16
Həm yerin, həm göyün sirrini aşkar,
Oxudum bir gülün ləçəklərindən.
Böcəklər, çiçəklər, güllər, arılar,
Kim deyir ayrıdır biri-birindən.
Eşqdir yaşadan təbiəti də
Çiçəklər torpağın min bir rəngidir,
Böcəklə çiçəyin məhəbbəti də
Ana təbiətin öz ahəngidir.
Bəxtiyar Vahabzadə, Xalq şairi
Zülmət gecələrdə parlayan şimşək,
Yol üstə göz qırpan mayak deyilmi?
Gəlin təbiəti biz də düşünək,
O özü hər şeyi düşünən kimi.
Hüseyn Arif, Xalq şairi
Təbiətdə heç nə şərti olaraq baş vermir, hər bir hadisə
digərlərinə təsir göstərir və əksinə: Bu danılmaz fakta
təbiətşünasların göstərdikləri biganəlik hissi əksər hallarda
həyatda hətta ən sadə şeyləri belə aydın görməyə imkan vermir.
Fridrix Engels, mütəfəkkirr, iqtisadçı
Dünyanı gözəllik xilas edəcək.
Fyodor Mixailoviç Dostoyevski, rus yazıçısı
Təbiət elminin əsas məsələlərindən başı çıxan insan
baxılan problemlərə dair asılılıq olmadan, ideyalar yaratmaq
iqtidarında ola bilər.
Nəsirəddin Tusi, filosof
17
Hər şey torpaqdan yaranır, hər şey son nəticədə torpağa
qayıdır.
Ksenofon, filosof-təbiətşünas
Dünyada qüvvələr çoxdur, lakin təbiətdə insandan
qüvvətli heç nə yoxdur. Təbiətlə insan üzvi əlaqədədir, lakin
son illərdə ana təbiətlə onun övladı arasında müəyyən mübarizə
başlanmışdır. Elə bil insan həddini aşaraq hər dəqiqə təbiətə
təslim aktını imzalamağı təklif edir. Lakin onu unutmaq olmaz
ki, insan təbiətlə maddi tarazlıq halında mövcuddur. O, özünə
lazım olan hər cür maddi nemətləri təbiətdən götürür.
Sofokl, yunan yazıçısı
Təbiətə qarşı öz əməllərimizlə bizim səhv etməyə
haqqımız yoxdur.
Çarlz Elton, ekoloq
Həyat yerin cansız kimyəvi səthini əbədi, fasiləsiz
pozan böyük qüvvədir.
Vladimir İvanoviç Vernadski, akademik
Gözü intizarda hər axşam-səhər
Təbiət haqq-hesab istəyir bizdən
Bu gün bacalardan çıxan tüstülər
Sabah çıxacaqdır əsəbimizdən
Tofiq Mütəllibov, şair
18
AZƏRBAYCAN EKOLOGİYASI VƏ
KİTABXANALARIN QARŞISINDA DURAN
VƏZİFƏLƏR
Azərbaycan təbiəti zəngin bir muzeydir. Burada
mövcud 11 iqlim qurşağından 9-nun olması onu daha zəngin və
rəngarəng edib. Təbiətin Azərbaycana bəxş etdiyi zəngin
yerüstü və yeraltı sərvətlər xalqımızın tarixində müstəsna rol
oynamış, bu torpağın füsunkar təbiəti nadir istedad sahibi olan
böyük sənətkarlarının ilham mənbəyi olmuşdur.
