Aydın Dadaşov
188
arvadını məşuqu ilə görməsi, məhz bu məqamda rəfiqəsini
xilas etmk fikrinə düşən oyunbaz Militsianın (Svetlana
Bajenova) Hanna Qlavarini gizlədərək yataq otağından qol-
qola çıxdığı Kamil de-Rusilyona ərə getdiyini bildirməsi
komizmi artırır. Və finalda Baron Zettanın ictimai
mənafeyini şəxsi maraqlarına qurban verməsi tamaşanı
gülüşlə sona çatdırır. Göründüyü kimi zəngin dramaturji
struktur Cənnət Səlimovaya peşəkar rejissor üslubunun
tətbiqinə meydan açır.
Əlbəttə ki, dirijor Nazim Hacıəlibəyovun, quruluşçu
rəssam İsmayıl Məmmədovun, hər personajın sosial zümrə-
sinə, mövqeyinə, xasiyyətinə uyğun zahri əlamətləri
göstərən moskvalı geyim rəssamı Raf Sərdarovun,
qadınların birgə oxuduqları “Viila” xoru alqışlarla qarşılanan
xormeyster Vaqif Məstanovun, baletmeysterlər Zakir və
Yelena Ağayevlərin, xüsusən Larisa Vinoqradova başda
olmaqla bütün ifaçıların gərgin əməyini birləşdirən Cənnət
Səlimovanın peşəkar üslubu tamaşadakı dramaturji
məqamların qabardılmasına imkan yaratdı. Tamaşanın
ərsəyə gəlməsində Azərbaycandakı Rusiya səfirliyinin
təşkilatı dəstəyi, “Lükoyl” şirkətinin baş sponsorluğu da
müstəsna rol oynadı.
***
Azərbaycan Dövlət Musiqili Komediya Teatrında
“1001 gecə” nağıllarının motivləri əsasında Vitali Abra-
moviç Kolmanovskinin nəzmlə yazdığı librettoya Emin
Sabitoğlunun milli kökə söykənən musiqisi əsasındakı
operettaya Cənnət Səlimovanın 1995-ci ildə quruluş ver-
Rejissorluğun üslub problemləri
189
diyi “Bir dəfə Bağdadda” operettası geniş tamaşaçı marağı
doğurdu. Rus xalq nağılı “Qırmızı papaq”dan sonra
V.A.Kolmanovski ilə ikinci birgə işi olan “Bir dəfə
Bağdadda” operettasında Emin Sabitoğlunun üvertürası,
ariyaları, duetləri bəstəkarın bu sahədəki yaradıcılığının
daha peşəkar təsdiqinə çevrildi. Ərəb dünyasının ədalətli
xəlifəsi Harun əl Rəşidin (Boris Qrafkin) və onun ağıllı
vəziri Masrurun (Serqey Aqapov) dövrünün nağılvari
hadisələrinin mərkəzində duran xeyirxah Bağdad oğrusu
Səlim (Dimitri Konradi) dayanır. Dialoqlarda və musiqidə
inkişaf edən hadisələrin sonunda leytmotivdə səslənən
mahnıda deyildiyi kimi “dişi olmasa da, ağzında qoz sın-
dırmaq istəyən Tacirin (Viktor Volya), sərraf Rəhimin
(Emil Heydərov) yerlərinə oturdularaq Harunla Afətin
(Marina Litvinenko), Bəhramla (Firuz Məmmədov) Leyla-
nın (İzabella Şvets), Səlimlə Züleyxanın (Nadejda Pa-
velitsına) Tacirin başını aldadaraq Bəhramla Afəti bir-
birlərinə qovuşdurması xeyrin şər üzərində qələbəsini
səciyyələndirir. Xacələri oynayan Tatyana Mordasova ilə
Svetlana Bajenova komik xətti gücləndirə bilirlər.
R.Mirkinin: “Pərdə açılandan bağlanana kimi quruluşçu
rejissor Cənnət Səlimovanın püxtələşmiş dəsti-xətti hiss
olunur. Pyesin dürüst ədəbi mənbəyindən bacarıqla
istifadə edən rejissor nəinki Bakıda, hətta artıq çoxdan
bəri xəyala çevrilən qastrollarda nümayiş olunmağa
layiq, dinamik, əyləncəli tamaşa yaratdı”
161
mülahizəsi
keçmiş dövrə nostalji kimi də səslənir.
161
Р.З.Миркин Однажды в Вагдаде. г. Вышка. 17-10-1995.
