38
MÜƏLLİM ADI YÜKSƏK HÖRMƏTƏ VƏ
EHTİRAMA LAYİQDİR
Sahirə Məmmədova 2016-
2017-ci dərs ilindən Füzuli rayonu-
nun döyüş bölgəsi olan Zobucuq-3
qəsəbəsindəki 33 nömrəli tam orta
məktəbdə tədris işləri üzrə direktor
müavini vəzifəsində işləyir. Təhsil
ocağına yüksək idarəetmə bacarı-
ğına və səriştəsinə malik olan Ülkər
Hüseynova rəhbərlik edir. 21 sinif
komplektində 336 şagirdin təlim-tərbi-
yəsi ilə 36 nəfər ixtisaslı müəllim məş-
ğul olur. Növbəti dərs ilində birinci sinifdə oxuyacaq uşaqlar
üçün hazırlıq sinfi də açılıb. Məktəbdə mövcud olan şərait
imkan verir ki, müəllimlər təlim-tərbiyə işini günün tələbləri
səviyyəsində qura bilsinlər.
Sahirə müəllim pedaqoji fəaliyyətə 1989-cu ildə Füzuli
rayonu, 2 nömrəli uşaq bağçasında tərbiyəçi vəzifəsində baş-
layıb. 1996-cı ildə Sumqayıt şəhərində fəaliyyət göstərən Füzuli
rayonu, 7 nömrəli tam orta məktəbə ibtidai sinif müəllimi təyin
edilib. Tələbəlik illərində pedaqogika və psixologiya sahəsi üzrə
yiyələndiyi nəzəri biliklər və uşaq bağçasında topladığı təcrübə
ona nümunəvi fəaliyyət göstərməsinə imkan verib. 2 fevral
1998-ci ildə isə Təhsil Nazirliyinin əmri ilə məktəbdə psixoloq
vəzifəsinə təyin edilib. Aktiv pedaqoji fəaliyyət dairəsi xeyli
genişlənib. Pedaqoji kollektivlə birgə işini səmərəli qurub.
Valideyn və şagirdlərlə səmərəli söhbətlər aparıb.
Sahirə müəllim 2005-ci ildə Yeni Azərbaycan Partiyasına
üzv qəbul edilib. Sıravi partiya üzvü kimi gördüyü işlər
diqqətdən yayınmayıb. Partiya üzvləri ona böyük etimad gös-
tərib, 2005-ci ildə Yeni Azərbaycan Partiyasının üçüncü
qurultayına nümayəndə seçiblər. O, qurultayın işində həmkar-
larının etimadını doğruldub.
39
Şagird psixologiyasının incəliklərini yaxşı bilən psixoloq
Sahirə Məmmədova 2005-2006-cı tədris ilində məktəbdə
psixoloji xidmətin təşkilində göstərdiyi təşkilatçılığa, nümunəvi
xidmətə görə və 5 oktyabr–Beynəlxalq Müəllimlər Günü müna-
sibəti ilə Azərbaycan Praktik Psixoloqlar Assosiasiyasının üzvü
kimi APPA-nın Fəxri Fərmanı ilə təltif edilib.
Mükəmməl ali təhsil almış psixologiya müəllimi Sahirə
Məmmədovanın fəaliyyəti Təhsil Nazirliyində, Füzuli Rayon
Təhsil Şöbəsində və digər təşkilatlarda çalışanların diqqətindən
yayınmayıb. 14 sentyabr 2011-ci ildə Füzuli rayonu, 7
nömrəli tam orta məktəbin direktor vəzifəsi ona həvalə
olunub. 2016-2017-ci tədris ilinin əvvəlinədək direktor
vəzifəsində işlədiyi müddətdə məktəbin xeyli uğurları olub.
Təlim-tərbiyə işinin səviyyəsi ilbəil yüksəlib. Ayrı-ayrı fənn
müəllimləri mükafatlandırılıb. Şagirdlərin sayı 149 nəfərdən
169-a çatıb. Şagirdlər bilik yarışlarında, müsabiqələrdə fəal
iştirak edərək, uğur qazanıb və mükafatlara layiq görülüblər.
Məzunların əksəriyyəti universitet və kolleclərə daxil olub.
