34
III qrup: iş dəftəri 1, 2 nömrəli tapşırıqların c)
bəndi
IV qrup: iş dəftəri 1, 2 nömrəli tapşırıqların
d) bəndi
MƏLUMAT MÜBADİLƏSİ VƏ MÜZAKİRƏSİ
Müəllim hər qrupdan bir nümayəndəni lövhə qarşısına dəvət edir. Onlar müəyyən etdikləri sözləri
söyləyirlər. Müəllim suallarla müraciət edə bilər:
–
Rebusda hansı söz yazılmışdır?
–
Onu necə tapdınız?
–
Kodun açarı nədir?
–
Nəyə görə yazını dərhal oxuya bilmədiniz?
–
İnformasiyanı bərpa etmək üçün sizə nə lazımdır? (fərziyyələr dinlənilir)
ÜMUMİLƏŞDİRMƏ VƏ NƏTİCƏ
Müəllim:
–
İnformasiyanın kodlaşdırılması nə deməkdir? Rebus nədir?
Müəllim şagirdlərin söylədiklərini ümumiləşdirib, onlarla birlikdə nəticə çıxarır:
Gəlin “Bir qalanın sirri” filmini yada salaq. Simnar xan həkim babanı zindana saldırarkən o, qutunun içinə
bir neçə əşya (zəncir, sim, qanlı daş parçası, nar) qoyur. Onu axtarmağa gələnlərin arasında olan müdrik bir
qoca qutunun içindəkilərə baxıb, Həkim babanın nə demək istədiyini oxuyur: “Simnar xan Həkim babanı
qandallayıb Qanlı qalaya aparmışdır.”
Deməli, Həkim baba ötürmək istədiyi informasiyanı az adamım oxuya biləcəyi formada – rebusla
kodlaşdırmışdı. Beləliklə, rebus kodlaşdırmanın bir növüdür. Rebus şəkillər, işarələr və hərflərlə
kodlaşdırılmış informasiyadır. Rebus həm də tapmacadır. Tapmaca söyləyərkən biz onun bəzi xassələrini
sadalayırıq. Rebuslarda isə “gizlənmiş” sözü tapmaq üçün dərsliyinizdə verilmiş qaydaları bilmək lazımdır.
Tədqiqat sualı ilə əlaqədar irəli sürülmüş fərziyyələr nəticələrlə müqayisə edilir. Müəllim dərsin əvvəlində
irəli sürülən fərziyyələri xatırladır və onları şagirdlərin fəal iştirakı ilə qazanılmış biliklərlə müqayisə edir.
YARADICI TƏTBİQETMƏ
İş dəftərində 4-cü çalışmanı yerinə yetirməklə rebuslar yaradılır.
QİYMƏTLƏNDİRMƏ
Müəllim metodik vəsaitin əvvəlində verilmiş formalardan biri ilə, yaxud özünün tərtib etdiyi digər me-
yarlar cədvəlinə əsasən qrupları qiymətləndirə bilər.
Müəllim müşahidəyə əsasən aşağıdakı meyarlar üzrə formativ qiymətləndirmə apara bilər.
Meyarlar Yaxşı Orta Zəif
1 Kodlaşdırma anlayışını başa düşür
2 Rebusun
yaradılma qaydalarını izah edə bilir
3 Rebusu
oxumağı bacarır
4 Rebusu
yaratmağı bacarır
Ev tapşırığı. İş dəftərindəki 3-cü çalışmanın yerinə yetirilməsi.
35
Dərs
7
/ Mövzu:
İNFORMASİYANIN İŞLƏNMƏSİ
MOTİVASİYA
I variant. Müəllim:
–
“BİR QULAĞINDAN ALIB, O BİRİSİNDƏN ÖTÜRMƏK” məsəlini necə izah edə bilərsiniz?
–
Bu zaman hansı vacib proses baş vermir?
–
Bu proses olmasa, nə olar?
Şagirdlərin cavabları dinlənilir.
II variant. Müəllim aşağıdakı şəkli nümayiş etdirir, sonra şagirdlərə suallara cavab verməyi təklif edir.
–
Şəkildə nə görürsünüz?
–
Onu necə başa düşürsünüz?
–
Bu prosesi informasiya prosesi ilə müqayisə etsəniz, hansı nəticəni çıxararsınız?
Cavablar dinlənilir.
Lövhədə tədqiqat sualı və irəli sürülmüş fərziyyələr yazılır.
Tədqiqat sualı:
İnformasiyanın emalı nədir və nə üçün lazımdır?
DƏRSİN MƏQSƏDİ
• təbiətdə, cəmiyyətdə və texnikada informasiyanın emalına aid misallar göstərmək;
• informasiyanın emalını şəxsi müşahidələrinə əsasən nümunələrlə izah etmək;
• sadə informasiyanın emalı proseslərində giriş və çıxış informasiyalarını müəyyən
etmək;
• ilkin informasiyadan nəticənin alınmasını informasiyanın emalı prosesi kimi şərh
etmək;
• qoyulmuş məsələ və verilmiş tapşırıqların həllini informasiyanın emalı baxımından
izah etmək.
Əsas ANLAYIŞLAR
İnformasiyanın işlənməsi, qəbulu, informasiyanın təqdim olunması, informasiyanın
ötürülməsi, informasiya mübadiləsi, giriş informasiyası, çıxış informasiyası
Dərsin TİPİ
İnduktiv
İstifadə olunan
İŞ FORMALARI
Qrup işi
İstifadə olunan
ÜSULLAR
Mini mühazirə, müzakirə, didaktik oyun, cədvəllə iş
Fənlərarası
İNTEQRASİYA
A-d. – 4.1.2, 4.1.3, 4.1.4, 4.1.5, Riy. – 1.1.2, 1.1.8, 2.1.1, 2.2.3, H-b. – 2.2.3, X-d. –
2.2.3, Tex. – 1.2.4, T-i. – 2.2.2, 2.2.3, Mus. – 3.1.1, 3.3.1, 3.3.2
Təchizat
İş vərəqləri, rəngli karandaşlar (qırmızı, göy, sarı, yaşıl), təmiz vərəqlər
36
TƏDQİQATIN APARILMASI
Dərslikdən istifadə edən müəllim şagirdlərin fəal iştirakı ilə yeni informasiyanı şərh edir. Şagirdlər 4-5
qrupa bölünür. Hər qrupa eyni xarakterli olan 3 sadə tapşırıq verilir. Tapşırığı yerinə yetirdikdən sonra hər
bir qrup birinci sətirdəki nümunəyə əsasən cədvəli doldurur.
I qrup. Tapşırığı yerinə yetirin və aşağıdakı cədvəli doldurun.
a) Şəkli rəngləyin.
b) Verilmiş sözdə bir hərfi də-
yişməklə yeni söz düzəldin:
AYI
c) Kibrit çöpünün birinin yerini də-
yişməklə evin yönünü dəyişin.
II qrup. Tapşırığı yerinə yetirin və aşağıdakı cədvəli doldurun.
a) Şəkli rəngləyin.
b) Verilmiş sözdə bir hərfi də-
yişməklə yeni söz düzəldin:
BEL
c) İki kibrit çöpünün yerini elə dəyi-
şin ki, inək arxaya baxsın.
III qrup. Tapşırığı yerinə yetirin və aşağıdakı cədvəli doldurun.
a) Şəkli rəngləyin.
b) Verilmiş sözdə bir hərfi də-
yişməklə yeni söz düzəldin:
CAN
c) İki kibrit çöpünün yerini elə dəyişin
ki, düymə xəkəndazın çölündə olsun.