Gündüz Qurbanəli oğlu Süleymanov, Şölət Əlövsət oğlu Zeynalov
162
edir” (5, s. 456). Yeni paradiqma üçün qələbə və dialoq prosesində özünütəsdiq
məqsəd olaraq qətiyyən qəbul edilmir. Əksinə, dinlərarası dialoqun müasir
modelinin zəruri komponenti özünütəsdiqə zidd olan “təvazökarlıq” və
“özünüməhdudlama” olur.
Müasir dinlərarası dialoq konseptual tədqiq və institusional rəsmiləşmə tələb
edən şüurlu qaydalar, hansısa imperativ kimi başa düşülür. Dialoqun baş tutması
üçün müəyyən qaydalar və ya proseduralar və reqlament sxemlərinin hazırlanması
zərurətə çevrilmişdir. Buna tanınmış protestant teoloqu Paul Tillixin (1886-1965)
təklif etdiyi dialoq prinsiplərinin külliyyatı nümunə ola bilər: “Müxtəlif din
nümayəndələri arasında dialoq bir sıra fərziyyələrə əsaslanır. Əvvəla belə fərz edilir
ki, hər iki iştirakçı digər tərəfin dini əsaslarının dəyərini qəbul edir... belə ki, onların
hər ikisi dialoqun vacibliyini etiraf edir, İkincisi, fərz edilir ki, iştirakçıların
hər biri
özünün dini mövqeyini inamla müdafiə etməyə qabildir, belə ki, dialoq rəylərin
ciddi qarşıdurması kimi təsvir edilir. Üçüncüsü, fərz edilir ki, həm dialoqu, həm də
toqquşmanı mümkün edərək ümumi əsaslar mövcuddur.
Dördüncüsü, hər iki tərəfin
öz dini əsaslarını tənqidə açıqlığı fərz edilir. Əgər bütün bu şərtlərə riayət olunursa
... onda iki və ya daha artıq dinin görüşməsi çox məhsuldar ola bilər və əgər dialoq
davam edərsə, o tarixi nəticələrə gətirib çıxara bilər” (6, s. 425). Kifayət qədər ciddi
qəbul edilən “Tillix platforması” müxtəlif icma fəalları və ekspertlər çərçivəsində
dinlərarası dialoqun submədəniyyətini formalaşdırarkən nəzərə alınır” (7).
Dialoq strategiyasında baş vermiş bu dəyişiklik dinlərarası dialoqun klassik
modelinin perspektivsizliyinin dərki nəticəsində mümkün olmuşdur. Ənənəvi model
üçün “problemi həll etmək”, yaxud “mövqeləri yaxınlaşdırmaq”
kimi səciyyəvi
xüsusiyyətlər artıq əhəmiyyətini itirir. Çünki, dialoqda iştirak edən ənənələr üçün
fundamental məsələlər üzrə mövqelərin hətta minimal yaxınlaşması “məğlubiyyət”,
“daxili dini dünyanın dağılması” duyğusu törədir və dialoqun dayandırılması ilə
sonuclanır.
Son yarım əsrdə dialoq mədəniyyəti ideyası daha geniş yayılmışdır. Dialoq
mədəniyyəti ideyasının ardıcıl tərəfdarlarından və görkəmli nümayəndələrindən biri
olan M.M.Baxtin hesab edir ki, “dialoq” insan varlığının bütün təyinatları üçün kök
və əsasdır: “Var olmaq – deməli dialoji ünsiyyətdə olmaq deməkdir. Dialoq bitən
zaman hər şey də bitir. Ona görə də dialoq mahiyyətcə qurtara bilməz və
qurtarmamalıdır” (8, s. 434). Dialoq ideyasının tədqiqi Q.Q.Şpet, N.A.Berdyayev,
M.Buber, E.Levinas və b. kimi görkəmli tədqiqatçıların da diqqət mərkəzində
olmuşdur. Onlar görə dialoq, dialoq vasitəsilə birgəlik, dialoq forması kimi
götürülən təfəkkür fəlsəfəsinin, mədəniyyətin və insan biliyinin əsasıdır.
Fəlsəfi fikrin daxili dialoji istiqamətliyi müasir sosial gerçəkliyin fəaliyyət və
quruluş şərtlərinə uyğundur. Dinlərarası münasibətlərdə bu
onda təzahür edir ki,
qlobal dünya düzəni üçün dəyər qismində və gerçək vəziyyət kimi dini plüralizm
əsas götürülür. Bu onu bildirir ki, hər bir din özünə hökmran inanclar sistemi kimi
yanaşa bilməz və o dinlərin hər biri təkcə başqa konfessiyalara yox, həm də dinsiz
şüurla da dialoq qurmalıdır. Eyni zamanda dini-mənəvi
məsələlərdə demokratiklik
Dinlərarası dialoqun nəzəri əsasları
163
– tolerantlıq, dini azlıqların hüquqları – kütləvi şüur tərəfindən baza dəyərləri kimi
qəbul edilir, “dinlərin dialoqu” antonimlər çoxluğu isə təcridçilik, obskurantizm
(qaragüruh) və totalitarizm ilə assosiasiya olunur.
