216
Məhəmməd sözünü tamama yetirdi. Məsim adlı bir sövdə-
yar varıydı bu camaatın içində. Çox insan adamıydı. Məhəm-
məddən soruşdu, oğlum, mənzilin haradı, bala?
Məhəmməd dedi, Bərbər şəhərinə gedirəm. Sövdəyər dedi,
oğlum, heç fikir eləmə, səni düz Bərbər şəhərinnən səkkiz ağac
aralı Zülal çayına kimi aparajam. Ordan sora işin çox hasand olar.
Karvan yola tüşüf getməkdə olsun. Sizə kimnən deyək, kim-
nən söz açax, Günəş pəridən. Günəş pəri ürəyində nəkin sirri
saxlancı varıydı istəkli bajılığı Lalazar xanıma danışmışdı. Günəş
pəri Məhəmmədi Lalazar xanıma elə tərif eləmişdinkin, Lalazar
Məhəmmədi görməmişdən ona aşıq olmuşdu. Fikirrəşirdi ki,
gərək elə bir əncəm çəkəm kin, Məhəmmədi özüm ələ keçirəm.
Lalazar bu fikirdə olsun, görək söydakarın karvanı harda qaldı?
Karvan gəldi tüştü Zülal çayının kənarına. Bir söyüd ağacı-
nın altında tüşərgə saldılar. Nahar elədilər, karvan da bir solux
dincəldi. Məsim söydəkar dedi, oğul Məhəmməd, həmən dedi-
yim Zülal çayı bu çaydı, o uzaxdan görükən də Bərbər şəhəridi.
Bunu dedi, sora Məsim soydakar Məhəmmədnən öpüşdü-
görüşdü, karvan üz qoydu getməyə.
Məhəmməd başını ovucu içinə alıf fikrə dalmışdı; bir də
gördü bir atdı gəler, ona yaxınnaşer. Atdı gəldi çatdı, salam ver-
di, salam aldı. Məhəmməd baxdı gördü kin bu nizamı bir pəh-
livandı, bu kim ola, kim olmuya həmən Laləzar xanımın qardaşı
Fikrət ola. Fikrət Məhəmmədi görən kimi, fikirrəşdi ki, bajımın
salıx verdiyi həmən o gözəl oğlan elə bu olajax. Fikrət soruşdu,
oğlan, mənzilin haradı belə? Məhəmməd dedi, ya pəhləvan, mə-
nim mənzilim elə buratandıkı gəlif çıxmışam. Fikrət heç bir şey
demiyif atını sürüf getdi. Şəhərə qayıtdı. Məhəmmədin gəlməsi
xavarını əvvəlcə gedif Lalazar xanıma xavar verdi. Sora atını
sürdü bir baş Kərəmli şahnan vəzirin dincəldiyi kef çəkdiyi
məclisə gəldi. Belə vaxtlarda Fikrət həməşə şahın kef məclisinə
yaxşı oy (yəni ov) eliyənnən sora gələrdi. Oyduku şah gördü
217
Fikrət əliboş gəlif, dedi, Fikrət, bala, bu gün oyun nejə keşdi?
Dedi, şah sağ olsun, bu günkü ovum xoşa gəlmiyən oldu.
– Oğul, olmuya pələngə zada irast gəldin?
– Xeyir, qibleyi-aləm, pələngə irast gəlməmişəm, əmbə
qərib bir oğlana irast gəldim, elə gözəl oğlan heç görməmişəm.
Hayıflar olsunku belə gözəl oğlanın ağlı zayıymış. Getdi
özünü çamıra saldı üst-başı palçığa batdı, istədim qolunnan tu-
tam qaldıram, mənim də üst-başımı palçığa bulaşdırdı. Düzü is-
tədim şilküt eliyim, sora fikirləşdim dedim: «dəliyi allah vurub,
üstünnən də mən vurmuyum». Kərəmli şah ikinci vəzirinə
göstəriş verdikin, hər kimsə onun dərdinə əlac eləmək lazımdı.
Vəzir təzəjə yola çıxmışdıkı Məhəmmədnən qarşı-qarşıya gəldi.
