115
Çeşmim yaşı batil etdi Ceyhunu
1
,
Əgər qəvvas isən üz, qayıt indi.
Zərqam:
Qürbət eldə qəm karvanım keçməsə,
Xəstə könül əcəl camı içməsə,
Mürği-ruhum gər bədəndən uçmasa,
Ay Pərim, gedərəm, gələrəm yenə.
Qeysər Pəri:
Bu Qeysər Pərinin var iltiması,
Bülbülün köksündə gülün cəfası.
Yaxşı olmaz qürbət elin səfası,
Varırsan, vargilən gəz, qayıt indi.
Zərqam:
Zərqamın sinəsi yardan yaralı,
Canandan aralı, candan aralı.
Kamil ovçu heç keçirməz maralı,
Ay Pərim, gedirəm, gələrəm yenə.
Söz tamama yetişdi. Zərqam şah Qeysər Pərilə halal-hüm-
bət eləyib yola düşdü Seystan səmtə. Bir neşə gün at sürdükdən
sonra gəlib çıxdı bir dəryanın kənarına. Dəryanı necə keçəcəyi
barədə düşünürdü. Elə bu vaxt sahilə bir gəmi yaxınlaşdı.
Zərqam gəmiçidən xahiş etdi ki, onu və atını gəmiyə mindirsin.
Bir qədər danışdıqdan sonra gəmiçi onu yerdən gəmisinə götür-
məyə razılıq verdi. Gəmi dəryanın o biri sahilinə yaxınlaşan
vaxt dəryada bərk fırtına başlandı. Fırtına yedək gəmisini əsas
gəmiyə çırpıb qırıq-qırıq elədi. Zərqam atı ilə qaldı taxta parça-
ların üstündə, əsas gəmi isə çıxıb getdi. Zərqam başa düşdü ki,
hər dəqiqə məhv ola bilər, əlləri hər yerdən üzüldü. Öz-özünə
1
çay adıdır
116
dedi: ”Gəl səni bu çöllərə salanı köməyə çağır, bəlkə bu bəladan
xilas olasan”.
Görək bu fırtınalı dəryanın üzündə Zərqam öz ağasını necə
köməyə çağırır, xilas ola bilir, ya yox?!
Ərənlər sərvəri, şahi-mürtəza,
Qalmışam daməndə, ya mövla-mövla.
Kəmtale qulunam,bəxti qarayam,
Yaranmış insanda, ya mövla-mövla.
Gəzginən ümmanda giriftarımı,
Əcəl meydanında can bazarımı.
İntizar qoymuşam nazlı yarımı,
Olmuşam şərməndə, ya mövla-mövla.
Əcəl oldu Zərqam şahın vurğunu,
Çox dolandım bir gözəlin yorğunu.
Sərə-pay cismimdə şonqar qırğını,
Təng etmə bədəndə, ya mövla-mövla.
Söz tamama yetən kimi böyük bir dalğa vurub taxta par-
çasını Zərqamı Taryellə bərabər sahilə zıxardır. Zərqam bir qə-
dər özünə gəldikdən sonra atına süvar olub yoluna davam edir.
Bir qədər at sürdükdən sonra qarşısına bir tacir karvanı çıxır.
Sən demə bu karvanın başçısı öz həmyerlisi, məşhur tacir Saleh
Sövdəgər imiş. Saleh Sövdəgər neçə vaxtdan bəri itkin düşmüş
Zərqamı görəndə çox sevindi, onu dilə tutdu ki, bu qorxulu
yollarda itə-bata bilər, geri qayıtsın. Zərqam Saleh Sövdəgərin
cavabını üç kəlmə sözlə görək necə verdi.
Ay Saleh Sövdəgər, qanlar ağlaram,
Seystanda qalıb növrəstəm mənim.
Araqçın altinda müsəlsəl tellim,
Üzündə kakili mürəstəm mənim.
Tab etmək çətindi yarın qəhrinə,
Yaxşıdı qərq olmaq qəmin bəhrinə.
117
Durub varım öz butamın şəhrinə,
Çünki intizardı ol kəstəm mənim.
Yerim Səməngandır, babam tacidar,
Mən isə qəmavər, cəsədimdi nar.
