74
ZƏNGİN TƏDRİS TƏCRÜBƏSİ VAR
Ümummilli liderimiz Heydər
Əliyev demişdir: “Müəllim sənəti,
peşəsi cəmiyyətdə yüksək qiymətə
layiq olan bir peşədir. Müəllim olmaq
kimi şərəfli bir iş yoxdur. Çünki
müəllim xalqın elminin inkişaf etmə-
sinin əsasını qoyanlardandır”.
Bakı şəhəri, Qaradağ rayonunun
Ələt qəsəbəsindəki şəhid Elman
Rzayev adına 127 nömrəli tam orta
məktəbin ibtidai sinif müəllimi Zen-
fira Eyvazovanın yetirmələrinin xoş
sorağı, sədası ölkəmizin hüdudlarından çox-çox uzaqlardan,
respublikamızın nüfuzlu universitet və kolleclərindən, peşə lisey
və məktəblərindən, xalq təsərrüfatının müxtəlif sahələrindən,
çalışdığı təhsil ocağının yuxarı siniflərindən gəlir. Məktəbin
direktoru Mərhəməd Allahverdi oğlu Məmmədov Zenfira
müəllimin işindən razılıqla söhbət açır:
–Onun zəngin tədris təcrübəsi var. Səriştəlilik və peşəkar-
lıq səviyyəsi yüksəkdir. Dərslərini imkan daxilində, yerli şəraitə
uyğun olaraq müasir tələblər səviyyəsində qurur. Şagirdlərin
keçilən hər bir mövzunu sinifdəcə mənimsəməsinə çalışır. Dərs
dediyi şagirdlərdə mütaliəyə maraq oyadır. Onlara izah edir ki,
kitab insanlara bilik verir. Mütaliə adamların dünyagörüşünü
genişləndirir. Hər dəfə dördüncüləri yuxarı sinfə yola salıb
yenidən birinciləri qəbul edəndə valideynlərin əksəriyyəti,
xüsusilə Zenfira müəllimdən dərs almış valideynlər çalışırlar ki,
övladları onun sinifdə oxusun.
Onu da deyim ki, qısa bir müddətdən sonra digər birinci
siniflərə qəbul etdiyimiz uşaqların valideynləri də razılıqlarını
bildirirlər. Çünki ibtidai sinif müəllimlərimizin hər biri haqqında
xoş sözlər söyləmək olar. Ona görə ki, onlar da öz vəzifələrini
layiqincə yerinə yetirirlər.
75
Eyvazova Zenfira Sadıq qızı 5 iyun 1950-ci ildə Salyan
rayonunun Atbulaq kəndində dünyaya göz açıb. (Atbulaq
kəndi indi Hacıqabul rayonunun ərazisinə daxildir). Atası Sadıq
Sadıq oğlu Balacayev (ilkin sənədlərdə Sadıqov Sadıq Balaca
oğlu yazılıb) orta ixtisas təhsili dəmir yolu ustası vəzifəsində
işləyib. Arxa cəbhədə böyük fədakarlıq göstərib. Gecə-gündüz
çalışıb. Müharibə bitdikdən sonra o, 1946-cı ildə “1941-1945
Böyük Vətən müharibəsi illərində rəşadətli əməyə görə” medalı
və digər medallarla təltif olunub. Zenfira müəllimin bildirdiyinə
görə atası müharibə illərində arxa cəbhədəki fədakar əməyi də
nəzərə alınmaqla o dövrün yüksək mükafatı olan Lenin ordeni
ilə də təltif edilib.
Zenfira Eyvazova 1966-ci ildə orta məktəbi bitirib və
ibtidai sinif müəllimi ixtisasına yiyələnmək üçün Əlibayramlı
Pedaqoji Texnikumunda (məktəbində, indiki Şirvan Dövlət
İqtisadiyyat və Humanitar Kollecdə) təhsil alıb. Pedaqoji
fəaliyyətə Atbulaq kənd orta məktəbində başlayıb. Sonra
Qızılburun kənd orta məktəbində, Qaradağ rayonunun Qobustan
qəsəbəsindəki (Qobustan 1972-ci ilədək Duvannı adlanırdı və
ona şəhər tipli qəsəbə statusu 1951-ci ildə verilib) 195 nömrəli
orta məktəbdə fəaliyyətini davam etdirib. Zenfira müəllim ailə
vəziyyəti iləəlaqədar olaraq 1980-ci ildən köçürmə yolu ilə Ələt
qəsəbəsindəki 127 nömrəli tam orta məktəbə gəlib. 1986-cı ildə
Azərbaycan Dövlət Pedaqoji İnstitutun (indiki universitetin)
qiyabi şöbəsinə daxil olub və oranı da müvəffəqiyyətlə bitirib.
