150
bəsləyirlər (7). Şübhəsiz ki, istər prezident İ.İnönünün, istər xarici işlər naziri
H.Sakanın və istərsə də digər siyasətçilərin demokratik prinsiplərə meyllənməsi
və demokratik dəyərlərə tapınmağın zəruriliyi haqqında ölkədə geniş təbliğat
kampaniyasının başlanması bir tərəfdən Türkiyənin daxilində demokratik
yeniləşməyə olan böyük maraqla bağlı idisə, digər tərəfdən Amerika və İngiltərə
siyasi dairələrinin "totalitarizmə dayanan rejimlərə qarşı" sərt müqavimət
göstərmək niyyətləri ilə bağlı idi.
Milli şef İ.İnönünün 19 may çıxışı və ölkənin siyasi həyatında ikinci
partiyanın yaranmasının mümkünlüyü haqqında fikri may ayının sonuncu
ongünlüyü və iyun ayı ərzində türk mətbuatının əsas müzakirə mövzusuna
çevrildi. Bütövlükdə bir sıra sol təmayüllü qəzetlər bu dəyişikliklərin mənbəyini
Krım konfransının qərarlarında və Atlantika bəyannaməsində axtarırdılar. Onların
fikrincə, faşizm üzərində qələbə çalan deokratik ölkələr heç bir yerdə totalitar
rejimlərin mövcudluğu ilə barışmayacaqdılar. Sol təmayüllü mətbuat Türkiyədə
başlayan yeniləşmənin mənbəyinin xaricdə olduğunu yazırdı. Bunun əksinə olaraq
Türkiyənin aparıcı mətbuatı ölkədə mövcud olan demokratiyanın yerli xarakterinə
üstünlük verərək onun kamalçılığa dayandığını əsaslandırırdı. "Son Teleqraf
qəzeti may ayının 26-da yazırdı: "Kamalçı demokratiya mütərəqqi xarakterə malik
olub möhkəm əsaslara dayanır və bəşəriyyətə xoşbəxtlik gətirir". Yeni partiyanın
yaranması ilə bağlı fikirləri müzakirə edən mətbuat bir tərəfdən, bunu zəruri sayır,
digər tərəfdən hələ müharibə qurtarmadığından bu zərurəti müxtəlif cür şərh
edirdilər. Bir sıra qəzetlər yazırdı ki, 1930-cu ildə Fethi Okyarın liberal mütərəqqi
partiyası uğursuz bir təcrübə oldu. Onlar ehtiyat edirdilər ki, ikinci partiya
Türkiyəni şəriət qaydalarına qaytarar və vətəndaş müharibəsinə gətirib çıxarar.
Digər tərəfdən, müharibə aparan ölkələrin üçüncü dünya müharibəsi haqqında söz-
söhbət salması bəzi qəzetlərin fikrincə, Türkiyəni öz milli birliyini qorumaq
barədə düşündürməli idi. Avropanın azad olmuş ölkələrində baş verən hadisələr də
bir sıra mətbuat orqanlarında partiya anarxiyası kimi qiymətləndirilirdi. N.Sadak,
N.Nadi kimi tanınmış jurnalistlər belə hesab edirdilər ki, Türkiyə xarici təzyiq
altında öz qanunlarını dəyişdirməməlidir. Ankaradakı Sovet səfirliyi SSRİ xarici
işlər komissarının müavini S.Kavtaradzeyə yazırdı: "Türk mətbuatı heç kəsdən
soruşmadan azadlığa nail olur, hökumət bu vəziyyətlə barışmağa məcburdur.
Qəzetlərin onun antidemokratik mahiyyətini ifşa edəcəyindən ehtiyatlanan
hökumət onlara qarşı repressiv tədbirlər görməkdən çəkinir" (8). Şübhəsiz ki,
Sovet səfirliyinin mülahizələri subyektiv idi və müharibə dövrünün müəyyən
məhdudiyyətlərini nəzərə almasaq, SSRİ-dən fərqli olaraq, Türkiyədə mətbuat
azad idi.
