99
Söz tamam oldu, hər iki pəhlivan əl atdı qılınca. Təhri
qışqırdı, növbət Sama yetişəndə qoltuğunun altından bir qılınc
vurub öldürdü. Qoşun cah-cəlalla Sama yetişdi. Sərkarın biri
açarları Sama verdi. Sam bir-bir qapıları açdı, nə qədər ləli-
cəvahir var idisə qoşuna payladı.
Təhrinin sərkərdələrindən biri dedi:
– İki qoca zindandadır. Onları burax.
Sam gördü zindanda olan qocalar öz atasıynan onun vəzi-
ridi. Üz-gözləri tüklənib. Sam onlarla görüşüb öpüşdü.
Sam soruşdu:
– Atayi-mehriban, nə səbəbə təxti-tacı buraxıb zindana düş-
müsən?
Atası dedi:
– Səni axtarmağa çıxmışdım. Birdən hər yeri duman basdı,
bizi tutub bu qalaçaya gətirdilər.
Atası ilə vəziri götürüb öz şəhərlərinə gəldilər. Şadyanalıq
keçirildi. Sam şahzadəyə qırx gün, qırx gecə toy oldu. Onlar
murad hasil elədilər.
Yaradıcısı: El şairi Təhlə Novruz
Söyləyəni: Aşıq Ülfət
100
ZƏRQAM ŞAH
Sizə kimdən danışım, nədən söyləyim, Səməngan şəhərin-
dən və onun hökümdarı Xarəzm şahdan. Bu şahın o qədər var-
dövləti var idi ki, dəryalar mürəkkəb olsa meşələr qələm, yenə
də onun hesabına çatmazdı. Amma övlad sarıdan Allah ona kəm
baxmışdı. Ömrünün çoxunu keçirsə də özündən sonra var-
dövlətinə sahiblik edəcək bir varisi yox idi. Şah qocaldıqca bu
dərd onu əyir, fikir, qəm-qüssə ona rahatlıq vermirdi.
Şah bir dəfə arvadı Bənzərbanunu yanına çağırıb taleyindən
şikayətlənir və dərdini onunla bölmək istəyir. Bu vaxt şahın
otağına bir dərviş daxil olur. Şah dərvişi görüb çox qəzəblənir və
onu buraya kimin buraxdığını soruşur. Dərviş cavab verir ki,
özüm gəlmişəm, həm də xeyrxahlığa gəlmişəm.
Şah deyir:
– Mən şah, sənsə qapı-qapı gəzən dərviş, mənə nə xeyr verə
bilərsən?
Cavabında dərviş deyir:
– Mən sənin çatışmayan payını verməyə gəlmişəm.
Şah bu sözləri eşidən kimi dərvişə deyir ki, əgər sözlərin
doğru olsa, səni dünya malınnan qane edərəm.
Dərviş gülümsünüb cavab verdi ki, mənə heç bir dünya malı
lazım deyil, mən pay alan yox, pay verən dərvişlərdənəm. – Bun-
dan sonra əlini cibinə atıb bir alma çıxartdı və şaha uzadıb dedi: -
Al bu almanın qabığını soy, ilxındakı kəhər madyana ver, özünü
də iki yerə böl, yarısını özünə götür, yarısını da Bənzərbanu xanı-
ma ver. Axşam araya gələndə hər ikiniz almanı yeyib baş yastığa
qoyarsınız. Sizin bir oğlunuz, almanın qabığını yeyən madyanın
isə gözəl bir qulunu doğulacaq. Uşağa Zərqam, madyanın qulu-
nuna isə Taryel (Tanrı yel) adı verərsiniz. O quluna yaxşı qulluq
edərsiniz, çünki Zərqamı ondan başqa heç bir at gəzdirə bilməz.
Bunu dedikdən sonra dərviş şahdan soruşur:
– Bəs, o yandan gələn adamı otağa kim buraxdı?
101
Xarəzmşah tez dönüb dərvişin göstərdiyi tərəfə baxır, heç
kəsi görmür. O geri çevrilənə qədər dərviş qeyb olur. Şahla arva-
dı təəssüflə əllərini dizlərinə vururlar. Ancaq iş-işdən keçmiş,
olan olmuşdu.