Zərqamın “qatili” o nazlı nigar,
Daşındı qəlbimdə şikəstəm mənim.
Söz tamama yetişdi. Saleh Sövdəgər bildi ki, Zərqam geri
qayıdan deyil, sevgilisinin dalınca gedəcəkdir. Onlar bir-biri ilə
halal-hümbət eləyib ayrıldılar. Hər ikisi öz yoluna davam etdi.
Zərqam şah atını uzaqdan görünən dağa doğru sürdü. Yol həmin
dağın dibindən keçirdi. Zərqam dağın dibinə çatanda gördü ki,
yol uzanıb bir qalaçaya gedir. Şahzadə nə qədər baxdısa da
başqa yol görə bilmədi. Başa düşdü ki, yol bu qalaçanın içindən
keçir, ancaq bu qalaçanın sahibinin kim olduğunu, onun başına
burada nə gələcəyini bilmirdi. Zərqam burada düşünməkdə
olsun, sizə xəbər verim bu qalaçanın sahibindən.
Bu qalaçada Əsfəndiyar adlı çox güclü bir pəhləvan yaşa-
yırdı. Onun qorxusundan bu tərəflərə heç kim gəlmirdi. Çünki
Əsfəndiyar buradan keçən hər bir adamla güləşir, yıxdığını öldü-
rürdü. Onun kürəyi isə hələ yerə dəyməmişdi.
İndi eşit Zərqamdan. Zərqam atını yavaş-yavaş qalaçaya
doğru sürdü. Bu vaxt Əsfəndiyar güləfirəngidən Zərqamı görüb,
adamlarından ikisini göndərdi ki, gedib o atlının bura necə gəlib
çıxdığını, kim olduğunu öyrənsinlər. Zərqam da at sürüb qalanın
başına dolanır, qalaya yol axtarırdı. Əsfəndiyarın adamları qəflə-
tən Zərqamın qarşısına çıxdılar və üstünə qışqırdılar ki, sən nejə
qorxmayıb Əsfəndiyarın qalasına yaxınlaşmısan, bu saat bizimlə
getməlisən. Zərqam istədi üstünə gələnləri cəzalandırsın, lakin
onları başa saldı ki, əl-ayaqları sağkən öz Əsfəndiyarlarının ya-
nına qayıtsalar yaxşıdır. Hər ikisi işi belə görüb qalaya qayıt-
dılar, əhvalatı Əsvəndiyara çatdırdılar.
118
Eşit Əsvəndiyardan. O, bu xəbəri eşidib bir nərə çəkdi, alt-
dan geyib üstən qıfıllandı, döyüş filinə süvar olub Zərqamın qar-
şısına çıxdı. Zərqam qarşısındakı pəhləvanı, onun filini görüb əv-
vəlcə bir qədər özünü itirdi, lakin tez də özünü ələ aldı. Əsfən-
diyar Zərqamın qamətini, üzünün gözəlliyini, cavanlığını görüb
ürəyində arzu etdi ki, kaş bu oğlanın qoçaqlığı da xarici gözəlliyi-
nə uyğun gələ. Lakin o öz hisslərini üzə vurmadı. Tez öz rəqibini
üstələmək üçün ona hərbə-zorba gəldi. İndi görək Əsfəndiyar
Zərqama necə hərbə-zorba gəlir, Zərqam ona necə cavab verir.
Əsfəndiyar:
Ay növcavan, var sərində
Nə xəyallar, gəlirsən sən.
Bu qaladan keçmək olmaz,
Tapıb yollar gəlirsən sən.
Zərqam:
Əsfəndiyar bəy, qulaq as,
Qoşa yollar gəlirəm mən.
Qeyçihəra dağlarını,
Aşa yollar gəlirəm mən.
Əsfəndiyar:
Ay dilavər, en atından,
Mən öyrənim qiymətindən.
Söylə kəndi qeyrətindən,
Qeyli-qallar gəlirsən sən.
Zərqam:
Qeyli-qaldı mənim işim,
Həm sənətim, həm gərdişim.
Yoxdur, düşünmə təftişim,
Haşa yollar, gəlirəm mən.
\
Əsfəndiyar:
Əsfəndiyar mənəm, tanı,
Saymaram sultanı, xanı.
Dostları ilə paylaş: |