Qadınların şahidliyi ilə əlaqəli Quran mətninin izahına bəzi rəvayətlərin təsiri haqqında
59
şübhədən qaçınılmayacağını dəlil gətirmiş, ancaq
yenə Zöhridən rəvayət edilən
“qadınlar hədlər, nigah və boşanma məsələsində şahidlik edə bilməzlər” rəvayətinə
əməl etməyərək, nigah və boşanma məhkəmələrində qadınların şahidliyini qəbul
etmişdilər. Buna dəlil olaraq, haqq məhkəmələrinin şübhəli dəlillərlə belə sübut edilə
biləcəyini iddia etmələri olmuşdur. (8.22)
Yuxarıda klassik İslam alimlərindən məsələ ilə bağlı bir çox sitatlar gətirmək
mümkündür. Klassik fiqh kitablarına
nəzər salsaq görərik ki, haqqında ayə və hədis
olmadığı halda verilən fətvalar əksər hallarda bir yönlü nəzərə alınmış, qadınların şahidlik
məsələsi əksər hallarda qadınlara xas məsələlərdə öz əksini tapmışdır. İbn Həzm kimi
klassik dövr alimlərindən bəziləri qadının bütün məsələlərdə şahidlik etmə haqqının
olduğunu desələr də, cümhur alimlər bəzi rəvayətlərə əsaslanaraq, qadının unutqanlıq,
aldadılmağa meyillilik, dini və əqli nöqsanlıqlarını önə sürmüşlər. Bu cür yanaşma zaman
keçdikcə qadının bir çox məsələdə sosial statusunu zədələmiş,
onu cəmiyyətdən uzaq
salmışdır. Yazımızın əvvəlində də qeyd etdiyimiz kimi Quranda nazil olan ayələr əbədi,
qiyamətə qədər davam edəcək prinsiplərə xidmət edir. Bu prinsiplərin reallaşmasında Uca
Allah qadın və kişiyə eyni məsuliyyət yükləmişdir. Şahidliyin əhəmiyyəti də haqların
qorunması, ədalətin bərpasına xidmət edir. Yəni şahidlik haqların zay olmasını qoruyan
bir vasitədir. Burada əsas məqsəd cəmiyyətdə baş verəcək hərc-mərcliyin qarşısını almaq,
hüzur və stabilliyi qorumaqdır. Bu səbəbdən də şahidlərlə bağlı kriteriyalar istər insanların
əxlaqi xüsusiyyətlərinin dəyişməsinə paralellik nöqteyi-nəzərindən, istərsə də şahidlik
edəcəkləri məsələyə göstərdikləri marağın azlığı və çoxluğu nisbətində sosial-mədəni
dəyişikliklərə açıq olmalıdır. Nəticə etibarilə sözügedən bu və buna bənzər məsələlərdə,
bütün insanları və zaman faktorunu nəzərə almadan dəyişməz qaydalar qoymaq imkansız
görünür. Məsələ ilə bağlı ayə və rəvayətlərə də bu nöqteyi-nəzərdən baxılması, onları izah
edib, bir hökmün icrasında qaynaq kimi istifadə edərək zamanın sosial-mədəni şərtlərinin
diqqətə alınması qaçınılmaz görürünür.
Yuxarıda qeyd edilən bu və buna bənzər rəvayətlərin saf-çürük edilməməsi,
onlara kor-koranə bağlılıq İslam dünyasında qadının vəziyyətinə sözün həqiqi
mənasından xələl gətirmişdir. Qərbin İslama hücum istiqaməti əksər hallarda qadın
məsələsinə görə olmuşdur. Müasir dövr müsəlman mütəfəkkirlərindən biri
olan Tariq
Ramazan problemin ciddiyyətini belə dilə gətirir: “Qərb dünyası ilə İslam arasındakı
əngəllərdən ən üzdən olanı, heç şübhəsiz, qadın məsələsidir.Qərbin müzakirəni hər
zaman qadın məsələsi üzərində cəmləşdirməsi ilk baxışda düşmən münasibətdən
qaynaqlanırmış kimi görünsə də, problemin səbəb olduğu tənqidlərə kor-koranə
yanaşmamalıyıq. Çünki nəticə etibarilə bir çox müsəlman cəmiyyətində qadının
vəziyyəti bir problem qaynağına çevrilmişdir… Məğrib ölkələrində yaşayan
qadınların yazıb-oxuma səviyyələrinin aşağı olması, bəzi dövlətlərdə qadınların bəzi
hüquq imkanlarından məhrum qalması, Səudiyyə Ərəbistanında qadınların sürücülük
hüququndan məhrum olmaları və bu kimi vəziyyətlərə şəriət
nöqteyi-nəzərindən
