Microsoft Word Eshref m. 2017 kitab
Yüklə 31,38 Mb. Pdf görüntüsü
|
29 2012-ci il, səh. 53-56), qabaqcıl ibtidai sinif müəllimləri Gülnurə Əliyeva və Nərgiz Kərimovanı oxuculara tanıtmışam. (“Yenə də müəllimliyi seçərdi”, “Təhsil problemləri” qəzeti, 24-31 avqust 2015-ci il. “İbtidai sinif müəllimi”, “Təhsil problemləri” qəzeti, 1- 7 oktyabr 2015-ci il. “Öyrədənlər, öyrənənlər, uğurlar”, “Elm və təhsil” nəşriyyatı, Bakı, 2016-cı il, səh. 85-90). Orucova Şəfayət Əlibala qızı 18 oktyabr 1971-ci ildə Bakı şəhərində dünyaya gəlib. 1988-ci ildə 88 nömrəli tam orta məktəbi bitirib və növbəti ildə Azərbaycan Dövlət Pedaqoji İnstitutun (indiki universitetin) Filologiya fakültəsinə daxil olub. Ali təhsilini tamamladıqdan sonra, 1994-cü ildən Ələt qəsəbə- sindəki 110 nömrəli tam orta məktəbdə pedaqoji fəaliyyətə baş- layıb. Şəfayət müəllim gənc nəslin təlim-tərbiyəsi işində həm- karları arasında seçilənlərdən olub, rəhbər şəxslərin diqqətini çəkib. 2010-cu ildə onu direktor vəzifəsinə təyin ediblər. Ötən illər ərzində də böyük pedaqoji təcrübəyə və yüksək idarəetmə qabiliyyətinə yiyələnib. Şəfayət Orucova Azərbaycan Milli Elmlər Akademiyası- nın dissertantıdır. 2012-ci ildə “Poeziyada yaşanan təbiət” məqaləsi “Dil və Ədəbiyyat” Beynəlxalq elmi-nəzəri jurnalın 2- ci nömrəsində, “Poeziyada təbiət və mədəniyyət mövzusu” Məhəmməd Füzuli adına Əlyazmalar İnstitutunun “Filologiya məsələləri” jurnalının 4-cü nömrəsində çap edilib. “Təhsil problemləri” qəzetində də bir neçə elmi məqaləsi dərc olunub. Gözəl pedaqoq, müəllim və tərbiyəçi olmaqla bərabər, Şəfayət xanım həm də yaxşı anadır. Böyük Azərbaycan yazıçısı Yusif Vəzir Çəmənzəminli deyib: “Ana insaniyyətin məşəl apa- ranıdır”. Rus yazıçısı Maksim Qorki söyləyib: “Övladları tərbiyə etməyi bacarmaq istedad və geniş həyat təcrübəsi tələb edən böyük dövlət işidir”. Fransız şairi Beranje yaradıcılığında dəfələrlə vurğulayıb: “Ana qəlbi möcüzələr xəzinəsidir”. Yunan filosofu Diogen Stobeyli bu qənaətə gəlib: “Dövlətin əsası nədən ibarətdir? Gəncliyin tərbiyəsindən”. Şəfayət Orucova da anaya, müəllimə, tərbiyəçiyə xas olan müsbət keyfiyyətləri özündə cəmləşdirib. 30 Bakının Nizami rayonundakı 61 nömrəli tam orta məktəbin direktoru Zenfira Şıxəliyevanın dediklərindən: - Şəfayət müəllim ən yaxın həmkarlarımdan, rəfiqələrimdən biridir. 1994-cü ildən, onun hazırda çalışdığı məktəbə müəllim göndərildiyi dövrdən tanıyıram. O zaman Qaradağ Rayon Təhsil Şöbəsi fəaliyyət göstərirdi, mən də şöbədə - metodkabinetdə çalışırdım. Aylar, illər ötdü, biz daha da doğmalaşdıq. Şəfayət müəllim olduqca təvazökar, işinə məsuliyyətli, xeyirxah, incə qəlbli ana, xanım-xatın bir qadındır. Bir rəfiqə, dost kimi əvəzsizdir. Ağıllı, kamallı iki övladı var. Reyhan Azərbaycan Dillər Universitetinin tələbəsidir, dördüncü kursdadır. Cavid isə Azərbaycan Neft və Sənaye Universitetinin