İqtisadi nəzəriyyə
ECONOMICS
16
Müxtəlif məqsəd və istiqamətlərindən asılı olmayaraq, ölkənin və dünyanın təsərrüfat
həyatında baş verən iqtisadi artım, yığım və istehlak, rəqabət, tələb və təklif, vergilər, büdcə,
inflyasiya, işsizlik, xarici borclar, inteqrasiya prosesləri, valyuta-kredit sistemi, başqa
ölkələrlə iqtisadi əlaqələr kimi problemlər həmişə iqtisadi nəzəriyyənin diqqət mərkəzində
olmuşdur.
Müasir mərhələdə də dünyada, o cümlədən müstəqil Azərbaycan Respublikasında
cəmiyyət həyatının əsası olan iqtisadiyyatın inkişafının səmərəli yollarının tapılmasında
iqtisadi nəzəriyyənin rolu böyükdür.
1.3. Mürəkkəb və çoxsahəli vahid sistem kimi formalaşan iqtisadiyyatı müxtəlif
səviyyələrdə öyrənmək mümkündür. İngilis iqtisadçısı A.Marşall yazmışdır ki, iqtisad elmi
normal insan cəmiyyətinin həyat fəaliyyətini öyrənir. Cəmiyyətin iqtisadi həyatı isə canlı bir
orqanizmi xatırlatdığından, burada həmişə dəyişikliklər, bəzən isə hətta ən gözlənilməz
proseslər baş verir. P.Samuelson və V.Nordhaus «Economics» kitabında qeyd edirlər:
«Dünyada baş verən iqtisadi proseslər (iqtisadi sistemlərin dağılması, böhranlar inflyasiyalar,
inteqrasiya meylləri, iqtisadi-ticarət əlaqələrinin genişlənməsi, elmi-texniki tərəqqi)
bəşəriyyətin yaşadığı bir tamaşa və dramadır». Bu həyati tamaşanın müəllifı də, rejissoru da,
aktyoru da təbiətlə, istehsalla, bir-birləri ilə mürəkkəb əlaqələr sistemi qurmuş insanlardır.
Doğrudan da «insan amili», onun təsiri və marağı, tələbi və təklifi, ideya və əməlləri
olmadan heç bir iqtisadiyyat formalaşıb inkişaf edə bilməz.
Cəmiyyət miqyasında iqtisadiyyatı hərtərəfli öyrənib dərk etmək baxımından, onu –
mikroiqtisadiyyat,
mezoiqtisadiyyat,
makroiqtisadiyyat
və
meqoiqtisadiyyat
(interiqtisadiyyat) səviyyələrində öyrənmək mümkündür. Müəyyən qeyd-şərtlərlə bu bölgü,
demək olar ki, bütün dünyada qəbul olunmuşdur.
Mikroiqtisadiyyat istehsal və xidmət dairəsi müəssisələrinin, şirkətlərinin
fəaliyyətinin öyrənilməsi, təhlil olunması, təşkili və idarəedilməsi məsələləri ilə məşğul olur.
İstehsalın və xidmət dairəsinin ən aşağı, ilkin səviyyədə öyrənilməsi mühüm
əhəmiyyət kəsb edir. Çünki konkret müəssisə timsalında istehsal və xidmət dairəsinin
özünəməxsus cəhətlərini öyrənib təhlil etmədən, sahə və iqtisadi sistem miqyasında müxtəlif
problemləri həll etmək çətindir.
Hər hansı bir ölkə iqtisadiyyatının özəyini təşkil edən müəssisə, şirkət, bankların
timsalında istehsal, habelə xidmət dairəsi obyektləri daha az xərclərlə yüksək keyfıyyətli,
bazarın dəyişən tələblərinə cavab verən məhsul buraxılışına çalışırlar. Ona görə də
mikroiqtisadi səciyyədə tələb, təklif, istehsal xərcləri, qiymət, rəqabət, mənfəət, əmək haqqı,
investisiya problemlərinə ciddi diqqət yetirilərək, bu proseslərin daha səmərəli variantları
axtarılır.
Mezoiqtisadiyyat – ölkənin təsərrüfat həyatının bir-biriylə qarşılıqlı, yaxud üzvi
surətdə bağlı sahələrinin kompleksidir. Mezoiqtisadiyyatın maddi əsasını ictimai əmək
bölgüsü və istehsalın kooperativləşdirilməsi təşkil edir.
Aqrar-sənaye kompleksi (aqro-biznes), hərbi-sənaye kompleksi, infrastruktura (xidmət
dairəsi) buna misal ola bilər. Həmin sahələrin fəaliyyət xüsusiyyətləri elədir ki, aqrar-sənaye
kompleksində kənd təsərrüfatı ilə emal sənaye sahələrinin və bəzi istehsal vasitələri istehsal
edən sənaye sahələrinin üzvi əlaqəliliyi nəzərdə tutulur. Hərbi-sənaye kompleksində həm
hərbi, həm də mülki istehsal sahələrinin, infrastruktura (servis) dairəsində isə müxtəlif
təyinatlı xidmətlərin qarşılıqlı əlaqəsi bir-birini tamamlamalıdır.
