12
söykənən biliklərdir. Eyni zamanda insanların bioloji varlıq
kimi əsaslarını da empirik biliklər öyrənir. Burada biliklər əks
olunma ilə meydana gəlir, obyektlər üzərində dərketmə
prosesləri həyata keçirilir və fəaliyyət əks olunmanı yaradır.
(Empirik biliklər daha çox induktiv metodlarla, nəzəri biliklər
isə hipotetik-deduktiv metodlarla əldə olunur. Lakin bu iki
istiqaməti tamamilə bir-birindən ayırmaq olmaz. Onlar
vəhdətdədirlər, hər ikisində məntiqi metodlar tətbiq olunur və
məzmundan meydana gələn müəyyən əqli nəticələr vardır).
İnsan fəaliyyət göstərdikcə öz bioloji məzmununu açır və
bioloji baxımdan maddi hüquqlarını genişləndirir. Maddiyyat
üzərində qurulan və real zamanları əks etdirən hüquqlar məhz
empirikdir və burada real gerçəkliklərlə hüququn təmin
olunması səviyyəsi və dərəcəsi, eləcə də sahələri aşkar olunur.
İnsan hüquqlarını etik normalara söykəyən biliklər isə nəzəri
biliklərdir və demək olar ki, insanların əsas baza hüquqları
məhz nəzəri əsaslar üzərində qurulur.
Məsələn, azadlıq
hüquqları, ailə hüquqları, mənəvi hüquqlar və digər bu
kimi hüquqlar mənəvi-etik dəyərlərlə formalaşır. Bu baza
hüquqlar –mənəvi dəyərlər-demək olar ki, bütün maddi-
material aləmə münasibətdə və əlaqədə öz mahiyyətini
qoruyub saxlayır. Buradan da belə nəticələr hasil olur ki,
təbii-mənəvi hüquqlar məhz dəyişməz dəyərlərdir və
insanların statuslarını müəyyən edəndir. İnsan hüquqları
onun maddi-mənəvi keyfiyyətlərinin təməlində dayanır və bu
baxımdan da fəlsəfi-məntiqi metodlarla obyektlər üzərində
analitik, sintetik və empirik biliklər meydana gəlir. Həm də onu
qeyd etmək olar ki, nəzəri fikirlərin özləri də elə faktlardır. Bu
faktlardan istifadə məhz həqiqi biliklərin yaranmasını təmin
edir. Nəzəri fikirlər ona görə faktlar rolunda çıxış edirlər ki,
onlara baxışlar eyni,
oxşar və fərqli ola bilər,
obyekt kimi qəbul
oluna bilər. Nəzəri fikirlər həm də mütləq empirik olmaya
bilər, inkar obyektinə çevrilə bilər. Lakin inkar o demək deyil
ki, bu biliklər tam da həqiqətdən uzaqdır. Ümumiyyətlə isə