Son
əsrlərin
ən qlobal ekoloji problemləri
Azərbaycandan da yan keçməmişdir. Bunun nəticəsidir ki,
Respublikamızda ekoloji problemlərə diqqət xeyli artmış, bu
mövzuya həsr olunmuş onlarla qanun, qərarlar qəbul edilmiş,
yüzlərlə konfrans, seminar və toplantılar keçirilmişdir. Bu gün
ekoloji problemlərin həlli bəşəriyyətin, böyükdən kiçiyə qədər
hamının bu işə cəlb olunmasını tələb edir. Heç kimin bu
problemdən kənarda qalmağa mənəvi haqqı yoxdur. Milli
Məclis tərəfindən qəbul olunmuş və Respublika Prezidentinin
təsdiq etdiyi “Əhalinin ekoloji təhsili və maarifləndirilməsi
haqqında” (2003), “Ətraf mühitin mühafizəsi haqqında” (1999)
Qanunları, Azərbaycan Respublikasının Prezidenti İlham
Əliyevin 28 sentyabr 2006-cı il tarixli “Azərbaycan
Respublikasında ekoloji vəziyyətin yaxşılaşdırılmasına dair
2006-2010-cu illər üçün Kompleks Tədbirlər Planı” haqqında
Fərmanı məsələnin nə qədər aktual və vacib olduğundan xəbər
verir. Dövlət də təbiətdən istifadə məsələsinə nəzarəti
gücləndirməyi, əhalinin ekoloji tərbiyəsini diqqət mərkəzində
saxlamağı zəruri sayır. Bu məsələnin aktuallığını nəzərə alaraq
kitabxanaların qarşısında çox mühüm vəzifələr durur.
Ekologiyanın və təbiətin qorunması məsələlərini təbliğ
edəcək hər bir müəssisənin rəhbəri ekologiyaya aid ətraflı
nəzəri biliyə və müəyyən praktiki vərdişlərə yiyələnməli,
təbiəti mühafizəyə dair qanunvericiliyi bilməli, gündəlik
fəaliyyətində onları tətbiq etməyi bacarmalıdır.
19
MKS-lərin və kütləvi kitabxanaların qarşısında duran ən
mühüm vəzifələrdən biri Respublika rəhbərliyinin ekoloji
siyasətini oxuculara çatdırmaqdır. Fərmanın icrası ilə əlaqədar
kitabxanalarda tədbirlər planı hazırlanmalı və il boyu yerinə
yetirilməlidir.
Xüsusən gənc nəslin təlim-tərbiyəsinə kömək etmək
məqsədilə (baxça və məktəblərdə) ictimai təbliğat
vasitələrindən istifadə etməklə oxucuların ekoloji cəhətdən
savadlanmasından başlamaq lazımdır. Doğma yurdun təbiətini,
onun flora və faunasını qorumaq, yaşıllıq yaratmaq, ağac
əkmək və becərmək kimi vərdişlər uşaqlara kiçik yaşlarından
aşılanmalıdır. Bu məqsədlə kitabxanalarda təbii sərvətlərin
qorunmasına məhəbbət ruhunda tərbiyə işi aparmaq, bitki və
heyvanat aləminin əhəmiyyətini onlara izah etmək, təbiətə qarşı
mərhəmətli və qayğıkeş olmaq hissini aşılamaq lazımdır.
Bütün ölkələrdə təbiəti mühafizə haqqında xüsusi
qanunlar mövcuddur. Hər kəs onları yerinə yetirməyə
borcludur. Axı, bizim gələcək nəslimizə yaşıllıq, təmiz su,
quşların oxuması, yerdəki bütün gözəlliklər lazımdır. Yer
kürəsində 270 növ vəhşi heyvan qırılmışdır. Qırılmaq təhlükəsi
olan başqa heyvanların siyahısı “Qırmızı kitab”a daxil
edilmişdir. Onlar qayğı ilə mühafizə edilir. Lakin qoruqlardan
kənarda da insan təbiətə qayğı ilə yanaşmalı, təbii
zənginliklərdən - torpaqdan, meşələrdən, balıq, quş və vəhşi
heyvan ehtiyatlarından ağılla istifadə etməlidir. Bundan ötrü
təbiətin qanunlarını, bütün canlı orqanizmlərin xüsusiyyətlərini
dərindən öyrənmək lazımdır. Hər bir kəs bilməlidir ki biz
təbiətlə sıx əlaqədəyik və bizim hər birimiz həm indiki, həm də
gələcək hərəkətlərimizə görə cavabdehik. Təbiəti qorumaq,
onun sərvətlərini mühafizə etmək hər bir vətəndaşın borcudur.
Kitabxanada oxucuları ekologiya haqqında qanunlar və
ekologiya hüququ ilə tanış etmək üçün ekoloji qanunvericiliyə
nəzarət edən orqanların köməkliyi ilə müxtəlif “Ekologiya
hüququ haqqında nə bilirsiniz?”, “Ekologiyaya aid qəbul
Dostları ilə paylaş: |