29
Bu zaman hakimlər şagirdlərlə əvvəlcədən razılaşdırılırmış meyarlar üzrə qiymət-
ləndirmə aparırlar; məsələn, belə bir cədvəl təklif etmək olar:
Meyarlar 5
ballıq sistemlə qiyməti
Çıxış edən nə qədər inandırıcı danışır?
Sübutlar ciddi arqumentlərə əsaslanırmı?
Opponentin arqumentini təzkib edə bildimi?
Çıxış emosional idimi?
Ümumi bal
Sonda bütün hakimlərin balları toplanaraq hər komanda üçün orta bal çıxarılır.
Daha çox bal toplamış komanda qalib gəlir.
LAYİHƏLƏR ÜZRƏ İŞİN TƏŞKİLİ
Layihələr məktəblilərin müəyyən mövzu üzrə müstəqil tədqiqat aparmalarını
nəzərdə tutur. Layihə üzərində işin vaxtı dəqiqləşdirilir, şagirdlərə tövsiyələr,
məsləhətlər verilir. Problem konkret qoyulur. Müəllim və şagirdlər birlikdə layihə
üzərində işin icra müddətini, istifadə olunacaq vasitələri (ədəbiyyat, mənbə, təsvir
vasitələri və s.), bunları əldə etmək yollarını, iş formalarını müəyyən edirlər. İş
prosesində müəllim şagirdlərə istiqamət verə bilər. İşin icrasına isə şagirdlər
cavabdehdir. Tədqiqatın nəticəsi təqdimat, illüstrasiya, fotoşəkillər, videomaterial,
albom, toplu, səhnələşdirmə formasında ifadə oluna bilər.
Layihə şagirdlərin mövzunun, fəslin öyrənilməsinə yönəlmiş, müəllimin tövsiyəsi
ilə hazırlanan və həyata keçirilən yaradıcı müstəqil işidir.
Layihə üzrə iş aşağıdakı mərhələlərdə həyata keçirilir:
1. Hazırlıq. 2. Planlaşdırma. 3. Fəaliyyət. 4. Təqdimat.
ŞAGİRD NAİLİYYƏTLƏRİNİN QİYMƏTLƏNDİRİLMƏ
PRİNSİPLƏRİ VƏ ÜSULLARI
Təlim prosesinin ən mühüm mərhələlərindən biri də qiymətləndirmədir. Qiymət-
ləndirmə ilk növbədə şagirddə müsbət emosiyalar yaratmalıdır. Təlimdə müəllim
ən çox şagirdin səhvlərini deyil, nailiyyətlərini vurğulamalı, cəzadan çox, dəstək
verməyə arxalanmalıdır. Şagird nailiyyətlərinin qiymətləndirilməsi davamlı, dina-
mik, şəffaf olmalıdır.
Fənn kurikulumlarına görə, qiymətləndirmə təhsilin keyfiyyətinin yüksəldilməsinə
yönəldilir, onu idarə edən vacib amil kimi meydana çıxır.
Məzmun standartlarının
mənimsənilməsi səviyyəsini ölçmək üçün qiymətləndirmə standartları müəyyən-
ləşdirilmişdir. Məktəbdaxili qiymətləndirmənin üç növü var: diaqnostik, formativ
və summativ.
Diaqnostik qiymətləndirmə fənn üzrə təlimin hər hansı bir mərhələsində şagirdlə-
rin ilkin bilik və bacarıq səviyyəsinin qiymətləndirilməsidir. Diaqnostik qiymətlən-
dirmə, adından da məlum olduğu kimi, şagirdə və ya bütöv sinfə qoyulan diaqnoz-
dur. Şagirdlərin maraq dairəsi, dünyagörüşü, yaşadığı mühit haqqında məlumat al-
30
mağa imkan verir. Bu qiymətləndirmənin nəticələri rəsmi sənədlərdə qeyd olun-
mur, müəllimin şəxsi qeyd dəftərində öz əksini tapır, nəticələr barədə valideynlər,
sinif rəhbəri və digər fənn müəllimləri məlumatlandırılır.
DİAQNOSTİK QİYMƏTLƏNDİRMƏDƏ İSTİFADƏ OLUNAN
METOD VƏ VASİTƏLƏR
Müsahibə; söhbət; müşahidə; tapşırıqlar; valideynlərlə və digər fənn müəllimləri ilə
əməkdaşlıq.
Diaqnostik qiymətləndirmə həm də şəraitə görə təlim məqsədləri və üsullarda çe-
vik dəyişikliklər aparılmasına imkan yaradır.
Söhbət Azərbaycanın təbiəti necədir? Vətənimizdə hansı çaylar var?
Müşahidə
1. Tənəffüslərdə müşahidənin aparılması (təmkinlidir, şıltaq-
dır, nadincdir, ünsiyyətcildir və s.).
2. Dərs zamanı – hər hansı bir məsələ barədə öz şəxsi fikrini,
təsəvvürlərini, fərziyyələrini, proqnozlarını və s. bildirir).
Müsahibə
Sözü anlamaq və ifadə etmək bacarığının yoxlanılması (eko-
loji mədəniyyət, tolerantlıq, kolleksiya, torpaq tipləri və s.).
