282
resursları-silahları, maddi-texniki təminatı və təlimatlan-
dırmanı) birləşdirmək, əlaqələrinin istiqamətlərini müəyyən
etmək,
təhlükəsizliyin
təmin
olunması
istiqamətlərini
müəyyənləşdirmək, reallıqda və gələcəkdə gözlənilə bilən
təhlükələrin əsas istiqamətlərini müəyyən etmək, ortaya çıxan
və fəallıqla müşahidə olunan təhlükə hədəflərini zərərsiz-
ləşdirmək
(terror
qruplarını
zərərsizləşdirmək),
birgə
fəaliyyətin əsaslarını müəyyənləşdirmək, hərəkət planlarını
qurmaq və bu sahədə əməkdaşlıq etmək, məsləhətləşmələr
həyata keçirmək və dialoqlar qurmaq və s. bu kimi funksiyaları
yerinə yetirmək məqsədilə təşkil olunur. İttifaqlar daha çox
subyektlər arasında universal və fərdi qaydada (ayrı-ayrı
strukturlar arasında) koordinasiya funksiyasını həyata
keçirirlər və fövqəladə hallarda güclərin birləşdirilməsinin
əsaslarını müəyyən edirlər və icra qərarları qəbul edirlər.
Hərbi-siyasi
ittifaqlar
müəyyən
geosiyasi
məkanlarda
geostrategiyanın tərkibi olaraq təhlükə mənbələrini müəyyən-
edici, təyinedici, zərərverici tərəfləri aşkarlayıcı və təhlükələrə
qarşı, eləcə də hücumalara qarşı adekvat zərbəvurucu
hərəkətləri icra edirlər. İttifaqlar məlumatların qəbul edilməsi,
ötürülməsi və müdafiə və hücum taktikasının müəyyən
edilməsi funksiyasını yerinə yetirirlər. İttifaqlar daima
genişlənmə, böyümə xassələrinə malik olurlar və maraqların
böyüdülməsi, bu baxımdan da təhlükəsizlik arenalarının və
obyektlərinin çoxaldılması məqsədini güdürlər. İttifaqlar
maraqları böyüdən, maraqları müdafiə edən və eləcə də
maraqları genişləndirən qurumlar kimi əhəmiyyət kəsb
edirlər. İttifaqlar normayaradıcı (üzv dövlətlərin təsis
müqavilələri, qərarlar, xartiyalar, protokollar, bəyannamələr,
fəaliyyət planları və s. kimi aktlar qəbul etmələri) və norma
icraedici funksiyaya malik olurlar. Bu qurumlar subyektlər və
güc mənbələri olaraq müəyyən vəzifələrə və bundan irəli
gələrək səlahiyyətlərə (eləcə də əksinə, yəni, səlahiyyətlərdən
283
irəli gələn vəzifələrə) malik olurlar, bu baxımdan da öhdəliklər
daşıyırlar.
Dünyada hərbi-siyasi təşkilatların yaradılmasına təsir
edən bir çox amillər mövcuddur: ideoloji amillər, iqtisadi,
siyasi və mədəni (sivilizasiya amilləri) İlk növbədə onu da
qeyd etmək lazımdır ki, tarixin ortaya çıxardığı gerçəkliklər də
ittifaqların
yaradılması
təşəbbüslərini
meydana
gətirir.
(Məsələn, NATO ittifaqı tarixin, II Dünya müharibəsinin
nəticəsinin məhsulu kimi ortaya çıxmışıdır). Bununla yanaşı,
müəyyən məkanlarda təhlükəsizliyin təmin edilməsi zərurəti də
mühüm amillər içərisindədir. İttifaqların yaradılması prosesləri
tarixin müəyyən anlarında ortaya çıxan zərurətdən irəli
gəlməklə yanaşı, həm də yeni tarixi mərhələlərin meydana
gəlməsini də şərtləndirir. (Məsələn, NATO-Varşava Müqaviləsi
Təşkilatı mübarizəsi müəyyən andan sonra daxili gərginlikdən
və bu gərginlikdən qurtarmaq istəklərindən və mübarizədən
irəli gələrək yeni bir tarixi mərhələni ortaya çıxarmış oldu).
