İdarəetmə mədəniyyəti
101
olan fratriyanı (qardaşlıq) yaradırdı. Fratriyalarn birləşməsi tayfanı forma-
laşdırırdı. Tarixi inkişaf prosesində tayfaların ictimai-iqtisadi və ideoloji
konsolidasiyası prosesi baş verirdi, ümumi idarəetmə, torpağın birgə istifa-
dəsi və xarici sərhədlərin qorunması, adətlərin, sosial normaların, ənənələ-
rin formalaşması yaranırdı.
İctimai əmək bölgüsü ictimai münasibətlərdə dəyişikliklərə səbəb oldu,
istehsal qüvvələrinin inkişafını stimullaşdırdı. Heyvandarlığın ayrılması (ic-
timai əmək bölgüsünün birinci pilləsi) sərvətin artmasına imkan verdi və
müntəzəm mübadilə imkanı yaratdı. Bu dövrün dəyişiklikləri cəmiyyətin
azad insanlara (ağalar) və qullara bölünməsində ifadə olundu. Sənətkarlığın
əkinçilikdən ayrılması (ictimai əmək bölgüsünün ikinci pilləsi) mülkiyyət
təbəqələşməsinə - azad əhalinin varlılara və yoxsullara ayrılmasına səbəb
oldu. İnsanların xüsusi təbəqəsinin - ərzaq mübadiləsi ilə məşğul olan tacir-
lərin yaranması (ictimai əmək bölgüsünün üçüncü pilləsi) əmlak təbəqələş-
məsi prosesini dərinləşdirdi.
İctimai münasibətlərdə olan dəyişikliklər hakimiyyətin yeni formalarını
və cəmiyyətin yeni idarəetmə sistemlərini yaratdı: qəbilə, fratriya və tayfa-
nın demokratik özünüidarə orqanları, rəhbərlik etmə və həyat fəaliyyəti
proseslərinin və yeni sosial törəmələrin - siniflərin münasibətlərini tənzim-
ləmək zəruriliyi qarşısında qalan, fərqlənən tayfa əyanının avtoritar idarəet-
mə orqanlarına çevrilirdilər. Qədim cəmiyyətin həyat fəaliyyətinin yeni for-
ması - dövlətçilik belə əmələ gəlməyə başladı ki, onun da missiyası: isteh-
sal və istehlakla bağlı ümumi maraqların təmin edilməsi, ictimai münasi-
bətlərin tənzimlənməsi və xarici düşmənlərdən müdafiəsi oldu. Dövlət ha-
kimiyyəti olmadan, özünüidarənin köhnə icma sisteminin köməyi ilə daxili
ziddiyyətlərin həlli artıq mümkünsüz idi. Xüsusi mülkiyyətin meydana çıx-
ması əmlak sahibliyini tənzimləyən və ictimai münasibətləri dəyişən yeni
sosial qanunların yaradılmasını tələb etdi. Həyata keçirilməsi və tətbiqi
dövlət hakimiyyəti orqanlarının səlahiyyəti olan adi hüquq belə yarandı.
Bununla yanaşı cəmiyyətdə hüquqla deyil, insanların xeyir və şər haqqında-
kı təsəvvürlərinə əsaslanan etik normalarla tənzimlənən adət və ənənələr
saxlanılırdı. Dövlətçiliyin meydana çıxması ilə insanların hüquq düşüncəsi
dəyişilir. Torpaq, mal-qara və qullar üzərində şəxsi mülkiyyət yarandıqca,
müxtəlif icmaların qarşılıqlı münasibətləri arasında olan qədim qan qisası
adəti icmanın öz daxilində tətbiq olunan hüquq normasına çevrilir. Elə bu
dövrdə cinslərin hüqüqi bərabərsizliyi, atalıq hüququna əsaslanan yeni tipli
ailənin bərqərar olması meydana çıxdı.
Dövlətçiliyin inkişafı və dövlət idarəçiliyi sisteminin təkmilləşdirilməsi
qanunauyğunluqlarını dərk etmək üçün quldarlıq ölkələrinin mədəniyyət ta-
rixinin, həmçinin Şərq və Qərb quldarlıq və feodal ölkələrinin sosial-mədə-
Fuad Məmmədov
102
ni təcrübəsinin vərəsəlik proseslərinin
müqayisəli öyrənilməsi mühüm əhə-
miyyətə malikdir.
