Microsoft Word Eshref m. 2017 kitab
Yüklə 31,38 Mb. Pdf görüntüsü
|
25 bəstəkarlarının plenumunda olmuşdur), simfonik orkestr üçün 1- ci simfoniya, simfoniyetta, kamera orkestrı üçün partita "D dur", tar və simfonik orkestr üçün konsert, fortepiano üçün ballada, klarnet və fortepiano üçün sonatanın müəllifidir. Yaşar Xəlilov musiqisi bir çox Azərbaycan bəstəkarlarının musiqisi ilə müqayisə edildikdə fərqli cəhətlər meydana çıxır. Yəni, bəstəkarlarımızın çoxunun yaradıcılığı xalq musiqisi ilə dərindən bağlıdır. Bəstəkar Y.Xəlilov da öz əsərlərində milliliyi sözsüz ki, saxlayır, lakin tamamilə özünəməxsus dəstixətt yaradır. Onun əsərlərinə nəzər saldıqda neoklassizm, ekspressio- nizm, impressionizm üslublarında yazılmış əsərlərə tez-tez rast gəlmək olar. Bəstəkarın əsərlərində Debüssi, Stravinski, Skrya- bin musiqisinə yaxınlıq duyulur. Bunu biz həm tembr cəhətdən, həm də faktura baxımından görə bilərik. Yəni bəstəkarın əsərləri fakturasına görə də zəngindir, mürəkkəbdir. Bəstəkarın hətta romanslarında da sadəlik yox, mürəkkəblik özünü büruzə verir. Bir çox əsərlərində olduğu kimi burada da xromatizmlərə geniş yer verilir. Bu bəlkədə Y.Xəlilovun daha ciddi janrlarda musiqi bəstələməsindən irəli gəlir. Yuxarıda qeyd etdik ki, o, öz əsərlərində milli ruhu qo- ruyub saxlayır, milli intonasiyaları müasir musiqi ilə sintez edir, onların vəhdətini verir. Məsələn, bəstəkarın neoklassik üslubda yazılmış "D dur" partitasının birinci hissəsində "Çahargah", ikinci hissəsində "Segah", üçüncü hissəsində "Şur", dördüncu hissəsində aşıq musiqisinin elementləri istifadə olunmuşdur. Ümumiyyətlə, onun əsərləri klassik ənənələr əsasında qurulur və xalq muğamlarından gələn lad-harmonik dil onlarda özünü parlaq surətdə göstərir. Yaşar Xəlilov dahi Q.Qarayevin tələbəsi idi. Tələbəlik və gənclik illərində sadaladığımız bütün bu uğurları qazansa da, tələbəlikdən sonrakı dövrlərdə bir neçə il bəstəkarlıqla məşğul ola bilməmişdir. Bəstəkar özü belə qeyd edir ki, bunun səbəbi maddi imkansızlıq idi. Onun heç vaxt fortepianosu olmamışdır. Elə istər Musiqi Texnikumunda, istərsə də Konservatoriyada oxuduğu illərdə boş sinif otaqlarında məşğul olmuşdur. Y.Xə- 26 lilov bəstəkarlıqla yanaşı, gözəl pedaqoq olmuşdur. 1980-ci ildə Sumqayıt musiqi texnikumunda, 1981-1983, 1985 və 1986-ci illərdə Naxçıvan musiqi texnikumunda, daha sonra Bakıda 30 nömrəli musiqi məktəbində çalışmışdır. Bəstəkar 1990-cı ildə Azərbaycan Mədəniyyət Fondunun təqaüdçüsü adını almışdır. Qeyd edək ki, bu təqaüdə hər il bir nəfər layiq görülürdü. 2002-ci ildən Naxçıvanda, daha doğrusu Ordubadda yaşa- yan bəstəkar bir neçə il Ordubad Rayon Mədəniyyət Şöbəsinin müdiri vəzifəsində işləmişdir. Hazırda Y.Xəlilov Ordubadda yaşayır, NDU-da və Nax- çıvan musiqi kollecində pedaqoji fəaliyyət göstərir. Onun geniş yaradıcılıq planları var. Bəstəkarın son dövrlərdə yazılmış əsərlə- rindən fortepiano üçün silsilə F.