119
Əlimdən aman imkanı,
Yaşa illər, gəlirəm mən.
Zərqam:
Zərqamdı dərya nəhəngi,
Onunla etməzlər həngi.
Düşəndə görərsən cəngi,
Coşa yollar gəlirəm mən.
Söz tamama yetişdi. Hər iki hünərvər əl atdılar qılınca, qal-
xana, əmuda. Bunların silahının səsindən qulaq tutulurdu. Lakin
heç biri üstün gələ bilmədi. Nəhayət, əlac qaldı güləşməyə.
Qızmış nər kimi girişdilər bir-birilərinə. Yorulduqca arada bir
dincəlir, yenə də davam edirdilər, lakin heç biri üstün gələ bil-
mirdi. Nəhayət, Zərqam ağasını yadına saldı, dəli bir nərə çəkib
Əsfəndiyarı yerə vurdu, çıxıb sinəsinin üstündə oturdu. Qılıncını
çəkdi ki, Əsfəndiyarın başını kəssin, ondan dərin bir səs çıxdı.
Bunu eşidən Zərqam əlini saxladı və Əsfəndiyardan soruşdu ki,
igid də bir qaşıq qanından qorxarmı? Əgər qorxurdunsa onda nə
üçün döyüş meydanına çıxırdın?
Əsfəndiyar cavab verib dedi:
– Mən qanımdan qorxan deyiləm, ancaq mənim əhdim var,
ona çata bilməyəcəm, ona görə ah çəkdim.
Zərqam soruşdu:
– Səni ah çəkməyə məcbur edən necə əhddir?
- Ey cavan, bil ki, mən yeddi ildir bu yol ayrıcındayam.
Hələ heç kim mənim arxamı yerə vurmamışdı. Bu işi birinci sən
etdin. Mənim də əhdim bu idi ki, kim məni yıxsa ona ərə
gedim.Sən də görünür bunu istəmirsən, öldür, qanım halaldı.
Bu sözləri deyib Əsfəndiyar başından dəbilqəni götürdü,
qulac telləri üzünə yayıldı. Zərqam tez qalxdı və onun əlindən
tutub ayağa qaldırdı. Hamı sevinc içində Əsfəndiyarın qalasına
daxil oldu. Zərqam bir neçə gün qalada qaldı, dincəldi. Sonra
Əsfəndiyara bildirdi ki, Seystana – sevgilisi Əfruz Cahanın
120
arxasınca getməlidir. Əsfəndiyar istəyirdi ki, Zərqamı yoldan
saxlasın, ancaq bilirdi ki, bu mümkün deyil. Ona görə də özlü-
yündə belə qərara gəldi ki, Zərqamı tək buraxmasın, onunla bir-
likdə Seystana getsin. Bir neçə gündən sonra Zərqam ilə Əsfən-
diyar altdan geyib üstdən, üstdən geyib altdan qıfıllandılar, atla-
rın başını buraxdılar Seystana tərəf. Bir neçə gün at sürdükdən
sonra sağ-salamat şəhərin kənarındakı şah bağçasına gəlib çatdı-
lar. Əsfəndiyar Zərqamı başa saldı ki, şəhərə belə girmək olmaz.
Razılaşdılar ki, Əsfəndiyar atlarla qalsın, Zərqam sazını çiyninə
keçirib şəhərə daxil olsun. Bunlar burda qalmaqda olsunlar, İndi
də al xəbəri Əfruz Cahandan.Neçə müddət idi ki, Əfruz Cahan
eşq atəşində yanır, qovrulurdu. Dərdini kimsəyə aça bilmir,
sevgilisinin yolunu gözləyirdi. Onun ürəyinə dammışdı ki, bütün
çətinliklər aradan qalxacaq, sevgilisi gələcək. Lakin ayrılıq qəl-
bini üzürdü. Bir qədər rahat olmaq üçün hər gün qızlarla şəhərin
kənarındakı şah bağında gəzməyə çıxar, dərdini yüngülləş-
dirərdi. Təsadüf belə gətirmişdi ki, bu gün də qızlar bağda gəzir-
dilər. Zərqam çiynində sazı bağa daxil oldu. Qızlar çiyni sazlı
aşığı görən kimi yüyürüb onu dövrəyə aldılar. Xahiş elədilər ki,
aşıq onlar üçün çalıb-oxusun. Zərqam gözünü dolandırıb qızlara
baxdı, nəzərləri Əfruz Cahanın üzündə qaldı. Az qaldı ürəyi
sinəsindən çıxsın. Aldı görək qızların xahişinə necə əməl etdi,
öz vəziyyətini, kimliyini sevgilisinə nə cür anlatdı:
Gülşən bağçasında seyran edibən,
Qayıdan qızların qurbanı canım.
