ÀÇßÐÁÀÉÚÀÍÛÍ ÝÅÎÑÈÉÀÑßÒÈ
209
Avrasiyanın
müasir geosiyasi əhəmiyyəti, bölgədə həyata
keçirilən transmilli, regional və lokal geosiyasət haqqında Ziya
Gökalpdan, Mustafa Kamal Atatürkdən üzü bəri çoxsaylı türk
siyasətşünasları və Türkiyə rəsmiləri də bəhs etmiş, bununla
bağlı çoxsaylı əsərlər yazmışlar. Xüsusilə, son zamanlar Tür-
kiyə Cümhuriyyətində Avrasiyanı öyrənmək və bölgədə həyata
keçirilən siyasətin tədqiq olunması yönündə mühüm işlər gö-
rülmüşdür.
96
Əksər tədqiqatçılar və politoloqlar Avrasiyanı
müasir dünyanın ən əhəmiyyətli geosiyasi bölgəsi hesab edə-
rək, Türkiyənin öz geosiyasi fəaliyyətini bu regionda güclən-
dirməsini, Xəzər-Qara dəniz hövzəsində, Cənubi Qafqaz və
Orta Asiyada reallaşdırılan transmilli layihələrdə yaxından işti-
rak etməsini vacib saymışlar. Göründüyü kimi, Avrasiya geosi-
yasi, geoiqtisadi və geostrateji əhəmiyyətinə görə bütün dövr-
lərdə dünyanın aparıcı dövlətlərinin, geosiyasi güc mərkəzləri-
nin və regional təşkilatların diqqətini daim özünə cəlb etmiş və
etməkdədir.
XX əsrin sonlarına yaxın SSRİ-nin və dünya sosializm
sisteminin süqutundan sonra fərqli ideoloji düşərgələri təmsil
edən mütəxəssislər Avrasiyanın artan regional geosiyasi əhə-
miyyətindən, bölgədəki vəziyyətə təsir göstərən geosiyasi ma-
raqlar sistemindən, yeni minillikdə transmilli, regional və lokal
milli maraqların kəsişmə nöqtəsinə və mübarizə hədəfinə çev-
rilməsindən bəhs edərək, geniş müzakirələr aparmağa başla-
mışlar.
96
Suat İlhan. Türklerin Jeopolitiği ve Avrasiyaçılık. Ankara.2005; Mert Bilgin.
Avrasiya Enerji savaşları. İstanbul, 2005; Kaynak M. Büyük Ortadoğu
projesi
ve Türkiye üzerine stratejik analizler. İstanbul, 2005; Arslan Bulut. Küresel
Haclı Seferi. Ankara.2005; 21 Yüzyılında dünya düzeni və yönetişim. Istanbul,
2005; Ahmet Davutoğlu. Stratejik Derinlik. Türkiye,nin uluslararası konumu.
Ankara, 2008; Bügünden yarına Türk dünyasında Stratejik bakış. İstanbul,
2008; Avrasyada Türk jeopolitiği.Ankara, 2009; Celalettin Yavuz. Jeopolitik
ve Strateji // http:www.turksam.orq və s.
ßËÈ ÙßÑßÍÎÂ
210
§ 1.2. Avrasiyanın regional geosiyasi vəziyyətinə təsir
göstərən fərqli maraqlar sistemi: transmilli, regional və
milli hədəflər haqqında
SSRİ-nin süquta uğraması ilə geosiyasi, geoiqtisadi və
hərbi-geostrateji əhəmiyyətinə görə Avrasiya bölgəsi əksər
transmilli güclərin, böyük dünya dövlətlərinin və digər beynəl-
xalq aktorların xüsusi diqqətini çəkməyə başladı. Mütəxəssis-
lər bunu hər şeydən əvvəl, bölgənin uzun müddət qapalı məkan
kimi yalnız Sovet İttifaqının təsir dairəsinə daxil olması və
başqa maraqlı tərəflərin bu əhəmiyyətli geosiyasi məkana mü-
daxiləsinin qeyri-mümkünlüyü ilə bağlayırlar. Onların fikrinə
görə, SSRİ-nin süqutu Avropa ilə Asiyanın qovşağında yerlə-
şən, əlverişli və unikal coğrafi imkanları olan Avrasiyanı cəlb-
edici transmilli bir amilə çevirdi və beynəlxalq şirkətləri, Qərb
ölkələrini qloballaşan dünyanın iqtisadi və ticarət ehtiyaclarına
uyğun olaraq, bu məkandan ilk növbədə Şərq-Qərb əlaqələrin-
də əsas nəqliyyat-kommunikasiya dəhlizi kimi istifadə etməyə
ruhlandırdı.
