BULUDXAN XƏLİLOV
––– 12 –––
Mənim şeirlə ilk tanışlığım babamın dediyi bu bənd-
dən, nənəmin çağırdığı bayatılardan başlamışdır. “Xə-
yal” sözünün mənasını isə mən çox sonralar başa düş-
düm”
1
. Deməli, insan bilmədiyini soruşmaqla öyrənir.
Öyrənmək üçün gərək bu istəkdə olasan, bilmədiklərini
təkcə kitabdan deyil, yerində və məqamında bilənlərdən
öyrənəsən. Bu mənada kiçik yaşlarından bilmədiyini
öyrənən uşaqlar sonralar öz yaş səviyyələrinə uyğun
bilgi əldə edə bilirlər. Bəzən görürsən ki, hər hansı bir
uşaq, yeniyetmə, gənc, eləcə də ortayaşlı və ahıl yaşlı
insan öz yaş səviyyəsinə uyğun bilikdə olmur. Onların
dünyagörüşü, doğma ana dilindəki sözlərin bir çoxunun
mənasını bilməmələri onların nitqinə əngəl törədir,
nitqləri qüsurlu, yorucu olur, nitqləri nitq mədəniyyə-
tinin tələblərinə cavab vermir. Ona görə də dildə olan
sözlərin mənalarını həmin sözlərlə ilk tanışlıqdan
öyrənməlidirlər. İlk tanışlıq isə ailədən başlayır. Uşaq
ailədə atadan, anadan, babadan, nənədən, böyük qardaş
və bacıdan ilk tanış olduğu sözlərin mənasını öyrənmə-
lidir. Ancaq bəzən valideynlər də uşaqların ilk tanış
olduğu sözlərin mənalarını ya bilmir, ya da uşağa başa
salmağı bacarmırlar. Belə olanda uşaq hər hansı bir
sözün ifadə etdiyi məfhumu, anlayışı seçib fərqləndirə
bilmir, ayırd edə bilmir. Məsələn, bu gün uşaqların
böyük əksəriyyəti gül növlərini bir-birindən fərqləndirə
bilmirlər. Nərgiz, lalə, qərənfil, yasəmən, süsən, sünbül
və digər gül növlərini bir-birindən fərqləndirə bilmirlər.
Bu gün çoxları bilmir ki, dəvədabanı, quşəppəyi, qaz-
1
Mən aşiqəm, yasaq yoxdur dilimə. – Bəxtiyar Vahabzadə.
Sənətkar və zaman. Bakı, Gənclik, 1976, s. 78
BƏXTİYAR VAHABZADƏNİN PEDAQOJİ GÖRÜŞLƏRİ
––– 13 –––
ayağı, dovşan toppuğu, yemlik, qantəpər nədir? Bəzən
ailələrdə böyüklər bu gül və bitki növlərini ayırd edə
bilmirlər. Bunun əsas səbəblərindən biri odur ki,
insanların bir qismi uşaqlıq dövründən təbiətdən çox-
çox uzaq düşürlər. Təbiətdə olan təbii bitkiləri gözləri
ilə görmürlər və təbii ki, təbiətdəki bitkiləri də
tanımırlar. Bunu təkcə bitkilərlə bağlı deyil, dildə məna-
sını bilmədiyimiz çoxlu sayda digər sözlərə də aid
etmək olar. Doğrudan onların ifadə etdiyi məfhumu,
anlayışı bilməmək dilin lüğət tərkibinin tam qavranılma-
sı işinə maneçilik göstərir. Ona görə də insan uşaqlıqdan
başlayaraq onu əhatə edən aləmə elə- belə baxmamalı
onun mənasını, hikmətini anlamağa çalışmalıdır.
