152
viyyəsi təqdimatların dinlənilməsi və müzakirəsi əsasında
müəyyən-
ləşdirilə bilər.
Motivasiya yaradılması məqsədilə dərslikdəki tapşırığın (
İ.Şıxlı ba-
rədə bildiklərinizi yada salıb yığcam müzakirə aparın) yerinə yetiril-
məsinə vaxt ayrılır. Şagirdlər İ.Şıxlının “Namərd gülləsi” hekayəsini
IX sinifdə öyrənmiş, tövsiyə olunmuş “Sapı özümüzdəndir”, “Mənim
rəqibim” əsərlərini müstəqil mütaliə etmişlər. Onlar ədibin eyniadlı
romanı üzrə çəkilmiş “Dəli Kür” filmi ilə də tanışdırlar. Dərsdə
İNSERT-dən istifadə etməklə şagirdlərin mövzu ilə bağlı əvvəlki bilik-
lərinin, öyrənmək istədiklərinin qeydə alınması məqsədəuyğundur.
Motivasiyanın digər variantı İ.Şıxlı haqqında “Kürə qovuşan ömür”
filmindən
(https://www.youtube.com/watch?v=OIh-GpYSoRQ)
bir
epizodun nümayiş etdirilməsi və yığcam fikir mübadiləsi aparılmasıdır.
Şagirdlərin fəal iştirakı ilə
tədqiqat sualı müəyyənləşdirilir:
İs-
mayıl Şıxlının həyatı və yaradıcılığı üçün daha səciyyəvi olanlar nədir?
Dərslikdəki sualların və onların aydınlaşdırılmasına istiqamət verən
cavabların oxusu ilə
araşdırmaya başlanılır.
Mətnin oxusunu fərqli
formalarda (fərdi, cütlük şəklində) həyata keçirmək mümkündür. Kiçik
qruplar yaradılması, hər qrupa bir suala cavab hazırlanmasının
tapşırılması vaxta qənaət baxımından məqsədəuyğundur. Kiçik qruplar
dərslikdəki sual və tapşırıqlar üzrə təqdimat hazırlayarkən tədqi-
qatçıların əsər barədə dərslikdə verilmiş fikirlərinə də münasibət
bildirir, öz fikirlərini əsaslandırırlar.
Kiçik qrupların araşdırmasına ayrılan vaxt başa çatdıqdan sonra
təqdimatların
mübadiləsi və
müzakirəsi aparılır. Birinci sualla (
İ.Şıx-
lının həyat yolu üçün daha səciyyəvi olanlar nədir?) bağlı mənbələrdən
istifadə edən şagirdlər, ilk növbədə, ədibin şeir, sənət ocağı Qazaxda
anadan olmasını, orta və ali təhsil almasını qeyd edirlər.
“Yazıçının
bədii yaradıcılığında müharibə mövzusu necə əks olunmuşdur?” sualı ilə
əlaqədar əlavə mənbələrdən bəhrələnən şagirdlər qeyd edirlər ki,
müharibə başlayanda İ.Şıxlı pedaqoji ali məktəbdə təhsilini yarımçıq
qoyub 1942-ci ildə cəbhəyə getmişdir. Cəbhədə amansız ölüm-dirim
döyüşlərinin iştirakçısı olması, müharibənin məhrumiyyətləri, faciələri
ədibin sonrakı hekayələrində, “Kerç sularında”
povestində, “Cəbhə gün-
dəlikləri”ndə, “Odlu çarpazlar” kinossenarisində öz əksini tapmışdır.
“Ayrılan yollar” romanında hansı problemlərin bədii həlli verilmiş-
dir?sualının müzakirəsi zamanı bu əsərin ədibin yaradıcılığının ilk mər-
hələsinin məhsulu olduğu qeyd edilir. Kəndə, kolxoz həyatına həsr
olunan bu roman müəllifin bir sənətkar kimi püxtələşdiyini göstərirdi.
“
Yazıçının sonrakı illərdə yazdığı nəsr əsərlərində hansı problemlər
diqqət mərkəzinə çəkilmişdir?” sualı üzrə müzakirədə ədibin hekayə və
153
romanlarının ideya-məzmunu ilə bağlı fikir söylənilir. Həmin əsərlərdə
həyati problemlər, milli-mənəvi dəyərlər, cəmiyyətdə, insan davranı-
şında olan ziddiyyətli məqamların əks olunduğu qeyd edilir.
Müəllimin istiqamətləndirici sualları əsasında
nəticənin çıxarılması
və ümumiləşdirmənin aparılmasına vaxt ayrılır. Şagirdlərdə belə qə-
naət möhkəmlənir ki, İ.Şıxlının
ibrətamiz həyat yolu, zəngin
yaradıcılığı onu ədəbiyyatımızın görkəmli simalarından birinə
çevirmişdir. O, xalq ruhunun, davranış və düşüncə mədəniyyətinin
daşıyıcısı kimi bu gün də gənc nəsil üçün örnəkdir. Yazıçının bədii
əsərləri üçün realizm, aktuallıq, müasirlik baxımından problem
seçimində dəqiqlik, həyat həqiqətlərinin bədii əksi səciyyəvidir.
Qiymətləndirmə. Formativ qiymətləndirmə aparılarkən 31–38-ci
səhifələrdə verilmiş müvafiq qiymətləndirmə meyarları və səviyyələri
üzrə cədvəllərdən istifadə məqsədəuyğundur.