Avrasiya həm də XXI əsrin əsas alternativ enerji və digər
transmilli layihələrinin həyata keçirildiyi region hesab olunur.
Təbii xammal mənbələri ilə zənginliyi, əmək resurslarının
geniş potensialı, dünya enerji və xammal ehtiyatlarının böyük
bir qisminə malik olması və s. Avrasiyanın geosiyasi, geoiqti-
sadi və geostrateji əhəmiyyətini getdikcə ciddi şəkildə artırır.
Xüsusən, yeni dövrdə dünyada enerji ehtiyaclarının getdikcə
artması regionun zəngin təbii və mineral qaynaqlara malik olan
Orta Asiya, Cənubi Qafqaz və Xəzər-Qara dəniz hövzəsi kimi
ərazilərinin planetin əhəmiyyətli və cəlbedici məkanı kimi
tanınmasına şərait yaratmışdır.
Bəhs olunan amillərlə yanaşı,
üçüncü minilliyin başlanğı-
cından həm də
beynəlxalq sülh və təhlükəsizlik üçün kəsb et-
diyi hərbi-geostrateji əhəmiyyət, regionda dünya güclərinin və
ÀÇßÐÁÀÉÚÀÍÛÍ ÝÅÎÑÈÉÀÑßÒÈ
211
böyük dövlətlərin geoiqtisadi, geosiyasi və hərbi-strateji ma-
raq dairələrinin kəsişməsi, fərqli dinlərin və sivilizasiyaların
intensiv təmas nöqtəsinə çevrilməsi və s. üstünlükləri Avrasi-
yanı sözün həqiqi mənasında dünya geosiyasətinin əsas mər-
kəzlərindən birinə çevirmişdir. Yeni dövrdə Avrasiya və onun
– Mərkəzi (Orta) Asiya, Cənubi Qafqaz, Xəzər-Qara dəniz
hövzəsi və Fars körfəzi kimi bölgələri qloballaşmaya sürətlə
cəlb olunan və regional inteqrasiya proseslərində müxtəlif
meyillərin müşahidə olunduğu əsas planetar məkanlar sırasında
dayanır. Bu da müvafiq olaraq, planetin əksər dövlətlərini və
digər geosiyasi aktorları bölgədə öz geosiyasətini formalaşdır-
mağa və yürütməyə sövq edir.
Avrasiya özünün beynəlxalq dəyəri, zəngin və əhəmiyyət-
li geosiyasi, geoiqtisadi və geostrateji resursları ilə yanaşı, həm
də region xalqlarının yaşadığı, region ölkələrinin mövcud ol-
duğu konkret bir sivilizasiya meydanı, milli-etnik yaşayış məs-
kəni və coğrafi məkandır. Hər bir Avrasiya ölkəsi bölgədə milli
maraqlarını təmin etmək məqsədi ilə daxili və xarici siyasət
prioritetlərini formalaşdırır, başqa dövlətlərlə siyasi, iqtisadi,
hərbi və mədəni qurumlar yaradır, transmilli və regional inteq-
rasiya proseslərində iştirak edir. Təbii ki, bu zaman ölkələrin
bəzən bir-biri ilə və regionda marağı olan digər dövlətlərlə
geosiyasi, hərbi-strateji və geoiqtisadi maraqları toqquşur,
bəzən də üst-üstə düşür. Buna görə də Avrasiya əhatə etdiyi
ölkələrin maraq və mənafe dairəsinin, xarici siyasət istiqamət-
ləri və yönlərinin müxtəlifliyi, dövlət idarəçilik sistemlərinin
xarakteri və s. baxımından da çox mürəkkəb regiondur. Avra-
siyada həyata keçirilən qlobal transmilli layihələr, yerli ölkə-
lərin demokratik transformasiyası, iqtisadiyyatının liberallaşdı-
rılması və bölgədaxili siyasi, iqtisadi, mədəni inteqrasiya pro-
seslərində fərqli maraqları təmsil edən onlarla müxtəlif dövlət,
hökumətlərarası birlik, QHT-lər və digər geosiyasi aktorlar
iştirak edir.