Beləliklə, Bəxtiyar Vahabzadə “Xəyal” sözünün
mənasını çox sonralar başa düşdüyünü deməklə, uşağın
öyrəndiyi şeirdə, nəğmədə bilmədiyi sözün mənasını
vaxtında öyrənilməsini məsləhət bilirdi ki, ilk məqamda
uşağın mənasını bilmədiyi sözləri öyrənəcəyi adam
onun valideynləri, babası, nənəsi və evdə ondan böyük
olan qardaş-bacıları olmalıdır. Onlar isə uşağın psixolo-
giyasını duymağa, hiss etməyə çalışmalıdırlar. Eyni za-
manda uşağın səviyyəsinə enməyi mütləq nəzərə alma-
lıdırlar. Düzdür, bu çətin bir işdir. Ancaq bu çətinliyin
öhdəsindən gəlməyi bacarmaq lazımdır. Bəxtiyar Va-
habzadə hətta uşaqlar haqqında yazanda da bu çətinliyi
nəzərə almağı olduqca vacib sayırdı. O yazırdı: “Uşaq-
lar haqqında yazmaq çətindir, deyirlər. Bu, doğrudan da
belədir. Bəs bu çətinlik nədədir? Məncə, bu çətinlik
dəfələrlə eşitdiyimiz kimi birinci növbədə uşağa məxsus
olan xüsusiyyəti – uşaq psixologiyasını, uşaq təbiətini,
uşaq aləmini bilməkdədir. Uşaqlar üçün yazıb, onların
dilini, dərketmə qabiliyyətlərini, ətrafdakı hadisələrə
BULUDXAN XƏLİLOV
––– 14 –––
münasibətlərini bilməmək şairi sözsüz ümumiçiliyə,
mücərrədliyə aparacaqdır”
1
. Deməli, Bəxtiyar Vahab-
zadə uşaq təbiətini, uşaq aləmini bilmədən uşaqlar üçün
yazmağın mümkünsüzlüyünü qeyd edir. Bundan başqa,
o, pedaqogikadakı əyanilik prinsipini konkret olaraq hər
hansı bir fikrin, ideyanın daha canlı çatdırılmasında
əhəmiyyətli hesab edirdi. O yazırdı: “Pedaqogikadan
bildiyimiz kimi, uşaqlar üçün tədrisin özü də əyanilik
prinsipi ilə aparılır. Müəllim uşağa iki üstə gəl ikinin
dörd olduğunu quru sözlərlə deyil, sayğacda iki daşın
üstünə iki daş əlavə etməklə, doğrudan da dörd
alındığını məhz göstərməklə öyrədir.
Uşaq ikinin üstünə iki gələndə dörd alındığını say-
ğacda öz gözlərilə gördüyü kimi, təbliğ olunan ideyanın
faydalılığını, yaxud pis əməlin faydasız olduğunu da
konkret həyat lövhələrində görməlidir. Bunun üçün isə
şair quru nəsihətçiliyə, ümumi sözçülüyə getməməli,
aşılamaq istədiyi fikri canlı boyalarla göstərməlidir”
2
.
Konkret olaraq həyat lövhələri əsasında öyrənmək, quru
nəsihətçilikdən, sözçülükdən uzaq olaraq canlı boyalarla
öyrənmək uşağın yaddaşına biliyi əbədi həkk etdirir.
Hazırda tədris prosesində tədrisin əyanilik prinsipi ilə
aparılmasına daha çox üstünlük verilir. Deməli, təcrübə
göstərir ki, əyanilik üzərində qurulmuş tədris prosesi
mücərrədlikdən uzaq olmaqla, daha canlı və inandırıcı
olur. Ümumiyyətlə, öz sənəti, öz sözü, öz nəfəsi olanlar
başqalarından seçilir, hətta yadda qalırlar. Bəlkə, heç
bəlkəsiz də, bütün sənət sahələrində o adamlar sevilir ki,
1
Hiss etmək, yaşamaq, duymaq. – Bəxtiyar Vahabzadə. Sənətkar
və zaman. Bakı, Gənclik, 1976, s.107
2
Yenə orada.
Dostları ilə paylaş: |