41
–
Nə üçün kompyuter musiqi və ədəbi əsərlər yarada bilmir? (kompyuter yalnız insanın tərtib etdiyi
proqramlar əsasında işləyir)
ÜMUMİLƏŞDİRMƏ VƏ NƏTİCƏ
Müəllim aşağıdakı suallarla sinfə müraciət edir:
–
İnsan hansı qurğular vasitəsilə informasiya toplaya bilər?
–
Kompyuter bu qurğulardan nə ilə fərqlənir?
–
Kompyuterin qurğularının çox olmasına səbəb nədir?
–
Hansı qurğular olmasa, kompyuter işləyə bilməz? Nə üçün?
Müəllim tədqiqat suallarını yenə təkrarlayır: 1. Kompyuter informasiya ilə necə işləyir? 2. Kompyuterlə
insan arasında oxşar və fərqli cəhətlər hansılardır?
Şagirdlərin fəal iştirakı ilə ümumiləşdirmə aparan müəllim aşağıdakı nəticələri çıxarır:
–
İnsan
informasiyanı duyğu üzvləri vasitəsilə ətraf mühitdən alır, onu beynində saxlayır, emal edir, başqalarına
ötürür. Kompyuter də informasiyanı (dad, daktil və qoxu informasiyalarından başqa) giriş qurğuları
vasitəsilə alır. Bu qurğulara klaviatura, skaner, mikrofon daxildir. Kompyuter informasiyanı yaddaş
qurğularında saxlayır, prosessor vasitəsilə emal edir və çıxış qurğuları vasitəsilə insanlara çatdırır. Çıxış
qurğularına monitor, printer, səsucaldanlar aiddir.
İnformasiyanın proseslərinə görə insanın fəaliyyəti ilə kompyuterin fəaliyyəti arasında həm oxşar, həm də
fərqli cəhətlər var.
Həm insan, həm də kompyuter informasiya ilə işləyir, onu qəbul edir, saxlayır, emal edir və ötürür. Bu,
oxşar cəhətlərdir. Fərqli cəhət odur ki, insan canlıdır və onun duyğu üzvləri var. Bu üzvlər vasitəsilə o,
obyektlərin dadını, qoxusunu, onların hamar və ya kələ-kötür, yumşaq və ya sərt, küt və ya iti olmasını da
öyrənə bilir. Kompyuter süni obyektdir, onun duyğu üzvləri yoxdur, onu insan yaradıb və o, insan
tərəfindən idarə olunur. Kompyuter insanların yaratdıqları proqramlar əsasında işləyir.
Tədqiqat sualı ilə əlaqədar irəli sürülmüş fərziyyələr nəticələrlə müqayisə edilir. Bu proses şagirdlərin fəal
iştirakı ilə həyata keçirilir.
YARADICI TƏTBİQETMƏ
Müəllim ayrıca vərəqdə əks etdirilmiş krossvordu şagirdlərə təqdim edir.
6
1
2
3
4
5
İş dəftərindəki 1–3-cü çalışmaların yerinə yetirilməsi.
Üfüqi: 1. Mətn və ədədi informasiyanı daxil edən qurğu. 2. Qrafik informasiyanı daxil edən qurğu. 3. İnforma-
siyanı ekranda əks etdirən qurğu. 4. İnformasiyanı emal edən qurğu. 5. Səs informasiyasını kompyuterə daxil edən
qurğu.
Şaquli: 1. İnformasiyanı qəbul edən, saxlayan, ötürən, emal edən qurğu. 6. Mətn və qrafik informasiyanı kağıza
çıxaran qurğu.
42
QİYMƏTLƏNDİRMƏ
Müəllim metodik vəsaitin əvvəlində verilmiş formalardan biri ilə, yaxud özünün tərtib etdiyi digər meyarlar
cədvəlinə əsasən qrupları qiymətləndirə bilər.
Müəllim müşahidəyə əsasən aşağıdakı meyarlar üzrə formativ qiymətləndirmə apara bilər.
№ Meyarlar Yaxşı Orta Zəif
1 Kompyuterin
əsas qurğularını tanıyır
2 Kompyuterin
qurğularının adlarını vacibliyinə görə sadalaya bilir
3 Kompyuterin
əsas qurğularının vəzifələrini izah edə bilir
4
Kompyuterin qurğularını onların informasiya prosesindəki roluna
görə qruplaşdıra bilir
5
İnsanla kompyuteri informasiya ilə iş prinsiplərinə görə müqayisə
edə bilir.
Ev tapşırığı. İş dəftərindəki 4 və 5-ci çalışmaların yerinə yetirilməsi.
ALT STANDARTLAR ÜZRƏ
REALLAŞDIRILACAQ BACARIQLAR
TƏDRİS VAHİDİ –
2
ALQORİTM
1.2.1. Obyektlər qrupundakı əşyaların ümumi əlamətlərini müəyyən edir.
1.2.2. Oxşar obyektlər qrupundakı əşyaların ümumi əlamətlərini izah
edir.
1.2.3. Qrupdakı obyektlərin əlamətlərini kəmiyyət baxımından
müəyyən edir.
1.2.4. Qrupdakı obyektlərin əlamətlərini keyfiyyət baxımından izah
edir.
3.2.5. Kompyuterdə sadə öyrədici tipli proqramlarla işləyir.
2.1.1. Hərəkəti, hərəkətlər ardıcıllığını söz və işarələrlə təsvir etməyin
mümkünlüyünü izah edir.
2.1.2. Söz , işarə və sadə sxemlərlə təsvir edilmiş hərəkətlər fəaliyyətini
təqdim edir.
2.1.3. Sadə hərəkət və sadə sxemlərlə təsvir edilmiş hərəkət fəaliyyətini
(xətti və dövri) icra edir.
2.2.1. “Hamısı”, “heç biri”, “bəzisi” sözləri daxil olan mülahizələr
söyləyir.
2.2.2. Məqsədəuyğun yolu müəyyənləşdirmək üçün müxtəlif variantlar
seçir.
2.2.3. Verilmiş informasiyaya görə obyekti təsvir edir.
TƏDRİS VAHİDİ ÜZRƏ ÜMUMİ
SAATLARIN MİQDARI:
9 saat
QİYMƏTLƏNDİRMƏ:
1 saat