Hökmdarla arvadı dərvişin dediklərinə əməl edirlər. Aylar
keçir, günlər dolanır, Bənzərbanunun gözəl bir oğlu olur. Sarayda
şadlıq başlanır. Uşağın adını Zərqam qoyurlar. Qulunluqda olan
madyanın da gözəl bir qulunu doğulur. Zərqamın tərbiyəsini
dayələrə, quluna qulluq etməyi isə xüsusi mehtərlərə tapşırdılar.
Zərqamı dayə tərbiyəsindən sonra məktəbə qoydular. O, on
beş yaşına qədər məktəbdə təlim-tərbiyə aldı. Onun ağlına,
gözəlliyinə hamı heyran qalmışdı.
Günlərin birində Zərqam bağda gəzmək üçün atasından
icazə alır. Bağda o qədər gəzir ki, yorulur və gəlib bulaqda əl-
üzünü yuyub dincəlir. Burada onu yuxu aparır. Zərqam bir az
yatandan sonra onu yuxudan oyadırlar. Oğlan görür ki, qarşısın-
da göy əmmaməli, nurani bir dərviş dayanmışdır.
– Oğul, nə yatmısan, aç gözünü, bax , gör nə görürsən?
Zərqam cavab verir ki, uzaq yollar.
– Daha nə görürsən?
– Bir şəhər, şəhərdə böyük bir ev və güləfirəngidə dayan-
mış bir qız.
– O qız Seystan hökmdarı Əmir Sultanın qızı Əfruzu Ca-
handır. Onu sənə, səni ona göstərdim, get, inşallah taparsan.
– Oğul, o gələnlər səninmi yoldaşlarındır?
Zərqam dönüb dərvişin göstərdiyi tərəfə baxdı, ancaq heç
kəsi görmədi. Bu tərəfdən də dərviş yoxa çıxdı. Bunu görən
Zərqamın ah-naləsi göyə ucaldı, sinəsi alışıb yandı. Təsəlli üçün
Ənbiyaya görək götürüb nə dedi:
Əzizməşşan küllü kanı yaratdı,
Necə xəlq eylədi “Yasin- Əmməni”.
Arif məclisində qoyaq araya,
Ya imtahana çək, ya sına məni.
102
İcad oldu iki dürrülə məkan,
Camalın şövqündən buldu lamə kan.
Vadeyi-səhrada edən laməkan,
Ya pirim, ya birim, ya sinəm məni.
Anlasan, sözümün var a mayağı,
Baş alıb sinəmdən vərəm ayağı.
Görüm ürcah olsun vərəmə yağı,
Etməsin, Zərqamam, yası nəm məni.
Söz tamama yetdi. Zərqamın ağlı başından çıxdı. Huşunu
itirib bulaq başında yerə uzandı. Üç gün ağzından köpük daş-
dandı, ancaq özünə gəlmədi.
Gəl eşit bu tərəfdən Xarəzm şahdan və Bənzərbanudan.
Bunlar Zərqamın yox olmasını eşitdikdə elə bil ki, başlarına od
ələndi, ah-nalələri ərşə dayandı. Şah əmr etdi ki, hamı tökülüb
onun oğlunu axtarsın. Hər tərəfə adam göndərildi. Nəhayət,
qulluqçular Zərqamı bağdakı bulağın üstündə yatmış gördülər və
şaha xəbər apardılar. Oğlunun tapıldığını eşidən kimi anası özü-
nü bulağın üstünə yetirdi. Zərqamın dünyadan xəbərsiz yatma-
sını görəndə elə bil ki, başına od ələndi. Saçından üç tel ayırıb
sinəsinə basdı və görək Zərqamı necə oyatdı.
Kimlər çaldı layla yatdın,
Dur qəflətdən oyan, Zərqam.
Könlümdə qəmlər oyatdın,
Dur qəflətdən oyan, Zərqam.
Çeşmim yaşı axar hər an,
Misali seli firavan.
Gözün aç, mən sənə qurban,
Dur qəflətdən oyan, Zərqam.
Bənzərbanu könlü qəmli,
Ürəyim dərdli, ələmli.
Dostları ilə paylaş: |