22
Fizzə Quliyeva ilə də görüşdük. O, sevimli müəllimi haqqında
fikirlərini bizimlə bölüşdü: Həbibə müəllimə ilə əyani tanışlığı-
mız mənhələ NDU-nun birinci kurs tələbəsi olarkən başlamışdır.
Amma buna kimi onun haqqında çox eşitmişdim, qəzetlərdən
oxumuşdum. Hələ o dönəmlər NTV kanalında yayımlanan və
verilişin aparıcılığını özüzərinə götürən Həbibə Allahverdiyeva-
nın çəkmə texnikasından bəhs etməsi və əyani şəkildə göstər-
məsi məni cəlb etmişdir. Zaman keçdikcə onun yaradıcı və
işgüzar xanım olduğunu gördüm. Rəssamlıq sənətinə tükənməz
sevgisindən və pedaqoji fəaliyyətindən mənə də bir pay düşdü.
Hazırda NDU-nun Təsviri incəsənət kafedrasında çiyin-
çiyinə çalışırıq. Çiyinlərində ağır yük–ailə, iş, övladlarına bir
ana kimi qayğı göstərməsinə baxmayaraq, həmişə sərgilərə yeni-
yeni əsərləri ilə çıxan, həmişə də yaradıcılıq üslubu, dəsti-xətti
ilə biz sənət sevərləri, yaradıcı insanları valeh edir.
Yaradıcılığına bələd olan bir rəssam kimi deyə bilərəm ki,
onun yaradıcılığının mərkəzində qadın obrazı və duyğular durur.
Onun yaradıcılığında qadın həlimliyi, qadın duyğuları, vətən və
yurd sevgisi, təbiətin tərənnümü üstünlük təşkil edir.
Ən maraqlı mənzərələrindən "Əlincə qalası", "Batabat
mənzərəsi", "Haçadağ", "Nəhəcir dağı", "Əshabi-kəhf dağı" və
sairə, natürmortlarından "Narlar", "Heyvalar", "Güllər" və digər-
ləri diqqəti çəkir. Mənim ən çox bəyəndiyim və yaradıcılığının
zirvə nöqtəsində gördüyüm şah əsəri "Solğun çiçək"dir.
"Solğun çiçək" tablosuna baxan tamaşaçı bu tablodan
təsirlənməyə bilməz.
Fikrimcə, rəssamın ən böyük uğuru tamaşaçıya təsir
etməkdir. Həbibə Allahverdiyeva bunu bacarır. Ona yaradıcılıq
uğurları arzu edirəm. Həmişə zirvələrdə olsun!
İstedadlı rəssama yaradıcılığında və pedaqoji fəaliyyətində
yeni-yeni uğurlar arzulayırıq.
Bağır Qədimov,
Azərbaycan Jurnalistlər Birliyi
və Teatr Xadimləri İttifaqının üzvü
“Təhsil problemləri”, 08-15 aprel 2016-cı il
23
BƏSTƏKAR YAŞAR XƏLİLOVUN YARADICILIQ
PORTRETİ
Bu günlərdə NDU-nun nəzdində
fəaliyyət göstərən Konservatoriyanın
Böyük zalında Naxçıvan Muxtar Res-
publikasının Əməkdar incəsənət xadi-
mi Yaşar Xəlilovun anadan olmasının
60 illik yubileyinə həsr olunmuş tədbir
keçirilmişdir. Tədbir Naxçıvan Dövlət
Universiteti "İncəsənət" fakültəsinin
dekanı, Sənətşünaslıq üzrə fəlsəfə dok-
toru Günay Məmmədovanın Yaşar
Xəlilovun həyat və yaradıcılıq fəaliy-
yətindən bəhs edən geniş bir çıxışı ilə
başlamışdır. O demişdir:
- Azərbaycan professional bəstəkarlıq məktəbinin davam-
çıları olan Naxçıvanlı bəstəkarlardan biri də Naxçıvanın ən səfa-
lı qədim və zəngin tarixə malik guşələrindən biri olan Ordubad-
da dünyaya göz açmış Yaşar Südeyf oğlu Xəlilovdur. O, 5
dekabr 1956-cı ildə anadan olmuşdur. Orta və musiqi mək-
təbini Ordubadda bitirdikdən sonra, 1972-ci ildə Bakıya gedən
Yaşar Xəlilov Asəf Zeynallı adına Bakı Musiqi Texnikumunun
tar sinfinə daxil olur. Burada o, eyni zamanda, fakültativ olaraq
Leonid Vanşteynin sinfində bəstəkarlıqla məşğul olur. Texni-
kumda tələbə ikən 1975-ci ildə ilk dəfə tələbə bəstəkarların
əsərlərindən ibarət konsert təşkil olunur. Yaşar Xəlilov da həmin
konsertdə iki prelüdünü ifa edir.