Əlli ilə yaxındır ki, ömrünü gənc nəslin təlim- tərbiyəsi
yolunda şam kimi əridən Zenfira müəllimin fəaliyyətinin 35
ildən çoxu Ələt qəsəbəsindəki 127 nömrəli tam orta məktəblə
bağlıdır. Ötən illəri qürurla, iftixarla yada salan təhsil fədaisi
yetirmələri ilə haqlı olaraq fəxr edir, onların hər bir uğuruna
sevinir və şadlanır. Yetirmələri arasında müəllim adını şərəflə
daşıyanlar da az deyil. Onlar respublikamızın ayrı-ayrı
bölgələrində və Ələt qəsəbəsindəki məktəblərdə uğurla fəaliyyət
göstərir, tədris etdikləri fənləri şagirdlərə mənimsədirlər.
Yetirmələrindən bir neçə nəfəri, o cümlədən qızı Könül də
76
onunla bərabər 127 nömrəli məktəbdə işləyir. Hələ orta məktəb
illərində kiçik yaşlı uşaqlarla müxtəlif tədbirlərdə fəal iştirak
edən Könül Qayıbova ali təhsilli ibtidai sinif müəllimidir. Azər-
baycan Müəllimlər İnstitutunun məzunudur. Hazırda dördüncü
sinifdə dərs deyir və üzümüzə gələn 2017-2018-ci tədris ilində
məktəbə qədəm qoyacaq birinciləri qəbul edəcək. Zenfira
müəllimin oğlu Nəsimi isə Türkiyədə ali təhsil alıb.
Zenfira Eyvazova hazırda dördüncü sinifdə dərs deməklə
bərabər 2017-ci ildə birinci sinfə qədəm qoyacaq 30 uşağın cəm
olduğu hazırlıq qrupunu da aparır. Rus ədəbi tənqidçisi Belinski
təxminən iki əsr bundan əvvəl deyirdi: “Tərbiyənin alət və
vasitəsi məhəbbət, qayəsi isə insanpərvərlik olmalıdır. Uşaq öz
məhəbbətini yalnız o adama bağlayır ki, o adam öz məhəbbətini
uşağa işlə sübut etsin. Tərbiyə böyük işdir, insanın taleyini o
həll edir”. Heçşübhəsiz ki, uşağın düzgün təlim-tərbiyəsi
tərbiyəçidən, müəllimdən, yəni onun kim olmasından asılıdır.
Zenfira Eyvazova və qızı Könül Qayıbova da gözəl tərbiyəçi,
bilikli, bacarıqlı, uşaqları və şagirdləri sevən və onlara qəlbən
bağlı olan insanlardandır.
“Təhsil problemləri”, 16-23 dekabr 2016-cı il
77
MÜASİR TƏLƏBLƏR SƏVİYYƏSİNDƏ
Gülsənəm Rüstəmova 34 ildir ki,
Bakı şəhəri, Qaradağ rayonunun Ələt
qəsəbəsindəki Elman Rzayev adına tam
orta məktəbdə ibtidai sinif müəllimi
işləyir. Gənc nəslin təlim-tərbiyəsindəki
uğurlu fəaliyyətinə görə dəfələrlə fəxri
fərman və diplomlara layiq görülüb.
Ötən illərdə bir neçə müsabiqəyə
qatılıb, “İlin ən yaxşı sinfi” nominasiya-
sında qalib gəlib və mükafatlandırılıb.
İbtidai siniflər üzrə təlim kurslarını
dinləməsi və müvəffəqiyyətlə bitirməsi
barədə ona sertifikatlar verilib.
Məktəb rəhbərliyi onun fəaliyyətini yüksək qiymətləndirir.
Direktor müavini Fazil Qərib oğlu Güləliyev deyir:
– Gülsənəm Rüstəmova məktəbin ən fəal sinif müəllim-
lərindən biridir. Zəhmətkeşdir, məsuliyyətlidir. Özünə qarşı
tələbkardır. Tapşırılan işin məsuliyyətini dərindən dərk edərək,
öhdəsindən layiqincə gəlir və etimadı tam doğruldur. Dərs
zamanı və sinifdənxaric tədbirlərdə şagirdləri yaxşı oxumağa
həvəsləndirir. Onların vətənpərvər ruhda tərbiyə olunmasına və
mənəvi zənginləşməsinə çalışır. Bayramlar, yubileylər, tarix-
əlamətdar günlər haqqında uşaqlara bilgi verir. Məzmun və
mənasın sadə, onların başa düşüb qavrayacağı tərzdə izah edir.
Sinfin tərtibatı da Gülsənəm müəllimin pedaqoji səriştəsinin,
işini müasir tələblər səviyyəsində qurmasının nəticəsidir.
Haqqında deyilən xoş kəlmələr Gülsənəm müəllimə işində
daha məsuliyyətli olmasına, vəzifəsini daha uğurla reallaş-
dırılmasına böyük təkan verir. Gülsənəm müəllim deyir:
– “Almanlarda belə bir atalar sözü var: “Xoş söz böyük
hədiyyədən qiymətlidir”. Xoş bir söz, xoş bir kəlmə insana
sevinc gətirir, fərəhləndirir, qarşıdakı işlərə ruhlandırır və yeni
uğurlar əldə etməsi üçün ona qol-qanaq verir.
Dostları ilə paylaş: |