Quldarlıq dövlətçiliyinin formalaşması həm daxili, həm də xarici səbəb-
lərlə şərtlənirdi. Bir tərəfdən, qədim əkinçi icmalarının mədəni tərəqqisi,
sənətkarlıq və ticarətin inkişafı mülkiyyət təbəqələşməsini tezləşdirərək,
onların mənafeyini qoruyan sarsılmaz hakimiyyətin təşəkkül tapmasında
maraqlı olan iri mülkiyyətçilər və quldarlar sinfinin formalaşmasına imkan
yaradırdı. Digər tərəfdən, bu proses, həm daxili təhlükələrdən və xarici təh-
didlərdən müdafiə üçün, həm də ölkənin sosial-iqtisadi zənginləşməsi vasi-
təsi kimi baxılan istilaçı müharibələrin aparılması üçün zəruri olan ordunun
mərkəzləşdirilməsi tələbatı ilə şərtlənirdi. Bu tələbatlar nəticəsində seçkili
tayfa başçılarının irsi hakimiyyətli hökmdarlarla qanunauyğun əvəz edilmə-
si və insanların həyat fəaliyyətinin təşkil və idarə edilməsinin zəruri forma-
sı kimi dövlətin yaranması prosesi baş verdi.
Bəşəriyyətin ilk sivilizasiyalarının dövlətçiliyi qeyri-məhdud hakimiy-
yətli “ilahi mənşəli” hökmdarın mərkəzləşdirilmiş istibdad monarxiyalarını
və dövlət idarəçiliyinin mürəkkəb bürokratik sistemini ifadə edirdi. Qədim
Şərq ölkələrinin quldarlıq dövlətçiliyinin hər bir tipi üçün öz xüsusiyyətləri
xarakterik idi. Misir üçün bu, – mərkəzləşdirilmiş totalitar-istibdad rejim,
Babil üçün – güclü şəhər mədəniyyəti və iqtisdiyyatda xüsusi sektorun ol-
ması, Aşşur üçün – quldarlıq cəmiyyətinin hərbiləşdirilmiş xarakteri, Persi-
ya üçün – imperiya əyalətləri idarəçiliyinin federativ xarakteri, icma-kasta
sistemli Hindistan üçün – varnov-kasta sistemi ilə şərtlənən və ölkənin mə-
dəni bütövlüyü ilə bağlı siyasi parçalanma və dövlətçilik formalarının müx-
təlifliyi, Çin üçün – silki dərəcənin xas olduğu, sosial dərəcələrlə və konfut-
si-budda həyat fəlsəfəsi sistemi ilə mərkəzləşdirilmiş istibdad rejimi idi.
Şərq istibdadı ölkələrinin quldarlıq dövlətçiliyi üçün (Şumer, Babil, Aşşur,
Misir, Het şahlığı, Mitanni, Hindistan, Çin) ibtidai icma quruluşunun azad
əhalinin məcburi istismarı, patriarxal köləlik, torpağa kollektiv sahibliklə
kənd icmasının saxlanması, qəbilə əyanlar şurası, qan qisası hüququ və b.
institutların olması xarakterik idi. Uzaq keçmişlərin sinfi cəmiyyətlərinin
ümumi mədəni tərəqqisi fonunda, istismar formaları və istehsal tələbatları
arasındakı ziddiyyətlərin doğurduğu sosial-iqtisadi böhran, vaxtaşırı istib-
dad monarxiyalarının müvəqqəti zəifləməsinə və feodal-federal tendensiya-
larının və inkişaf formalarının güclənməsinə gətirib çıxarırdı. Müəyyən qa-
nunların tətbiqi yolu ilə quldarlıq cəmiyyəti ziddiyyətlərinin yumşaldılması
və öz hakimiyyətinin və var-dövlət payının artırılması üçün hakim sinfin
ayrı-ayrı qrupları arasındakı mübarizəni aradan qaldırmaq cəhdləri gözləni-
lən nəticələri vermirdi.