45
müəllim bu üç il müddətində daha da doğmalaşıb. Təcrübəli
müəllimlər ona hər zaman dayaq durub və dəstək olublar.
Xüsusilə ingilis dilinin tədrisinin yüksəldilməsinə çalışıb,
məqsədə çatmaq üçün əzmkarlıq göstəriblər və bu gün də
işlərini uğurla davam etdirirlər.
Günay Sadıqova 2013-cü il iyul ayında XXI əsr Beynəl-
xalq Təhsil və İnnovasiya Mərkəzində ümumi orta təhsil səviy-
yəsində yeni fənn kurikulumlarının tətbiqi üzrə keçirilmiş
kursda təhsilini yeniləyib və bu barədə ona Təhsil Nazirliyi tərə-
findən sertifikat verilib. 2015-ci ilin may ayında isə Azərbaycan
Respublikası Təhsil Nazirliyi “Təhsildə İnnovativ Texnolo-
giyalar” Əlavə Təhsil Mərkəzində “İnnovativ texnologiyalardan
və elektron məzmundan istifadə” sahəsində təhsilini artırıb və
bu istiqamətdə yüksək baza biliklərinə malik olduğuna görə
sertifikata layiq görülüb.
Günay müəllim deyir ki, müəllimlik sənəti ilk növbədə
uşaqlara sevgi tələb edir. Əgər müəllimdə şagirdə qarşı məhəb-
bət varsa, o istədiyinə nail olacaq və onun təlim-tərbiyəsini
düzgün istiqamətləndirə biləcəkdir. Birləşmiş Millətlər Təşkila-
tının rəsmi dillərindən biri olan ingilis dili müasir dövrdə ən çox
öyrənilən xarici dillərdən biridir. Təsadüfi deyil ki, ölkəmizdə də
təhsilin bütün səviyyə və pillələrində xarici dil kimi ingilis
dilinin öyrənilməsinə böyük üstünlük verilir. Bu dilin tədrisinə
aşağı siniflərdən başlanılır və məktəblərimizdə bu dilin öyrənil-
məsi üçün kifayət qədər imkanlar yaradılır. Tədris resursları
artırılıb, fənn kurikulumları işləkdir, metodikalar yenilənib və
sairə. Unutmaq olmaz ki, gənclərimiz həm respublikamızda,
həm də xarici ölkələrdə bir sıra ixtisaslar üzrə bu dildə təhsil
alırlar. Şagirdlərin aşağı siniflərdən ingilis dilindən şifahi nitqinə
yiyələnməsinə çalışmalıyıq. Tam orta məktəbi bitirən yeniyet-
mələrə bu dili yaxşı öyrətmək xarici dil müəllimlərin əsas
vəzifəsi olmalıdır.
Müasir Azərbaycan dövlətinin qurucusu Heydər Əliyev
deyirdi: “Bu gün ölkəmizin qarşısında duran problemlərin
həllində müəllimlərin fəal iştirakı xüsusi önəm kəsb edir.
46
Azərbaycan müəlliminin bir məqsədi, bir amalı olmalıdır:
Azərbaycanımızı çiçəklənən, inkişaf edən, firavan, qüdrətli bir
dövlətə çevirməyə qadir, müstəqillik ideyalarına sadiq, özünü
Vətənin azadlığı naminə fəda etməyə hər an hazır olan, yeni
təfəkkür tərzini qavrayacaq müasir tələblərə cavab verən sağlam
əqidəli, milli ruhlu nəsil yetişdirmək!”
Günay müəllim bu gün həmkarları ilə bərabər müstəqil
dövlətimizin gələcəyinin təminatçısı olacaq məktəblilərin
hərtərəfli inkişafına səylə çalışır. Məktəbdənkənar və sinifdən-
xaric tədbirlərin yüksək səviyyədə keçirilməsi üçün mövcud
imkan və şəraitdən məharətlə istifadə edir. Məzunların univer-
sitetlərə qəbul imtahanlarındakı uğurları və tələbə adını qazanıb
müxtəlif ixtisaslara həvəslə yiyələnmələri digər müəllimlər kimi
Günay Sadıqovanı da qürurlandırır.
Günay müəllim gəncdir, əldə edəcəyi böyük uğurları hələ
irəlidədir. Yəqin ki, gələcəkdə onun uğurlarından daha ətraflı
yazacağıq.
“Təhsil problemləri”, 16-23 noyabr 2016-cı il
47
NƏNƏXANIM MÜƏLLİM
İmaməliyeva Nənəxanım İmran
qızı yarım əsrlik pedaqoji fəaliyyəti-
nin bir qərinəsinin 33-cü ilini direktor
müavini və eyni zamanda kimya
müəllimi kimi davam etdirir. Uğurlu
fəaliyyəti dəfələrlə müxtəlif mükafat-
lara layiq görülüb. Gənc nəslin təlim-
tərbiyəsindəki nailiyyətlərinə görə və
5 oktyabr Beynəlxalq Müəllimlər
Günü münasibəti ilə Azərbaycan Res-
publikasının təhsil naziri Mikayıl
Cabbarovun 4 oktyabr 2016-cı il
tarixli əmri ilə “Azərbaycan Respublikası qabaqcıl təhsil işçisi”
döş nişanı ilə də təltif edilməsini isə kollektiv böyük sevinclə
qarşılayıb. Qobu qəsəbə 1 nömrəli tam orta məktəbin təlim-
tərbiyə işləri üzrə direktor müavini Nənəxanım müəllimə bu
mükafat Abşeron Rayon Təhsil Şöbəsinin bu günlərdə keçirilmiş
Şura iclasında təqdim olunub.