Əlvan çiçək dərib, dəstə bağlayan,
Gülü-nərgizlərin qurbanı canım.
Artıbdı hərarət, açılıb yaxan,
Geyinib zər-ziba, həmayıl taxan.
Ovçu görmüş maral kimi yan baxan,
O süzgün gözlərin qurbanı canım.
121
Zərqamın könlünü gəşdə eyləmək,
Gördüm yar camalın,müjdə eyləmək.
Qaşları mehrabım, səcdə eyləmək,
Tər lalə üzlərin qurbanı canım.
Söz tamama yetişdi, hər iki sevgili bir-birini tanıdı. Uzun
illərin həsrətləri bir-birinə sarıldılar. Sevincindən göz yaşı axı-
dan Əfruz Cahan saçından üç tel ayırıb sinəsinin üstünə basdı,
görək Zərqama nə dedi, Zərqam saz ilə sevgilisinin cavabını
necə verdi.
Əfruz Cahan:
Uzaq yoldan gələn oğlan,
Dürr tökülür dillərinnən.
Oxu, bizi tərif eylə,
Nə ki gəlir əllərinnən.
Zərqam:
Ahəstə sallan nazənin,
Buy
1
götürüm güllərinnən.
Açginən zərrin koftanı,
Çünki sıxır bellərinnən.
Əfruz Cahan:
Aşıq, söylə haralısan?
Məşuqundan aralısan,
Necə tapdın qaralı sən,
Uzun, uzaq yollarınnan?
Zərqam:
Gözəl, yerim Səməngandı,
Yardan ayrı bağrım qandı.
Butam Əfruzu Cahandı,
Öldür kəndi əllərinnən.
1
buy – ətir, qoxu
122
Əfruz Cahan:
Gözəllərin gözü mənəm,
Eşq odunun közü mənəm,
Cahan Əfruz özü mənəm,
Seystanın ellərinnən.
Zərqam:
Zərqam şahı qılma xəstə,
Mənəm sənə payi-bəstə.
Bas qədəmin sinəm üstə,
Ölüm fitnə-fellərinnən.
Bunlar burada oxumağında olsun, eşit Əsfəndiyardan. Əs-
fəndiyar bir az gözlədi, gördü ki, Zərqam gəlmədi. Ürəyi tab gə-
tirməyib öz atına süvar oldu. Zərqamın atını da yedəyinə alıb
qırğı kimi özünü bağa yetirdi. Zərqamla Əfruz Cahanın dünya
yadından çıxmışdı. Onların belə ehtiyatsızlığını görən Əsfən-
diyar qışqırıb dedi:
– Səsinizi toyunuza saxlayın, toyda oxuyarsınız, tez olun,
getmək vaxtıdır. Tez Zərqam öz atına, Əfruz Cahan da Əsfəndi-
yarın tərkinə minib atların başını buraxdılar. Bu tərəfdən də Əfruz
Cahanın başındakı qızlar qaçdılar Əmiri Sultanın yanına xəbərə.
Sultana xəbər çatan kimi qoşuna tərpənmək əmri verildi. Qoşun
tərpənməkdə olsun, al xəbəri Zərqamgildən. Bunlar bir xeyli at
çapıb şəhərdən xeyli uzaqlaşdılar və gəlib bir gözəl çəmənliyə
çatdılar. Qərara gəldilər ki, bu çəmənlikdə bir qədər dincəlsinlər.
Zərqam şah başını Əfruz Cahanın dizi üstə qoyub dərin
yuxuya getdi, Əsfəndiyar isə onların keşiyində durdu. Eşit Əmiri
Sultanın qoşunundan. Qoşunun sel kimi ağzı açıldı. Əsfəndiyar
Zərqamın şirin yuxuda yatdığını görüb onu oyatmağa ürəyi
gəlmədi. Quş kimi atın belinə sıçrayıb özünü qoşuna təpdi. Sağ-
dan vurub soldan çıxdı, soldan vurub sağdan çıxdı. Sultanın qo-
şunu hələ belə əjdaha ilə qarşılaşmamışdı. Qırılan qırıldı,
qalanlar qorxub geri çəkildilər. Bundan istifadə edən Əsfəndiyar
görək Zərqam şahı necə oyadır.
Dostları ilə paylaş: |