Əmirovun 80 illik yubleyinə həsr olunmuş simli orkestr üçün "Elegiya", xalq çalğı alətləri orkestrı üçün "Odlu torpaq" əsəri (2005-ci il aprel ayında Naxçıvanda keçi- rilən penumda səslənmişdir), xor ilə fortepiano üçün "Doğma yurdum, Naxçıvanım" (sözləri Y.Xəlilova məxsusdur) adlı himnin, Y.Məmmədəliyevin 100 illiyinə həsr olunmuş "Qurtuluş çələngi" (xor və simli orkestr üçün), Y.Məmmədəliyevin xatirəsinə zərb alətləri və fortepiano üçün "Kapriççio Ordubad", xalq çalğı alətləri üçün "Muğam dastanı", "Çahargah, Bayatı Şiraz" etüdləri, "Məc- nunun harayı" proqramlı pyesi, tar və fortepiano üçün "Sözsüz mahnı" (əsər T.Bakıxanova həsr edilmiş və bəstəkarın yubiley konsertində ifa olunmuşdur), fortepiano ilə simfonik orkestr üçün "b moll" konserti (qeyd edək ki, bu Y.Xəlilovun bu sahədə ilk debütüdür), "Bahar oldu" akapella xoru, "Laçın" (xor ilə fortepiano üçün), Dmitri Şostakoviçə həsr olunmuş "Payız səması", Q.Qara- yevə həsr olunmuş "Dan ulduzu", V.Mustafazadəyə həsr olunmuş "Həsrət" prelüdlərinin, skripka ilə fortepiano üçün "Möminə Xatun" pyesinin və sair əsərlərinin adlarını çəkə bilərik. Tədbirdə Naxçıvan Dövlət Universitetinin rektoru, AMEA-nın müxbir üzvü Saleh Məhərrəmov Yaşar Xəlilovu 60 illik yubileyi münasibəti ilə təbrik etmiş, ona yeni-yeni yaradıcılıq uğurları arzulamış və fəxri fərmanla təltif etmişdir. 27 Azərbaycan Respublikasının əməkdar artisti, Naxçıvan Dövlət Filarmoniyasının direktoru Elman Əliyev Yaşar Xəlilovu təbrik etmiş və ona sənət uğurları arzulamışdır. Yaşar Xəlilov ona göstərilən qayğıya və diqqətə görə Universitet rəhbərliyinə və sənət dostlarına minnətdarlığını bildirmişdir. Tədbirin sonunda bədii hissə olmuşdur. Hazırda Yaşar Xəlilov gərgin yaradıcılıq fəaliyyəti ilə məşğuldur. Bəstəkarın əsərlərinin istər Bakıda, istərsə də Naxçı- vanda konsert salonlarında ifa olunması onun yaradıcılığının surətli inkişafından və bu sənət əsərlərinə olan böyük maraqdan xəbər verir. Xeyirxah insan və ictimai xadim Yaşar Xəlilova fəaliyyətində daha böyük nailiyyətlər arzulayırıq. Bağır Qədimov, Azərbaycan Jurnalistlər Birliyinin və Teatr Xadimləri İttifaqının üzvü, “Təhsil problemləri”, 08-15 yanvar 2017-ci il 28 QALİB MƏKTƏBİN DIREKTORU Qaradağ rayonunun Ələt qəsə- bəsindəki Seyfulla Məmmədov adına 110 nömrəli tam orta məktəb 2012- 2013-cü tədris ilində respublika üzrə keçirilən “Ən yaxşı ümumtəhsil məktəbi” müsabiqəsinin qalibi olub və Azərbaycan Respublikasının Pre- zidenti İlham Əliyevin sərəncamı ilə mükafatlandırılıb. Bu günlərdə məktəbin direk- toru Şəfayət Orucova ilə söhbətdə öyrəndik ki, Prezident İlham Əliye- vin Sərəncamı ilə 2011-ci ildə əsaslı təmir edilmiş məktəb 1973- cü ildən müəllim və şagirdləri öz qoynuna alıb. Üçmərtəbəli, 1176 yerlik məktəb beşgünlük iş rejimində fəaliyyət göstərir. Hazırda 850-yə yaxın şagirdin təlim- tərbiyəsi ilə 60-dan yuxarı müəllim məşğul olur. Direktor müavinləri Ayşən Məmmədrzayeva və Sərvinaz Hüseynova vəzifələrinə tam məsuliyyətlə yanaşırlar. Prezidentin 3 oktyabr 2011-ci il tarixli Sərəncamı ilə riyaziyyat müəllimi Şamil Rüstəmov “Tərəqqi” medalına layiq görülüb. İbtidai sinif müəllimləri Zenfira Xəlilova, Minayə Hüseynova, Nərgiz Kəri- mova, Gülnurə Əliyeva, Xatirə Məlikova, Aygün Rəsulova, riya- ziyyat müəllimləri Sevda Rüstəmova, Təranə Orucova, Azərbay- can dili və ədəbiyyat müəllimi Ulduz Dəmirova, coğrafiya müəl- limi Günay Rəhimova və başqalarının sayəsində məktəb yaxşı tanınır. Təhsil ocağı dəfələrlə Bakı şəhər və Qaradağ rayon icra hakimiyyətləri tərəfindən diplom və fəxri fərmanlarla təltif edilib və mükafatlandırılıb. Əldə edilən nailiyyətlər dəfələrlə pedaqoji mətbuatda işıqlandırılıb. Yeri gəlmişkən qeyd edim ki, mən özüm də vaxtı ilə bu məktəbin nailiyyətlərindən yazmışam (“Yeni uğurlar diləyirik”, “Təhsil problemləri” qəzeti, 8-15 dekabr 2011- ci il. “Ötən günlər, ötən illər”, “Elm və təhsil” nəşriyyatı, Bakı, Yüklə 31,38 Mb. Dostları ilə paylaş:
|