55
formalaşmışdır ki,
ana sonsuz şəfqəti, gücü, qüdrəti ilə övladın həyatında müstəsna
rol oynayır.
Əldə olunmuş nəticənin tədqiqat sualı ilə əlaqəsinə, fərziyyələrlə müqayisə
edilməsinə diqqət yetirilir.
Qiymətləndirmə. Formativ qiymətləndirmə aparılarkən 38-45-ci səhifələrdə
verilmiş müvafiq qiymətləndirmə meyarları və səviyyələri üzrə cədvəllərdən
istifadə məqsədəuyğundur.
Müəllim dərslikdəki “Evdə iş” başlıqlı tapşırığın evdə yerinə yetiriləcəyini
şagirdlərə xatırladır.
Mövzu: Cəfər Cabbarlı. “Ana” – 3 saat
İkinci saat: Təhlil üzrə iş
Standartlar
Təlim nəticələri
1.2.3.
Şeirin təsir gücünün artmasında bədii təsvir və ifadə
vasitələrinin rolunu aydınlaşdırır.
1.2.4.
Şeirin mövzusunu, ideya-bədii xüsusiyyətlərini şərh edir,
onlara əsaslandırılmış münasibət bildirir.
2.2.1.
Şeirlə bağlı müzakirələrdə mövzuya tənqidi münasibətini
əsaslandırır, fərqli fikirlərə dözümlülük nümayiş etdirir.
3.1.3.
Müqayisə xarakterli məruzə yazır.
Dərsin gedişi
Ev tapşırığının yerinə yetirilməsi səviyyəsi təqdimatların (məruzələrin) dinlə-
nilməsi və müzakirəsi zəminində müəyyənləşdirilir. Müəllimin müvafiq qiymətlən-
dirmə meyarlarına müraciət etməsi məqsədəuyğundur.
Təhlil üzrə dərs fərqli variantlarda ola bilər. Məsələn, şeirin
ideya-bədii xüsu-
siyyətlərini araşdırmağa və şərh etməyə imkan verən sual əsasında müzakirə, debat
təşkil etməklə dərsin maraqlı, canlı keçməsinə nail olmaq mümkündür. Yaxud
dərslikdəki tövsiyələr əsasında hazırlanan dərs vaxtdan səmərəli istifadə edilməsi
baxımından daha faydalıdır. Bu dərsin səciyyəvi məqamları aşağıdakı məzmunda
olur.
Motivasiya, problemin qoyuluşu. Motivasiya həm rəmzi materiallardan, həm
də suallardan istifadə edilməklə yaradıla bilər. İkinci yoldan istifadəyə üstünlük
verən müəllim məzmunla bağlı verdiyi bir neçə sualdan
sonra diqqəti şeirin bədii
xüsusiyyətlərinə, onun maraqla oxunmasının səbəblərinə cəlb edir. Şagirdlər fərqli,
ziddiyyətli fikirlər səsləndirməklə məhdudlaşırlar. Bu istiqamətdə aparılan müsahi-
bənin sonunda tədqiqat sualı müəyyənləşdirilmiş olur.
Tədqiqat sualı: “Əsərin böyük uğur qazanmasına, ona oxucu marağının daimi
olmasına səbəb yüksək ideya-bədii xüsusiyyətləridir” fikrini doğru saymaq olarmı?
Fərziyyələr dinlənilir, təkrara yol verilmədən qeydlər edilir.
Tədqiqatın aparılması. Hansı təlim metodu və iş formalarının seçilməsindən
asılı olmayaraq, dərslikdəki “Əsərin təhlilinə hazırlaşın” mətninə və “Araşdırın.
Fikirləşin. Cavab verin” başlıqlı suallara müraciət edilməsi məqsədəuyğundur.
56
Kiçik qruplarda işin təşkilinə üstünlük verən müəllim hər qrupa bir sual
ayırmaqla iş vərəqlərini şagirdlərə təqdim edir. İşin icrasına ayrılan vaxt elan
olunur.
“Araşdırın. Fikirləşin. Cavab verin” tapşırığı hazırlanarkən tədqiqat sualının
araşdırılması, ona əhatəli cavab verilməsi
məqsədi diqqət mərkəzində
saxlanılmışdır.