Məktəbin direktoru Cəbrayıl İmanqulu oğlu Cəfərqu-
liyevin bir vaxt onun barəsində Abşeron Rayon Təhsil
Şöbəsinə təqdim etmək üçün yazdığı xasiyyətnamədə deyilir:
“O, 1966-cı ildən bugünədək Abşeron rayon Q.Ə.Xalıqov adına
Qobu 1 nömrəli tam orta məktəbdə fəaliyyət göstərir. (Qəzənfər
Ələkbər oğlu Xalıqov 16 dekabr 1898-ci ildə Qobu kəndində
anadan olub, 1 mart 1981-ci ildə Bakı şəhərində vəfat edib.
1973-cü ildə ona Azərbaycan SSR Xalq rəssamı fəxri adı
verilib. O, bir neçə orden və medalla da təltif olunub-Red.)
Nənəxanım müəllim fəaliyyət göstərdiyi vaxt ərzində bir
dərs hissə müdiri kimi şagirdlərin təlim-tərbiyəsi ilə yaxından
maraqlanmış, öz məsləhətləri ilə onlara ana kimi qayğı göstər-
mişdir. Bununla yanaşı, tədris etdiyi kimya fənnini şagirdlərə
öyrədərək sevdirməyi bacarmışdır.
48
O, hər zaman fəaliyyətində vəzifəsini sevərək yerinə
yetirmişdir. Şagirdlərin müsbət keyfiyyətləri ilə üzə çıxması
üçün Nənəxanım müəllim daim çalışmışdır.
Nənəxanım müəllim məktəbin müəllim və şagird kollektivi
tərəfindən hər zaman öz sevgisini qazanmışdır”.
Nənəxanım İmaməliyeva 1949-cu il aprelin 30-da
Qobuda anadan olub. 1956-cı ildə birinci sinfə gedib. 1964-cü
ildə 8 illik məktəbi bitirib. Yeri gəlmişkən qeyd edək ki, Qobu
kəndi 1937-ci ildən qəsəbə statusundadır. Qobu–quru, yaxud
müvəqqəti su axarı olan dərə mənasındadır. Xırdalan-Lökbatan
şose yolu kənarında Qobu dərəsindədir.
Ötən illəri yada salan Nənəxanım müəllim deyir: – O
zaman Qobuda orta məktəb olmadığı üçün 8-ci sinifdən sonra 14
nəfərimiz 1964-1965-ci tədris ilində Qaradağ rayonunun Lök-
batan qəsəbəsindəki 166 nömrəli orta məktəbə qəbul olunduq.
12 kilometrlik yolu əsasən fəhlələrin və hərbiçilərin yük
maşınlarında, bəzən də piyada gedib qayıdırdıq. Orta məktəbi
1966-cı ildə bitirdik. Hər şagirdin öz arzusu olduğu üçün mənim
də arzum ali məktəbə girmək idi. Həmin ili mənə ali məktəbdə
təhsilimi davam etdirmək qismət olmadı, belə ki, müsabiqədən
keçə bilmədim. Fikirləşdim ki, müəyyən bir yerdə işləyim. Qobu
qəsəbəsindəki 8 illik məktəb orta məktəbə çevrilmişdi və pioner
baş dəstə rəhbəri yeri boş idi. Atamla birlikdə məktəbin
direktoru Əlikram Zamanovun yanına getdik. O, çox insanpər-
vər və xoşrəftarlı bir şəxs idi. Bizi gülərüzlə qəbul etdi. Mənimlə
bir neçə sorğu apardıqdan sonra işə qəbul olunmağıma etiraz
etmədi. 1 oktyabr 1966-cı ildə Abşeron Rayon Xalq Maarif
Şöbəsinin əmri ilə Qobu orta məktəbində Pioner Baş Dəstə
Rəhbəri vəzifəsində işləməyə başladım. 1970-ci ildə Azərbaycan
Dövlət Universiteti Kimya fakültəsinin axşam şöbəsinə qəbul
olundum. İşləyə-işləyə təhsilimi davam etdirdim. Üçüncü kursda
oxuyanda 6 illik pedaqoji stajım var idi və ehtiyac nəzərə
alınaraq 22 noyabr 1972-ci ildə məktəbdə bir stavka kimya
müəllimi işləmək əmrim verildi. 1976-cı ildə universiteti
bitirdim. Dərs dediyim müddətdə məktəb rəhbərliyinin etimadını
Dostları ilə paylaş: |