hüquqi don geyindirilməsi-bütün bunlar qəbul edilməməli və ifşa edilməlidir. Belə
olduğu təqdirdə sosial bir reform həyata keçə bilər və o zaman İslamın həqiqi
tətbiqatının şahidi ola bilərik.” (9.377)
Dilavər Məmmədov
60
NƏTİCƏ
Əgər söhbət prinsiplərdən və ədalətin bərqərar olması, cəmiyyətdə rifahın
yaradılmasından gedirsə, digər məsələlərədə olduğu kimi şərtlərin və zamanın
dəyişməsi ilə vasitələrin də dəyişəcəyi həqiqətini qəbul etməliyik. Qloballaşan
dünyada artıq qadınlar iqtisadi və sosial məsələrdə söz sahibi olmaq üçün təhsil alır,
dünyanın adlı-sanlı təhsil ocaqlarında professor, doktor elmi dərəcələrinə sahib
olurlar. İslam dünyasının öndə gələn alimləri İslamın
haqq din olduğunu dünya
ictimaiyyətinə çatdırmaq istəyirlərsə, dini mətinlərin zaman və məkana görə izah
edilməsinə, reallığın nəzərə alınmasına, ilahi təlimlərin arxasında gizlənən həqiqi
amalın düzgün başa düşülməsinə, obyektivliyin qorunmasına , klassik irsimizə tənqidi
yanaşma metodologiyasını formalaşdırılmasına zəmin yaratmalıdırlar. Əks təqdirdə
İslam qadın haqlarına hörmətlə yanaşır, İslam qadını heç
bir zaman əzməyib-deməklə,
qadının əqli və dini nöqsanlğını, istək və arzularına yenilməyə meyilli olduğunu deyən
rəvayətlərə bel bağlayırıqsa, sadəcə özümüzü aldatmış olacaq, haqqı bərqara etmək
niyyətimiz təmiz olsa belə, haqsızlığın yayılmasına xidmət edəcəyik. Onu da
unutmamalıyıq ki, unutqanlıq, emosianallıq, yalana meyillilik təkcə qadına aid olan
xarakterlər deyildir. İstər kişi, istərsə də qadın düşdüyü ətraf mühit və şəraitdən asılı
olmayaraq bu cür psixoloji nöqsanlıqlara sahib ola bilər. Əgər bir insan mənəvi
paklığa nail olmayıbsa, qadın və kişi olmasından aslı olmayaraq heç bir məsələdə
güvənə layiq deyildir.
Qadınların şahidliyi ilə əlaqəli Quran mətninin izahına bəzi rəvayətlərin təsiri haqqında
61
İSTİFADƏ OLUNMUŞ ƏDƏBİYYAT
1. əl-Buxari, Məhəmməd ibn İsmayıl Əbu Abdullah. Səhih əl-Buxari / şərh və
tədqiq edən:
Mustafa Dib əl-Bağa, Dəməşq: “Dar Tuq ən-Nəcat”, 2001.
2.əl- Müslim, İbn Həccac əbu Həsən əl-Quşeyri ən-Nisapuri. Səhih əl-Müslim /
tədqiq edən: Məhəmməd Fuad əl-Baqi, Beyrut: “Dar Ehya ət-Turas əl-Ərəbi”.
3. əl-Əsqəlani, Əhməd ibn Əli İbn Həcər. Fəth əl-Bari şərh Səhih əl-Buxari /
tədqiq edən və çapa hazırlayan: Muhib əd-Din əl-Xətib, Beyrut: “Dar əl-Mərifət”, 6-
cı cild, 1960
4.əs-Sərəxsi, Məhəmməd ibn Əhməd ibn Əbu Səhl Şəms əl -Əimmə. əl-Məbsut.
Beyrut: “Dar əl-Mərifət”, 1993.
5. Əl-Mövsili, Abdullah ibn Mahmud ibn Mövdud əl-Bəldəhi. əl-İxtiyar li təlil
əl-Muxtar / tədqiq edən: Şeyx Mahmud əd-Dəqiqə, Qahirə: “Mətbə əl-Hələbi”, 1937.
6. əş-Şafei, Əbu Abdullah Məhəmməd ibn İdris ibn Abbas ibn Osman ibn Şafei
ibn Əbdül Müttəlib ibn Əbdül Mənaf əl-Qureyşi əl-Məkki. əl-Umm. Beyrut: “Dar əl-
Mərifət”, 1990.
7. İbn Qüdamə, Əbu Məhəmməd Müvəffəqəddin ibn Əhməd ibn Məhəmməd əl-
Cəmailiyyi əl-Müqəddəsi əd-Dəməşqi əl-Həmbəli. Əl-Müğni. Qahirə : “Məktəbə əl-
Qahirə”, 1968.
8. Nihat Dalqın. Kadın ve Erkeğin Şahitliği İle İlgili
Naslardaki Düzenlemelerin
İslam Hukukuna Yansımaları Üzerine Değerlendirme: Dinbilimleri dergisi, 5-ci cild,
2005-ci il
http://www.dinbilimleri.com/Makaleler/2008551300_0501010291.pdf
9. Ramazan, Tariq. İslam medeniyyetlerin yüzleşmesi-hangi modernite için
hangi proje / Ankara. İstanbul matbaası. 2003.