Başqa sözlə, həmin tapşırığa daxil edilən sualların, demək olar,
hamısı bilavasitə tədqiqat sualının aydınlaşdırılmasına xidmət edir. Məsələn,
üçüncü sualın üzərində işləyən qrup əsərin bədii keyfiyyəti üçün mühüm olan
cəhəti – lirik qəhrəmanın hislərinin hansı ustalıqla ifadə edildiyini
aydınlaşdırmalıdır. Bu,
müəllifin sözdən, bədii təsvir və ifadə vasitələrindən necə
bəhrələndiyini şərh etmək vəzifəsini də qarşıya qoyur. Dördüncü sual oxucunu lirik
qəhrəmanın hiss və duyğularına ortaq olmağa, ona münasibət bildirməyə sövq edir.
Əsərin bədii gözəlliyini duymadan buna nail olmaq mümkün deyildir. Beşinci sual
da şeirin bədii məziyyətinin üzə çıxarılmasına az xidmət etmir. Başqa sözlə, lirik
qəhrəmanın xarakterindəki başlıca cəhətləri nümunələr əsasında aydınlaşdırmalı
olan şagirdlər şeirin bədii xüsusiyyətlərinə də münasibət bildirmiş olurlar.
Tapşırıqdakı altıncı, yeddinci suallar da birbaşa tədqiqat sualının mahiyyətinin
açıqlanmasına istiqamətləndirilmişdir.
Məlumat mübadiləsi mərhələsində qrupların bir-birinin işinin məzmunu ilə
ətraflı tanış olmalarına imkan yaradılır. Qrup nümayəndələri əhatəli məlumat
verməklə yanaşı, onlara ünvanlanmış sualları da cavabsız qoymamalıdırlar. Qrup
nümayəndəsinin – sözçüsünün dediklərinə həmin qrupun digər
üzvlərinin əlavələr
etməsinə icazə vermək olar. Fəal/interaktiv dərslə bağlı xeyli təcrübə qazanan IX
sinif şagirdləri bilirlər ki, bu mərhələdə səsləndirilən fikirlərdə birtərəfli, yanlış
məqamlar, lazımınca əsaslandırılmamış mülahizələr də vardır. Bunu müəllim də
nəzərə alır və məlumat mübadiləsində bütün qrupların fəallığına, şagirdlərin öz
mövqelərini sərbəst ifadə etmələrinə şərait yaradır. Növbəti –
məlumatın
müzakirəsi mərhələsində indiyə kimi söylənmiş fikirlərin əlaqələndirilməsinə,
müqayisəsinə, sistemə salınmasına səy göstərilir. Müzakirənin diskussiya səciyyəli
olması, xüsusilə əhəmiyyətlidir. Buna bütün suallar imkan verir. Məsələn, 6-cı
suala cavab hazırlayan şagirdlər yalnız bədii təsvir və ifadə vasitələrinin
rolunu
aydınlaşdırmaqla məhdudlaşa bilməzlər. Belə hal baş verərsə, digər qrupun üzvləri
diskussiyada diqqəti buna cəlb etməli və şeirin təsir gücünün artmasında rolu olan
digər bədii vasitələrin xatırladılmasına, nümunələr göstərilməsinə nail olmalıdırlar.
Nəticənin çıxarılması, ümumiləşdirmənin aparılması. Əldə olunmuş faktla-
rın, deyilmiş fikirlərin ümumiləşdirilməsi, vahid ideya halına salınması bu mərhə-
lədə diqqət mərkəzində saxlanılır. Müəllimin əvvəlcədən hazırladığı istiqamətlən-
dirici sualların da bu mərhələnin səmərəliliyinə təsiri az olmur. Şagirdlərdə belə bir
qənaət möhkəmlənir ki, “Ana” əsəri tarixən qədim olan bir mövzuda yazılsa da,
təkrarsız
bədii gözəlliyi, yeni ideya çalarları ilə ədəbiyyatımızda mühüm hadisə
sayılmış, yüz ilə yaxın bir müddətdə ona oxucu marağı azalmamışdır.
Çıxarılmış nəticələrin tədqiqat sualı və fərziyyələrlə müqayisə edilməsinə
diqqət yetirilir. Bu, tədqiqat işinin düzgün istiqamətdə aparıldığına və başa çatdığı-
na əminlik hissi yaradır.