6
edildi. BMT-nin Baş Məclisi 1972-ci il dekabrın 15-də iyunun
5-ni “Ətraf Mühitin Mühafizəsi Günü” elan etdi. İndi bütün
dünyada olduğu kimi Azərbaycanda da iyunun 5-i müxtəlif
tədbirlərlə qeyd edilir.
Azərbaycan Respublikası müstəqillik qazandıqdan
sonra, digər sahələrdə olduğu kimi ətraf mühitin mühafizəsi
sahəsində də öz müstəqil siyasətini formalaşdırmağa başladı.
Keçmiş Sovetlər İttifaqının tərkibində Azərbaycanın belə bir
imkanı yox idi. Moskvada hazırlanan ekoloji siyasət insanın və
təbiətin sağlamlığının mühafizəsindən daha çox, mərkəzin
iqtisadi maraqlarının təmin olunmasına xidmət edirdi. Məhz
həmin siyasətin acı nümunələri kimi Sumqayıt şəhərindəki
əksər sənaye obyektlərini, Bakı şəhərinin ətrafındakı mazut
göllərini, şorlaşmış Kür-Araz ovalığı torpaqlarını, Qəbələ RLS-
i, Gəncə alüminium zavodunu və s. göstərmək olar.
Ekoloji problemlər Azərbaycana rəhbərlik etdiyi bütün
dövrlərdə ümummilli liderimiz, suveren Azərbaycanımızın
qurucusu Heydər Əliyevin daim nəzərində olmuşdur. Vətənini
ürəkdən sevən bu şəxs respublikamızın üzləşdiyi ekoloji
problemləri görmüş və onların aradan qaldırılması üçün var
qüvvəsi ilə çalışırdı. O, bu məqsədlə ətraf mühitin
mühafizəsinə və insanların sağlamlığına təminat yaradan
mütərəqqi texnologiyaya malik yeni müəssisələrin tikilməsinə,
yaşıllıqların və parkların salınmasına, ekologiya sahəsində
mütəxəssislərin hazırlanmasına xüsusi diqqət yetirmişdir.
1995-ci ilin noyabr ayının 12-də qəbul olunmuş
Azərbaycan Respublikası Konstitusiyasında ilk dəfə olaraq
“Hər kəsin sağlam ətraf mühitdə yaşamaq hüququ vardır” (39-
cu maddə) maddəsi öz əksini tapdı. Bu maddənin icrası üçün
Azərbaycan Respublikasının Milli Məclisi ətraf mühitin
mühafizəsi, təbii sərvətlərdən istifadə olunması ilə bağlı
çoxsaylı qanunlar qəbul etdi. Eyni zamanda bu qanunların
pozulması ilə əlaqədar olaraq müvafiq məsuliyyətlər də
(inzibati və cinayət məsulliyyətləri) müəyyənləşdirildi.
1999-cu il 8 iyunda “Ətraf Mühitin Mühafizəsi
haqqında” Azərbaycan Respublikasının Qanunu qəbul edildi.
7
Bu qanunda hər kəsin ətraf mühiti qorumaq və ona qayğı ilə
yanaşmaq vəzifələri öz əksini tapdı.
Uzun
müddət respublikada ətraf mühitin mühafizəsi və
onun qorunmasına nəzarət edilməsi sahəsindəki idarəetmədə
bir hərc-mərclik var idi. Belə ki, ümumi nəzarət funksiyasını
Dövlət Ekologiya və Təbiətdən istifadəyə Nəzarət Komitəsi
həyata keçirsə də, atmosferin mühafizəsi ilə Dövlət
Hidrometeorologiya Komitəsi, yerin təkilə Dövlət Geologiya
və Mineral Ehtiyatlar Komitəsi, meşə sərvətləri ilə “Azərmeşə”
İstehsalat Birliyi, balıqçılıqla bağlı məsələlərlə “Azərbalıq”
Komitəsi məşğul olurdu. İdarəetmə strukturunda aparılan
islahatlar bu problemi də aradan qaldırdı. Azərbaycan
Respublikası Prezidentinin 23 may 2001-ci il tarixli 485 saylı
Fərmanı ilə bu komitələrin bazasında Ekologiya və Təbii
Sərvətlər Nazirliyi yaradıldı. Həmin ilin 18 sentyabrında
Prezidentin Fərmanı ilə Nazirliyin Əsasnaməsi təsdiq olundu.
