdiyindən öz təcrübəsindən istifadə edərək ədəbiy-
yatın tədrisi ilə bağlı bir çox məqamları tədrislə məşğul
olanların nəzərinə çatdırırdı. O, ədəbiyyatın tədrisi mə-
sələsində bu fənnin xalqın həyatı, mənəviyyatı və
ictimai varlığı ilə bağlı olduğunu qeyd edirdi. Ədəbiyyat
elə bir fəndir ki, bu fənn gənclərimizin tərbiyəsinin və
dünyagörüşünün formalaşmasında mühüm rol oynayır.
Bəlkə də ədəbiyyat qədər gənc nəslin formalaşmasında
təsir qüvvəsi olan ikinci bir fənn yoxdur. Bu da o səbəb-
lə bağlıdır ki, ədəbiyyatın başqasına çatma və təsiretmə
imkanları genişdir. Uşaq dünyaya gəldiyi gündən eşitdi-
yi laylaların, nəğmələrin təsiri altında böyüyür. Sonralar
oxuduğu bədii əsərlərin təsiri altına düşür. Bununla da
uşaqlıqdan başlayaraq şagird mənsub olduğu xalqın
ruhuna, mənəviyyatına bələd olmağa başlayır. Həmin
ruhda və mənəviyyatda böyüyür, vətəndaş kimi yetişir.
BƏXTİYAR VAHABZADƏNİN PEDAQOJİ GÖRÜŞLƏRİ
––– 65 –––
Bəxtiyar Vahabzadə ədəbiyyat fənnini xarakterizə
etmək üçün onu digər fənlərlə müqayisə edir və fənlə-
rin, xüsusilə ədəbiyyat fənninin fərdi cəhətlərini ədəbiy-
yat müəllimlərinə təcrübəli bir müəllim kimi izah edirdi.
Məsələn, o yazırdı: “Şagird qrammatika fənni ilə dilin
qanun-qaydalarını öyrənirsə, ədəbiyyat vasitəsilə bu
dilin nələrə qadir olduğunu, bu dilin əzəmət və böyük-
lüyünü görür, incəlik və gözəlliyinə heyran qalır”
1
.
Yaxud tarix və coğrafiya elmləri ilə müqayisələr
aparmaqla ədəbiyyat fənnini inandırıcı şəkildə, əyani
olaraq xarakterizə edirdi. Məsələn, “Şagird tarix elmi va-
sitəsilə əcdadının keçdiyi şərəfli yolları, xalqın apardığı
mübarizəni faktlarla öyrənirsə, ədəbiyyat vasitəsilə əcda-
dının şanlı tarixini bədii lövhələrdə görür, onun keçmişi
ilə yaşayır, bugünkü qələbələri ilə fəxr edir. Coğrafiya
elmi şagirdə Vətəninin qüdrətini, iqlimini, təbii
sərvətlərini, iqtisadi qüdrətini rəqəmlərlə öyrədirsə, ədə-
biyyat Vətənin mənəvi qüdrətini, mənəvi böyüklüyünü
bədii lövhələrlə göstərir”
2
. Hər bir fənni tədris edən
müəllim o fənnin spesifik xüsusiyyətlərini bilməklə yana-
şı, tədris prosesində onları nəzərə almağı da unutmamalı-
dır. Bu mənada ədəbiyyat fənnini tədris edən müəllimin
də qarşısında mühüm vəzifə borcları dayanır. Həmin
borcları dərindən dərk etməklə ədəbiyyatın tədrisini təşkil
etmək lazımdır. Ona görə də Bəxtiyar Vahabzadə ədəbiy-
yat müəllimi necə olmalıdır, hansı keyfiyyətləri özündə
daşımalıdır, hansı mənəvi keyfiyyətlərə malik olmalıdır
məsələlərinə öz mövqeyini bildirirdi. O, 1960-cı ildə
1
Ədəbiyyatın tədrisinə dair. – Bəxtiyar Vahabzadə. Sənətkar və
zaman. Bakı, Gənclik, 1976, s. 190
2
Yenə orada.
Dostları ilə paylaş: |