İqtisadi nəzəriyyə
ECONOMICS
8
«məhsuldar təbəqə» hesab etdikləri əkinçilərə və onların becərdikləri torpağa, habelə
ümumiyyətlə kənd təsərrüfatının inkişafına yönəldilməlidir.
Klassik siyasi iqtisad məktəbi U.Petti, A.Smit və D.Rikardonun adları ilə bağlıdır.
Kapitalist münasibətlərinin sürətlə inkişaf etdiyi İngiltərədə formalaşmış bu məktəbin
baniləri və sonrakı nümayəndələri kapitalist, yaxud azad sahibkarlıq cəmiyyətinin təsərrüfat
həyatını bütöv bir tam (system) halında təhlil etmişlər. Onlar sərbəst bazar münasibətləri
iqtisadi nəzəriyyəsini yaratmışdılar. U.Pettinin «sərvətin atası əmək, anası isə torpaqdır»
fikri, bu məktəbin ən mühüm xidməti sayılan əmək dəyər nəzəriyyəsinin yığcam ifadəsidir.
A.Smit «Xalqlar sərvətinin təbiəti və səbəbləri haqqında tədqiqat» (1776) əsəsrində
insanların iqtisadi marağı, onların sərbəstliyi, bazarda rəqabətə geniş yol verilməsi
prinsiplərini irəli sürərək yazırdı ki, bazarı «görünməz əl» (tələb, təklif, qiymət, rəqabət
mənasında) idarə edir. Çunki insan öz ətrafındakıların daimi yardımına ehtiyac duyduğu
halda, bu yardımı yalnız onların xeyirxahlığında axtarması əbəsdir. A.Smitin fikrincə, bizim
naharımız qəssabın və ya çörəkçinin xeyirxahlığından deyil, onların öz maraqlarına uyğun
peşə-sənət məşğuliyyətləri (əmək fəaliyyətləri) ilə bağlıdır. Doğrudur, «hər bir fərd ictimai
mənafeyi qorumaq niyyətində olmadığı kimi, onu nə dərəcədə güddüyünü də bilmir. O
yalnız öz mənfəətini düşünür və bunu edərkən, arzulamadığı (nəzərdə tutmadığı) məqsədlərə
doğru bazarın «gözəgörünməz əli» tərəfindən idarə olunur». Ona görə də dövlətin vəzifəsi
bazarın işinə qarışmaq yox, onun normal təsərrüfat fəaliyyəti üçün əlverişli şərait yaratmaq,
ölkə vətandaşlarının həyatını, azadlığını və iqtisadi sərbəstliyini qorumaqdır. A.Smit ölkənin
sərvətinin və milli gəlirinin artırılmasını, istehsalda çalışmaların sayı, habelə onların əmək
məhsuldarlığı, peşə-sənət bacarığı qabiliyyəti kimi iki əsas amillə əlaqələndirmişdi.
D.Rikardonun «Siyasi iqtisadın və vergi qoyulmasının əsasları» (1817) əsərində
A.Smitin insanların şəxsi maraq, fayda əldə etmək, bazarda sərbəst rəqabət haqqında fikirləri
daha da genişləndirilib inkişaf etdirilmişdir. O, iqtisadi nəzəriyyənin pul, onun tədavülü,
kredit münasibətləri, vergi məsələlərinə dair elmi-nəzəri, habelə konkret əməli fikirlər
söyləmiş, beynəlxalq əmək bölgüsü və dünya ticarət əlaqələrinə, xüsusliə bu münasibətlərdə
A.Simitin «mütləq üstünlüklər» nəzəriyyəsinin davamı kimi özünün «müqayisəli
üstünlüklər» konsepsiyasını işləyib hazırlamışdır.
Marksist məktəb K.Marks (1818-1883) və F.Engelsin (1820-1895) adı, habelə
dünyanın müxtəlif ölkələrində bu təlimin davamçılarının inqilabı fəaliyyətləri ilə bağlıdır.
Ümumiyyətlə marksizim nəzəriyyəsinin və onun iqtisadi ideyalarının yaranması, XIX əsrin
30-40-ci illərindən başlayaraq Qərbi Avropa ölkələrində, ilk növbədə isə İngiltərədə iri
maşınlı sənayenin inkişafı, cəmiyyətin kapitalistlərə və proletariata (fəhlələrə) bölünməsi, bu
siniflər arasında iqtisadı-siyasi mübarizəsinin kəskinləşməsi, gələcəkdə daha ədalətli bir
quruluş (sosializm-komminizm cəmiyyəti) formalaşması zəruriliyinə əsaslanmışdı.
Marksist məktəbin nümayəndələri yeni formalaşan fəhlə sinifini «kapitalizmin
qəbirqazanı» adlandıraraq, onun tez-gec cəmiyyətdə hakimiyyəti əlinə alacağını elmi-nəzəri
cəhətdən əsaslandırıb, sübut etməyə calışmışlar. Onların fikrincə, yeni qurulacaq cəmiyyətdə
xüsusi mülkiyyət ləğv ediləcək, istehsal vasitələri üzərində ictimai mülkiyyət bərqərar
olacaq, rəqabət mübarizəsi aradan qaldırılacaq, işsizlik olmayacaq, ədalətli bölgü prinsipi
həyata keciriləcəkdir.
