141
məsi, əsərdəki bədii təsvir və ifadə vasitələrinin
rolunun izah edilməsi,
əsərdəki başlıca fikrin – ideyanın müəyyənləşdirilməsi ilə bağlı tapşı-
rıqların icrası zamanı qənaətlərin, mülahizələrin əsərdən nümunələrlə
əsaslandırılması diqqət mərkəzində saxlanılır.
Kiçik qruplara həmçinin tədqiqatçıların əsərlə bağlı dərslikdə ve-
rilmiş fikirlərinə əsaslandırılmış münasibət bildirmək tapşırığı verilir.
Şagirdlər kiçik qruplarda fikir mübadiləsi aparır, öyrəndiklərini
dəqiqləşdirirlər. Ardınca təqdimatlar əsasında
məlumat mübadiləsi və
müzakirə aparılır. Müəllim təqdimatların fəal dinlənilməsinə, müzaki-
rənin diskussiya səciyyəli olmasına nail olur.
Nəticə və ümumiləşdirmə mərhələsində qazanılmış bilik
və baca-
rıqlar
əsasında tədqiqat sualı üzrə araşdırma və müzakirələr yekunlaş-
dırılır. Müzakirədə belə bir nəticə çıxarılır ki, yazıçı həyat həqiqətlərini
əks etdirməklə cəmiyyətdəki bir sıra nöqsanları, Kərim Gəldiyev kimi
insanların xarakterində, davranışındakı mənfi xüsusiyyətləri tənqid
hədəfinə çevirmişdir. Onun “əzməsən əziləcəksən, ayaqlamasan ayaqla-
nacaqsan... Güzəran, mənsəb
cəhənnəmin təkində də olsa, enməyi ba-
car!" deməsi mənəviyyatsızlığını əks etdirir. Cinayətlərinin açıla-
cağından təşvişə düşən Gəldiyevin əsərin sonunda kötüyün üstün-
də oturub düşüncələrə dalaraq "Bir də göyərsəydim" arzusu ilə yaşama-
sı cəmiyyətə xəbərdarlıq kimi səslənir. Cəmiyyət ayıq olmalıdır, çünki
gəldiyevçilik islaholunmazdır, belələri imkan düşən kimi hər cür fitnə-
yə, böhtana, şər əməllərə qadirdir. Əsərdə Vahidin, Rübabənin xoşbəxt-
liyi haqq-ədalətin qələbəsinə inamın ifadəsidir.
Aparılan işlər yekunlaşdırıldıqdan sonra qiymətləndirmə həyata ke-
çirilir.
Qiymətləndirmə. Formativ qiymətləndirmə aparılarkən 31–38-ci sə-
hifələrdə verilmiş müvafiq qiymətləndirmə meyarları və səviyyələri
üzrə cədvəllərdən istifadə məqsədəuyğundur.
Müəllim dərslikdəki “Evdə iş” başlıqlı tapşırığın
evdə yerinə
yetiriləcəyini şagirdlərə xatırladır.
142
AZƏRBAYCAN ƏDƏBİYYATINDA MİLLİ ÖZÜNÜDƏRKƏ
QAYIDIŞ VƏ İSTİQLALÇILIQ MƏRHƏLƏSİ
(XX ƏSRİN 60−90-cı İLLƏRİ)
Mövzu:
Azərbaycan ədəbiyyatında milli özünüdərkə qayıdış və
istiqlalçılıq mərhələsi – 1 saat
Standartlar
Təlim nəticələri
2.1.1. Müxtəlif mənbələrdən
topladığı materiallara
əsaslanmaqla təqdimat və
çıxışlarında bədii-emosional və
obrazlı ifadələrdən istifadə edir.
Müxtəlif mənbələrdən topladığı
materiallara əsaslanmaqla mövzu,
problemlə bağlı təqdimat və
çıxışlarında bədii-emosional və obrazlı
ifadələrdən istifadə edir.
2.2.1. Müzakirələrdə mövzuya,
problemə, yazıçının mövqeyinə
tənqidi münasibətini əsaslandırır,
dinləyicilərin rəyini nəzərə alır,
mimika və jestlərdən məqsədyönlü
istifadə edir.
Müzakirələrdə mövzuya, problemə
tənqidi münasibətini əsaslandırır,
fərqli
fikirlərə dözümlülük nümayiş
etdirir.
Dərsin gedişi
Ev tapşırığının yerinə yetirilməsi səviyyəsi təqdimatların dinlənil-
məsi və müzakirəsi əsasında müəyyənləşdirilə bilər. Mənbələrdən top-
lanmış məlumatın məzmununun dərslikdəki materiallarla hansı səviy-
yədə uzlaşması diqqət mərkəzində saxlanılır.