üçüncü kursunda oxuyur. Övladlarının təhsildəki uğurları bir ana kimi Şəfayət xanımı, bir rəfiqə kimi də məni sevindirir. Biz işimizlə əlaqədar tez-tez görüşə bilməsək də, hər zaman zəngləşir, bir-birimizdən xəbər tuturuq. Hər bir dövlətin tərəqqisi, dünya dövlətləri sırasında öz layiqli yerini tutması onun təhsilinin inkişafından, dünya təhsil sisteminə inteqrasiyasından asılıdır. Ulu öndər Heydər Əliyev dövlətin təhsil sahəsinə münasibətini belə ifadə etmişdir: “Biz müstəqil dövlət olaraq özümüzün təhsil sistemimizi istədi- yimiz kimi qururuq. Bütün dünya ölkələrinin mütərəqqi təcrübə- sindən istifadə edirik. Hesab edirəm ki, indiyə qədər yaranmış təməlin, əsasın üzərində Azərbaycan təhsili, məktəbi bundan sonra daha da təkmilləşəcəkdir”. Ölkəmizin gələcək inkişafı böyüməkdə olan nəslin təlim- tərbiyəsindən asılıdır. Vətənpərvər, savadlı vətəndaşlar yetirmək ən ümdə vəzifələrimizdən biridir. Qaradağ rayonunun Ələt qəsəbəsindəki 110 nömrəli tam orta məktəbin pedaqoji kollektivi və direktoru Şəfayət Orucova da öz işlərini bu istiqamətdə yüksək səviyyədə qurur, uğurlu nəticələr əldə etmək əzmi ilə çalışırlar. “Təhsil problemləri”, 24-31 oktyabr 2016-cı il 31 MÜƏLLİM ƏMƏYİ ŞƏRƏFLİDIR Sabunçu rayonunun Balaxanı qəsəbəsi Abşeronun qədim yaşayış məskənlərindən biridir. Qəsəbədə dörd ümumi təhsil məktəbi fəaliyyət göstərir. Onlardan birinə – 4 nöm- rəli tam orta məktəbə Fətdanə Rəhimova rəhbərlik edir. Fətdanə müəllim görüşümüzdə əvvəlcə mək- təbin tarixindən və bugünkü fəaliy- yətindən söhbət açdı: – Məktəbin birinci mərtəbəsi 1914-cü, ikinci mərtəbəsi isə 1927- ci ildə tikilib. İkinci mərtəbə inşa olunanadək, yəni 1914-1927-ci illərdə burada qızlar məktəbi, uşaq bağçası və əsasən neft sənayesi üçün ixtisaslı fəhlə kadrları hazırlayan peşə məktəbi fəaliyyət göstərib. 1927-ci ildən etibarən bu binada ümumtəhsil məktəbi fəaliyyətə başlayıb. Sovet dövründə məktəbdə tədris yalnız rus dilində aparılıb, müəllim və şagirdlərin əksəriyyətini ruslar və ermənilər təşkil edib. Kənd sakinləri isə bu təhsil ocağını“rus məktəbi” kimi tanıyıblar. Alman faşizminə qarşı Böyük Vətən müharibəsi dövründə, yəni 1941-1945-ci illərdə bina hospital kimi istifadə olunduğundan məktəb fəaliyyətini başqa bir binada davam etdirib. Müstəqilliyimizin ilk illərindən məktəbdə tədrisin rus dilində aparılması tədricən dayandırılıb və hazırda ingilis və rus dilləri xarici dil kimi tədris olunur. Məktəb 1994-cü ildən Balaxanı kəndində doğulub boya-başa çatmış və bu məktəbdə təhsil almış görkəmli bəstəkar Cahangir Cahangirovun adını daşıyır. Azərbaycan Respublikasının Prezidenti İlham Əliye- vin Sərəncamı ilə “2011-2013-cü illərdə Bakı şəhərinin və onun qəsəbələrinin sosial-iqtisadi inkişafına dair Dövlət Proqramı”nın Əlavə Tədbirlər Planına əsasən Bakı Şəhər İcra Hakimiyyəti Yüklə 31,38 Mb. Dostları ilə paylaş:
|