119
– müəyyənləşdirilmiş cütlər oxuyanlara mətnlə bağlı suallar verir.
Cavablar cütləri qane etməsə, digər şagirdlərin cavabları dinlə-
nilir, bu, ortaq məxrəcə gəlincəyə qədər davam edir;
– cütlər və mətni oxuyanlar əvəzlənməklə sonrakı səhifələrin oxusu
da bu qayda ilə davam etdirilir;
– nəzərdə tutulan parçanın oxusu başa çatdıqdan sonra seçilmiş
hissələrin məzmununu bir neçə şagird yığcam nağıl edir.
Rollar üzrə oxunun səmərəli keçməsi, tanış olmayan söz və ifadələ-
rin aydınlaşdırılması, cütlərin verdiyi sualların məzmunu və s. məsələ-
lərə diqqət yetirilir. Unudulmamalıdır ki, mətnaltı mənaların açıqlan-
ması, məzmunun əhatəli qavranılması, obrazların xarakteri barədə il-
kin təsəvvürün qazanılması oxu prosesində həyata keçirilməli olan
vəzifələrdir.
Oxunun səmərəli keçirilməsi şagirdlərə təklif olunmuş digər
tapşırığın (Əsərdən oxuduğunuz parça hansı milli-mənəvi dəyərlər
barədə danışmağa imkan verir?) yerinə yetirilməsinə imkan yaradır.
Əsər ailə münasibətləri, xeyirxahlıq, yaxşılıq, övlad borcu və s. milli-
mənəvi dəyərlər barədə geniş danışmağa əsas verir. İstər oxu zamanı,
istərsə də sonrakı mərhələlərdə istiqamətləndirici suallardan istifadə
etməklə diqqətin bu cəhətə yönləndirilməsi vacibdir.
Əsərdən parçanın oxusu başa çatdırıldıqdan sonra ondan seçilmiş
hissənin məzmununun yığcam nağıl edilməsinə hazırlıq üçün vaxt
ayrılır. Şagirdlərin bu məqsədlə plan tərtib etmələri məqsədəuyğundur.
Nağıletmələrə şagirdlərin münasibət bildirmələrinə, yığcam diskus-
siyaya imkan yaradılır.
Aparılan işə (nəticənin çıxarılması məzmunun öyrənilməsi başa
çatdıqdan sonra – ikinci dərsdə həyata keçirilir) müəllimin
istiqamətləndirici sualları əsasında yekun vurulur.
Qiymətləndirmə. Formativ qiymətləndirmə aparılarkən 31-38-ci
səhifələrdə verilmiş müvafiq qiymətləndirmə meyarları və səviyyələri
üzrə cədvəllərdən istifadə məqsədəuyğundur.
Müəllim dərslikdəki “Evdə iş” başlıqlı tapşırığın evdə yerinə
yetiriləcəyini şagirdlərə xatırladır.
120
Mövzu: S.Vurğun. Vaqif – 3 saat
İkinci saat: Məzmun üzrə iş
Standartlar
Təlim nəticələri
1.1.3. Mürəkkəb süjetli və kompozisi-
yalı bədii nümunələrdə əhvalat və ha-
disələr arasındakı səbəb-nəticə əlaqələ-
rini müəyyənləşdirir, mətni hissələrə
ayırır, plan tərtib edir, məzmununu
müxtəlif formalarda (geniş, yığcam,
yaradıcı) nağıl edir.
Dramda mühüm əhvalat və hadisə-
lərin arasındakı səbəb-nəticə əlaqə-
lərini müəyyənləşdirir, seçdiyi
hissənin məzmununu hazırladığı
plan əsasında yığcam və geniş nağıl
edir.
1.1.4. Müxtəlif ədəbi növ və janrda
olan əsərlərdə (poema, hekayə, povest,
roman, dram, komediya, faciə) əksini
tapan mühüm milli-mənəvi, bəşəri
dəyərlərə əsaslandırılmış münasibət
bildirir.
Dramda əksini tapmış mühüm
milli-mənəvi dəyərləri
müəyyənləşdirir.
Dərsin gedişi
Ev tapşırığının yerinə yetirilməsi səviyyəsinin müəyyənləşdirilməsi
məzmun üzrə işin davamı kimi özünü göstərir. Kiçik qruplarda birləşən
şagirdlər əsərin yeddinci və səkkizinci şəkillərində əksini tapmış
mühüm məsələlər, tanış olmayan söz və məcazlarla bağlı qənaətlərini
bölüşür və ümumiləşdirmə aparırlar. Bu şəkillərin məzmununun
hərtərəfli qavranılması müzakirədə əhatə edilməsi nəzərdə tutulmuş
aşağıdakı suallara dolğun cavabların verilməsinə səbəb olur:
– Qacarın Qarabağa münasibəti barədə sizdə hansı təsəvvür
yarandı?
