122
Dərsin gedişi
Ev tapşırığının yerinə yetirilməsi səviyyəsi şifahi təqdimatların
dinlənilib müzakirə edilməsi və ya müsahibənin
tətbiqi ilə müəyyənləş-
dirilə bilər. Müəyyənləşdirilmiş sözlərin mənşəyi, maraqlı hesab olun-
muş məcazlarla bağlı müsahibədə bütün sinfin iştirakı təmin olunur.
Evdə oxunmuş parçalarda daha mühüm olan fikirlərin aydınlaşdırıl-
ması üzərində dayanılır. Tapşırığa daxil edilmiş aşağıdakı sualların
əsasında yığcam müzakirə aparılır:
– Doqquzuncu şəklin məzmunu obrazlar (Vaqif, Vidadi, Xuraman)
haqqındakı təsəvvürünüzü nə ilə zənginləşdirdi?
– On birinci şəkildə oxuduqlarınız Vaqif−xalq münasibətləri barədə
təəssüratınıza yeni nə əlavə etdi?
– Obrazların (Vaqif, Vidadi, Qacar) nitqi onların xarakteri barədə
aydın təsəvvür yaradırmı? Seçdiyiniz nümunələrə əsaslanmaqla
müəllifin onlara münasibətini müəyyənləşdirməyə çalışın.
Göründüyü kimi, suallar obrazlar haqqında qazanılmış təsəvvürün
dərinləşməsinə və zənginləşməsinə əhəmiyyətli təsir edir.
Müəllim bütün hallarda qiymətləndirmə meyarlarına müraciət edir.
Motivasiya, problemin qoyuluşu mərhələsini fərqli məzmunda
təşkil etmək mümkündür. “Vaqif” pyesinin səhnə həyatından kiçik
parçanın
nümayiş etdirilməsi, əsər haqqında tutarlı bir fikri əks etdirən
sitatın oxusu, dramın özündən bir parçanın səsləndirilməsi və s. bu
məqsəd üçün vasitə ola bilər. Suallardan istifadə yolunu seçən müəllim
diqqəti Vaqif obrazına yönəldir:
Vaqif obrazı haqqında hər şeyi
bilirikmi? Bu ədəbi qəhrəmanda diqqətinizi daha çox çəkən nə oldu? O
hansı çətinliklərlə üzləşir? Sizcə, Vaqif üçün ən ciddi maneə nədir?
Bu sualların əsasında aparılan yığcam müsahibənin sonunda
tədqiqat sualı müəyyənləşdirilir.
Tədqiqat sualı: Vaqifin qüdrətli, yenilməz olmasının əsl səbəbi, sizcə, nədir?
Fərziyyələr dinlənilir və qeyd edilir.
Araşdırmaya dərslikdəki təhlil materialının oxusu ilə başlanılır.
Oxunu fərqli formalarda aparmaq olar. Dərslikdə təklif
edilmiş
qaydalar şagirdlərin daha diqqətli və fəal olmasına, müstəqillik nüma-
yiş etdirməsinə, mətnin ətraflı öyrənilməsinə imkan yaradır.
– Aranızdan bir nəfər ilk mətnkənarı sualla bağlı cavabı aramla
ucadan oxuyub tamamlayır və ondakı əsas fikri ümumiləşdirib bir
neçə cümlə ilə ifadə edir.
– Sonra şagirdlərə mətnlə bağlı suallar verir. Suallar əsasında
aparılan müzakirədə izahına ehtiyac duyulan məsələlərə aydınlıq
gətirilir, əsərdən nümunələr göstərilir.
123
– Oxuyanlar əvəzlənməklə digər mətnkənarı sualların cavabları da
bu qayda ilə oxunur.
Oxunun bu
qaydalara əməl edilməklə yerinə yetirilməsi müəllimdən
diqqət, həssaslıq və çeviklik tələb edir. Mətni oxuyan şagirdin
dinləyicilərə – digər şagirdlərə ünvanladığı sualların hansı məzmunda
olması da vacibdir. Bu suallar əksər hallarda məzmunun xatırladılma-
sını tələb edir. Suallara verilən cavabların
müzakirə edilməsi, daha
dolğun cavabın formalaşdırılması ön plana çəkilir.
Vaqif obrazının təhlili üzərində ayrıca dayanılır. Vaqif – İbrahim
xan, Vaqif – Vidadi, Vaqif – Qacar, Vaqif – Eldar, Vaqif – Xuraman və
digər xətlərin aydınlaşdırılması bu obraz barədə təsəvvürün dolğun
şəkil almasına əhəmiyyətli təsir edir. Bu qayda üzrə aparılan iş pro-
sesində dərslikdəki mətni hansı məzmunda əlavələrlə zənginləşdirmə-
yin və tamamlamağın lazım olduğu müəyyənləşdirilir və bəndlər şək-
lində qeyd edilir.
Nəticənin çıxarılması
və ümumiləşdirmənin aparılması
mərhələsinin səmərəliliyi müəllimin istiqamətləndirici suallarından
əhəmiyyətli dərəcədə asılıdır. Bu mərhələdə şagirdlərdə belə bir qənaət
möhkəmlənir ki, Vaqifə güc, qüdrət, yenilməzlik verən xalqla bağlılığı,
ona arxalanmasıdır. O, kəndliləri, çoban Eldarı özünə doğma, yaxın
insanlar bilir, elin-obanın abadlaşmasına, firavanlığına səy göstərir.