İqtisadi nəzəriyyə
ECONOMICS
17
Makroiqtisadiyyat – ölkənin milli iqtisadiyyatını bütövlükdə təhlil etmək və bunun
əsasında ümumiləşdirici iqtisadi göstəricilərin müəyyənləşdirilməsidir. Makroiqtisadi
səviyyədə cəmiyyətin və milli iqtisadiyyatın ümumi daxili məhsulunun (UDM) həcmi, onun
artım tempi, məşğulluğun təmin edilməsi, pul-kredit siyasətinin tənzimlənməsi, inflyasiya
problemi, dövlətin iqtisadiyyatı idarə etməsi, ölkənin təbii sərvətlərinin qorunub saxlanması,
əmtəələr istehsalı və əhaliyə müxtəlif xidmətlər göstərilməsinin optimal nisbətinin
gözlənilməsi kimi məsələlər araşdırılıb həll edilir.
Meqoiqtisadiyyat dedikdə, bu anlayış altında bütövlükdə dünya təsərrüfat sistemi və
milli iqtisadiyyatların qarışıqlı əlaqəsi, habelə inteqrasiyası əsasında beynəlxalq miqyasda
(interiqtisadiyyat) başa düşülür. İqtisad elminin bir hissəsi kimi meqoiqtisadiyyat dünya
təsərrüfat həyatının ümumi inkişaf meylləri, dünya ticarəti, kapitalın beynəlxalq hərəkəti, iş
qüvvəsinin axını, beynəlxalq valyuta sistemi, tədiyyə (ödəniş) balansı, iqtisadi inteqrasiya ilə
bağlı problemlərlə məşğul olur. Müasir dövrdə vahid dünya təsərrüfat sisteminin
formalaşdığı bir şəraitdə, iqtisad elminin bu hissələri arasında daha sıx və qarşılıqlı təsir
əlaqəsi vardır.
1.4. Tanınmış ingilis iqtisadçısı C.M.Keyns vaxtilə yazmışdı ki, «iqtisadiyyatın
öyrənilməsi yüksək səviyyəli xüsusi qabiliyyətin olmasını tələb etməsə də, lakin çox az adam
bu sahədəki əla biliyi ilə fərqlənə bilər. Buna səbəb, iqtisadçıda bir neçə qabiliyyətin nadir
sürətdə birləşməsi zəruriliyidir. İqtisadçı müəyyən qədər riyaziyyatçı, tarixçi, filosof və
dövlət adamı olmalıdır. O, simvolları başa düşməli və öz fikirlərini sözlə ifadə etməyi
bacarmalıdır. İqtisadçı detallara ümumi cəhətdən yanaşmalı və eyni bir məsələyə həm
abstrakt (mücərrəd), həm də konkret tərəfdən toxunmalıdır. O, bugünu keçmişin işığında
gələcək məqsədlər üçün öyrənməli, nəzərindən heç nəyi qaçırmamalıdır. İqtisadçı
məqsədyönlü olmalıdır və kimlərinsə əhval-ruhiyyəsinə uyğun olaraq dəyişməməlidir. O, əsl
sənətkar kimi yüksəkdə dayanmalı, təmiz olmalıdır. İqtisadçı cəmiyyətin problemlərini təhlil
etdikdə alim kimi hərəkət etməli, həmin məsələlərin həyata kecirilməsində isə siyasətçi
olmalıdır.»
Bu müdrik məsləhətlər və yüksək məsuliyyət baxımından, müasir inteqrasiya,
qloballaşma prosesləri, eyni zamanda vahid dünya təsərüffat sisteminin formalaşdığı bir
şəraitdə bəşəriyyətin (cəmiyyətin) sərvətlərinin mədudluğu, təlabatların isə sonsuzluğu
realığında son iqtisadi-sosial effektliyə (faydalılığa, səmərəliliyə) nail olmaq üçün iqtisadi
nəzəriyyənin (Economicsin) 10 prinsipinə əməl olunmasını irəli sürür. Həmin prinsiplər
aşağıdakılardan ibarətdir;
A. İnsanlar qərarları necə qəbul edirlər:
I. İnsanlar seçimlərlə üzləşillər.
II. Bir şeyin dəyəri, onu əldə etmək üçün imtina olunmalarla ölçülür.
III. Rasional insanlar marjinal faydanı düşünürlər.
IV. İnsanlar stimullara cavab verirlər.
B. İnsanlar arasındakı münasibətlər:
V. Ticarət hər kəs ücün faydalı ola bilər.
VI. Bazarlar iqtisadi fəaliyyətin təşkili üçün yaxşı vasitədir.
VII. Dövlətlər bazar fəaliyyətinin nəticələrini yaxşılaşdıra bilərlər.
C. Bütövlükdə iqtisadiyyat necə dəyişir.
Dostları ilə paylaş: |