K.Marks və F.Engelsin «Kapital», «Anti-Düring», «Təbiətin dialektikası», «Ailənin,
xüsusi mülkiyyətin və dövlətin mənşəyi», «İngiltərədə fəhlə sinifinin vəziyyəti» kimi
İqtisadi nəzəriyyə
ECONOMICS
9
əsərlərində, kapitalizm cəmiyyətinin əsas iqtisadi qanununun izafi dəyər olduğu ideyası irəli
sürülmüşdü. Bu qanun marksist iqtisadi təlimin «təməl daşı» adlandırılaraq, kapitalistlərin
bütün sərvətinin mənbəyinin fəhlənin haqqı ödənilməmiş izafi əməyinin olduğu ideyası
əsaslandırılmışdı.
Rusiyada 1917-ci ildə maksizim ideyaları əsasında qurulan bolşevik rejiminin 74 il
davam etdikdən sonra dağılması, marksist iqtisadi təlimin müasir dövrün tələblərinə uyğun
gəlmədiyini sübut etdi.
Müxtəlif iqtisadi nəzəriyyə məktəblərinin elmi təhlili, tənqidi qiymətləndirilməsi və
sintezi təməlində, onun aşağıdakı müasir istiqamətləri formalaşmışdır: a) neoklassik; b)
keynsçilik; c) institusional-sosioloji.
Neoklassik istiqamət, iqtisadi təlimlər tarixində XIX əsrdə meydana çıxaraq, marksist
ideyalarin əleyhinə çevrilmişdir. Bu istiqamətin tərafdarları bazar sərbəstliyinə üstünlük
vermiş, cəmiyyətin təsərrüfat həyatında rast gəlinən tələblə təklifin hər cür təsadüfləri
tədricən tarazlaya biləcəyini əsaslandırmağa çalışmışlar. Onlar dövlətin ölkənin təsərüfat
həyatında rolunun məhdudlaşdırılmasına tərəfdar olmuşlar.
Bu yeni iqtisadi nəzəri istiqamətin formalaşmasinda marjinalist (faydalılıq) ideyası və
bu mövqeyin C.Hossen, K.Menger, S.Cevons, F.Vizer, L.Valras, V.Pareto kimi
nümayəndələri mühüm rol oynamışlar. Klassik və marksist iqtisadi məktəblərdən fərqli
olaraq, marjinstlər əmtəə-xidmətlərin dəyərinin (qiymətinin) onların istehsalına sərf olunmuş
əməklə deyil, həmin məhsulun-xidmətin alıcı (istehlakçı) üçün faydalılığı ilə ölçüldüyünü
irəli sürmüşlər.
Neoklassik istiqamətin formalaşmasında ingilis iqtisadçısı Alfred Marşall (1842-1924)
həlledici rol oynamışdır. O, 1890-cı ildə nəşr olunmuş «İqtisad eliminin – economicsin
prinsipləri» əsərində, iqtisad elmindəki müxtəlif mövqeləri əlaqələndirərək vahid bir
konsepsiya yaratmağa çalışmış və «siyasi iqtisad» terminini, «iqtisad (economics)» kimi
işlətmişdir. A.Marşall elastiklik, tarazlı qiymət anlayışını elmi-nəzəri dövriyəyə daxil etmiş,
təklif qiymətini klassik mövqedən, tələb qiymətini isə marjinalist mövqedən
müəyyənləşdirməyi irəli sürmüşdü. Tələbin qiymətlə tərs, təklifin isə düz nisbətdə olduğunu
qeyd edən müəllif, dövlətin bazar mexanizmi (tələb, təklif, qiymət, rəqabət) fəaliyyətinə
yersiz qarışmasının əlehinə olmuşdu.
Bu istiqamətin neoliberalizm cərəyanı L.Mizens, F.Hayek, J.Şumpeter, V.Oyken,
C.Klark, A.Rostau; monetarism cərəyanı M.Fridmen və onun tərəfdarlarının adları ilə
baglıdır.
Keyniscilik istiqaməti iqtisadi elimdə XX əsrin 30-cu illərində, 1929-1933-cü illərdəki
dünya iqtisadi böhranı şəraitində meydana çıxmış elmi-nəzəri təlim olub, ingilis iqtisadçısı
Con Meynard Keynsin (1883-1946) adı ilə bağlıdır. O illərdə sərbəst bazar münasibətləri
iqtisadi sisteminin «özünü tənzimləyə bilməsi» haqqında neoklassik ideyalar yaranmış
böhranın əsl səbəblərini izah edə bilmir və ən başlıcası isə ondan çıxış yollarını tapa bilmirdi.
Belə bir tarixi şəraitdə C.M.Keyns «iqtisadiyyatın dövlət tənzimlənməsi»
konsepsiyasını irəli sürüb əsaslandırmışdı. İqtisadiyyatda baş verən yeni proseslər və
perspektiv meyillərə dair keynsçi ideyalar, onun «Məşğulluğun, faizin və pulun ümumi
nəzəriyyəsi» (1936) kitabında hərtərəfli təhlil olunmuşdur. O göstərirdi ki, daxili-xarici
təsərrüfat əlaqələrinin mürəkkəbləşdiyi bir şəraitdə sərbəst bazar vasitəsiylə məşqulluq,
maliyyə resurslarından səmərəli istifadə, iqtisadiyyatın dinamik inkişafını təmin etmək
Dostları ilə paylaş: |