Dünyanın geosiyasi baxımdan strateji əhəmiyyət (burada həm
coğrafi mövqe, həm də ərazinin daxilindəki təbii ehtiyatlar və
üzərindəki
maddi
resurslar
baxımından)
kəsb
edən
regionlarının olması (quru və dənizlərin qarşılılqlı harmonik
vəziyyətlərinin mövcudluğu və ərazilərin bir-birilərini
coğrafi-strateji mövqe baxımından tamamlaması. Nəzərə
almaq lazımdır ki, dəniz quruya, quru da dəniz mövqelərinə
xidmət edir. Ən əsası isə dənizin quruya xidmətidir. Çünki
insanlar quru üzərində yaşayırlar) və hər iki məkanın bir-
birinə xidmət etməsi də hərbi-siyasi və iqtisadi ittifaqların
yaradılması üçün əsas şərtdir. İttifaqlar hərəkətlərin
gücləndirlməsi və hərəkətlərin və hərəkətdə olanların
müdafiəsi zərurətindən yaradılır. İttifaqların yaradılmasında
və məkanlar -qitələrlə və onların ayrıcları –aralıq məkanlar,
üzrə xarakterizə olunan regionlar üzrə böyüməsində rol
oynayan səciyyəvi cəhətlər- bir tərəfdən dövlətlərin geosiyasi
baxımından böyümək istəkləri (məsələn, böyük dövlətlərin-
284
böyük güc mərkəzlərinin ayrı-ayrı regionlarda daima artan
maraqları), maraq sferalarını artırmaq uğrunda hərəkətləri (bu
hərəkətlər ittifaqların yaradılması zamanı da, yəni proseslərin
özündə də baş verir, böyümə prosesi maraqları da böyüdür.
Məsələn, NATO-nun Şərqə doğru genişlənməsi proseslərinin
özü Qərbin maraqlarını da Avro-Asiya aralıq məkanında
genişləndirir), digər tərəfdən də orta və kiçik gücə, eləcə də
böyük gücə malik olan dövlətlərin bir-birilərindən müdafiə
olunmaq istəkləridir. İttifaqların yaranmasında böyümə prose-
sinin özü də əhəmiyyət kəsb edir. Məsələn, bir böyük dövlət
onunla eyni sahələrdə maraq göstərən və ayrı-ayrı gücə, bu
baxımdan hərtərəfli potensiala sahib olan dövlətləri öz tərəfinə
çəkirsə, bu addım təbii şəkildə əks-tərəfdə, yəni, digər böyük
dövlətdə də müdafiə olunmaq istəklərini meydana gətirir.
Həmin böyük dövlət də müəyyən metodlardan (metodlar
içərisində radikal metodlardan- güc tətbiq etməkdən,
hədələməkdən, təzyiqlər göstərməkdən tutmuş mülayim-
yumşaq metodları sadalamaq olar) istifadə edərək özünə
coğrafi, eləcə də iqtisadi və siyasi baxımdan yaxın olan dövlət-
ləri ətraflarına cəlb edir və onların həm ərazi imkanlarından
istifadə edir, həm də daxili resurslarından faydalanır. Məsələn,
NATO ittifaqına alternativ olaraq 1955-ci ildə Varşava
Müqaviləsi Təşkilatının SSRİ tərəfindən yaradılmasını buna
nümunə göstərmək olar. NATO-nun özü də ümumi
prinsiplərdən irəli gələrək, məhz SSRİ kommunizminin
Avropaya daxil olmasının qarşısını almaq və Avropanın
demokratik inkişaf yolunu tutmuş dövlətlərinin müdafiəsi
məqsədilə yaradılıb. Hər iki təşkilat “soyuq müharibə”
dövrünün strateji siyasətini müəyyən etmək məqsədilə əks
geocəbhələrdə formalaşdırılıb. (Qeyd: geocəbhələr dedikdə,
bir neçə dövlətin daxil olduğu materik ərazidə müəyyən coğrafi
məkanları ideoloji-siyasi və hərbi qurşaqlarla ayıran müxtəlif
üfüqi-coğrafi xətlər, gərginliyin müşahidə olunduğu regionlar
kimi başa düşülməlidir. Bu cəbhə regionlarının geosiyasi
Dostları ilə paylaş: |