Aydın Dadaşov
190
N.A.Rimski-Korsakov adına Leninqrad konservatori-
yasının məzunu dirijor Cavanşir Cəfərovun ustalıqla təq-
dim etdiyi musiqi həlli, quruluşçu rəssam Tahir Tahirovun
yaratdığı dekorda qədim ərəb dünyasının atributları və de-
talları, Boris Lukinskinin qurduğu dava-dalaş epizodları
tamaşada yüksək bədii əksini tapmaqla səhnədəki nağılva-
ri hadisələrin açılışına imkan yaratdı.
***
Üzeyir bəy Hacıbəyovun “O, olmasın, bu olsun”
komediyasından söz düşəndə istər – istəməz Məşədi İbad
rolunun əvəzsiz ifaçıları; Hüseynqulu Sarabski (rejissor
A.M.Şərifzadə.1917), Əlihüseyn Qafarlı (rejissor Niyaz
Şərifov. 1943.), Lütfəli Abdullayev (rejissor Ş.Bədəlbəyli
1956.) Əliağa Ağayev, (kinorejissor Hüseyn Seyidza-
də.1956.) kimi əvəzsiz ifaçılar yada düşür. 1985-ci ildə
Üzeyir Hacıbəyovun 100 illik yubileyi ərəfəsində rejissor
Vaqif Həsənovun verdiyi quruluşda, ədəbi mətnə əlavələr
hesabına yubilyarın mənəvi portreti, ölkənin tənəzzülə
doğru getdiyinin də bədii yozumda nəzərdən qaçmaması
ilə yanaşı tamaşadakı portretlər qalereyası və xüsusən bu
personajın ifasında özünü Əlihüseyn Qafarlının davamçısı
sayan Hacıbaba Bağırovun ifa etdiyi Məşədi İbad xatır-
lanır.
1998-ci ildə təmirdən sonra “O, olmasın, bu olsun”
tamaşası ilə açılan Ş.Qurbanov adına Azərbaycan Dövlət
Musiqili Komediya Teatrında Cənnət Səlimovanın ver-
diyi quruluşda da, Məşədi İbad rolunu Hacıbaba Bağırov
Rejissorluğun üslub problemləri
191
ifa etdi. Cənnət Səlimovanın yozumunda ədəbiyyatşünas
Yaşar Qarayevin: “...alver və tacir əxlaqı ideya və məslək
sahəsinə də nüfuz edib, “baqqal – inteligent”in müasir tipi
artıq hər şeyi alıb-satır: qadından (Gülnazdan) tutmuş, ana
dilinə qədər. Belə ki, müftə pul müftəxor ziyalıya hər şeyi,
ideyanı da əvəz edir”
162
deyə suçlandırdığı personajların
hamısı müsbət planda verilir. Və onları dolandıran, ye-
dizdirib – içizdirən, daim günahlarını bağışlayan Məşədi
İbad isə dünyagörmüş dərrakəli adam kimi səciyyələnir.
Onun elə əvvəldən Gülnazdan daha çox Sənəmə meyil
etməsi vurğulanır, ancaq nə edəsən ki, artıq qızın atasına
haqq-hesab ödənilib. Deməli, Məşədi İbadın günahı öz
yaşını unutmasındadır ki, bu şərq kişiləri üçün səciyyəvi
xüsusiyyətdir. O ki, qaldı Məşədi İbaddan bir abbası ala
bilməyən Hambala, bu yozumda o, da korluq çəkən sosial
tipdən daha çox hadisələrın gedişini maraqla izləyən,
lazım gələndə fəal iştirakçısına çevrilən hoqqa teatrının
tipajıdır. Əlbəttə ki, komediyanın dramaturji modelində
şər qüvvəni personajların heç birisi deyil, müəllifin gülüş
hədəfinə çevirdiyi köhnəlmiş adət-ənənəni səciyyələndirir
və bütövlükdə əsərin təqdimatında Üzeyir bəy Hacıbəyo-
vun ecazkar musiqisi, onun ifa tərzi də müstəsna rol oy-
nayır.
10 dekabr 1998-ci ilin “Bakinski raboçi” qəzetindəki
“Məşədi İbad” yenə də səhnədə” məqaləsində: “Teatrın
baş dirijoru Nazim Hacıəlibəyovun idarəsilə orkestrin
necə məmnunluqla ifa etdiyini görmək gərək idi. Əsl xalq
musiqisindən qaynaqlanan büllur kimi təmiz melodiyanın
162
Y.V.Qarayev. Teatr həyatda və səhnədə. B., 1996. c. 41.
Dostları ilə paylaş: |