75
3. http://www.kakras.ru/doc/magnets-and-magnetic-fields.html
4. http://magnetline.ru/articles/postoyannye-magnity.ih-vidy-i-harakteristiki..html
5. http://znaika.ru/catalog/5-klass/estesvoznanie /Magnitnoe-vzaimodeystvie. -Postoyannye-
magnity-i-ikh-primenenie.
Qiymətləndirmə. Aşağıdakı meyarlar əsasında təlim məqsədlərinə nail olmaq
dərəcəsini
müəyyən etmək olar.
M-lar
I
səviyyə
II
səviyyə
III
səviyyə
IV
səviyyə
Nümun
əg
əti
rm
ə
Maqnit hadisələrinə
aid müəllimin köməyi
ilə nümunə gətirir.
Maqnit hadisələrinə
aid
məhdud həcmdə
nümunə gətirir.
Maqnit hadisələrinə
aid əsasən doğru
nümunə gətirir.
Maqnit hadisələrinə
aid tam doğru
nümunə gətirir.
İzahe
tm
ə
Sabit maqnitlər və
onların
xassələrini
izah etməkdə çətinlik
çəkir.
Sabit maqnitlər və
onların xassələrini
tam izah edə bilmir.
Sabit maqnitlər və
onların xassələrini
qismən
doğru izah
edir.
Sabit maqnitlər və
onların xassələrini
ətraflı izah edir.
T
ətbiq
et
m
ə
Sabit maqnitlərlə
təcrübələri çox çətin-
liklə aparır.
Sabit maqnitlərlə az
səhvlərə yol verməklə
təcrübələr aparır.
Sabit maqnitlərlə
təcrübələri əsasən
sərbəst aparır.
Sabit maqnitlərlə
sərbəst
təcrübələr
aparır.
Dərsin sonunda iş vərəqləri yığılır və şagirdlərin portfoliosuna əlavə olunur.
Dərs 20/Mövzu:
MAQNİT SAHƏSİ.
MAQNİT SAHƏSİNİN MƏNŞƏYİ
Dərsə
A blokundakı mətnlə başlamaq olar. Bu zaman müəllim fəndaxili inteqrasiya ya-
ratmaqla şagirdlərin 6-cı və 8-ci sinif fizika fənnindən qazandıqları biliklərə istinad edir. Şa-
girdlər bu biliklər əsasında aşağıdakı sualları müzakirə edirlər:
– Maqnit qarşılıqlı təsirin elektrik və qravitasiya qarşılıqlı təsirlərindən fərqi nədir?
– Sükunətdə olan elektrik yükü hansı fiziki sahəni yaradır?
– Hərəkətdə olan elektrik yükü hansı fiziki sahəni yaradar?
– Maqnit sahəsi haqqında nə bilirsiniz?
Müəllim maraqoyatmanı Venn diaqramı ilə də təşkil edə
bilər. O, şagirdlərin elektrik və maqnit sahələri haqqındakı
təsəvvürlərindən istifadə etməklə lövhədə çəkilən Venn
diaqramının müvafiq hissələrində şagirdlərin cavablarını
qeyd edir.
Alt
STANDARTLAR
1.1.1. Elektromaqnit (maqnit, işıq), atom və nüvə hadisələrini, onların baş
vermə səbəblərini şərh edir.
1.1.4. Elektromaqnit (maqnit, işıq), atom və nüvə hadisələrinin
qanunauyğunluqlarına dair topladığı məlumatları şərh edir.
Təlim
NƏTİCƏLƏRİ
Maqnit sahəsinin yaranmasını sadə təcrübə ilə əsaslandırır.
Maqnit sahəsinin mənşəyinə dair Amper fərziyyəsini şərh edir.
76
Müzakirə zamanı müəllim şagirdlərin
fikrini ona yönəldir ki, qravitasiya və elektrik
sahələrinin mənbəyi uyğun olaraq kütlə və elektrik yükü olduğu halda, maqnit sahəsini
yaradan maqnit yükü mövcud deyil.
Tədqiqat sualı
: “
Maqnit sahəsinin mənbəyi nədir?”