1976-cı ildə Bakı Musiqi Texnikumunu bitirərək, Azər-
baycan Dövlət Konservatoriyasına daxil olan Yaşar Xəlilov
görkəmli bəstəkarımız, professor Qara Qarayevin sinfində təhsil
almağa başlayır. Tələbəlik illərində böyük fəallıq göstərən Yaşar
Xəlilov 1978-ci ildə Alma-Atada keçirilən festivalda prelüdləri
ilə çıxış edir. 1979-cu ildə Azərbaycan bəstəkarlarının qurulta-
yında bəstəkarın klarnet və fortepiano üçün 4 hissəli sonatası ifa
24
olunur. Bu əsər böyük uğur qazanır və SSRİ musiqi fonduna
daxil edilir. 1980-cı ilin noyabrında Moskva Dövlət Konser-
vatoriyasının kiçik zalında keçirilən Ümumittifaq müsabiqəsində
Yaşar Xəlilovun soprana, arfa, skripka və violençel üçün "3 nok-
türün" əsəri diploma layiq görülür. Bu haqda 1981-ci ildə çap
olunan "Muzıkalnaya Jizn" jurnalının 4-cü nömrəsində məlumat
verilir. Jurnalda belə qeyd olunur: “M.Nikuradzenin "Gürcü
mahnısı" və Yaşar Xəlilovun "3 noktürün" əsərləri parlaq milli
aləmi ilə dinləyicilər qarşısında dayanır. Vokal partiyaların
incəliyi, onların improvizasiyasının sərbəstliyi ilə informasiya-
laşmaq istəyi və ritmik axıcılığı ilə qeyd olunur”.
Əsər ikinci dəfə 17 mart 1982-i ildə SSRİ-nin altmış illik
yubileyinə həsr olunmuş festivalda SSRİ Bəstəkarlar İttifaqının
zalında Moskva Dövlət Filarmoniyasının solistləri tərəfindən ifa
olunub.
1981-ci ildə Konservatoriyanı bitirən Y.Xəlilov doğma
yurduna qayıdaraq bir il burada yaşayır. Daha sonra Bakıya
gedən bəstəkar 1985-ci ildə yenidən Naxçıvana gəlir. Bu dəfə
məqsəd Azərbaycan Bəstəkarlıq İttifaqının Naxçıvan şöbəsini
yaratmaq idi. Lakin Yaşar Xəlilov özü belə qeyd edir ki, o
zaman mövcud olan kadr çatışmamazlığı ilə əlaqədar bu iş ya-
rımçıq qalır. 1985-ci ildə Yaşar Xəlilov SSRİ Bəstəkarlıq İttifa-
qının üzvü seçilir. Təbii ki, bu yüksək qiyməti o özünün gərgin
əməyi və yorulmaz fəaliyyəti ilə qazanır.
Yaşar Xəlilovun yaradıcılıq diapazonu genişdir. O,
əsasən kamera, simfonik, xor və fortepiano sahəsində fəaliyyət
göstərmiş, əsərlər yazmışdır. Bəstəkarın H.Cavidin sözlərinə
yazmış "Ay qız", "Ağlaram" (H.Cavidin cənazəsi vətənə gətiri-
lən zaman yazmışdır) və S.Şirazinin sözlərinə yazdığı rübai və
romansları, fortepiano üçün çoxlu prelüdlərin, Ü.Hacıbəyovun
anadan olmasının yüz illiyinə həsr olunmuş fortepiano sonata-
sının (Bu əsər 1985-ci ildə keçirilən Azərbaycan bəstəkarlarının
plenumunda səslənmişdir), K.Debüssinin xatirəsinə yazılmış
skripka və fortepiano üçün sonatanın 2 skripka, alt və violençel
üçün simli kvartet (əsərin ilk ifası 1986-cı ildə gənc Azərbaycan
Dostları ilə paylaş: |