166
Mövzu: Bəxtiyar Vahabzadənin həyatı, yaradıcılıq yolu – 1 saat
Standartlar
Təlim nəticələri
2.1.1. Müxtəlif mənbələrdən
topladığı materiallara
əsaslanmaqla təqdimat və
çıxışlarında bədii-emosional və
obrazlı ifadələrdən istifadə edir.
Mənbələrə əsaslanmaqla mövzu,
problemlə bağlı çıxışlarında bədii-
emosional ifadələrdən istifadə edir.
2.2.1. Müzakirələrdə mövzuya,
problemə, yazıçının mövqeyinə
tənqidi münasibətini əsaslandı-
rır, dinləyicilərin rəyini nəzərə
alır, mimika və jestlərdən məq-
sədyönlü istifadə edir.
Mövzuya, problemə münasibətini
əsaslandırır, dinləyicilərin rəyini
nəzərə alır, mimika və jestlərdən məq-
sədyönlü istifadə edir.
Dərsin gedişi
Ev tapşırığının – müstəqillik dövrü ədəbiyyatımızla bağlı araş-
dırmanın nəticələri təqdimatların dinlənilməsi və müzakirəsi əsasında
müəyyənləşdirilə bilər. Təqdimatlarda mövzuya müstəqil münasibətin
hansı səviyyədə olmasına, əsaslandırılmasına, məqalələrin müqayisə-
sinə xüsusi diqqət yetirilir.
Motivasiyanın yaradılmasında şagirdlərin mövzu ilə bağlı mövcud
bilikləri aşkara çıxarılır. Bunun üçün, ilk növbədə, dərslikdəki tap-
şırığın (B.Vahabzadə haqqında bildiklərinizi yada salıb yığcam müza-
kirə aparın) yerinə yetirilməsinə vaxt ayrılır. Motivasiyanın digər
variantı “Bəxtiyarlı dünya” filmindən bir epizoda baxış keçirilməsidir
(https://www.youtube.com/watch?v= iSwtpI4PL2I).
Müzakirə zamanı şagirdlər əvvəlki siniflərdə öyrəndikləri “Vətən-
daş” şeiri, “İstiqlal” poeması ilə bağlı mülahizələr söyləyir, müzakirə
aparırlar. Şagirdlərin fəal iştirakı ilə tədqiqat sualı müəyyənləşdirilir:
Bəxtiyar Vahabzadənin həyatı və yaradıcılığındakı hansı məqamlar
onun istiqlal şairi kimi yetişməsinə səbəb olmuşdur?
Dərslikdəki sualların və onların aydınlaşdırılmasına istiqamət verən
cavabların oxusu ilə araşdırmaya başlanılır. Mətnin oxusunu fərqli
formalarda (fərdi, cütlük şəklində) həyata keçirmək mümkündür. Şa-
girdlərə mətnin məzmunu ilə bağlı yaranan sualları dəftərlərində,
yaxud iş vərəqində yazmaq, onlara cavab hazırlamaq, bu zaman qısa
qeydlər etmək təklif olunur.
Sonrakı mərhələdə kiçik qruplar yaratmaq, hər qrupa bir sual həvalə
etmək vaxta qənaət baxımından məqsədəuyğundur. Araşdırma zamanı
tədqiqatçıların dərslikdə qeyd edilmiş fikirlərinə də münasibət
bildirilməsinə diqqət yetirilir.
167
Kiçik qrupların araşdırmasına ayrılan vaxt başa çatdıqdan sonra
təqdimatların mübadiləsi və müzakirəsi aparılır. Bu mərhələdə müəl-
limin üzərinə ciddi vəzifə düşür. O, hər sualla bağlı mənbələrdən hansı
məlumatların əldə edilməsinin əhəmiyyətli olması barədə şagirdlərdə
aydın təsəvvür yaratmağa çalışır. Məsələn, birinci sualla (B.Vahabza-
dənin həyat yolu və yaradıcılığı hansı cəhətləri ilə diqqəti cəlb edir?)
bağlı mənbələrdən istifadə edən şagirdlər B.Vahabzadənin həyat yolun-
dakı mühüm məqamlara toxunurlar. Müzakirədə uşaqlıq illərində
Şəkidə baş verən kollektivləşmə əleyhinə xalq üsyanı, rus ordusunun
igid soydaşlarımızı qətlə yetirməsi, atasının, əmilərinin həbsi onun
bütün sonrakı həyatında dərin iz buraxması, sovet rejiminin
mahiyyətini başa düşməsi qeyd edilir.
İkinci sual üzrə (Şairin lirikasında hansı problemlərə önəm veril-
mişdir?) müzakirə zamanı qeyd edilir ki, şairin lirik şeirlərində vətən,
ana dili, azadlıq, lirik qəhrəmanın həyat, məhəbbətlə bağlı hiss və dü-
şüncələrinin tərənnümü mühüm yer tutmuşdur. Ədibin lirik şeirlərinin
qəhrəmanı öz həyat mövqeyi, mənəvi aləmi olan çağdaş insandır. Şair
beynəlxalq mövzuda əsərlərində də xalqımızın azadlıq idealından söz
açmışdır.