Ətraf mühitin mühafizəsi, insanların sağlam təbii
mühitdə yaşaması və təbii sərvətlərdən xalqımızın rifahının
yaxşılaşdırılması naminə istifadəsi hal-hazırda daim ölkə
başçısının diqqət mərkəzindədir. Azərbaycan Respublikasının
Prezidenti İlham Əliyev tərəfindən imzalanmış 28 sentyabr
2006-cı il tarixli “Azərbaycan Respublikasında ekoloji
vəziyyətin yaxşılaşdırılmasına dair 2006-2010-cu illər üçün
kompleks tədbirlər planı” haqqında Fərman bu sahədə olan
problemlərin həllinə yönəldilən sənədlərdən biridir.
Ölkəmizdə ekoloji vəziyyətin tənzimlənməsində
mühüm əhəmiyyət daşıyan bu sənəd, eyni zamanda ekoloji
təbliğat və ekoloji maarifləndirməni, bu sahədə görüləcək
işlərin geniş əhali kütləsinə çatdırılmasını tələb edir.
Respublikamızda təbiəti mühafizə sahəsində atılan
addımlardan ən vacibi, ən xeyirxah işlərdən biri də nəsli
tükənməkdə olan heyvan və bitki növlərini qoruyub saxlamaq
məqsədilə qoruqların təşkil olunmasıdır. Bu gün Azərbaycan
Respublikası Ekologiya və Təbii Sərvətlər Nazirliyinin
tabeliyində 6 Milli park, 13 dövlət qoruğu və 19 dövlət
yasaqlığı mövcuddur. Bundan əlavə 30 xüsusi əhəmiyyətli
8
meşə əraziləri, təbii qruplar, yaşı 100 ildən artıq olan 2083
ağac, 73 geoloji və paleontoloji obyektlər təbiət abidələri
siyahısına daxil edilib. Ümumiyyətlə, bu gün respublika
ərazisində xüsusi mühafizə olunan təbiət əraziləri ölkə
ərazisinin 8 faizindən çoxunu təşkil edir.
İnsan təbiətin bir hissəsi olub onunla sıx bağlıdır. Təbiət
insanların yaşayış mühiti vəzifəsini görür, onun vəziyyəti
cəmiyyətin rifah və inkişaf səviyyəsini təyin edir. XX
əsrin
başlanğıcında yer kürəsinin əhalisi təmiz hava alır, saf su
içirdilər. Dünya sonsuz, təbii sərvətlər isə tükənməz hesab
edilirdi. İndi bəşəriyyət elə problemlərlə üz-üzə gəlmişdir ki,
onlar insanın mövcudluğunu təhlükə altına almışdır.
Ekoloqların fikrincə, əgər bəşəriyyət bu yolu davam etdirərsə,
yaxın bir neçə nəsildən sonra onu fəlakət gözləyir.
Atmosferin çirklənməsi, torpaq örtüyünün qüvvədən
düşməsi və xarab olması, su hövzələrinin kimyəvi zəhərlənməsi
belə problemlərin ən vaciblərindəndir.
Hal- hazırda ekologiyanın ən qlobal problemlərindən
biri də ətraf mühitin radioaktiv maddələrlə çirklənməsidir.
Sənayenin inkişafı, əhalinin artması, insanların təbiətə təsiri
hamımız üçün bir olan Yer kürəmizin kimyəvi və bioloji
tarazlığını dəyişib.
Ümumdünya Səhiyyə Təşkilatının məlumatına əsasən
bütün dünyada xərcəng xəstəliyinə tutulanların dörddə üçünün
səbəbi ətraf mühitin çirklənməsidir. Ətraf mühitin çirklənməsi
şəhərlərdə günəşli günlərin sayını azaldır, bitki aləmini, tikinti
materiallarını və abidələri məhv edir. Ətraf mühitin
çirklənməsinin ən təhlükəli nəticəsi insan orqanizmində mənfi
mutasiyalara səbəb olmasıdır. Bu səbəbdən fiziki və zehni
çatışmamazlıqları olan uşaqlar dünyaya gəlir, sonsuzluq halları
müşahidə edilir, irsi ağır xəstəliklər adi hal alır.
1986-cı il Çernobıl qəzasının ölkəmizə həm birbaşa,
həm də dolayısı təsiri olmuşdur. Belə ki, 7 minə yaxın
Azərbaycan vətəndaşı qəzanın aradan qaldırılmasında
şüalanmaya məruz qalmışdır. Şüalanmış ərzaq məhsulları
Moskvanın təkidi ilə əhaliyə satılmışdır. Çernobıl hadisəsindən
Dostları ilə paylaş: |