Tapşırıqlar
Şagirdlərə verilmiş hər hansı bir sualın yazılı cavabının tələb
olunması; kontur xəritədə işləmə; ekskursiyalarda kolleksi-
yaların toplanması; təqdimatların hazırlanması və s.
Formativ qiymətləndirmə təlim prosesinin hər hansı bir mərhələsi üçün müəyyən
olunmuş nəticələr əsasında şagirdlərin bilik və bacarıqlarının formalaşma səviyyə-
sinin qiymətləndirilməsidir. Formativ qiymətləndirmə vasitəsilə müəllim tədris
prosesini tənzimləyir, şagirdlərin ehtiyaclarını öyrənir və onlara lazımi kömək
göstərir. Formativ qiymətləndirmənin nəticələri sinif jurnalında qeyd olunmur. Bu
nəticələr şagirdin məktəbli kitabçasında (meyarlar şəklində), müəllimin şəxsi qeyd
dəftərində öz əksini tapır. Şagird qovluğunda (portfolio) toplanır. Portfolio dərs ili
ərzində məktəbdə saxlanılır və ilin sonunda şagirdə təhvil verilir.
Formativ qiymətləndirmədə istifadə olunan metod və vasitələr:
Üsullar
Vasitələr
Müşahidə
Müşahidə vərəqləri
Şifahi sual-cavab
Şifahi nitq bacarıqları üzrə qeydiyyət vərəqi
Tapşırıqvermə
Çalışmalar
Valideynlərlə və digər fənn
müəllimləri ilə əməkdaşlıq
Söhbət, sorğu vərəqi (şagirdin evdə və ya mək-
təbdəki fəaliyyəti ilə bağlı suallar yazılmış vərəq)
Dinləmə üzrə qeydiyyat vərəqi
Oxu
Oxu üzrə qeydiyyat vərəqi
31
Yazı
Yazı bacarıqlarının inkişafı üzrə qeydiyyat vərəqi
Layihə
Şagirdlərin təqdimatı və müəllim tərəfindən
müəyyən olunmuş meyar cədvəli
Rubrik
Nailiyyət səviyyələri üzrə qiymətləndirmə şkalası
Şifahi və yazılı təqdimat
Meyar cədvəli
Test
Test tapşırıqları
Özünüqiymətləndirmə
Özünüqiymətləndirmə vərəqləri
Formativ qiymətləndirmə aparmaq üçün rubriklərdən istifadə olunur. Rubrik –
xüsusi növ qiymətləndirmə şkalasıdır. O, iki əsas suala cavab verir:
–
mən nəyi qiymətləndirməliyəm (obyekt, məzmun, aspektlər, tərəflər, xüsusiy-
yətlər);
–
aşağı, orta, yuxarı nailiyyət səviyyələrinin xüsusiyyətlərini necə bilmək olar?
Qiymətləndirmə şkalası nailiyyət səviyyələrinə qiymət (bal) verilməsi üçün mexa-
nizmdir. Rubriklərin hazırlanması üçün əvvəlcə dərsin məqsədləri müəyyən olun-
malıdır. Qiymətləndirmənin formalarından biri seçilməlidir (diaqnostik, formativ
və ya summativ).
Müəllimlər üçün rubriklərin üstün cəhətləri.
Rubriklər qiymətləndirmənin daha ədalətli, obyektiv, etibarlı və ardıcıl olmasına
imkan verir.
Rubriklər tələb edir ki, müəllimlər müvafiq şərtlər üzrə öz meyarlarını müəy-
yənləşdirsinlər.
Rubriklər tədrisin səmərəliliyi ilə bağlı müəllimləri faydalı məlumatlarla təmin
edir.
Rubriklər keyfiyyət səviyyələrinin intervalı vasitəsilə müxtəlif qabiliyyətli şa-
girdlərin olduğunu nəzərə alır.
Səviyyələr üzrə təsvirlərin hazırlanması üçün təlimat:
1. Qısa və sadə tərzdə, şagirdin anlayacağı sadə dildən istifadə edilməlidir.
2. Müqayisəli və ya normativ dildən fərqli olaraq deskriptiv dildən istifadə edin.
Pis, orta, kafi, yaxşı, əla kimi qeyri-müəyyən deskriptorlardan uzaq durulmalı-
dır.
3. Səviyyə deskriptorları müşahidə oluna bilən davranışlar və ya nəticənin xüsu-
siyyətləri baxımından mümkün dərəcədə ifadə edilməlidir.
4. Qiymətləndirmə səviyyələri arasında sərhəd aydın olmalıdır, üst-üstə düşməmə-
lidir.
5. Şkala şagird nailiyyətləri intervalını tam əhatə etməlidir.
6. Təsvirlərin məzmunu nailiyyət səviyyələri üzrə eyni formalı tərtib edilməlidir.
7. Fəaliyyət səviyyələri bütün aspektlər üzrə uyğun olmalıdır (məs.: bir aspekt
üzrə “4” qiyməti digər aspekt üzrə “4” qiyməti ilə müqayisə oluna bilməlidir).
8. Əvvəlcə “ən yüksək”, sonra isə “ən aşağı” səviyyələr, sonda “aralıq” səviyyələri
təsvir edilməlidir.
Dostları ilə paylaş: |