Müəllim dərslikdəki “Evdə iş” başlıqlı tapşırığın evdə yerinə
yetiriləcəyini şagirdlərə xatırladır.
Mövzu: İ.Şıxlı. Dəli Kür (ixtisarla) – 4 saat
Birinci saat: Məzmun üzrə iş
Standartlar
Təlim nəticələri
1.1.4. Müxtəlif ədəbi növ və janrda
olan əsərlərdə (poema, hekayə, po-
vest, roman, dram, komediya, faciə)
əksini tapan mühüm milli-mənəvi,
bəşəri dəyərlərə
əsaslandırılmış
münasibət bildirir.
Romanda əksini tapmış mühüm
milli-mənəvi,
bəşəri dəyərləri
müəyyənləşdirir.
2.1.1. Müxtəlif mənbələrdən top-
ladığı materiallara əsaslanmaqla
təqdimat və çıxışlarında bədii-
emosional və obrazlı ifadələrdən
istifadə edir.
Mənbələrə əsaslanmaqla mövzu,
problemlə bağlı çıxışlarında bədii-
emosional ifadələrdən istifadə edir.
2.2.1. Müzakirələrdə mövzuya,
problemə, yazıçının mövqeyinə
tənqidi münasibətini əsaslandırır,
dinləyicilərin rəyini nəzərə alır,
mimika və jestlərdən məqsədyönlü
istifadə edir.
Mövzuya, problemə münasibətini
əsaslandırır, dinləyicilərin rəyini
nəzərə alır, mimika və jestlərdən
məqsədyönlü istifadə edir.
Dərsin gedişi
Ev tapşırığının yerinə yetirilməsi səviyyəsi
müxtəlif yollarla aşkara
çıxarıla bilər. Təqdimatların seçmə yolla dinlənilməsi və müzakirəsi
daha məqsədəuyğundur. Bütün hallarda şagirdlərin mənbələrdən necə
154
bəhrələndikləri, öyrəndiklərini dərslikdəki məlumatlarla necə əlaqələn-
dirdikləri diqqət mərkəzində saxlanılır. Bu prosesdə müəllimin mü-
vafiq qiymətləndirmə meyarlarına müraciət etməsi məqsədəuyğundur.
Motivasiya, problemin qoyuluşu mərhələsini fərqli məzmunda təş-
kil etmək mümkündür. Mehdi Hüseynin bu əsərlə bağlı İ.Şıxlıya
yazdığı məktubu oxumaqla şagirdlərdə əsərə maraq oyatmaq olar:
"Əzizim İsmayıl! "Dəli Kür" əsərini dünən gecə oxuyub qurtardım.
Düzünü deyim ki, mən səndən yaxşı əsər gözləyirdim, amma bu cür
qüvvətli və təsirli bir əsər yazmağını gözləmirdim. Əhsən, bərəkallah!
Son on ildə bizim ədəbiyyatımızdan oxuduğum heç bir əsər məni bu cür
sarsıtmamışdı".
Şagirdlərə bu məktub barədə öz fikirlərini söyləmək təklif edilir.
Dərslikdəki
“Güclü xarakter dedikdə nə başa düşürsünüz? Güclü xa-
rakterli insan olmaq üçün nə etmək lazımdır? Sizcə, güclü xarakter
hansı hallarda daha önəmli olur?” sualları üzrə müsahibənin
sonunda
tədqiqat sualı formalaşdırılır.
Motivasiyanın digər variantı “Dəli Kür” bədii filmindən
(https://www.youtube. com/watch?v=3m GX3RiZ4lE&t=26s) bir epizo-
dun nümayiş etdirilməsi və fikir mübadiləsi aparılmasıdır.
Tədqiqat sualı: Romanda təsvir edilən hansı hadisələr onu “qüvvətli
və təsirli əsər” adlandırmağa əsas vermişdir?
Fərziyyələr dinlənilir və qeyd edilir.
Romanın ixtisarla verilmiş birinci hissəsinin oxusu ilə
tədqiqata
başlanılır.
Oxunu fərqli formalarda həyata keçirmək mümkündür. Şagirdlərin
marağı nəzərə alınaraq fərdi oxunun tətbiqi faydalıdır. Oxuya ayrılan
vaxt başa çatdıqdan sonra tapşırıqlar fərdi olaraq yerinə yetirilir:
mənası aydınlaşdırılmış sözlərin alınma, yaxud dilimizə aid olduğu
əsaslandırılır; məcazların növü dəqiqləşdirilir, maraqlı hesab
olunmasının səbəbi açıqlanır; ikihissəli gündəlik və suallara (
Anasının
sözləri Şamxala necə təsir etdi? O hansı qərara gəldi? Cahandar ağanın
silahdan atəş açması evdəkilərə necə təsir etdi? və s.) cavab hazırlanır.
Sonda test tapşırığı üzrə işin təşkili faydalıdır.
Kiçik qruplarda birləşən şagirdlər cavablarını dəqiqləşdirir və
ümumiləşdirirlər. Təqdimatlar əsasında
məlumat mübadiləsi və müza-
kirə aparılır. Müəllim istiqamətləndirici
suallardan istifadə etməklə
təqdimatların fəal dinlənilməsinə, müzakirənin səmərəli keçməsinə nail
olur.
Oxu ilə bağlı aparılmış işə yekun
(əsərin məzmunu bütövlükdə öy-
rənildikdən sonra – ikinci dərs saatında nəticənin çıxarılması, ümumi-
ləşdirmənin aparılması həyata keçirilir) vurulur.