Bu zaman “elektron resurslar” ünvanlarında verilən, yaxud “Fizika multimedia”
diskindəki videomaterial nümayiş etdirilə bilər.
Müəllim sinfi qruplaşdırır.
B blokunda verilən “Hans Erstedin kəşfi” araşdırması yerinə
yetirilir. Araşdırma zamanı müəllim əvvəlcədən lövhədə çəkilmiş sxemə (və ya hazır slayd
ekranda nümayiş olunur) əsasən elektrik dövrəsinin düzgün yığılmasına nəzarət edir. Şagird-
lərin diqqəti cərəyanın istiqamətindən asılı olaraq maqnit əqrəbinin vəziyyətinin necə
dəyişdiyinə yönəldilir.
Nəticənin müzakirəsi aşağıdakı suallarla da aparıla bilər:
– Hansı hadisə cərəyanlı naqil ətrafında maqnit sahəsinin olduğunu təsdiq edir?
– Naqildə cərəyan hansı yüklü zərrəciklərin hesabına yaranır?
– Elektronlar atom daxilində necə hərəkət edir?
Təlim prosesinin məqsədinə müvafiq olaraq Amper fərziyyəsinə dair tədris materialının
müəllim tərəfindən müsahibə üsulu ilə verilməsi məsləhətdir . Bunun üçün o, əvvəlcə Danimarka
alimi Erstedin apardığı təcrübənin mahiyyətini şagirdlərdən soruşur, sonra isə evristik müsa-
hibə ilə “molekulyar cərəyanlar” fərziyyəsinin mahiyyətini şərh edir. Texniki imkanları olan
siniflərdə müəllim nəzəri məlumatı elektron vasitələrlə interaktiv formada təqdim edə bilər.
Yaradıcı tətbiqetmə mərhələsində müəllim D blokundakı tapşırığı verə bilər. Şagirdlər
“Maqnit sahəsinin təsiri” araşdırmasını icra edir. Onlar əvvəlcə elektriklənmiş dielektrik
çubuğu (şüşə və ya ebonit çubuq) sapdan asıaln maqnetikə yaxınlaşdırır və aşkar edirlər ki,
elektriklənmiş çubuqla maqnetik arasında qarşılıqlı təsir yaranmadı. İkinci təcrübədə sabit
maqnit maqnetikə yaxınlaşdırılır və onlar arasında baş verən qarşılıqlı təsir müşahidə olunur.
Şagirdlər təcrübələrdən müstəqil olaraq düzgün nəticə çıxarırlar:
Birinci nəticə. Elektriklənmiş dielektrik çubuqda elektrik yükləri sükunətdə olduq-
larından onlar öz ətraflarında elektrostatik sahə yaradır, sükunətdəki elektrik yükləri maqnit
sahəsi yaratmır. Bu səbəbdən də elektriklənmiş dielektrik çubuğu maqnetikə yaxınlaş-
dırdıqda onlar arasında maqnit qarşılıqlı təsiri baş vermir və maqnetik sükunətdə qalır.
İkinci nəticə. Sabit maqniti maqnetikə yaxınlaşdırdıqda o dönür (maqnit sahələrinin
qarşılıqlı təsirdə olan qütblərindən asılı olaraq maqnitə cəzb olunur, ya da itələnir).
Mövzunun “Nə öyrəndiniz” hissəsində şagirdlər iş vərəqində verilən açar sözlərin
mənasını yazır, dərs boyu öyrəndikləri əsas bilikləri müstəqil olaraq ümumiləşdirirlər.
Açar sözlər Mənası
Maqnit sahəsi
Dairəvi molekulyar cərəyanlar
Ersted təcrübəsi
Maqnit sahəsinin mənşəyi
Şagirdlərin özlərini qiymətləndirmələri üçün mövzunun sonunda “Öyrəndiklərinizi yoxlayın”
hissəsində verilmiş tapşırıqları yerinə yetirir.
Elektron resurslar:
1. https://www.youtube.com/watch?v=vOmOsp4MPb4
2. https://www.youtube.com/watch?v=hMlrxC0m78o
3. https://www.youtube.com/watch?v=gVtuh-aELqg
4. https://www.youtube.com/watch?v=V46I2RrX_uE