116
oynaması,
ilk qələm təcrübələri barədə
şagirdlərin təsəvvür
qazanmalarına imkan yaradır.
İkinci sual
(Şairin həyatının və yaradıcılığının sonrakı dönəmi üçün
daha mühüm olanlar nədir?) şairin 1928–1932-ci illərdəki sənət axta-
rışları barədə məlumatları öyrənməyə, 1932–1941-ci illərin isə onun
yaradıcılığının ən məhsuldar dövrü olduğunu aydınlaşdırmağa istiqa-
mət verir.
Üçüncü sual
(II Dünya müharibəsi şairin həyat və yaradıcılığında
hansı izlər buraxmışdır?) şairin II
dünya müharibəsi illərindəki
yaradıcılığı barədə təsəvvürün qazanılmasına imkan yaradır. Vətənə
məhəbbət, düşmənə nifrət mövzusunda yazılan onlarla lirik şeir həmin
dövrdə əl-əl gəzmiş, insanları qələbəyə ruhlandırmışdır.
Növbəti sual
(Müharibədən sonrakı dövr şairin həyat və yaradıcılığı
üçün hansı cəhətləri ilə əlamətdar olmuşdur?) şairin coşqun ictimai və
ədəbi fəaliyyəti barədə ən zəruri məlumatların öyrənilməsinə istiqamət
verir.
Məlumat mübadiləsi və müzakirə zamanı öyrənilənlərlə yanaşı, öy-
rənilməsinə ehtiyac duyulan məsələlərə də diqqət yetirilir, BİBÖ cədvə-
linin üçüncü sütununda
(Öyrəndik) qeydlər edilir.
Vaxtdan səmərəli istifadə etməklə S.Vurğunun “Mən tələsmirəm”
şeirinin oxusu üzrə iş təşkil edilir. Əsərin mətni ixtisar olunmuş şəkildə
şagirdlərə təqdim olunur.
Dostlar, badələri qaldırın içək!
Gecə ulduzludur, hava da sərin.
Demirəm, məst olub dünyadan köçək...
Deyirəm, mehriban düşüncələrin
İsti qucağında qızınaq bir az.
Qoy uzansın gecə, geciksin səhər,
Yuxuya getməsin məclisdəkilər –
Mənim söhbətimdən yorulmaq olmaz.
Hələ yer üstündə, insan yanında
Deyib-danışmaqdan doymamışam mən...
Sən də,
ovçu dostum, tələsmə sən də,
Bu qəlbi dağları qoy asta aşaq.
O çay yanındakı yaşıl çəməndə
Asta addımlayıb, ağır dolaşaq.
Hər gülə, çiçəyə salam verməsəm,
Xoş üz göstərməsəm, xoş üz görməsəm,
Nanələr,
reyhanlar inciyər məndən,
Güllərin yarpağı tökülər dən-dən...
Odur ki yel olub çöldə əsmirəm,
Heç yana, heç yerə mən tələsmirəm!..
117
... Qoy dünya böyüsün, zaman uzansın,
Bir günün içində aylarla yansın
Al günəş gözündən nur yağa-yağa...
Ömrün kitabını tamamlamağa
Çox da can atmasın əlimdə qələm,
Mən tələsmirəm,
Mən tələsmirəm!
Kiçik qrupların hamısına şeiri dil-üslub baxımından təhlil etmək
üçün “Mən tələsmirəm” şeiri üzrə tapşırıq təklif edilir. İşin nəticəsi
təqdimatlar, yaxud müsahibənin tətbiqi ilə yoxlanıla bilər.
Nəticənin çıxarılması və ümumiləşdirmənin aparılması mərhələsinin
səmərəliliyi müəllimin istiqamətləndirici suallarından xeyli dərəcədə asılı-
dır. Bu mərhələdə şagirdlərdə belə bir
qənaət möhkəmlənir ki, hakim
partiyanın, onun rəhbərlərinin, sovet hakimiyyətinin mədhinə həsr etdiyi
əsərlərdə də xalqın, vətənin taleyi şairin diqqətindən kənarda qalmamış-
dır.
Qiymətləndirmə. Formativ qiymətləndirmə aparılarkən 31–38-ci
səhifələrdə verilmiş müvafiq qiymətləndirmə meyarları və səviyyələri
üzrə cədvəllərdən istifadə məqsədəuyğundur.
Müəllim dərslikdəki “Evdə iş” başlıqlı tapşırığın evdə yerinə
yetiriləcəyini şagirdlərə xatırladır.
118
Mövzu: S.Vurğun. Vaqif – 3 saat
Birinci saat: Məzmun üzrə iş
Standartlar
Təlim nəticələri
1.1.3. Mürəkkəb süjetli və kompozisiyalı
bədii nümunələrdə əhvalat və hadisələr
arasındakı səbəb-nəticə əlaqələrini
müəyyənləşdirir, mətni hissələrə ayırır,
plan tərtib edir, məzmununu müxtəlif
formalarda (geniş, yığcam, yaradıcı)
nağıl edir.
Əsəri hissələrə ayırır, seçdiyi
hissənin məzmununu hazırladı-
ğı plan əsasında yığcam nağıl
edir.
1.1.4. Müxtəlif ədəbi
növ və janrda olan
əsərlərdə (poema, hekayə, povest, roman,
dram, komediya, faciə) əksini tapan
mühüm milli-mənəvi, bəşəri dəyərlərə
əsaslandırılmış münasibət bildirir.
Dramda əksini tapmış mühüm
milli-mənəvi dəyərləri
müəyyənləşdirir.
Dərsin gedişi
Ev tapşırığının yerinə yetirilməsi səviyyəsi müsahibə,
müzakirə,
təqdimatların dinlənilməsi və s. tətbiqi ilə müəyyənləşdirilə bilər. İlk
növbədə, şagirdlərin hansı mənbələr üzərində işlədikləri, onlardan necə
bəhrələndikləri aşkara çıxarılır. Ev tapşırığı kimi verilmiş suallarla
bağlı
(S.Vurğunun lirik şeirlərini mövzu baxımından qruplaşdırın. Hər
qrupun özəlliyini müəyyənləşdirin. Şairin poemalarını mövzu baxımın-
dan qruplaşdırın. Hər qrupun özəlliyini müəyyənləşdirin) dərslikdə
şagirdlərə istiqamət verilməmişdir. Şagirdlərin bu suallar üzrə
müstəqil araşdırmalarının nəticəsi təqdimatlar əsasında müzakirə edi-
lir.
Bütün hallarda müvafiq qiymətləndirmə meyarlarına
müraciət
olunur.
Motivasiya, problemin qoyuluşu. Mərhələnin əvvəlində dərslikdəki
“Oxuya hazırlaşın” başlıqlı tapşırığın icrasına vaxt ayrılır. Şagirdlər
fərdi olaraq işləyirlər. Cütlük şəklində fikir mübadiləsi aparmağa
imkan yaradıla bilər. Nəticəni müsahibə ilə aşkara çıxarmaq və onun
əsasında tədqiqat sualını müəyyənləşdirmək mümkündür.
Tədqiqat sualı: “Milli mənafe həqiqi xalq sənətkarı üçün hər şeydən
ucadır” fikrini doğru saymaq olarmı?
Fərziyyələr dinlənilir və qeyd edilir.
Əsərdən dərslikdə verilmiş parçanın oxusu ilə tədqiqata başlamaq
məqsədəuyğundur. Oxu üçün dərslikdə təklif edilmiş tapşırıq vaxta
qənaət və şagirdlərin fəallaşdırılması baxımından faydalıdır:
–
əsərdən bir səhifə həcmində rollar üzrə oxunur;