Dinlərarası dialoq, dominant siyasi və iqtisadi aspektlərlə yanaşı, “dini meyar”
qismində qloballaşmanın ümumi ssenari və mexanizmlərinə qoşulur. Qloballaşma-
nın sırf sekulyarlaşmış maşının çərçivəsində bu xidmətçi rolu heç şübhəsiz ki,
dinlərarası əlaqələrin daxili məzmununa təsir göstərərək onun mənəvi
dərinliyini
azaltmaya bilməz. Ona görə də müasir dinlərarası dialoq fenomeninin mahiyyətini
anlamaq üçün həm də bu faktı nəzərə almaq zəruridir ki, dialoqun forma və
məzmununu elə həmin dialoqu törədən amillər müəyyənləşdirir. Burada onu da
qeyd etmək lazımdır ki, hər bir din iki səviyyədə özünü təzahür etdirir: birinci –
“teoloji” (prinsiplər, etiqad əsasları) və ikincisi: – “institusional” (sosial, mədəni,
siyasi aspektlər).
Göstərilmiş səviyyələrlə bağlı Azərbaycandakı vəziyyətə diqqət yetirək.
Azərbaycandakı real vəziyyətə əsaslanaraq söyləmək olar ki, burada dialoqun
səviyyəsi əsas etibarilə “institusional” səviyyə ilə müəyyənləşir. Xüsusilə
müstəqillik əldə etdikdən
sonra dini təhsilin, ilahiyyat elminin inkişaf etməsi, dini
icmalara qanunla müəyyənləşən çərçivədə sərbəst fəaliyyət göstərmək imkanı
verilir və bu da birbaşa dinlərarası münasibətlərin sağlamlaşdırılmasına xidmət edir.
Ona görə də praktiki və nəzəri baxımdan müasir Azərbaycanın dünyada dinlərarası
dialoqa verdiyi töhvə yeni bir paradiqma kimi qəbul edilə bilər. Müasir
Azərbaycanda dinlərarası dialoqun əsas təşəbbüskarı harmonik dinlərarası
münasibətlərdə siyasi, sosial və iqtisadi sabitliyin əsas şərtini görən dünyəvi
hakimiyyət institutlarıdır. Ölkəmizdə dinlərarası dialoqun əsas səciyyəvi
xüsusiyyəti onun həm millətlərarası, həm də mədəniyyətlərin dialoqu ilə sıx əlaqədə
aparılmasıdır.
Müasir Qərb dövlətlərinin dinlərarası dialoq ənənəsində isə tamamilə fərqli
mənzərə mövcuddur: burada dinlərarası dialoq teoloji səviyyədə gerçəkləşdirilir.
Yuxarıda adı çəkilən və dinlərarası dialoqun modern mərhələsinin başlanğıcı hesab
edilən “Dinlərin ümumdünya parlamenti” liberal protestantlar və “svedenborqçular”
(İsveç təbiətşünas alimi, xristian mistiki və teosof Emanuel Svedenborqun təliminin
tərəfdarları) tərəfindən təşkil edilmişdir. Burada iki Şərq missionerinin – dzen-
buddizmin nümayəndəsi Şaks Soen və vedanta təliminin
təmsilçisi Svami
Vivekananda – dini-fəlsəfi ideyaları ciddi maraq doğurmuşdur. Bir çoxları məhz bu
zamandan etibarən xristian dünyasında buddizm və induizmə maraq yarandığını
iddia edirlər. Həm bu konqresdə, həm də bu ərəfədə keçirilən müxtəlif tədbirlərdə
dünyada mövcud olan bütün dinlərin, inanc, kult və təriqətlərin yaxınlaşması ideyası
səslənmişdir. Əsas məqsəd isə onların birgə səyi ilə bütün bəşəriyyət üçün
“universal dinin” yaradılması olmuşdur. Humanizm və tərəqqipərvərlikdən
qaynaqlanan bu ideyanın Birinci Dünya müharibəsinin başlanması ilə gündəmdən
çıxarılmasına baxmayaraq dinlərarası dialoqun səviyyəsi teoloji səviyyə ilə
şərtlənmişdir (9).