Hələ İkinci Dünya müharibəsi başa çatmamış Sovet İttifaqı İran və Türkiyəyə
qarşı yönəlmiş tədbirlərin həyata keçirilməsi üçün hazırlıq
151
işlərinə başladı.1945-ci il aprel ayının 6-da SSRİ Dövlət Müdafiə komitəsi
Zaqafqaziya avtomobil yollarının vəziyyətini yaxşılaşdırmaq haqqında
qərar qəbul
etdi. Vətən müharibəsinin gedişində dağılmış bir ölkədə belə bir qərarın SSRİ
Xalq Komissarları Soveti tərəfidən deyil,məhz Dövlət Müdafiə Komitəsi
tərəfindən qəbul edilməsi şübhəsiz ki,Zaqafqaziyanın sosial-iqtisadi inkişafına
qayğıdan irəli gəlmirdi.1944-cü ilin mart ayında Zaqafqaziya respublikalarında
xarici işlər komissarlıqları təsis edildikdən sonra Ermənistan və Gürcüstan Sovet
respublikalarrı xarici işlər komissarlıqları qarşısında qoyulan başlıca vəzifə SSRİ-
nin əsasən Türkiyəyə, qismən İrana münasibətdə siyasəti ilə bağlı məsələlərin
işlənib hazırlanmasında və həyata keçirilməsində bilavasitə iştirak etmək idi.
Eynilə Azərbaycan SSR xarici işlər komissarlığının qarşısında qoyulan əsas vəzifə
Sovet İttifaqının İranla münasibətində həmin funksiyanı yerinə yetirmək idi.
1945-ci il aprel ayının 6-da Sovet Ermənistanının rəhbərliyi ÜİK(b)P MK-ya
və İ.Stalinə iki məktubla müraciət etdi. Ermənistan SSR Xalq Komissarları
Sovetinin sədri A.Sarkisyanın və Ermənistan Kommunist Partiyasının katibi
Q.Arutinovun aprel ayının 6-da İ.Stalinə ünvanladıqları məktubda göstərilirdi ki,
Birinci Dünya müharibəsi illərində türk və alman imperialistlərinin təşkil etdiyi
qırğınlardan canlarını qurtarmaq üçün bir milyondan çox erməni Türkiyə
Ermənistanından ərəb və Balkan ölkələrinə, Qərbi Avropa, ABŞ və digər ölkələrə
mühacirət etmək məcburiyyətində qalmışdılar. Bunun nəticəsi olaraq qeyd edilən
ölkələrdə çoxsaylı erməni koloniyaları yaranmışdır. Belə böyük koloniyalara
misal olaraq məktub müəllifləri Suriya və Livanda 200 min, İranda 100-120 min,
Balkanlarda 80 min (Rumıniyada 30 min, Bolqarıstanda 35 min, Yunanıstanda 20
min), Misirdə 40 min, Fransada 80 min, ABŞ-da 150 mindən artıq erməninin
olduğunu bildirirdilər. Onlar qeyd edirdilər ki, əldə olan məlumatlara görə, bu
ölkələrdə olan ermənilər siyasi və vətəndaş hüquqlarından istifadə edə bilmirlər.
Məktubda deyilirdi: "Xarici ermənilərin öz əsl vətənləri olan SSRİ-yə və Sovet
Ermənistanına rəğbətləri artdığından bu ölkələrin hakim dairələri onlara
arzuolunmaz ünsürlər kimi baxır və bütün vasitələrlə onların hüquq və
azadlıqlarını kobudcasına pozurlar". Məktubda qeyd edilirdi ki, bütün bu
maneələrə baxmayaraq xarici ermənilər SSRİ-yə və Sovet Ermənistanına
münasibətdə ardıcıl dostluq xətti yeridərək vətənpərvər təşkilatların geniş
Şəbəkəsini yaratmışlar və bu təşkilatlar Qırmızı Orduya yardım fonduna vəsait
toplanınasında aktiv iştirak edir, Sovet hökumətinin düşmənləri olan daşnaklara və
digərlərinə qarşı fəal mübarizə aparır, bir sıra xarici dövlətlərin bu ölkələrdə
ermənilərdən özünə dayaq yaratmaq cəhdlərini pozurlar. Sovet Ermənistanının
rəhbərləri bütün qeyd edilənlərdən başqa, onların adları çəkilən ölkələrdə
maddi və mülkiyyət maraqlarının