Qiymətləndirmə. Formativ qiymətləndirmə aparılarkən 31–38-ci
səhifələrdə verilmiş müvafiq qiymətləndirmə meyarları və səviyyələri
üzrə cədvəllərdən istifadə məqsədəuyğundur.
Müəllim dərslikdəki “Evdə iş” başlıqlı tapşırığın
evdə yerinə
yetiriləcəyini şagirdlərə xatırladır.
Mövzu: Rəsul Rzanın həyatı, yaradıcılıq yolu –
1 saat
Standartlar
Təlim nəticələri
2.1.2. Dil və üslub xüsusiyyətlərinə
istinad edərək yazıçı mövqeyi ilə bağlı
mühakimələrini faktlarla əsaslandırır.
Şeirin dil və üslub
xüsusiyyətlərinə istinad edərək
yazıçı mövqeyi ilə bağlı
mühakimələrini faktlarla
əsaslandırır.
2.2.1. Müzakirələrdə mövzuya, prob-
lemə, yazıçının mövqeyinə tənqidi
münasibətini əsaslandırır, dinlə-
yicilərin rəyini nəzərə alır,
mimika və
jestlərdən məqsədyönlü istifadə edir.
Müzakirələrdə mövzuya, proble-
mə tənqidi münasibətini əsaslan-
dırır, dinləyicilərin rəyini nəzərə
alır, mimika və jestlərdən məqsəd-
yönlü istifadə edir.
124
Dərsin gedişi
Ev tapşırığının yerinə yetirilməsi səviyyəsi müəyyənləşdirilərkən,
ilk növbədə, mənbələrdən
necə istifadə olunduğu, hansı məzmunda mə-
lumatın əldə edildiyi aşkara çıxarılır. Bu, bütün mətnkənarı suallar
üzrə izlənilir və zəruri düzəlişlərin aparılmasına vaxt ayrılır.
Ev tapşırığına daxil edilmiş sualların
(İbrahim xan və Ağa Məhəm-
məd şah Qacarla bağlı tarixi faktlar pyesdəki təsvirlərlə səsləşirmi? Fər-
qin səbəbini necə izah edərsiniz? Pyesdə qoyulmuş başlıca problemlər
hansılardır? Onların bədii həlli necə verilmişdir? və s.) nümunələr əsa-
sında izahına diqqət yetirilir.
Müəllimin bütün hallarda qiymətləndirmə meyarlarına müraciət
etməsi məqsədəuyğundur.
Motivasiya, problemin qoyuluşu. Şagirdlərin R.Rza haqqında bildik-
lərini xatırlatmaqla müzakirə təşkil edən müəllim rəmzi materiallardan
istifadə yolunu seçə bilər. R.Rza haqqında
görkəmli şəxsiyyətlərin söz-
lərindən nümunələr söyləməklə şagirdlərdə şairin həyat və yaradıcılığına
maraq oyadan müəllim sonda tədqiqat sualını formalaşdırır.
Tədqiqat sualı: R.Rzanın həyatı və yaradıcılığı üçün önəmli mə-
qamlar hansılardır?
Fərziyyələr dinlənilir və qeyd edilir.
Araşdırmaya dərslikdəki materialın oxusu ilə başlanılır. Bu, fərqli
yollarla həyata keçirilə bilər. Dərslikdə təklif edilmiş aşağıdakı qayda şa-
girdlərin daha diqqətli olmasını, mətnə tənqidi yanaşmalarını təmin edir.
–
Mətni fərdi olaraq bütövlükdə nəzərdən keçirin. Abzasların başlan-
ğıcına və sonuna, fərqləndirilmiş söz və cümlələrə xüsusi diqqət yetirin.
–
Mətnin məzmunu ilə bağlı fikrinizdə yaranan sualları dəftərinizdə,
yaxud iş vərəqində yazın. Sual tərtib etməkdə çətinlik çəksəniz,
yenidən mətnə müraciət edin
–
Yazdığınız suallara cavab hazırlayın, bu zaman qısa qeydlər etməyi-
niz faydalıdır. Mətndə birbaşa sualla bağlı yerləri (söz, cümlə, ab-
zas) silinməsi mümkün olan işarə ilə fərqləndirin.
–
Suallara hazırladığınız cavabları mətnə baxmadan parta yoldaşı-
nıza danışın. Unutduğunuz yerləri danışdığınız məqamda təkrar edə
bilərsiniz.
–
Gəldiyiniz nəticələri və öyrəndiklərinizə daha nələri əlavə etməyin vacib
olduğunu təqdimatlar əsasında müzakirə edib bəndlər şəklində yazın.
Dərsdə ən mühüm məqam oxunun nəticələrinin müzakirə edilməsidir.
Hər bir şagirdin mənimsədiyi məlumata, gəldiyi
müstəqil nəticəyə müza-
kirədə münasibət bildirilir. Vaxtdan qənaətlə istifadə edilməsi R.Rzanın
lirikası üçün səciyyəvi olan “Mən torpağam” şeirinin ixtisar olunmuş mət-
ninin (dərsə bir neçə gün qalmış şagirdlərə çatdırılması məqsədəuyğundur)