Oğlanı görəndə ayıl-mayıl oldu, ilahi, dedi, belə də gözəllikmi
olar? Dili tutar-tutmaz Məhəmmədnən salamlaşdı, bildikin
Fikrət dediyi oğlan bu özüdü. Oduku dedi, oğul. Buyur mənnən
gedək, şah səni öz hüzuruna çağırır. Məhəmməd ədəbnən baş
üstə deyif vəzirnən baravar şahın məclisinə daxil oldu: Şahın
hüzuruna gələndə ədəblə əllərini döşündə çarpazdadı. Təzim
elədi. Şah yer göstərdi. Məhəmməd əyləşdi. Fikrət əyilif şahın
qulağına pıçıldadı kı həmən dəli oğlan budu. Şah hər şeyi başa
düşmüşdü. Əmr elədi Məhəmmədi hamama saldılar, şahlibas
paltar geydirdilər. Şah buyurdu Məhəmməd məclisin yuxarı
başında əyləşdi. Məhəmməd burda əyləşməkdə olsun eşit Günəş
xanımnan. Günəş eşitdi ki, Məhəmməd gəlif, özü də atasının
məclisində başda əyləşif. Tez qaravaşdarına sərəncam verdi bir
kef məclisi qurdurdu. Vəzirin qızı Lalazar, həmin xayın qız da
saqı seçildi. Yazıx Günəş pəri nə bileydi kin Lalazar belə
mazaratdı. Lalazar gördükün Məhəmməd Kərəmli şahın xoşuna
gəlif, Fikrətin də cəhd eləməsi bir hasıla çıxmadı, dedi da keçif.
Gərək Günəş pəriyi zəhərliyəm. Başdadı zəhər hazırramağa.
Qızdar burda kefdə olsun, sizə danışax Kərəmli şahın məc-
lisinnən. Məclisdə əyləşən ağalar, bəylər gözdərini Məhəmmə-
din üzünnən çəkə bilmerdilər. Məhəmməd də onların belə bax-
218
masınnan utanerdi, puçur-puçur tər tökürdü. Şah dedi, oğlum,
utanma, bir belə məclis əhli sənin başına yığılıf, sazını çıxart,
ceylan elə, nə təmənnan var istə utanma. Fikrət qırışmal gənə də
şaha tərəf əyildi, “şah sağ olsun, üz vurma, dəliliyi tutar məclisi
biavır eliyər” – dedi. Şah bunun sözünə gənə də fikir vermədi.
Məhəmməd ayağa qalxdı, sazın zlini zil, bəmini bəm elədi,
aldı görək nə dedi:
Əzəl başdan bir məclisə varanda.
Sakit əyləş, sakit danış-yaxşıdı.
Bir iyidin olsa dünyacan varı,
Dövlət-vardan bircə tanış yaxşıdı.
Bu bəndi qurtaran kimi şah dedi, oğlum, mana Kərəmli şah
deyəllər, ürəyin nə istir deginən, heç çəkinmə, həvəsnən oxu.
Götürdü Məhəmməd şaha nə dedi:
Qəriblikdə həvəs olmaz insanda,
Xoş halına dostu ola hər yanda.
Qəza tutub dar ayağına varanda.
Etibardı bir murğu-quş yaxşıdı.
Xəsis adam dövlət-varı istiyər,
Güldə bafa olmaz xarı istiyər.
Məhəmməd sevdiyi yarı istiyər,
Müxənnət deməz ki, bu iş yaxşıdı.
Məhəmməd sözünü tamam elədi. Kərəmli şah onun həm
sözünə, həm də özünə heyran kəsildi, ürəyində fikirrəşdi ki,
nooloydu qızımın belə bir əri oloydu. Bu vaxt Fikrət bir kağız
götürüf bu dəfə kağıznan şaha bildirdi ki, bunun başını burax, bu
qədər ona qiymət vermə. İndi yıxılıf özünnən gedəjək. Hamı-
mızı da peşman eliyəjək. Şah Fikrətin yazısına gözucu baxdı,
gənə də əhəmiyyət vermədi, işin axırını gözdədi. Bu vaxt
Məhəmməd götürdü dübarə görək nə dedi:
Hər zülmə tab gətirə bilmərəm,
Tutsa məni boran, çovğun bir də yaz.
Dostları ilə paylaş: |