Onların arasında hər il qəbul imtahanlarında 500-600-dən yuxarı
bal toplayan məzunların və onlara dərs demiş müəllimlərin adı
tədbirlərdə iftixarla çəkilib.
Sahirə Arif qızı Məmmədova 9 yanvar 1962-ci ildə
Füzuli rayonunda, rayon mərkəzindən 12 km qərbdə, dağ
ətəyində yerləşən səfalı bir guşədə, əhalisi əsasən taxılçılıq,
üzümçülük və heyvandarlıqla məşğul olan, indi Üçbulaq adla-
nan Hoğa kəndində (Hoqa-eyni adlı sovetliyin mərkəzi. Azər-
baycan Sovet Ensiklopediyası. Bakı-1987, səh 259) ziyalı
ailəsində dünyaya gəlib. Əvvəlcə kənddəki 8 illik məktəbdə
təhsil alıb. 1979-cu ildə rayon mərkəzindəki Xurşidbanu Natə-
van adına orta məktəbi bitirib. 1980-ci ildə Azərbaycan Dövlət
Pedaqoji İnstitutuna (indiki universitet) daxil olub, 1984-cü ildə
Pedaqogika və psixologiya fakültəsində ali təhsilini tamamlayıb.
Sahirə müəllimin ömür-gün yoldaşı Atabəy Saleh oğlu
Rzayev də ali təhsillidir. Müstəqil Azərbaycanın bütövlüyü
uğrunda Füzuli rayonunun Veysəlli kəndində işğalçı ermənilərlə
40
döyüşdə ağır yaralanıb, müharibə veteranı və ikinci qrup
müharibə əlilidir.
Ölümün qolları güclü olsa da,
Vətən məhəbbəti güclüdür ondan!
Bax, bu məhəbbətdir, aparan bizi,
Ağır döyüşlərə hər vaxt, hər zaman.
(Tatar şairi Musa Cəlil)
Övladları–Ziyatay Rzayev Azərbaycan Dövlət İqtisad
Universitetinin, Sonası Rzayeva isə Azərbaycan Dillər Univer-
sitetinin məzunudur.
Sahirə Məmmədova 27 ildir ki, şərəfli müəllim ömrünü
yaşayır və gənc nəslin təlim-tərbiyəsi yolunda əzmlə çalışır.
Müstəqil Azərbaycan dövlətinin memarı və qurucusu ümum-
milli lider Heydər Əliyev Azərbaycan təhsilindən danışarkən
onun başlıca məqsədini belə ifadə etmişdir: “İndi təhsilimizin
məqsədi gənc nəslə, uşaqlara təhsil verib onları gələcəyə hazır-
lamaqdır. Amma bununla yanaşı, ən böyük məqsədi Azərbaycan
vətəndaşı hazırlamaqdır, müstəqil Azərbaycan cəmiyyətinin
ləyaqətli üzvünü hazırlamaqdır”. Ulu Öndər müəllim haqqında,
həyatını bu peşəyə həsr edənlər haqqında isə demişdir:
“Məktəb, müəllim həmişə xalq, insanlar arasında, ictimaiyyətdə
hörmət, ehtiram qazanmışlar və buna layiq olunmuşlar. Müəllim
adı yüksək addır. Azərbaycanda müəllimə daim böyük hörmət
olmuşdur. Müəllim cəmiyyətdə tanınan, hörmət edilən şəxs
olmuşdur. Heç də təsadüfi deyil ki, dilimizdə insanların bir-birinə
müraciət formasında “müəllim” sözü şəxslərin müəllim olub-
olmamasından asılı olmayaraq istifadə edilib... Bu ondan irəli
gəlir ki, xalqımız savadsızlıqdan, gerilikdən, ətalətdən bugünkü
günə qısa tarixi bir müddətdə gəlib çatmaqda müəllimlərin rolunu
qiymətləndirir və qarşısındakı adama hörmət əlaməti olaraq “
müəllim” deyir. Ona görə də müəllimin cəmiyyətdə xüsusi yeri
olduğu artıq heç kəsdə şübhə oyatmır. Müəllimə hörmət, ehtiram
həmişə olub. Bu gün də, gələcəkdə də olmalıdır”.
“Təhsil problemləri”, 24-31 dekabr 2016-cı il
Dostları ilə paylaş: |