– Qacar haqqında ilkin təəssüratınız nə oldu?
– Qarabağda ona münasibət necədir? Fikrinizi təsdiq edən
nümunələr göstərin.
– Vaqif – Qacar qarşılaşması sizdə hansı təəssürat yaratdı?
– Bu qarşılaşma hansı milli-mənəvi dəyərlər barədə danışmağa
imkan verir?
Qarabağa və qarabağlılara divan tutan, şəhər və kəndləri odlara
yaxan Qacar haqqında şagirdlərdə aydın təsəvvürün yaranmasına
imkan yaradılır. Elini-obasını sevən, vətənini müdafiə etməyə çalışan
sadə insanlarda bu işğalçı hökmdara dərin nifrət var. Lakin onu
qarşılamağa çıxan şeyx kimi satqınlar da yox deyildir.
Əsərin ən gərgin səhnələrindən olan Vaqif − Qacar qarşılaşması isə
vətənə, doğma xalqa, ana dilinə sonsuz məhəbbət, xeyirxahlıq, sədaqət,
birlik kimi milli-mənəvi dəyərləri nümayiş etdirir.
121
Müəllimin istiqamətləndirici sualları bütün bunların mahiyyətinin
əhatəli açıqlanmasına əhəmiyyətli təsir edir.
Dərsdə vaxtdan qənaətlə istifadə edilməsi növbəti tapşırığın (Oxu-
duğunuz hissədən seçdiyiniz parçanın məzmununu hazırladığınız plan
əsasında yığcam nağıl etməyə hazırlaşın) icrasına imkan yaradır.
Seçilmiş hissənin ideyanın aydınlaşdırılması, obrazların xarakter və
əməllərinin başa düşülməsi, hadisələrin səbəb-nəticə əlaqələrinin
müəyyənləşdirilməsi üçün səciyyəvi olmasına səy göstərilir.
Təqdimatların dinlənilməsində bu məsələlərə xüsusi diqqət yetirilir.
Nəticənin çıxarılması və ümumiləşdirmənin aparılması müəllimin
istiqamətləndirici sualları əsasında həyata keçirilir. Şagirdlərdə belə
bir qənaət möhkəmlənir ki, vətənini, xalqını dərin məhəbbətlə sevən
həqiqi sənətkar qarşılaşdığı çətinliklərə, məhrumiyyətlərə baxmayaraq,
mənsub olduğu xalqın milli-mənəvi dəyərlərinin daşıyıcısı və
müdafiəçisi olur.
Qiymətləndirmə. Formativ qiymətləndirmə aparılarkən 31-38-ci
səhifələrdə verilmiş müvafiq qiymətləndirmə meyarları və səviyyələri
üzrə cədvəllərdən istifadə məqsədəuyğundur.
Müəllim dərslikdəki “Evdə iş” başlıqlı tapşırığın evdə yerinə
yetiriləcəyini şagirdlərə xatırladır
Mövzu: S.Vurğun. Vaqif – 3 saat
Üçüncü saat: Təhlil üzrə iş
Standartlar
Təlim nəticələri
1.2.1. Müxtəlif vəznli (heca, əruz,
sərbəst) şeirləri və süjetli əsərləri
(poema, hekayə, povest, roman, dram,
komediya, faciə) kompozisiya, dil,
üslub baxımından təhlil edir.
Dramı kompozisiya, dil, üslub
baxımından təhlil edir.
1.2.3. Müxtəlif vəznli (heca, əruz,
sərbəst) şeirlərdə, süjetli bədii nümu-
nələrdə bədii təsvir və ifadə vasitələ-
rinin obrazlılığın təmin edilməsindəki
roluna əsaslandırılmış münasibət bil-
dirir.
Dramda məcazların obrazlılığın ya-
radılmasındakı roluna əsaslandırıl-
mış münasibət bildirir.
1.2.4. Bədii nümunələrin mövzusuna,
ideyasına, başlıca probleminə, konflik-
tinə dövrün ictimai-siyasi, mənəvi də-
yərləri kontekstindən çıxış etməklə
münasibət bildirir və qiymətləndirir.
Dramın mövzusuna, ideyasına,
başlıca probleminə, konfliktinə
dövrün ictimai-siyasi, mənəvi də-
yərləri kontekstindən çıxış etməklə
münasibət bildirir və qiymətlən-
dirir.
Dostları ilə paylaş: |