Motivasiya mərhələsində şagirdlərin mövzu ilə bağlı bilikləri üzə
çıxarılır. Bu məqsədlə şagirdlərə tapşırıqlar verilir:
1960–1990-cı illə-
rin əvvəllərində Azərbaycan ədəbiyyatı, onun aparıcı nümayəndələrinin
yaradıcılığı haqqında ədəbiyyat dərslərində öyrəndiklərinizi yada salıb
yığcam müzakirə aparın. Həmin illərdə ölkənin ictimai-siyasi həya-
tında, mədəniyyət, ədəbiyyat sahəsində baş verən dəyişikliklər haqqında
tarix dərslərində qazandığınız biliklərdən istifadə edin. BİBÖ cəd-
vəlinin ilk iki sütununda qeydlər edin.
Müzakirə nəticəsində
tədqiqat sualı müəyyənləşdirilir:
Milli özünü-
dərkə qayıdış və istiqlalçılıq mərhələsində ədəbiyyatımızın inkişafı
hansı özəllikləri ilə diqqəti cəlb edir?
Mövzunun problemli səciyyə daşıması tədqiqatın diskussiya meto-
dunun tətbiqi ilə aparılmasını zəruri edir. Eyni zamanda dərsdə qarşıya
qoyulan
təlim məqsədləri, şagirdlərin hazırlıq səviyyəsi əsas götürülə-
rək müzakirə debat metodundan istifadə ilə təşkil edilə bilər.
143
Tədqiqatın aparılmasına dərslikdəki sualların və onların aydınlaş-
dırılmasına istiqamət verən mətnin oxusu ilə başlanılır. Şagirdlər kiçik
qruplara ayrılır, hər qrupa iş vərəqlərində suallar təqdim edilir. Kiçik
qruplara əlavə mənbə kimi ədəbiyyatşünaslıq lüğətindən, ədəbiyyat
ensiklopediyalarından, məktəb kitabxanasındakı latın qrafikası ilə çap
olunmuş müvafiq əsərlərdən və s. istifadə imkanı yaradılır.
Kiçik qruplar dərslikdəki mətn üzrə sualların aydınlaşdırılmasına
istiqamət verən cavablarla tanış olurlar. Tədqiqatçıların bu ədəbi dövrlə
bağlı fikirlərinə də təqdimatlarda münasibət bildirilməsinin vacibliyi
diqqətə çatdırılır.
İşin icrasına ayrılan vaxt başa çatdıqdan sonra kiçik qrupların təq-
dimatları əsasında
məlumat mübadiləsi və
müzakirə aparılır. Mü-
zakirə diskussiya
şəklində həyata keçirilir. Mətn
üzrə birinci sual üzrə
(Altmışıncılar
ədəbi nəslinin
ədəbiyyatımızın yeni istiqamətdə
inkişafında rolu nədən ibarətdir?) müzakirəyə, ilk növbədə, şagirdlərin
ədəbiyyat tarixinin milli özünüdərkə qayıdış və istiqlalçılıq mərhələsi
barədəki məlumatlarının aşkara çıxarılması ilə başlanılır. Müsahibə
əsasında sualla bağlı biliklərin əvvəlki siniflərdə, xüsusən IX sinifdə
hansı
səviyyədə
mənimsənildiyi müəyyənləşdirilir. Cavablarda
altmışıncılar ədəbi nəslinin sosialist realizmi ədəbiyyatına
fərqli
münasibəti, yeni dövrün “kiçik insan”ını ədəbiyyatın ön mövqeyinə
çıxarmasını, ideoloji mahiyyətli istehsalat romanları əvəzinə, gerçək
həyat hadisələrinin, sadə insanların həyatının, mənəvi axtarışlarının,
mənəviyyatda gedən proseslərin bədii əksinə xüsusi diqqət yetirdikləri
qeyd edilir.
“1960-cı illərin sonu 1980-ci illərin əvvəllərində ədəbiyyatımızda
hansı dəyişikliklər baş verdi?” sualı üzrə müzakirədə qeyd edilir ki, bu
mərhələdə
milli-mənəvi dəyərlərin
inkişaf etdirilməsi, soykökünə və
tarixi yaddaşa dönüş, milli ədəbiyyatın və mədəniyyətin dövlət səviy-
yəsində müdafiə olunması xalqın maraqlarına köklənmiş ədəbiyyatın
meydanını daha da genişləndirmişdir.
“Milli özünüdərkə qayıdış və istiqlalçılıq mərhələsində hansı
ümummilli ideallar ön plana çıxdı?” sualının müzakirəsi zamanı
şagirdlərin söylədiyi mülahizələrin əsaslandırılmasına ciddi diqqət
yetirilir. Qeyd edilir ki, sovet imperiyasının siyasi və iqtisadi
qüdrətinin sarsıldığı bu dövrdə ədəbiyyatımızda milli - azadlıq
ideyaları, vətəndaşlıq motivləri ön plana çıxmışdır. Milli özünüdərkə
qayıdış mərhələsində ədəbiyyatda başlanan
və qüvvətlənən ümummilli
ideallar Azərbaycanda dövlət müstəqilliyinin bərpası ilə məqsədinə
çatmışdır.