Ana dilinin təəssübkeşi, doğma dilini böyük məhəbbətlə sevən
B.Vahabzadə yaradıcılığında bu mövzuya dönə-dönə müraciət etmiş,
dilimizin müqəddəsliyini, əvəzedilməzliyini yüksək sənətkarlıqla vəsf
etmişdir. Şair ana dilinə biganə yanaşan, bu dildə danışmağı özünə ar
bilən ədabazları nankor adlandırır, öz doğma dilini qoruyub saxlamağın
hər bir insan üçün vətəndaşlıq borcu olduğunu bir daha xatırladır.
Üçüncü sual üzrə (Şairin poemalarının mövzu-problem özəllikləri
hansılardır?) müzakirədə B.Vahabzadənin istiqlal şairi, insanın, xalqın
azadlığı ideyasının ən böyük tərənnümçüsü olması vurğulanır. Sovet
imperiyasının xalqımıza öz qəhrəmanlıq keçmişini, tarixini unutdur-
maq cəhdlərinə cavab olaraq şair məşhur “Gülüstan” poemasını qələmə
almışdır. Bu mövzunun davamı kimi yazdığı “İstiqlal” poemasında
artıq müstəqilliyinə qovuşmuş xalqın qələbəsindən söz açılır. Sənətkar
“Şəhidlər” poeması ilə imperiya cəlladlarının silahından qorxmayan,
azadlıq uğrunda canını qurban vermiş şəhidlərin ruhuna əbədi heykəl
ucaltmışdır.
Dördüncü sualla (Ədibin dramaturgiyasını mövzu-problem baxımın-
dan səciyyələndirən başlıca cəhətlər hansılardır?) bağlı müzakirədə şa-
girdlərin diqqəti daha əhəmiyyətli, ən zəruri fakt və nümunələrə yö-
nəldilməlidir. Araşdırma şagirdləri bu qənaətə gətirir ki, B.Vahabzadə
dramaturgiyamızı milli özünüdərk ideyasını qabardan dram əsərləri ilə
zənginləşdirmişdir. Sənətkar xalqımızın tarixinə müraciət etməklə,
milli istiqlal mübarizəsində böyük rol oynamış şəxsiyyətlərin obrazla-
168
rını yaratmaqla oxucunu öz keçmişinə yeni nəzərlərlə baxmağa, ondan
ibrət dərsi almağa səsləyir. Son dövrlərin yaradıcılıq məhsulu olan,
uğurla tamaşaya qoyulmuş “Özümüzü kəsən qılınc” pyesi tarixi
mövzuda yazılsa da, müasir dərdlərimizlə səsləşir.
Müəllimin istiqamətləndirici sualları əsasında nəticənin çıxarılması
və ümumiləşdirmənin aparılmasına vaxt ayrılır. Şagirdlərdə belə qə-
naət yaradılır ki, B.Vahabzadənin yaradıcılığında istiqlal mövzusunun
aparıcı yer tutması təsadüfi deyildir. Azadlıq, milli istiqlal, müstəqil,
bütöv Azərbaycan idealı şairin yaradıcılığından qırmızı xətt kimi keçir.
O, xalqının azadlıq, müstəqillik arzularını öz əsərlərində yüksək
sənətkarlıqla əks etdirmiş, milli azadlıq hərəkatının yetişməsində və
qələbəsində böyük rol oynamışdır.
Qiymətləndirmə. Formativ qiymətləndirmə aparılarkən 31–38-ci
səhifələrdə verilmiş müvafiq qiymətləndirmə meyarları və səviyyələri
üzrə cədvəllərdən istifadə məqsədəuyğundur.
Müəllim dərslikdəki “Evdə iş” başlıqlı tapşırığın evdə yerinə yeti-
riləcəyini şagirdlərə xatırladır.
Mövzu: B.Vahabzadə. Şəhidlər” (ixtisarla) – 3 saat
Birinci saat: Məzmun üzrə iş
Standartlar
Təlim nəticələri
1.1.4. Müxtəlif ədəbi növ və janrda olan
əsərlərdə (poema, hekayə, povest, roman,
dram, komediya, faciə) əksini tapan
mühüm milli-mənəvi, bəşəri dəyərləri
müəyyənləşdirir.
Poemada əksini tapmış mühüm
milli-mənəvi, bəşəri dəyərləri
müəyyənləşdirir.
2.1.1. Müxtəlif mənbələrdən topladığı
materiallara əsaslanmaqla təqdimat və
çıxışlarında bədii-emosional və obrazlı
ifadələrdən istifadə edir.
Mənbələrə əsaslanmaqla
mövzu, problemlə bağlı
çıxışlarında bədii-emosional
ifadələrdən istifadə edir.
Dərsin gedişi
Ev tapşırığının (a. B.Vahabzadənin tarixi mövzuda yazdığı əsərlər
hansı xüsusiyyətləri ilə diqqəti cəlb edir? b. Ədibin dramatik əsərlərində
hansı siyasi və mənəvi problemlər qoyulub?) yerinə yetirilməsi səviyyəsi
müxtəlif yollarla aşkara çıxarıla bilər. Təqdimatların seçmə yolla
dinlənilməsi və müzakirəsi zamanı şagirdlərin mənbələrdən necə
bəhrələndiyinə diqqət yetirilir. Bu prosesdə müəllimin müvafiq
qiymətləndirmə meyarlarına müraciət etməsi məqsədəuyğundur.
Motivasiya mərhələsini fərqli məzmunda təşkil etmək mümkündür.
Dərslikdəki suallar (Şəhid kimə deyilir? “Şəhidlik zirvəsi”, “Şəhidlər öl-
Dostları ilə paylaş: |